Интиқоди раиси нав аз раиси собиқ

19
(Таҷдидшуда 15:17 27.01.2015)
Абдураҳмонзода дар нишасти хабарие 27 январ дар маркази Қубодиён гуфт, “агар Саъдулло Бекназарзода роҳбари хуб мебуд, ба ҳеч ваҷҳ ӯро аз кор намегирифтанд”.

ДУШАНБЕ, 27 янв — Sputnik. Саидумрон Абдураҳмонзода, раиси тозатаини ноҳияи Қубодиёни вилояти Хатлон, аз фаъолияти раҳбари пешини ин ноҳия — Саъдулло Бекназарзода, интиқод кардааст, менависад "Радиои Озодӣ".

Абдураҳмонзода дар нишасти хабарие 27 январ дар маркази Қубодиён гуфт, "агар Саъдулло Бекназарзода роҳбари хуб мебуд, ба ҳеч ваҷҳ ӯро аз кор намегирифтанд".

"Агар фаъолияти хуб медошт, барканор намегардид. Дар қарори ҳукумат низ гуфта шудааст, ки ӯ аз вазифа озод шавад, на ин ки ба вазифаи дигар таъин гардад", — илова кардааст Абдураҳмонзода.

Саидумрон Абдураҳмонзода тақрибан аз чор ҳафтаи пеш ба курсии раисии ноҳияи Қубодиён такя зад.

Абдураҳмонзода ин ҳама интиқодашро аз раиси пешин батафсил нақл накарда, танҳо афзудааст, қарзи зиёдеро аз Саъдулло Бекназарзода ба "мерос" гирифта, ки пардохташ вақту фурсати зиёд металабад.

Ин дар ҳолест, ки масъулони Оҷонсии зидди фасоди молӣ низ дар мавриди тафтиши қарзҳо ва ҳолатҳои қаллобӣ дар Қубодиён баъд аз барканори Бекназарзода суҳбат карданд. Саъдулло Бекназарзода дар моҳи январи соли 2013 ба ҷои Абдулмӯъмин Улфатов раиси ноҳияи Қубодиён таъин шуда буд. Ҷаноби Бекназарзода аз ҷумлаи камшумор раҳбарони ноҳияҳост, ки бино бар бархе ибтикорҳояш мавриди таваҷҷӯҳи расонаҳои ахбори ом қарор мегирифт.

Аз ҷумла ҳамагӣ ду моҳ баъд аз таъин шуданаш дар мақоми раиси ноҳияи Қубодиён, дар яке аз ҷаласаҳои ҳукуматӣ ба фаъолони ҷомеа хитоб карда гуфт, ки пайвастан ба сафи нерӯҳои мусаллаҳ барои ҳар як ҷавони солим шарти ҳатмист ва беҳтар аст онҳо танҳо пас аз адои ҳарбӣ барои издивоҷ тасмим гиранд.

Дар замони раҳбарии ӯ, ҳукумати ноҳияи Қубодиён аз як усули дигари ҷалби довталабонаи ҷавонон ба артиши миллӣ кор мегирифт. Ҳукумат ба сокинони маҳаллӣ, асосан волидон ваъда медод, ки агар писари болиғашонро довталабона ба комиссариатҳои ҳарбӣ барои пайвастанаш ба сафи артиши Тоҷикистон таслим кунанд, онҳо дар навбати аввал ба зиёрати ҳаҷ фиристода хоҳанд шуд. Вале маълум нест, ки чунин иттифоқ афтод ва волидони довталабон ба хизмат дар артиш, дар навбати аввал барои зиёрати ҳаҷ ҷой гирифтанд ё на.

Аз ташаббусҳои дигари замони раҳбарии Бекназарзода дар Қубодиён, ин буд, ки бо фармони ӯ сарпарастии 60 кӯдаки ятимро ба 60 нафар аз мансабдорон ва афроди доро супурданд, ки то хатми мактаби миёна аз сарпарастони худ кӯмаки молӣ мегиранд ва ҳатто дар вақти ба донишгоҳ дохил шудан ва арӯсиашон низ аз ҳиммати ҳомиёнашон бархӯрдор хоҳанд буд.

Саидумрон Абдураҳмонзода, ки дар оғози моҳи январи соли ҷорӣ раиси ноҳияи Қубодиён таъин шуда, қаблан раҳбарии ноҳияи Раштро бар ӯҳда дошт.

19
Барчаспҳо:
мансаб, вазифа, интиқод, барканорӣ, фаъолият, қарз, Саъдулло Бекназарзода, Саидумрон Абдураҳмонзода, Қубодиён, Хатлон
Президент Таджикистана Эмомали Рахмон

Раҳмон фармони баланд шудани маош, нафақа ва идрорпулиро имзо кард: чӣ қадар зиёд шуд?

1078
(Таҷдидшуда 20:15 04.08.2020)
Раисҷумҳури Тоҷикистон бо судури фармон маоши кормандони давлатӣ, нафақаи пиронсолону маъюбон ва идрорпулии хонандагонро афзун намуд

ДУШАНБЕ, 4 авг — Sputnik. Сар аз авоили моҳи сентябри соли ҷорӣ дар Тоҷикистон маоши кормандони давлатӣ, нафақаи маъюбону пиронсолон ва идрорпулии донишҷӯён баланд бардошта мешавад. 

Фармони афзун шудани маошу нафақа ва стипендияи донишҷӯёнро имрӯз, 4 - уми август, раисҷумҳури Тоҷикистон ба имзо расонд.

