Бозори ҷойи кор. Акс аз бойгонӣ

Созмони муҳоҷират: мизони бекорӣ солҳои наздик афзоиш меёбад

30
(Таҷдидшуда 16:56 22.01.2015)
Коршиносони созмони байналмиллалии муҳоҷират ҳушдор додаанд, ки дар солҳои наздик мизони бекорӣ афзоиш ёфта ва дар чаҳор соли оянда теъдоди бекорон то ба 11 миллион нафар афзоиш меёбад.

ДУШАНБЕ, 22 янв — Sputnik, Маҳпора Киромова. Афзоиши мизони бекорӣ дар панҷ соли оянда идома дошта ва то соли 2019 беш аз 212 миллион нафар бекор хоҳанд мон, омадааст дар баёнияи ин созмон.

Дар гузориши тозаи "Дурнамо дар бахши таъмини кор ва иҷтимоиёт барои соли 2015" гуфта мешавад, ки иқтисоди ҷаҳонӣ ба марҳилаи ҷадидие ворид шудааст, ки рушди кунди иқтисод, афзоиши мизони ноадолатӣ ва ноамниро фаро мегирад.

"Аз оғози бӯҳрони соли 2008 беш аз 61 миллион ҷойи корӣ аз даст рафта ва тибқи дурнамои мо, болоравии мизони бекорӣ то авохири ин даҳсола идома меёбад. Ин ба он маънӣ аст, ки теъдоди умуми бекорони феълӣ аз 201 миллион нафар дар соли 2019 то ба 212 миллион нафар афзоиш меёбад", — ҳушдор медиҳанд муаллифони гузориш.

Дар ин санад гуфта мешавад, ки бӯҳрон бештар аз ҳама кормандони ҷавони аз 15 то ба 24 соларо фаро гирифтааст: мизони бекорӣ дар миёни ҷавонон дар соли 2014 ҳудуди 13% фаро гирифт ва тибқи пешгӯиҳо солҳои минбаъда афзоиш ёфта вазъи кормандони солхӯрда дар шароити бӯҳрони соли 2008 тақрибан бад нашудааст.

Ба ғайр аз ин, тибқи навиштаи гузоришгарон, мизони ноадолатӣ низ афзоиш хоҳад ёфт: суди 10% афроди сарватманд 30-40% кулли дороиҳоро ташкил мекунад, ҳарчанд мизони суди фақиртарин афрод ҳамагӣ аз 2 то 7% ташкил мекунад. Дар пайи ин равандҳо эътимоди мардум ба ҳукуматҳо коҳиш ёфта мизони баланди ноамниҳои иҷтимоӣ ба вуҷуд меоянд, ҳушдор медиҳад Созмони муҳоҷират. Ноамнии иҷтимоӣ бавижа дар кишварҳо ва манотиқе хатарнок аст, ки дар он ҷо мизони бекорӣ миёни ҷавонон баланд аст.

Дар маҷмӯъ, ба эътиқоди гузоришгарон, вазъи кортаъминкунӣ танҳо дар ИМА ва Япония беҳбуд ёфта, вале ҳамзамон дар кишварҳои дар ҳоли рушд, бавижа, дар Урупо нигаронкунанда аст. Дар Осиёи Ҷанубӣ ва кишварҳои Африқоӣ дар ҷанубтар аз Сахара вазъи ҳифзи ҷойи кор нигаронкунанда аст. Осиёи Шарқӣ аз манотиқе дониста мешавад, ки дар қиболи ҳифзи ҷойи кор муъассиртар фаъъолият бурда, мизони онро аз 50,2% соли 2007 то ба 38,9% дар соли 2019 коҳиш медиҳад. Ҳамчунин мушкили таъмини ҷойи кор дар кишварҳои арабӣ ва бархе аз кишварҳои Амрикои Лотинӣ ва ҳавзаи Кариб бадтар шудааст.

Созмони байналмиллалии кор ниҳоди масъули СММ аст, ки ҳадаф дорад қавоиди баробарҳуқуқии иҷтимоӣ, муқаррароти ҳуқуқи байналмиллалии инсон барои корро таъмин кунад.

