Хуҷанд. Акс аз бойгонӣ

Таъмиру тармими роҳ дар Хуҷанд то Наврӯз анҷом меёбад

51
(Таҷдидшуда 09:32 19.02.2015)
То замони ҷашни Наврӯз сокинони Хуҷанди бостонӣ аз ҷоддаи бозсозишудаи миёни масҷиди “Нури ислом” ва хиёбони Умаров истифода хоҳанд кард.

ДУШАНБЕ, 19 фев — Sputnik. Ин ҷодаи мошингард 700 метр тӯл дорад ва то ҷашни Наврӯз умури бозсозии он анҷом меёбад, навиштааст хабаргузории "Авеста".

Ба гуфтаи муъовини шаҳрдори Хуҷанд Мирзомуқим Очилзода, ин ҷода масҷиди "Нури ислом"-ро бо хиёбони Умаров ба ҳам муттасил мекунад.
Ҳазинаи бозсозии ин ҷодда аз ҳисоби будҷаи маҳаллӣ таъмин мешавад.

Ба гуфтаи Очилзода, ду канори тамоми тӯли ин ҷода сарсабз карда мешавад.

"Дар ду канори ҷода ниҳолҳо шинонида шуда, барои амнияти ҳаракати васоили нақлия ва пиёдагардҳо нишониҳо ва овезаҳо насб крада мешаванд", — гуфт муъовини шаҳрдор.

Вай зикр кард, ки ин ҷода дар чорчӯби омодагӣ ба таҷлили ҷашни Наврӯз бозсозӣ мешавад.

51
Барчаспҳо:
бозсозии ҷода, шаҳрдорӣ, Мирзомуқим Очилзода, Хуҷанд, Тоҷикистон
Мавзуҳо:
Наврӯз-2019 дар Тоҷикистон (146)
Мавзуъ
Бозгашти 4 ҳазор муҳоҷири корӣ ба Хуҷанд
Ҳудуди 300 мошин дар роҳ ба сӯи Хуҷанд дар мондааст
Российской военно-транспортной авиации 89 лет

42 - сола ва падари 4 фарзанд: даргузашти мақомдори Конибодом аз коронавирус

1132
Дар Конибодом роҳбари дастгоҳи раиси шаҳр Ҷалилӣ Абдувоҳид Карим аз маризии коронавирус фавтидааст

ДУШАНБЕ, 29 сен – Sputnik. Абдулвоҳид Карим, ки муддати 5 - сола ба ҳайси раҳбари дастгоҳи раиси шаҳри Конибодом ифои вазифа мекард, дар синни 42 - солагӣ олами фониро падруд гуфт, хабар медиҳад котиботи раиси шаҳри мазкур.

Сомонаи Pressa. tj менависад, марҳум мубталои коронавирус буд ва иллати марги ӯ маҳз ҳамин беморӣ мебошад.

Ҷалилӣ Абдулвоҳид мутаваллиди соли 1978 буда, оиладор ва соҳиби 4 фарзанд буд.

Аввалин раиси Суди Олӣ даргузашт, касе ки истиқлолияти Тоҷикистонро расмият бахшид

Фаъолияти меҳнатияшро аз соли 2002 оғоз намуда, нахуст дар вазифаи котиби маҷлиси судӣ кор мекард. Сипас ба вазифаҳои иҷрочии калони суди шаҳри Конибодом, раиси ҷамоат, сармутахассиси гузаргоҳи "Патар" кору фаъолият мекард.

Як замон мудири шъъбаи ташкилӣ ва кор бо кадрҳои раиси шаҳр низ таъин шуда буд. Аз соли 2015 ба ин сӯ, вазифаи роҳбари дастгоҳи раиси шаҳри Конибодомро иҷро мекард.

1132
Барчаспҳо:
раис, даргузашт, Конибодом
Ключи от квартиры, архивное фото

Баъди 20 соли бехонагӣ: соҳибкорон ба Ҷонаковҳо аз номи Президент хона доданд

1035
(Таҷдидшуда 10:14 29.09.2020)
Оилаи Ҷонаковҳо баъди 20 соли бехонагӣ, ахиран дар шаҳри Леваканти вилояти Хатлон соҳиби манзили дуҳуҷрагӣ гардидаанд

ДУШАНБЕ, 27 сен — Sputnik. Оилаи Ҷонаковҳо, ки панҷ фарзанд доранд, аз сабаби бехонагӣ тайи 20 сол дар нуқтаҳои сузишворӣ, вагонҳои хоҷагии деҳқонӣ ва ба ин монанд дар бошишгоҳи саҳроӣ бо азобу машаққати зиёд зиндагӣ мекарданд, навиштааст сомонаи "Фараж".

