На уроке полового воспитания. Архивное фото

“Ахлоқи ҷинсӣ” ба наврасони тоҷик таълим дода мешавад

101
(Таҷдидшуда 17:39 25.02.2015)
Бино бар ризоияти парлумони Тоҷикистон, дарси ахлоқи ҷинсӣ ба барномаи таълимӣ дар мактабҳо ворид мешавад. Намояндагони маҷлис мегӯянд, ҳадаф огоҳ кардани наврасон аз бемориҳои ҷинсӣ ва ҷилавгирӣ аз ҳамлҳои номатлуб аст.

ДУШАНБЕ, 25 фев — Sputnik. Вакилони Маҷлиси Намояндагони Тоҷикистон рӯзи 25 феврал ризоят доданд, ки дар мактабҳо ва маҳфилҳои алоҳида ба наврасони тоҷик дарси "ахлоқи ҷинсӣ" омӯзиш дода шавад "Радиои Озодӣ".

Ин пешниҳод аз тарафи Вазорати тандурустӣ ва ҳифзи иҷтимоии аҳолӣ ҳангоми қабули иловаҳо ба қонун дар бораи "Солимии репродуктивӣ ва ҳуқуқҳои репродуктивӣ" ироа шуд ва аз ҷониби вакилон қабул гардид. 

Насим Олимов, ноиби вазири тандурустӣ ва ҳифзи иҷтимоии аҳолӣ ҳангоме ки дар парлумон баромад мекард, гуфт, "ба гирифтани таълимоти ахлоқи ҷинсӣ аҳамияти махсус бояд дода шавад, то аз ҳар гуна бемориҳои ҷинсӣ ва ҳамли номатлуб миёни наврасон ҷилавгирӣ шавад".

Абдураҳмон Хонов, узви Кумитаи масоили иҷтимоӣ, оила ва ҳифзи сиҳат дар парлумони Тоҷикистон, гуфтааст, қонуни "Солимии репродуктивӣ ва ҳуқуқҳои репродуктивӣ" ҳанӯз соли 2002 қабул шуда, ҳадафи ворид кардани тағйирот ба он "ҳимояи ҳуқуқи ҷавонону наврасон барои гирифтани хизматрасониҳои репродуктивӣ ва пешгирӣ аз ҳамли номатлуб ва бемориҳои ҷинсӣ мебошад".

"Барномаҳои мушаххас таҳия ва омода карда шаванд, то ба ҷавонон дарси ахлоқи ҷинсӣ омӯзонанд. Ин дарсҳо дар мактабҳои таҳсилоти миёнаи умумӣ таълим дода шавад. Ҳамчунин, чорабиниҳо ташкил карда, бояд ба ҷавонон, махсусан ба онҳое, ки дар навоҳии дурдаст иқомат доранд, ин барномаро омӯзонанд. Зеро ҷавонони деҳот аз вуҷуди ин гуна барномаҳо хуб огоҳ нестанд. Дар шакли китоб ин гуна маълумот бояд ба ҷавонон сари вақт дастрас карда шаванд. Хусусан дар робита ба масъалаи алоқаи ҷинсӣ ё солимии репродуктивӣ", — афзудааст Хонов.

Инчунин, вакилони парлумон ба қонун дар бораи "Солимии репродуктивӣ" иловаеро ворид намуданд, ки он сиқти ҷанин ё "аборт"-ро танзим мекунад. Бар асоси ин тағйирот ҳамакнун "қатъи сунъии ҳомиладории интихобӣ вобаста ба ҷинси ҷанин" манъ шудааст.

101
Барчаспҳо:
манотиқи дурдаст, шуруъ, дарс, таълим, "ахлоқи ҷинсӣ", мактабҳо, парлумон, Насим Олимов, Абдураҳмон Хонов, Тоҷикистон

Дар Русия пӯшидани ниқобу дастпӯш дар ҷойҳои ҷамъиятӣ ҳатмӣ мешавад

109
Дар Русия, ки ҳамарӯза теъдоди зиёди мавориди олудашавии шаҳрвандон ба маризии коронавирус сабт мешавад, пӯшидани ниқобу дастпӯш дар ҷойҳои ҷамъиятӣ ҳатмӣ шуд

ДУШАНБЕ, 27 окт - Sputnik. Роспотребнадзор дар робита ба афзун шудани шумораи дардмандони нави коронавирус ва ҳамзамон зиёд шудани қурбониёни ин дард, аз шаҳрвандон талаб намуд, ки минбаъд дар ҷойҳои ҷамъиятӣ, аз ҷумла, нақлиёт, истгоҳу лифтҳо, дастпӯшу ниқоб пӯшанд.

