Умарали Кувватов. Архивное фото

Ҳамсари Қувватов аз СММ кӯмак мехоҳад

14
(Таҷдидшуда 14:38 06.01.2015)
Ба гуфти ӯ, дар сурати истирдоди Қувватов ва ёронаш ба Тоҷикистон онҳоро ҷисман аз байн хоҳанд бурд. Ба ин далел аз созмонҳои байналмилалӣ хостааст, то дар раҳоии ин “маҳбусони сиёсӣ” мусоидат кунанд.

ДУШАНБЕ, 6 янв — Sputnik. Ҳамсари Умаралӣ Қувватов, раҳбари "Гурӯҳи 24"  дар як номаи саркушода ба Созмони Милали Муттаҳид, Салиби Сурх, Афви байналмилалӣ ва созмони ҳуқуқи башари Туркия хостори мусоидат ба раҳоии Қувватов ва ёрони ӯ аз боздошт дар Туркия шудааст, иттилоъ медиҳад радиои Озодӣ.

Ба қавли манбаъ, ин нома, ки рӯзи 3 январ дар саҳифаи Қумринисо Ҳафизова дар шабакаи Фейсбук бо забонҳои тоҷикию русӣ ва англисӣ нашр шудааст, гуфта мешавад, ки ӯ бо 5 фарзанди кӯчакаш соли сеюм аст, ки дар муҳоҷират ба сар мебарад.

"Азбаски шавҳари ман солҳост алайҳи ҳукумат харф мезанад ва ситамкорию худкомагии ҳукуматро маҳкум мекунад, аз тарафи президенти Тоҷикистон — Эмомалӣ Раҳмон ва наздикони ӯ ба пайгарди байналмилалӣ (Интерпол) пешниҳод шуда ва соли 2013-ум дар Дубай дастгир шуда буд ва додгоҳи олии шаҳри Дубай бегуноҳии ӯро тасдиқ карда, тамоми парвандаҳои сохтаи ҳукумати Тоҷикистонро рад карда, ӯро озод намуд",- менависад ҳамсари Қувватов.

Хонум Ҳафизова дар идомаи нома ба сарнавишти шавҳараш Умаралӣ Қувватов ва 3 тан аз пайравони ӯ  пардохтааст, ки аз 19 декабр дар боздоштгоҳи шаҳри Истамбули Туркия қарор доранд ва то ҳол ҳукумати Туркия барои раҳоӣ ва ё пазируфтани эшон ҳамчун паноҳандаи сиёсӣ қароре набароварда аст. Қумринисо Ҳафизова қабл аз соли нав дар номае аз раисиҷумҳури Туркия Раҷаб Таййиб Эрдуғон низ хостори мусоидат ба раҳоии шавҳараш шуда буд.

 Умаралӣ Қувватов ва 3 тан аз ёрони ӯ — Ҳусейн Ашӯров (соли таваллудаш 1981), Сӯҳроб Тӯраев (соли таваллудаш 1978) ва Абдурашид Ҳомидов (соли таваллудаш 1989) — рӯзи 19 декабри соли 2014 аз манзиле дар шаҳри Истамбули Туркия дастгир шуданд. Ибтидо гуфта мешуд, ки боздошти онҳо бо дархости мақомоти Тоҷикистон сурат гирифтааст. Вале мақомоти ин кишвар мегӯянд, ки Қувватов ва ҳамроҳонаш зоҳиран ба далели нақзи қоидаҳои иқомат дар Туркия дастгир шудаанд, на бо дархости расмии Душанбе.

Умаралӣ Қувватов, ки дар гузашта ширкатҳои "Фароз" ва Тоҷирон"-ро раҳбарӣ мекард, дар тобистони соли 2012, баъди барканориаш аз ин ду ширкат тарки Тоҷикистон кард ва дар Маскав созмонеро бо номи "Гурӯҳи 24" таъсис дод. Ӯ бо танқиди зиёд дар расонаҳои хабарӣ ва бахусус дар шабакаҳои иҷтимоӣ ҳукумати Тоҷикистонро асабонӣ кард ва моҳи декабри соли 2012 бо дархости ҳукумат дар Дубай боздошт шуд, вале дар моҳи сентябри соли 2013 ӯро раҳо карданд.

Исми Қувватов бори дигар дар тирамоҳи соли 2014, дар пайи даъватҳо ба як гирдиҳамоии эътирозӣ дар маркази Душанбе  дар таърихи 10 октябр вирди забонҳо шуд. Ин даъват мақомотро водор кард, ки чораҳои амниятиро дар атрофи пойтахт бо сафарбар кардани ҳатто мошинҳои зиреҳпӯш тақвият бахшанд. Додгоҳи олии Тоҷикистон рӯзи 9 октябр "Гурӯҳи 24"-ро созмони экстремистӣ эълон кард ва фаъолияти ин созмонро дар кишвар мамнӯъ кард.