Манбаъ хабар дод, ки зимни сафари ахири Эмомалӣ Раҳмон, раисиҷумҳури Тоҷикистон, ба шаҳри Левакант аз номи роҳбари давлат ба Ҷонаковҳо калиди хонаи дуҳуҷрагӣ дода шуд. Ин хонаро ба оилаи Ҷонаковҳо соҳибкорони хайрхоҳи вилояти Хатлон туҳфа карданд, илова намудаст нашрия.

Муҳаббат Ҷонакова, модари хонадон ба “Фараж”  гуфтааст, ҳеҷ бовар надошт, ки баъди солҳои зиёди сарсониву саргардонӣ дар вагонҳои вайрона ва бошишгоҳи саҳроӣ соҳиби манзили зист ва замин мешавад.

Зикр шудааст, ки инчунин раиси ноҳияи Кӯшониён, Вализода Икромиддин дар ҳудуди ҷамоати шаҳраки Бохтариёни ноҳия барои Ҷонаковҳо 0,05 га замини наздиҳавлигӣ ҷудо карда, ҳуҷҷатҳои замин низ бо супориши раиси ноҳия барои онҳо ройгон омода гардидаанд.

1035
Барчаспҳо:
кумак, хона, Тоҷикистон
Торжественное открытие здания средней школы № 33 в Спитаменском районе

Ӯзбекистон дар ноҳияи Спитамен мактаб бунёд кард

0
(Таҷдидшуда 15:14 29.09.2020)
Сохтмони муассисаи таҳсилоти миёнаи умумии №33 дар асоси супориши Ҳукумати Ӯзбекистон бо саҳми Ҷамъияти саҳомии "Ӯзбекистон темир йулларӣ" анҷом ёфта, дар корҳои лоиҳакашӣ ва сохтмонӣ мутахассисони ин ҷумҳурӣ ширкат кардаанд.

ДУШАНБЕ, 29 сен – Sputnik. Дар ноҳияи Спитамени вилояти Суғд бо ташаббуси Ӯзбекистон муассисаи таҳсилоти миёнаи умумии №33 ба истифода дода шуд.

Бино ба гузориши Вазорати маориф ва илми Тоҷикистон, дар маросими ифтитоҳи он Вазири маориф ва илми Тоҷикистон Муҳаммадюсуф Имомзода, вазири маорифи халқи Ӯзбекистон Шерзод Шерматов, иҷрокунандаи вазифаи раиси шӯрои Ҷамъияти саҳомии "Ӯзбекистон темир йулларӣ" Хуснутдин Хасилов, ҳайатҳои расмӣ, намояндагони аҳли илму маорифи давлатҳо, омӯзгорону хонандагон ва сокинони ноҳия ширкат доштаанд.

Гуфта мешавад, ки бинои мактаб аз се ошёна ва таҳхона иборат буда, дорои 28 синфхона, 8 кабинети фаннӣ, синфхонаҳои забономӯзӣ, санъати тасвирӣ, устохонаҳои таълимӣ, толори варзишӣ, дафтарҳои кории директору омӯзгорон, ошхона, толори варзишии пӯшида, майдони берунӣ ва китобхонаи замонавӣ мебошад.

Зимни ифтитоҳи муассиса меҳмонон муассиса ва сифати корҳои сохтмонӣ дидан карда, бо омӯзгорон ва хонандагони муассиса суҳбат намудаанд.

Зикр шудааст, ки бунёди муассисаи мазкур баёнгари дӯстии пояндаи ҳарду миллат буда,  дар чунин шароит аҳли маориф  барои баланд бардоштани сатҳу сифати донишу тарбия донишу маҳорати хешро истифода мебаранд.

Манбаъ афзуда, ки сохтмони муассисаи таҳсилоти миёнаи умумии №33 дар асоси супориши Ҳукумати Ӯзбекистон бо саҳми Ҷамъияти саҳомии "Ӯзбекистон темир йулларӣ" анҷом ёфта, дар корҳои лоиҳакашӣ ва сохтмонӣ мутахассисони ин ҷумҳурӣ ширкат кардаанд.

0
Барчаспҳо:
бунёд, мактаб, ҳукумати Ӯзбекистон, Тоҷикистон