Кошка. Архивное фото

Барои сагу гурба дар Русия андоз ҷорӣ карданианд

18
(Таҷдидшуда 14:32 25.12.2014)
Маҷлиси шаҳри Санкт-Петербург бо ташаббуси қонунгузорӣ дар бораи ҷорӣ кардани андоз аз ҳайвоноти хонагӣ пешниҳод намудааст. Маблағи ҷамъшуда бозпас барои нигоҳубини дигар ҳайвонот ироа мегардад.

ДУШАНБЕ, 25 дек — Sputnik. Қонунгузории маҷлиси шаҳри Санкт-Петербург пешнависи қонун дар бораи ҷорӣ кардани андоз аз сагу гурбаро дар ҳаҷми 1 ҳазор рубл барои ҳар сари ҳайвонот ба Думаи давлатӣ ироа кардааст, иттилоъ медиҳад РИА Новости.

Агар саг ахта шуда бошад, андоз то 100 рубл коҳиш меёбад, навишта шудааст дар зершарҳи лоиҳаи қонуни мазкур.

Тибқи иттилоъ барои солҳои 2011-2012 ба 4,9 миллион нафар дар Санкт-Петербург 107 сагу гурбаи расман номнависшуда ва 37 ҳазор қайднашуда  рост меояд. Ба навиштаи манбаъ, дар пойтахти шимолии Русия 300 ҳазор саг ва 1 миллион гурбаи сабтиномнашуда вуҷуд дорад. Аз ин шумора на бештар аз 10 % —и ҳайвонот ахта шудаасту бас.

Дар маҷмӯъ, дар Русия, ба қавли вакилони парлумони Санкт-Петербург  8,5 миллион саг ва 28 миллион гурба вуҷуд дорад. Дар сурати қабули қонуни мазкур буҷаи кишвар соҳиби  7,7 миллиард  рубли иловагӣ хоҳад шуд, омадааст дар шарҳи пешнависи лоиҳаи қонун.

Тарҳи қонун инчунин тарзи нигоҳубин, сабти ном, вақти сайру гашти ҳайвонот ва дигар ҷузъиётро низ баррасӣ кардааст.

Масалан, барои сайру гашти саг бе ришта ва ҳимояткунда (намордник) ҷарима дар ҳаҷми аз 2 то 4 ҳазор рубл пешбинӣ мешавад. Инчунин, бар тибқи лоиҳаи қонуни мазкур кӯдакон наметавонанд сагро бе волидайнашон ба кӯча бароранд.

 

18
Барчаспҳо:
сагу гурба, андоз, ҷарима, Маҷлиси шаҳри Санкт-Петербург, Думаи давлатӣ, Санкт-Петербург
Связка ключей от квартир многоэтажного жилого дома, архивное фото

Баъди 20 соли бехонагӣ: соҳибкорон ба Ҷонаковҳо аз номи Президент хона доданд

1020
Оилаи Ҷонаковҳо баъди 20 соли бехонагӣ, ахиран дар шаҳри Леваканти вилояти Хатлон соҳиби манзили дуҳуҷрагӣ гардидаанд

ДУШАНБЕ, 27 сен — Sputnik. Оилаи Ҷонаковҳо, ки панҷ фарзанд доранд, аз сабаби бехонагӣ тайи 20 сол дар нуқтаҳои сузишворӣ, вагонҳои хоҷагии деҳқонӣ ва ба ин монанд дар бошишгоҳи саҳроӣ бо азобу машаққати зиёд зиндагӣ мекарданд, навиштааст сомонаи "Фараж".

Манбаъ хабар дод, ки зимни сафари ахири Эмомалӣ Раҳмон, раисиҷумҳури Тоҷикистон, ба шаҳри Левакант аз номи роҳбари давлат ба Ҷонаковҳо калиди хонаи дуҳуҷрагӣ дода шуд. Ин хонаро ба оилаи Ҷонаковҳо соҳибкорони хайрхоҳи вилояти Хатлон туҳфа карданд, илова намудаст нашрия.

Муҳаббат Ҷонакова, модари хонадон ба “Фараж”  гуфтааст, ҳеҷ бовар надошт, ки баъди солҳои зиёди сарсониву саргардонӣ дар вагонҳои вайрона ва бошишгоҳи саҳроӣ соҳиби манзили зист ва замин мешавад.

Зикр шудааст, ки инчунин раиси ноҳияи Кӯшониён, Вализода Икромиддин дар ҳудуди ҷамоати шаҳраки Бохтариёни ноҳия барои Ҷонаковҳо 0,05 га замини наздиҳавлигӣ ҷудо карда, ҳуҷҷатҳои замин низ бо супориши раиси ноҳия барои онҳо ройгон омода гардидаанд.

1020
Барчаспҳо:
кумак, хона, Тоҷикистон
Ожирение, архивное фото

Олимон: чарби шикам ҳатто дар вазни муқаррарӣ, хатари марги бармаҳалро зиёд мекунад

582
(Таҷдидшуда 15:58 27.09.2020)
Олимон пас аз анҷоми таҳқиқоти илмияшон ба чунин хулоса омаданд, ки чарби шикам одамро ба марги бармаҳал наздик меорад

ДУШАНБЕ, 27 сен — Sputnik. Чарби шикам ҳатто дар сурати доштани вазни муқаррарӣ, одамро ба марги бармаҳал "тела" мекунад, менависад MedicalXpress бо такя ба маълумоти олимони эрониву канадагӣ.

Мутахассисони ин ду кишвар дасти кам 72 кори илмиро омӯхтанд, ки муносибати фарбеҳии шикам (вақте ки чарб маҳз дар шикам пайдо мешавад) ва фавт аз сабабҳои гуногунро тафтиш карданд. Онҳо инчунин нишондиҳандаҳои солимии зиёда аз 2,5 миллион ихтиёриёнро дар тӯли аз се то 24 сол санҷиданд.

ВКД Тоҷикистон аз кормандон талаб кард, ки аз фарбеҳӣ халос шаванд

Коршиносон ба даври камар ва миён, таносуби онҳо, фоизи равғани бадан ва параметрҳои дигар таваҷҷӯҳ зоҳир карданд.

Маълум шуд, одамоне, ки чарб на дар миён, балки маҳз дар шикам доранд, эҳтимолан барвақтар мемиранд.

Гуфта мешавад, ҳар 10 сантиметр чарбе, ки дар шикам ҷамъ меояд, хавфи наздикшавӣ ба маргро ба андозаи 11 дарсад зиёд мекунад.

582
Барчаспҳо:
марг, фарбеҳӣ, олимон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1782
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1782