Тибқи котиботи раисҷумҳури Тоҷикистон, маоши вазифавии кормандони ташкилоту муассисаҳои соҳаҳои маориф, илм, фарҳанг, варзиш, ҳифзи иҷтимоӣ, соҳаҳои воқеии иқтисодиёт ва кормандони дигар ташкилоту муассисаҳое, ки аз ҳисоби буҷети давлатӣ маблағгузорӣ мешаванд, ба андозаи 15 фоиз зиёд карда мешавад.

Нафақа аз 1 сентябр 15 дар сад меафзояд

Ҳамчунин бо фармони Эмомалӣ Раҳмон маоши вазифавии кормандони ташкилоту муассисаҳои соҳаи тандурустӣ низ ба андозаи 15 фоиз зиёд шуд.

Гузашта аз ин маоши кормандони мақомоти идораи давлатӣ, мақомоти судӣ ва прокуратура, мудофиа, мақомоти ҳифзи ҳуқуқ, мақомоти иҷроияи маҳаллии ҳокимияти давлатӣ, мақомоти худидоракунии шаҳрак ва деҳот низ 15 дарсад баланд бардошта мешавад.

Идрорпулии донишҷӯён ва нафақа низ ба андозаи 15 фисад афзун карда шуд.

1078
Президент Республики Таджикистан Эмомали Рахмон

Раҳмон рамзи таҷлили ҷашни 700 - солагии Камоли Хуҷандиро интихоб кард - акс

214
(Таҷдидшуда 17:14 04.08.2020)
Рамзи мазкур аз ҷониби Академияи мусаввирии Тоҷикистон, Иттифоқи рассомон ва Донишкадаи санъати тасвирӣ ва дизайн омода гардид

ДУШАНБЕ, 4 авг — Sputnik. Раисҷумҳури Тоҷикистон Эмомалӣ Раҳмон рамзи таҷлили ҷашни 700-солагии шоири бузурги тоҷик – Камоли Хуҷандиро интихоб намуд, хабар медиҳад котиботи Президент.

 

Символ празднования 700-летия великого таджикского поэта - Камоли Худжанди
Символ празднования 700-летия великого таджикского поэта - Камоли Худжанди

 

Ба иттилои манбаъ, рамзи мазкур аз ҷониби Академияи мусаввирии Тоҷикистон, Иттифоқи рассомон ва Донишкадаи санъати тасвирӣ ва дизайн омода гардида, бо иштироки мутахассисони Академияи миллии илмҳо дар бахши ёрдамчии Президенти Тоҷикистон оид ба масъалаҳои рушди иҷтимоӣ ва робита бо ҷомеа мавриди баррасӣ қарор гирифт.

"Хӯшаи гандум": рамзи нави Данғара дар даромадгоҳ чигуна аст - акс

Рамзи 700-солагии Камоли Хуҷандӣ доирашакл буда, гирдогирди рамзро се хат - сурх, сафед ва сабз фаро гирифтааст, ки таҷассумгари Парчами давлатӣ маҳсуб меёбанд. Дар гирди рамз бо забони тоҷикӣ "Камоли Хуҷандӣ" навишта шуда, дар поёни он "700" бо рақам нишон дода шудааст.

Инчунин дар поёни акс рамзи шараф низ ҷой гирифтааст.

214
Барчаспҳо:
акс, шоир, рамз, Эмомалӣ Раҳмон
Портфель с документами

Дар Тоҷикистон дар шаш моҳи ахир фаъолияти беш аз 12 ҳазор соҳибкор қатъ гардид

0
(Таҷдидшуда 02:16 05.08.2020)
Ожонсии омори Тоҷикистон ахиран эълон доштааст, ки дар шаш моҳи соли равон дар ҷумҳурӣ 12 ҳазору 600 фаоли бахши хусусӣ иҷозатномаи фаъолияти худро лағв кардаанд

ДУШАНБЕ, 5 авг — Sputnik.  Бино бар иттилои Ожонсии омори Тоҷикистон, аз ҷумла 460 шахсони ҳуқуқӣ ва ҳудуди 12,2 ҳазор соҳибкорони инфиродӣ фаъолияти худро қатъ қтӣ карданд.

Гуфта шудааст, ки аз ин шумор 463 соҳибкорони инфиродӣ тибқи гувоҳнома ва беш аз 10,3 ҳазор соҳибкорони ифниродӣ мувофиқи патент фаъолият мекарданд.

Дар ҳамин ҳол манбаъ зикр кардааст, ки дар ин давра инчунин 1357 хоҷагиҳои деҳқонӣ барҳам дода шуд.

Тибқи иттилои Ожонсии омор шумори субъектҳои хоҷагидории амалкунанда ба ҳолати 1 июли соли равон 333 ҳазор ададро ташкил дод, аз ҷумда 35,5 ҳазор - шахсони ҳуқуқӣ ва 298 ҳазор - соҳибкорони инфиродӣ.

Теъдоди умумии субъектҳои хоҷагидорӣ дар муқоиса бо ҳамин давраи соли гузашта ба андозаи 1,8% ё худ 6 ҳазор адад афзуд.

Шумори соҳибкорони инфиродии амалкунанда нисбат ба ҳамин давраи соли пешин 6,3 ҳазор адад зиёд шуд, аз ҷумла соҳибкорони ифиродии тибқи гувоҳнома фаъолиятдошта - 1,4 ҳазор адад ва хоҷагиҳои деҳқонӣ - 5,2 ҳазор адад афзуда, теъдоди соҳибкорони инфиродии мувофиқи патент амалкунанда 357 адад кам шуд.

0
Барчаспҳо:
фаъолият, Ожонси омор, иҷозатнома, соҳибкор, Тоҷикистон