30
Барчаспҳо:
интишори гузориши тоза, Созмони байналмиллалии муҳоҷират, Ҷаҳон
Мавзуъ
Дар Русия қоидаҳои нави муҳоҷират ҷорӣ шуданд
ФР барои нақзи реҷаи муҳоҷират манъи вуруд то 10 солро ҷорӣ менамояд
День 9 марта

Белорус истиқлолият ба даст овард: имрӯзи таърих

5
(Таҷдидшуда 21:44 06.03.2021)
Рӯзи нуҳуми март Рӯзи байналмилалии дидҷей буда, дар Белиз – Рӯзи қаҳрамонони миллӣ ва эҳсонгар мебошад

Рӯзи 9 март дар ҷаҳон чӣ рух дод

Соли 1918 истиқлолияти Ҷумҳурии Халқии Беларус эълон карда шуд.

Соли 1933 дар ИМА  стандарти тиллоӣ (тартиби пулӣ, дар асоси пардохти ягона дар асоси якчанд андозаи стандартикунонидаи тилло) бекор карда шуд.

Соли 1908 клуби футболи "Интернатсионал" (Милан) таъсис дода шуд.

Рӯзи 9 март дар Тоҷикистон чӣ рух дод

Соли 2010 бо Фармони Президенти Тоҷикистон Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон ба Кумитаи давлатии заминсозӣ ва геодезии Ҷумҳурии Тоҷикистон тағйири ном кард.

Соли  2011 дар варзишгоҳи "Металлург"-и шаҳри Турсунзода бозии ҷавобии давраи интихобии Олимпиада – 2012 Тоҷикистон-Омон сурат гирифт.

Соли 2012 дар варзишгоҳи "Дашрат" -и Катманду бозии якуми марҳилаи ниҳоии Ҷоми даъватии Конфедератсияи Футболи Осиё миёни дастаҳои миллии Ҳиндустон ва Тоҷикистон баргузор гардид.

Соли 2015 дар шуъбаи Венагии СММ ҷаласаи 58-уми Комиссияи СММ оид ба маводи мухаддир баргузор гардид.

Соли 2016 дар Вазорати корҳои хориҷии Ҷумҳурии Точикистон конфронси байналмилалии вазирон оид ба Афғонистон баррасӣ карда шуд.

Соли 2017 дар шаҳри Марини Швейтсария миёни Бонки миллии Тоҷикистон ва ширкати "Металор" Шартномаи ҳамкории дуҷониба ба имзо расид.

Ҷашнҳои рӯзи 9 март

  • Рӯзи байналмилалии дидҷей.
    Дар Белиз – Рӯзи қаҳрамонони миллӣ ва эҳсонгар.

Рӯзи 9 март кӣ ба дунё омадааст

Ёрмаҳмад Аралов (1954)- киноактёр, наворбардор.

Темур Атахонов (1934)- адабиётшинос, профессор.

Абдувалӣ Бердиалиев (1939) - доктори илми филологӣ, профессор.

Нориниссо Бобоҷонова (1931 - 2009) - арбоби фарҳангӣ, Корманди шоистаи маданияти Тоҷикистон.

Надежда Буткевич (1908 - 1991) - арбоби фарҳангӣ, Ходими шоистаи ҳунари Тоҷикистон.

Юрий Касаткин (1925) - доктори илми ҳуқуқ, профессор.

Шавқат Маъруфов (1928) - журналист, Корманди шоистаи маданияти Тоҷикистон.

Муҳаммадназари Муҳаммадзиё (1960)- нависанда.

Назрӣ Обидов (1937)- мутарҷим.

Аскар Одинаев (1931)- актёри театр.

Умрӣ Сироҷиддинова (1940) - доктори илми тиб, профессор.

Зубайдулло Шарифзода (1951) - нависанда.

Марҳабо Юсуфова (1940) - наттоқи радио, Корманди шоистаи маданияти Тоҷикистон.

