Абдуфаттоҳ Ғойиб, директори Оҷонсии зидди фасод дар нишасти хабарӣ

Оҷонсӣ: нафси бад сари 129 мансабдорро "хӯрдааст"

46
Оҷонсии зидди фасод мегӯяд, дар соли гузашта 129 мансабдор дар Тоҷикистон бо ҷурми даст доштан дар фасоду ришвахорӣ аз мақомҳои худ барканор шудаанд.

ДУШАНБЕ, 23 фев — Sputnik. Оҷонсии мубориза бо фасоди Тоҷикистон мегӯяд, дар соли гузашта 129 мансабдори тоҷик бо иттиҳоми даст доштан дар фасоду ришвахорӣ аз мақом барканор шудаанд, навиштааст "Радиои Озодӣ".

Намояндагони ин оҷонсӣ дар мулоқот бо донишҷӯёни Донишгоҳи тиҷорат дар шаҳри Душанбе гуфтаанд, мансабдорон бештар бо иттиҳоми аз худ кардани маблағҳои давлатӣ ва асосан аз ҳисоби барзиёд нишон додани ҳаҷми корҳои сохтмонӣ ба воситаи "мувофиқаи пешакии мансабдорони давлатӣ бо ширкатҳои сохтмонӣ" аз мақомҳои худ барканор шудаанд. Ба таъбири як намояндаи Оҷонсӣ, сари ин мансабдоронро "нафси бад" хӯрдааст.

Ба гуфтаи ин масъулон, дар соли 2014 вазоратҳои маорифу тандурустӣ аз нигоҳи олудагӣ ба фасод "чемпион" будаанд.

Бино ба омори овардаи онҳо, соли гузашта дар соҳаи маориф 101 ҷинояти коррупсионӣ, дар вазорати тандурустӣ 70 ҷиноят ва дар низоми бонкии Тоҷикистон 129 чунин ҷиноят сабт шудааст. Дар вазорати корҳои дохилӣ, ба гуфтаи онҳо, дар соли гузашта 48 мавриди даст задани маъмуронаш дар фасод ошкор шудааст.

Тоҷикистон дар гузоришҳои байналмилалӣ дар радифи 20 кишвари фасодзадатарини дунё ном бурда мешаванд. Вале намояндагони Оҷонсӣ дар мулоқот бо донишҷӯён 2 зина болотар рафтани Тоҷикистон дар раддабандиҳои байналмилалии кишварҳои фасодзадаро аломати пешравӣ дониста гуфтаанд, "ин бозгӯ аз он аст, ки шиддати коррупсия дар кишвар костатар гардидааст."

Аммо Оҷонсии зидди фасод дар Тоҷикистон ба он айбдор мешавад, ки дар мубориза бо ин падидаи манфӣ асосан ба "шикор"-и "моҳичаҳо", барои мисол, коркунони ҷамоатҳову "военкоматҳо" ва духтурону омӯзгорон тамаркуз кардааст ва ба "наҳанг"-ҳои бузургтари дарёи фасоди ин кишвар, ки дар мақомҳои хеле баланд ва ба маблағҳои хеле бузург машғули фасоданд, зӯраш намерасад.

Мулоқот бо донишҷӯён ва аз он пеш бо аҳли ҷамоат дар ноҳияи Рӯдакӣ ба хотири шарҳи "Стротегияи муқовимат бо коррупсия барои солҳои 2013-2020" дар рӯзҳое сурат гирифтанд, ки фаъолияти Оҷонсии мубориза бо фасод дар нишасти рӯзи 17 феврали Шӯрои Амният аз сӯи раисиҷумҳур Эмомалӣ Раҳмон ба боди шадиди интиқод кашида шуд.

Эмомалӣ Раҳмон дар ин ҷаласа тақрибан аз ҳамаи ниҳодҳои интизомии давлаташ танқид кард ва аз ҷумла дар пайи суханронии Абдуфаттоҳи Ғоиб, раиси Оҷонсии мубориза бо фасод ҳушдор дод, ки вақте дар ҷиноятҳои коррупсионӣ вақте кормандони худи Оҷонсии зидди фасод ба даст меафтанд, ин ниҳод барои кишвар чӣ зарурат дорад? Ӯ афзудааст, "оҷонсиро худам таъсис додам ва худам барҳам медиҳам."