 

14
Барчаспҳо:
нома, озод намояд, кӯмак, дархост, созмони ҳуқуқи башари Туркия, Афви байналмилалӣ, Интерпол, Созмони Милали Муттаҳид, СММ, Қумриниссо Ҳафизова, Умаралӣ Қувватов, Раҷаб Тайиб Эрдуғон, Туркия, Тоҷикистон
Мавзуъ
Боздошти Умаралӣ Қувватов дар Истамбул
Ҳамсари Қувватов аз Эрдуғон хост, шавҳарашро ба Тоҷикистон надиҳад
День 27 мая

Ҷашнҳои рӯзи 27 май дар Тоҷикистон ва ҷаҳон

43
(Таҷдидшуда 20:52 26.05.2020)
Рӯзи бисту ҳафтуми май дар Нигерия — Рӯзи кӯдакон буда дар Қирғизистон – Рӯзи китобхона мебошад. Дар ин рӯз Душанбе Паллаев - ҳофизи халқии Тоҷикистон, Корманди шоистаи маданияти ҷумҳурӣ ба дунё омадааст

Рӯзи 27 май дар ҷаҳон чӣ рух дод

Соли 1997 дар Порис санади асосии муносиботи дуҷонибаи Русия ва Созмони Шартномаи Атлантикаи Шимолӣ ба имзо расид.

День 26 мая
© Sputnik / Стас Этвеш / Вишнякова Мария

Соли 1999 Додгоҳи Гаага Президенти Югославия Слободан Милошевичро гунаҳкори ҳарбӣ эълон кард.

Рӯзи 27 май дар Тоҷикистон чӣ рух дод

Соли 2003 дар шаҳри Душанбе аввалин форуми намояндагони сохторҳои давлатӣ ва ғайридавлатӣ, истеҳсолкунандагон, воситаҳои ахбори омма ва  созмонҳои байналмилалӣ баргузор гардид ва дар он шартнома дар бораи ҳамкории иҷтимоӣ ба имзо расид.

Соли 2003 дар шаҳри Исфараи вилояти Суғд аввалин Фестивал-симпозиуми байналмилалии мусиқии классикии «Шашмақом» баргузор гардид.

Соли 2009 дар шаҳри Душанбе мактаби олии сарҳадбонони САҲА (ОБСЕ) ифтитоҳ гардид.

Соли 2010 аввалин ҳавопаймо аз самти Душанбе ба Бориспол (Фурудгоҳи  байналмилалии Бориспол, Украина) бо 15 мусофир парвоз кард.

Ҷашнҳои рӯзи 27 май

  • Дар Нигерия — Рӯзи кӯдакон.
  • Дар Қирғизистон – Рӯзи китобхона.

Рӯзи 27 май дар Тоҷикистон кӣ ба дунё омадааст

Бекназар Аҳмадов (1926) – китобшинос, нависанда, Корманди шоистаи Тоҷикистон.

Григорий Воробоев (1925 – 1986) – актёри театр, Ҳунарпешаи шоистаи Тоҷикистон.

Ғаффор Каримов (1938)- актёри театру кино, Ҳунарпешаи шоистаи Тоҷикистон.

Аҳмадбек Қушқоров (1936-1989)- педагог, профессор.

Бурҳон Маҳмадқулов (1945) – сароянда, Ҳунарпешаи мардумии Тоҷикистон.

Неъмат Мирсаидов (1955)- публисист.

Зайниддин Наҷмиддинов (1938) – Устои халқии Тоҷикистон.

Марина Некрасова (1954) –шоира.

Нурулло Оқилов (1965) – нависанда.

Душанбе Паллаев (1950 - 2017) –Ҳофизи халқии Тоҷикистон, Корманди шоистаи маданияти ҷумҳурӣ.

Ғуфрон Раҳимбоев (1949) – мутриб, Ҳунарпешаи мардумии Тоҷикистон.

Бурҳон Ризоев (1948) – доктори илми таърих, профессор.

43
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 21 май дар Тоҷикистон ва ҷаҳон
Ҷашнҳои рӯзи 20 май дар Тоҷикистон ва ҷаҳон
Ҷашнҳои рӯзи 23 май дар Тоҷикистон ва ҷаҳон
Ҷашнҳои рӯзи 22 май дар Тоҷикистон ва ҷаҳон
Ҷашнҳои рӯзи 24 май дар Тоҷикистон ва ҷаҳон
Ҷашнҳои рӯзи 26 май дар Тоҷикистон ва ҷаҳон
Ҷашнҳои рӯзи 25 май дар Тоҷикистон ва ҷаҳон
Вице-президент фонда Миграция XXI век Наталья Власова

Власова дар бораи боз кардани сарҳади Русия: бе муҳоҷирон намешавад

1246
(Таҷдидшуда 17:11 26.05.2020)
Наталя Власова коршиноси соҳаи муҳоҷирати Русия мегӯяд, соҳаи кишоварзии Русия ба дасти муҳоҷирон ниёз дорад

ДУШАНБЕ, 26 май – Sputniк. Дар Донишгоҳи РАНХиГС - и Русия ҳисоб карданд, ки беш аз 500 ҳазор муҳоҷирон дар соҳаи кишоварзии Русия банд аст. Ва барои кишти бомувафаққият, ҳатто дар вазъияти пандемия бояд, сарҳадро боз кард.