Холиқназар Ҷумъаев (1969) - журналист.

5
Барчаспҳо:
ҷашн, ҷаҳон, Тоҷикистон
День 8 марта

Зодрӯзи Қоҳир Расулзода, Раҳмондӯсти Қурбониён ва Рӯзи Модарон: имрӯзи таърих

206
(Таҷдидшуда 19:15 06.03.2021)
Рӯзи 8 март - Рӯзи байналмилалии занон, дар Тоҷикистон – Рӯзи Модар, дар Малайзия – Рӯзи султон ва зимнан Рӯзи байналмилалии гурда мебошад

Рӯзи 8 март дар ҷаҳон чӣ рух дод

Соли 1759 Парлумони Порис "Энсиклопедия"-и Дени Дидроро маҳкум намуд.

Соли 1873 дар самти шимолу ғарби Канада фурӯши маҳсулоти спиртӣ манъ карда шуд.

Соли 1920 конгресси миллии Сурия истиқлолияти мамлакатро эълон намуд.

Соли 1950 Иттиҳоди Шӯравӣ расман дар бораи мавҷуд будани бомбаи атомии худ хабар дод.

Соли 1973 дар раъйпурсии Ирландияи Шимолӣ 59% овоздиҳандагон барои нигоҳдории ин қисм дар ҳайати Британияи Кабир овоз доданд.

Соли 1914 дар Иттиҳоди Шӯравӣ аввалин шумораи маҷаллаи "Работнитса" нашр шуд.

Соли 2013 расонаҳо хабар доданд, ки  роҳбарияти осорхонаи Британия ба Осохонаи миллии Тоҷикистон нусхаи 6 нигораи коллексияи ганчинаи Амударёро туҳфа намуданд.

Рӯзи 8 март дар Тоҷикистон чӣ рух дод

Соли 2011 дар мулоқоти Президент Эмомалӣ Раҳмон ва сарвазири вақти Покистон Юсуф Ризо Гелонӣ масоили ҳамкории тиҷоратӣ-иқтисодӣ, илмӣ-техникӣ, фарҳангӣ ва амниятии Тоҷикистону Покистон баррасӣ гардиданд.

Соли 2011 Эмомалӣ Раҳмон дар шаҳраки дипломатии Исломобод дар маросими гузоштани санги асоси таҳкурсии бинои нави Сафорати Ҷумҳурии Тоҷикистон дар Покистон иштирок намуд.

Соли 2017 Эмомалӣ Раҳмон дар ҷашни Рӯзи модар чун анъанаи накӯи баҳорӣ ва рамзи иди Наврӯзи байналмилалӣ бо Иҷрокунандаи вазифаи раиси шаҳри Душанбе Рустами Эмомалӣ ва Сомони Эмомалӣ дар ҳашари умумии ниҳолшинонӣ дар пойтахт иштирок карданд.

Ҷашнҳои рӯзи 8 март

  • Рӯзи байналмилалии занон.
  • Дар Тоҷикистон – Рӯзи Модар.
  • Дар Малайзия – Рӯзи султон.
  • Рӯзи байналмилалии гурда.

Рӯзи 8 март дар Тоҷикистон кӣ ба дунё омадааст

Соли 1944 - ҳунарманди мардумии Тоҷикистон Раҳмондусти Қурбониён.

Соли 1948 - раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хурсандмурод Зикиров.

Соли 1950 - шоира Хосият Вализода.

Соли 1956 - собиқ фармондеҳи Горди Президенти Тоҷикистон Ғаффор Мирзоев.

Соли1960 - овозхон Латофат Давлатова.

Соли 1961 - сарвазири Тоҷикистон Коҳир Расулзода.

 Премьер-министр Таджикистана Кохир Расулзода
Премьер-министр Таджикистана Кохир Расулзода на заседании правительства 2021

Соли 1978 - устоди варзиши байналмилалӣ Рауф Ҳикматов.

Соли 1981 - сароянда Баҳриддин Бегов.

206
Барчаспҳо:
Тоҷикистон, Ҷаҳон, ҷашн