Президенти Тоҷикистон дар ин нишаст гуфтааст, кор ба ҷое кашида, ки ба кормандони оҷонсии зиддифасод ва додситониҳои навоҳии тобеи ҷумҳурӣ аз ҷамоатҳо талаби ҷудо кардани қитъаҳои заминро кардаанд ва ба ин далел 4 раиси ҷамоат аз дасти онҳо Тоҷикистонро тарк карда, ба гуфтаи Эмомалӣ Раҳмон, ба Русия фирор кардаанд. Ҳамчунин Эмомалӣ Раҳмон аз кормандони Оҷонсӣ  ва додситониҳо даъват карддааст, ки боздошту ба маҳкама кашиданро кам кунанд ва "дар ҷои холӣ барои ҳукумат проблема насозанд."

46
Барчаспҳо:
ҳамдаст, 129 ҷиноят, мансабдорон, боздошт, фасод, мулоқот, Оҷонсии мубориза зидди коррупсия, Абдуфаттоҳ Ғоиб, Эмомалӣ Раҳмон, Тоҷикистон
Мавзуъ
Муовини барканоршудаи оҷонсии фасод “ворид”-и парлумон мешавад
Оҷонсии фасод аз боздошти ду қаллоби “Барқи тоҷик” хабар медиҳад
Бахши омӯзишу парвариш фасодзадатарин арса дар Тоҷикистон аст
Церемония вручения российского паспорта

Путин рӯзи нави овоздиҳӣ барои ислоҳи конститутсияро эълон кард

167
(Таҷдидшуда 19:29 01.06.2020)
Пештар президенти Русия Владимир Путин рӯзи гузашти низомӣ ба муносибати Рӯзи Пирӯзиро 24 июн эълон карду имрӯз рӯзи овоздиҳиро ҳам дақиқ кард

ДУШАНБЕ, 1 июн — Sputnik. Президенти Русия Владимир Путин рӯзи овоздиҳӣ барои ислоҳи қонуни асосии кишвар - конститутсияро 1 июл эълом кард.

"Якуми июл рӯзи мувофиқ аст. Аз нуқтаи назари ҳуқуқӣ ин таърих бенуқсон аст", - гуфт Путин.

Рӯзи 1 июлро раиси Комиссияи марказии интихоботии Русия Элла Памфилова пешниҳод кардааст.

Ба гуфти ӯ рӯзи 1 июл мувофиқ аст, чун аз 3 июл имтиҳоноти сартосарии синфҳои 11 оғоз мешавад ва бештари марказҳои овоздиҳӣ дар макотибҳо ҷойгир шудааст.

Раҳбари Роспотребнадзора Анна Попова рӯзи 1 июлро тасдиқ карда гуфт, овоздиҳӣ дар рӯзи 1 июл барои шаҳрвандон бехатар хоҳад буд.

Пасон президенти кишвар Владимир Путин аз шаҳрвандони Русия даъват кард, ки дар маъракаи овоздиҳӣ фаъолона иштирок кунанд.

Кишвардор фармон дод, ки овоздиҳӣ аз 25 июн то 1 июл баргузор карда шавад.

Ӯ гуфт рӯзи асосии овоздиҳӣ- рӯзи 1 июл истироҳат эълон мешавад.

 

167
Барчаспҳо:
Конститутсия, овоздиҳӣ, Русия, Владимир Путин
Помощь Эмомали Рахмона для врачей ГБАО

Кумаки Эмомалӣ Раҳмон ба 166 хонаводаи пизишкони ВМКБ - аксҳо

273
(Таҷдидшуда 14:08 01.06.2020)
Президенти Тоҷикистон Эмомалӣ Раҳмон ба табибони Вилояти Мухтори Кӯҳистони Бадахшон кумаки озуқаворӣ равон кард

ДУШАНБЕ, 1 июн – Sputnik. Эмомалӣ Раҳмон ба 166 хонаводаи табибони ВМКБ кумак кард, хабар медиҳад мақомоти ҳокимияти давлатии вилоят.

