Российские паспорта, архивное фото

Шаҳрвандони Тоҷикистон дар бораи душаҳрвандӣ ба ФР иттилоъ диҳанд?

23
(Таҷдидшуда 13:33 22.12.2014)
Тоҷикистон “Созишнома дар бораи душаҳрвандӣ бо Русия”-ро 7 сентябри соли 1995 ба тасвиб расонд. Шаҳрвандони ҶТ, ки хоҳиши доштани шаҳрвандии Русияро доранд, бояд дар баробари шиносномаи Тоҷикистон шиносномаи шаҳрвандии Русияро низ доро бошанд.

ДУШАНБЕ, 22 дек — Sputnik. Думаи давлатӣ масъалаи "оё шаҳрвандони Тоҷикистон дар бораи доштани шаҳрвандии дуввум  иттилоъ диҳанд ва ё не"-ро ба баррасӣ гирифтаанд. Ҳоло тасмими ниҳоӣ гирифта нашудааст, аммо дар ин бора мақомоти салоҳиятдор бояд иттилоъ пайдо намоянд, менависад Тojnews.

"Огоҳнома дар бораи душаҳрвандиро дар ҳама нуқтаҳои Почтаи Русия хонапурӣ кардан мумкин аст. Дар он ҷо ба шумо санадеро медиҳанд ва пас аз пур кардан он ба корманди масъул супорида мешавад. Талони буридашударо нигоҳ доштан зарур аст, то мавриди муҷозот қарор нагиред",- менависад манбаъ дар такя ба суханони Владислав Маркевич, роҳбари намояндагии ХФМ Русия дар ҶТ.

Сарвари намояндагии ХФМ дар ҶТ афзуд, на Русия ва на Тоҷикистон дар ҳоли ҳозир аз Созишномаи дуҷонибаи эътирофи душаҳрвандӣ даст накашидаанд.

"Ин санад ҳамчунон қувваи қонунӣ хоҳад дошт ва ба таври худкор (автоматӣ) то замоне, ки яке аз ҷонибҳо аз он худдорӣ наварзад, тамдид мегардад. Туркманистон дар бораи лағви он эълом дошт, мутаносибан аз моҳи марти соли оянда созишнома бекор хоҳад шуд",-гуфтааст оқои Маркевич.

Тибқи иттилои расмии ХФМ-и Русия шурӯъ аз соли 1995 то имрӯз беш аз 5 миллион нафар хориҷиён табааи Русияро соҳиб гардидаанд. Миёни ин теъдод 300 ҳазор шаҳрванди Тоҷикистон низ ҳаст, аммо дақиқ нест, ки чӣ шуморе аз онҳо аз шаҳрвандии аввал даст кашидаанд ва чӣ қадар ҳар ду шиносномаро ҳифз намудаанд.

23
Барчаспҳо:
тамдид, худдорӣ, табаа, душаҳрвандӣ, намояндагии ХФМ, Думаи давлатӣ, ХФМ, Владислав Маркевич, Туркманистон, Русия, Тоҷикистон
День 27 февраля нац

Ҷашнҳои рӯзи 27 феврал дар Тоҷикистон ва ҷаҳон

74
(Таҷдидшуда 22:02 27.02.2021)
Рӯзи бисту ҳафтуми феврал дар Русия аз Рӯзи қувваҳои амалиёти махсус ҷашнг гирифта мешавад. Ҳамчунин дар ин рӯз Доминикан истиқлолияти худро эълон намудаст

Рӯзи 27 феврал дар ҷаҳон чӣ рух дод

Соли 1844 истиқлолияти Ҷумҳурии Доминикан эълон карда шуд.

Соли  1900 дастаи футболи "Бавария" таъсис дода шуд.

Соли 1974  дар Ню-Йорк аввалин шумораи маҷаллаи "People" бо теъдоди 1 миллион нусха аз чоп баромад, ки дар бораи ҳаёт ва фаъолияти ситораҳои санъат нақл мекард.

Рӯзи 27 феврал дар Тоҷикистон чӣ рух дод

Соли 2000 интихоботи палатаи поёнии Парлумони Тоҷикистон баргузор гардид.

Эмблема Центральной комиссии по выборам и референдумам  Республики Таджикистан
© Sputnik Амир Исаев
Эмблема Центральной избирательной комиссии Республики Таджикистан

Соли 2009 дар шаҳри Душанбе миёни Донишгоҳи (славянии) Русияву Тоҷикистон ва Донишкадаи давлатии забони русии ба номи А. С. Пушкин шартномаи ҳамкорӣ ба имзо расид.

Соли 2010 дар шаҳри Коломбои Шри-Ланка барои мақоми сеюми мусобиқаи Ҷоми даъватии КФО миёни дастаҳои Тоҷикистон ва Мянма бозии футбол баргузор гардид.

Соли 2013 палатаи поёнии Парлумони Тоҷикистон лоиҳаи Қонуни ҶТ  "Дар бораи гаравхона (ломбард)"-ро қабул намуд.

День 25 февраля нац
© Sputnik/ Стас Этвеш/ Мария Вишнякова

Соли 2014 дар Маркази тадқиқоти стратегии назди Президенти Ҷумҳурии Тоҷикистон дар мавзӯи "Рушди минтақаҳо" Симпозиуми байналмилалӣ баргузор гардид.

Соли 2015 Барномаи рушди Китобхонаи миллии Тоҷикистон барои солҳои 2015-2020 тасдиқ карда шуд.