"Таъмини мардум бо маводи озуқаворӣ масъалаи бисёр муҳим аст. Дар соҳаи кишоварзӣ доим камбуди қувваи корӣ аст. Ва феълан, ки ин баҳор муҳоҷирон ба Русия наомаданд, норасоии дасти корӣ бештар эҳсос мешавад", - гуфт Власова дар суҳбат бо Sputnik Тоҷикистон.

Ба гуфти ӯ таҷрибаи дигар кишварҳо барои ҷалби қувваи кории маҳаллӣ ба чунин корҳо бе самара аст.

"Ба сокинони бумӣ, чунин кор пешниҳод шуд ва онҳое ҳам, ки розӣ шуданд пас аз як рӯзи кор аз меҳнат даст кашиданд", - гуфт ӯ.

Ба фикри коршинос дар Русия ҳам чунин мешавад, чун кор дар соҳаи кишоварзӣ бисёр сахт аст.

"Муҳоҷирони Осиёи Марказӣ бо корҳои саҳроӣ одат кардаанд, онҳо ҳар сол дар кишт ва ҷамъоварии ҳосил ба мо хеле кумак мекарданд , - гуфт Власова.

"Вазифаи таъмини аҳолӣ бо маводи ғизоӣ аз муҳимтарин аст ва дар ин росто бояд ниҳодҳои дахлдор масъалаи боз кардани сарҳад ва омадани муҳоҷиронро барои корҳои саҳроӣ баррасӣ кунанд".

Барои ин кор омори дақиқи лозим аст, то маълум шавад, ки барои кадом минтақа чӣ қадар муҳоҷир даркор аст.

Дар баробари ин Власова афзуд, аз ҳисоби он муҳоҷироне, ки дар Русия бекор мондаанд гурӯҳҳои мобилӣ ташкил шавад ва онҳо барои корҳои саҳроӣ ҷалб шаванд.

Ба гуфти ӯ пандемияи коронавирус нишон дод, ки соҳаи муҳоҷиртаи Русия то ҳол ноқис аст ва ба коркарду ташкили базаи хабарӣ ниёд дорад.

1246
Барчаспҳо:
муҳоҷират, Тоҷикистон, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Пассажирский самолет вылетает из аэропорта города Красноярска

Аз Деҳлӣ ба Душанбе: 45 шаҳрванди Тоҷикистон бо парвози махсус ба ватан бармегарданд

0
(Таҷдидшуда 10:21 27.05.2020)
Шаҳрвандони Тоҷикистон, ки бар асари пандемияи коронавирус дар Ҳиндустон монда буданд,  тарики парвози Деҳлӣ- Душанбе ба ватан хоҳанд омад

ДУШАНБЕ, 27  май — Sputnik. Аз сафорати Ҳидустон дар Душанбе ба Sputnik Тоҷикистон гуфтанд, имрӯз ҳавопаймо 45 шаҳрванди Тоҷикистонро аз Деҳлӣ бо парвози чартерӣ ба ватан интиқол хоҳад дод.

Ба иттилои манбаъ,тоҷиконе, ки бар асари пандемияи коронавирус дар кишвар азият мекашанд, аз Деҳлӣ ба Душанбе парвоз мекунанд. Парвози махсус имрӯз ба соати 17:00 ба пойтахти Тоҷикистон мерасад.

Манбаъ мегӯяд,ба ватан танҳо он донишҷӯёне оварда мешаванд, ки дар барномаҳои ITEC ва ICCR бо маблағгузории ҳукумати Ҳиндустон курсҳои омӯзишӣ мегузаштанд.

Гуфта мешавад, 28 май, ҳангоми бозгашт аз Тоҷикистон, шаҳрвандони Ҳиндустон бо ҳамон тайёра ба ватанашон бармегарданд.

Ёдрас мешавем, чанде қабл маълум шуд, ки Сомон Эйр шаҳрвандони Тоҷикистонро, ки дар Дубай дармонда буданд, 29 май бо парвози махсус ба Душанбе интиқол медиҳад.

Ва дуввум парвози махсуси аз Амороти Муттаҳидаи Араб ба Тоҷикистон тавассути ҳавопаймои Fly Dubai 31 май сурат мегирад.

0