Бино ба иттилои манбаъ, кумаки навбатии президент, барои дастгирии намудани табибони Вилояти Мухтори Кухистони Бадахшон, ки дар ин рӯзҳои мушкил бо бемории сироятии короновирус ё худ COVID - 19 мубориза бурда истодаанд дастрас гардид.

"Кӯмак аз қабили пиёз, сабзи, картошка, орд, шакар ва дигар маҳсулоти хӯрокворӣ иборат буда, тавассути кормандони масъули дастгоҳи раиси вилоят дастраси 166 хонаводаҳои табибон гардид", - омадааст дар хабарнома.

Эмомалӣ Раҳмон ба ВМКБ 20 тонна кумаки башардӯстона равон кард - аксҳо

Ёдрас мешавем, ки пештар ҳам президент ба Вилояти Мухтори Кӯҳистони Бадахшон 20 тонна кумаки иборат аз доруворӣ, либосҳои фардии муҳофизатӣ барои табибон, ниқоб, маҳлулхои безараргардонӣ ва маводи озуқаворӣ кумак карда буд.

Кумаки Эмомалӣ Раҳмон ба сокинони ВМКБ: 45 мошин маводи ғизоию тиббӣ фиристод

273
Барчаспҳо:
пизишкон, кумак, Эмомалӣ Раҳмон, ВМКБ
Мавзуҳо:
Пайомадҳои COVID-19 дар Тоҷикистон ва ҷаҳон
Кобилчон Гиёев

Вазифаи баланд ё шикояти раис? Сабабҳои барканории Қобилҷон Гиёев

279
Мақомот барканории Қобилҷон Гиёев, акнун собиқ сардухтури ноҳияи Раштро шарҳи яксон намедиҳанд. Ба қавли яке, бар асоси шикояти раиси ноҳия барканор шудааст, дуввумӣ мегӯяд, ӯ вазифаи баландтар хоҳад гирифт

ДУШАНБЕ, 2 июн – Sputnik. Маркази матбуоти вазорати тандурустӣ ва ҳифзи иҷтимоии аҳолии Тоҷикистон дар як шарҳи кӯтоҳ ба Sputnik Тоҷикистон гуфт, ки барканории сардухтури ноҳияи Рашт ибтикори вазорат нест.

“Ӯ бар пояи шикояти раиси ноҳияи Рашт аз вазифа барканор шудааст. Шикоят ҳам ин аст, ки Қобилҷон Гиёев ба ҷуз сардухтур буданаш, муовини раиси Ситоди ноҳияи Рашт барои ҷилавгирӣ аз густариши “вируси корона” низ будааст ва дар ҷои кор ҳам ҳузур надоштаасту дар ҷаласаҳои ситод низ ширкат накардааст”, - гуфтанд дар Маркази матбуоти вазорати тандурустӣ ва ҳифзи иҷтимоии аҳолӣ.

Зимнан, рӯзи гузашта, 1 июн, Қобилҷон Гиёев ба Sputnik Тоҷикистон низ далели барканориашро шикояти Раҳимҷон Муқимӣ, раиси ноҳияи Рашт ба вазорати тандурустӣ ва ҳифзи иҷтимоии аҳолӣ гуфта буд.

Дар ҳамин ҳол, бегоҳи ҳамон рӯз дар як тамоси телефонӣ бо Sputnik Тоҷикистон Раҳимҷон Муқимӣ, раиси ноҳияи Рашт, ин иддаоро рад карда, гуфт, Қобилҷон Гиёев бо ариза, хоҳиш ва ихтиёри худ аз вазифа рафтааст.

“Он қадар ки мо хабар дорем, чанде пас ӯ бояд дар Душанбе ба вазифаи баландтар таъин шавад. Имрӯз ӯ назди ман омада буд. Суҳбат доштем. Ба хурсандӣ хайрухуш кардем. Ҳамаи гап ҳамин”, - гуфт Раҳимҷон Муқимӣ.

Рухсатӣ ё...?