"Дар робита бо паҳншавии глобалии сирояти нави коронавирусӣ бо мақсади кам кардани хавфҳои COVID-19 дар Федератсияи Русия ҳангоми афзоиши мавсимии бемориҳои шадиди вирусии респираторӣ ва зуком ... фармон медиҳам: шахсоне, ки дар қаламрави Русия ба сар мебаранд, дар ҷойҳои будубоши оммавии одамон, нақлиёти ҷамъиятӣ, таксиҳо, истгоҳҳо, лифтҳо бояд ҳатман дастпӯш ва ниқоби тиббӣ дошта бошанд", - таъкид мешавад дар хабар.

Гузашта аз ин, Роспотребнадзор ҳамаи минтақаҳои Русияро мувазаф намуд, ки ба 100 ҳазор аҳолӣ бояд на камтар аз 150 ташхиси коронавирус гузаронда шавад.

Таъкид мегардад, ки фармони Роспотребнадзор дар бораи тақвияти чораҳо алайҳи коронавирус аз 28 октябр эътибор пайдо мекунад.

109
Барчаспҳо:
маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон

"Душмани ислом ҳастӣ": муфтии Чеченистон кишвардори Фаронсаро террористи рақами як гуфт

3778
(Таҷдидшуда 14:33 27.10.2020)
Салоҳ Ҳоҷӣ Меҷиев муфтии Чеченистон пас аз вокуниши кишвардори Фаронса Эммануэл Макрон дар робита ба қатли профессори таърих, ӯро душмани кулли мусалмонон номид

ДУШАНБЕ, 27 окт - Sputnik. Дар Фаронса чанде пеш барои карикатураи Ҳазрати Муҳаммад (с), сари профессори яке аз коллеҷҳо аз тан ҷудо карда шуд.

Дар робита ба ин қазия, раисҷумҳури Фаронса Эммануэл Макрон ба тамоми фаронсавиҳо супориш дод, ки карикатураи пайғамбарро дар тамоми идораҳои давлатӣ овезон кунанд.

Ин амали Макрон боиси нигаронии ҷомеаи мусалмонон гардид. Аз ҷумла, муфтии Чеченистон Салоҳ Ҳоҷӣ Меҷиев амалкарди кишвардори Фаронсаро ҳамлаи рӯирост ба тамоми мусалмонон номид, ки метавонад талафоти зиёди одамонро ба бор орад.

Раёсати мусалмонҳои Ӯзбакистон «Шарли Эбдо»-ро маҳкум кард

Муфтӣ дар сафҳаи худ дар Инстаграм чунин навиштааст:

"Президенти Фаронса Эммануэл Макрон фармон дод, ки карикатураҳои бузургтарин мард, паёмбар Муҳаммад (с) -ро дар тамоми биноҳои ҳукуматӣ овезанд ... Ин на танҳо як амали бемасъулиятест, ки аз тамоми марзҳои ахлоқӣ берун аст, балки ҳамлаи хуби тарҳрезишуда ба Ислом ва тамоми ҷомеаи мусалмонон аст, ки метавонад талафоти бузурги инсониро ба бор орад".

Ӯ мегӯяд, кишвардори Фаронса ба ҷойи маҳкум намудани амали иғвоангезонаи профессори фавтида, ки дидаву дониста оқибати амалашро медонист, шаъну шарафи бузургтарин марди исломро олуда кард.

Зимнан, муфтии Чеченистон, Макронро террористи рақами як ва душмани ашадии кулли мусалмонон номид. Ӯ гуфт, таҳқир кардани пайғамбар ин таҳқир намудани кулли мусалмонон аст.

"Шумо душмани башарият ва тамоми мусулмонон ҳастед, ки принсипҳо ва арзишҳои ахлоқиро надоред...Шумо бо дастҳои худ муноқишаи байни миллатҳо ва динҳоро бармеангезед ", - гуфт муфтӣ.

Вай гуфт, ки Макрон "дидаю дониста мусалмононро ба амалҳои таҳрикомез тела медиҳад ва аз профессори девона "қаҳрамони миллӣ" метарошад.