Соли 2017 баъди анҷоми музокироти байнидавлатии Президенти Ҷумҳурии Тоҷикистон Эмомалӣ Раҳмон ва Президенти Федератсияи Русия Владимир Путин миёни Ҳукумати Ҷумҳурии Тоҷикистон ва Ҳукумати Федератсияи Россия оид ба ҳамкорӣ дар соҳаи истифодаи энергияи атомии сулҳҷӯёна Созишнома ба имзо расид.

Ҷашнҳои рӯзи 27 феврал

  • Дар Русия – Рӯзи қувваҳои амалиёти махсус.

Рӯзи 27 феврал кӣ ба дунё омадааст

Соли 1933 - ходими намоёни фарҳанги Тоҷикистон Абдураҳмон Раҳимов.

Соли 1941 - доктори илмҳои филологӣ, профессор, ходими давлатӣ Абдунабӣ Сатторзода.

Соли 1963 – шоира Гули Зард

74
Барчаспҳо:
ҷашн, ҷаҳон, Тоҷикистон
Пункт пропуска на границе, архивное фото

Мулоқоти маҷозии Нозирӣ бо Арзиев: марзи Тоҷикистону Ӯзбекистон боз мешавад?

2491
(Таҷдидшуда 20:29 26.02.2021)
Муовинони якуми вазирони корҳои хориҷии Тоҷикистон ва Ӯзбекистон зимни як конфронси видеоӣ ҳамкориҳои ду кишварро баррасӣ карданд

ДУШАНБЕ, 26 фев - Sputnik. Намояндагони вазоратҳои корҳои хориҷии Тоҷикистон ва Ӯзбекистон музокироти маҷозӣ гузаронданд, хабар медиҳад котиботи Вазорати умури хориҷаи Тоҷикистон.

Ба иттилои манбаъ, муовини якуми вазири корҳои хориҷии Тоҷикистон Хусрав Нозирӣ бо ҳамтои худ, муовини аввали вазири корҳои хориҷии Ӯзбекистон Фарҳод Арзиев мулоқот кард.

Дар ҷараёни мулоқот ҷонибҳо масъалаҳои ҳамкориҳои Тоҷикистону Ӯзбекистонро дар соҳаҳои сиёсӣ, тиҷоративу иқтисодӣ ва фарҳангию гуманитарӣ баррасӣ карданд.

Намояндагони шӯъбаҳои дипломатӣ инчунин оид ба ҳамкориҳои ду кишвар дар доираи созмонҳои байналмилалӣ ва минтақавӣ мубодилаи афкор карданд.

Қобили зикр аст, ки донишҷӯён аз 17 феврал иҷозаи убур аз марзи байни Ӯзбекистон ва Тоҷикистонро дарёфт карданд.

Қаблан донишҷӯёни ӯзбекистонӣ танҳо ба воситаи нуқтаҳои наздисарҳадии "Сариосиё", "Ойбек" ва "Сарбанд" вориди Тоҷикистон мешуданд. Мушаххас карда нашудааст, ки оё донишҷӯёни тоҷик аз ин гузаргоҳ ба Ӯзбекистон гузашта метавонанд ё не.

Чаро садҳо ронандаи худравҳои боркаш дар марзи Тоҷикистону Ӯзбекистон дар мондаанд?

Ёдовар мешавем, ки қабл аз ин гузаргоҳи "Ҷартепа" барои интиқоли колоҳо боз шуда буд. Аз моҳи январ мошинҳои боркаш метавонистанд аз он убур кунанд, аммо барои афрод убур ғайриимкон буд.

Бисёре аз гузаргоҳҳо дар замони пандемия баста шуда буданд. Бо мурури муътадил шудани вазъи эпидемиологӣ рафтуомади одамон миёни кишварҳо дубора барқарор шуда истодааст.

2491
Барчаспҳо:
марз, Ӯзбекистон, Тоҷикистон
 Врач разговаривает с пациентом

Ӯзбекистон сохтмони як беморхонаро дар Тоҷикистон ба анҷом расонид

0
(Таҷдидшуда 10:52 28.02.2021)
Узбакистон ҳамчунин дар моҳи сентябри соли 2020 сохти як мактаб барои 630 донишомӯзро дар ноҳияи Спитамени Тоҷикистон ба поён расонд.

 ДУШАНБЕ, 28 фев – Sputnik. Бемористони сохти Ӯзбекистон дар ноҳияи Қубодиёни вилояти Хатлон омодаи пазириши беморон, аз ҷумла афроди мубтало ба Ковиди 19 шуд.

Сохти ин бемористон соли 2018 бо ҳазинаи ҳукумати Узбакистон оғоз шуда буд.

Ин бемористон 200 тахти хоби муҷаҳҳаз бо таҷҳизоти пешрафтаи ташхиси вируси корона мебошад, ки дар Тоҷикистон беназир аст.

Ин таҷҳизот дар кӯтоҳтарин замони мумкин беморони мубтало ба вируси коронаро мушаххас мекунад.

Ӯзбекистон ҳамчунин дар моҳи сентябри соли 2020 сохти як мадраса барои 630 донишомӯзро дар ноҳияи Спитамени Тоҷикистон ба поён расонд.

Бар асоси тавофуқи дуҷониба Тоҷикистон низ бояд як мактаб барои 640 донишомӯз дар вилояти Самарқанд ва як боғчаи бачагон дар вилояти Фарғонаи Ӯзбекистон бисозад, ки ба далели густариши вируси корона ин ду нақша ҳанӯз такмил нашудааст.

0