Дар суҳбат бо Sputnik Тоҷикистон Қобилҷон Гиёев дар шарҳи гуфтаҳои вазорати тандурустӣ ва раиси ноҳияи Рашт гуфт, ӯ 27 май ба вазорат даъват шуда, аризаи аз кор рафтанашро навишт.

Вай афзуд, рӯзи дигар, 28 май, ӯро дигарбора ба вазорат даъват карда, гуфтанд, ки аризаи аз кор рафтан на, балки рухсатӣ рафтанро бинависам ва дар ҷои худ муовинамро иҷрокунандаи вазифа таъин кунам.

“Ҳоло ман дар ҳайрат уфтодаам. Ман 12 май ба Душанбе рафтам. 12 май дигарбора ба Рашт баргаштам. Ҳамон рӯз ҷаласаи ситодро баргузор кардам. Бегоҳ мустақим бо вазири тандурустӣ мулоқоти видеоӣ баргузор шуд. Субҳ боз ҷаласаи ситод буд. Пас аз он рафтам ба шифохонаҳои минтақаӣ - Ҳоит, Қалъаи Сурх, Навобод. Аз 13 то 15 пурра дар Рашт будам. Азбаски вазъи сиҳӣ дар ноҳия ба эътидол омада буд, дигарбора ба Душанбе омада, ин ҷо ба табобат машғул шудам”, - гуфт Қобилҷон Гиёев.

Бино ба иттилои ӯ, дар ноҳияи Рашт 174 нафареро, ки ҳарорат доштаанд, дар хонаҳо ва 60 нафарро бо ташхиси пневмония дар шифохонаҳо табобат кардаанду даҳҳо нафари дигар пас аз муроҷиату табобати кӯтоҳ зуд рухсат шудаанд. Вай афзуд, дар ин миён ду нафар мутаваллидони яке, соли 1940 ва дигаре, 1942 аз маризиҳои дил фавтидаанд, на пневмония ё “вируси корона”.

“Вақте вазъи сиҳӣ Рашт муътадил шуд, ман ба Душанбе рафтам. Дуюм ин, ки ман на бо хоҳиши худ, балки бо даъвати мақомот омада будам, ки дар вазорати тандурустӣ огаҳӣ доранд”, - гуфт Қобилҷон Гиёев.

Пизишки ҳайрат

Қобилҷон Гиёев пас аз он дар забони расонаҳо уфтод, ки дар оғози мубориза алайҳи “вируси корона” бо як доруи ғайримаъмулии зидди пневмонияи бузҳо дар ноҳияи Рашт, ба қавли худаш, ҳудуди 300 нафарро табобат кард.

Ин дору аз пенитсилин ва стрептамитсин иборат буда, кӯтоҳ “пенстреп” номида ва барои “вируси корона” – и ҳайвонот истифода мешавад. Баъдтар ӯ ба Душанбе омад ва дар пойтахту навоҳии атроф ва вилояти Хатлон бо табобати маризон машғул шуд.

Ӯ қаблан (23 май) дар як суҳбати ихтисосӣ ба Sputnik Тоҷикистон гуфта буд, ки дар умум беш аз 1000 нафарро табобат кардааст. Аммо ҳоло мегӯяд, теъдоди маризоне, ки ӯ табобат кардааст, аз ин ҳам бештар шудааст.

“Ҳоло бисёриҳо ба табобати ман шак доранд. Ҳақ ҳам доранд. Аммо шоҳидони ман ҳамон маризоне ҳастанд, ки шифо ёфтанд. Мегӯянд, ки ман барои рекламаи худ ва пулкоркунӣ Душанбе рафтам. Инҳоро ҳам ба Худо месупорам. Аммо ҳоло бо забони дароз мегӯям, ки ду моҳи ахир ман дар хизмати мардуму давлати худ будам ва ин корамро давом хоҳад дод”, - гуфт Қобилҷон Гиёев.

Ҳоло танҳо гуфтугузоре, ки сардухтури инак собиқи ноҳияи Раштро дар ҳайрат гузоштааст, вазифаи наваш аст. Вай мегӯяд, аз ин боб аслан хабаре ҳам надораду бо касе ҳам машварате нашудааст.

279
Барчаспҳо:
вазифа, табобат, бемор, табиб, Ғарм, Тоҷикистон