Муфтӣ таъкид намуд, ки Макрон бо ин амали худ беш аз 2 миллион мусалмонро  душмани худ кард.

Ёдовар мешавем, чанде пеш дар шаҳри Конфлан-Сент-Онорини Фаронса, ки дар 27-километрии Порис ҷойгир аст, сари омӯзгори коллеҷро аз тан ҷудо намуданд. 

Профессор матолибҳои нашркардаи Charlie Hebdo-ро бо донишҷӯён муҳокима кард ва инчунин ба онҳо карикатураҳои пайғамбар Муҳаммад (с) - ро нишон медод.

Қотили ӯ шаҳрванди 48 - солаи Алҷазоир буда, дар коллеҷи мазкур яке аз фарзандони ӯ таҳсил мекард.

3778
Барчаспҳо:
Чеченистон, муфтӣ, Эммануэл Макрон, Фаронса
Грузовик с товарами, архивное фото

Роҳҳоро ифлос мекунед: чаро дар Суғд мошинҳои боркашоро ҷарима мекунанд

9
(Таҷдидшуда 11:09 28.10.2020)
Раёсати бозрасии давлатии автомобилӣ дар Суғд ба ронандагони мошинҳои боркаш ҳушдор медиҳад, ки минбаъд ҳангоми ҳаракат дар кӯчаҳо аз болопӯши ҳимоявӣ истифода баранд, то роҳро ифлос накунанд

ДУШАНБЕ, 28 окт — Sputnik.  Кормандони БДА дар вилояти Суғд зимни гузаронидани чорабинии мақсаднок нисбати 20 нафар ронандаи боркашон маводи маъмурӣ тартиб додаанд, гузориш медиҳад ВКД Тоҷикистон.

Ҳамзамон ба чанде аз роҳбарони корхонаву ширкатҳои сохтмонӣ барои рафъи камбудиҳо амрномаҳо дода шуд.

Бино бар иттилои манбаъ, ронандаҳои мазкур  тариқи ҷодаҳои нақлиётгарди маркази маъмурии вилояти Суғд шаҳри Хуҷанд ва ноҳияҳои атрофи он ҳамарӯза кашонидани борҳои пошхӯрандае аз қабилу хоку шағал тавассути нақлиётҳои боркаш машғул буда, роҳро ифлос мекунанд.

Ба иттилои БДА маҳз бо ҳамин сабабҳо дар чорроҳа ва кӯчаҳои асосӣ рехтаҳои шағалу хок тозагии шаҳри Хуҷандро ифлос мекунад. 

"Мутассифона ронандаҳо ва ягон нафар аз роҳбарони ташкилоту корхонаҳое, ки аз хизматрасонии кирояи ин нақлиётҳои боркаш истифода мебаранд, барои тозаю озода нигоҳ доштани кӯчаву роҳҳо чораҷӯӣ намекунанд ва сари ин масъала ташаббусе ҳам нишон намедиҳанд. Тавсияву дастур ба ронандаҳои боркаш ҷиҳати пӯшонидани бордони нақлиёт тавассути пардаҳои сахти резинӣ кифоя аст, ки пеши чунин бетартибии ислоҳшаванда гирифта шавад", - мегӯяд манбаъ.

БДА аз  ронандаҳои воситаҳои нақлиёт ва роҳбарони корхонаву ширкатҳои сохтмонӣ талаб мекунад, ки иҳати тозаву озода нигоҳ доштани кӯчаву роҳҳо масъулият ҳис кунанд. Ба ҳолатҳои бепардаи ҳимоявӣ кашонидани борҳои пошхӯранда роҳ надиҳанд ва хислати покизакорӣ нишон дода, оини шаҳрдориро риоя намоянд.

Қаҳрамонии як мансабдори БДА: донишҷӯдухтарро аз худкушӣ дар Сирдарё наҷот додааст

Кодекси ҳуқуқвайронкунии маъмурӣ дар моддаи 291 қисми 2 барои ифлос кардани роҳ ва бавуҷуд овардани монеа барои ҳаракат дар роҳ ба шахсони воқеъӣ ба андозаи аз 5 то 7 нишондиҳанда ва ба шахсони мансабдор ба андозаи аз 20 то 30 нишондиҳанда барои ҳисобҳо ва моддаи 322 барои бо нақлиёт кашонидани борҳои пошхуранда, ки пардаи ҳимоявӣ надоранд, ба андозаи аз 2 то 3 нишондиҳанда барои ҳисобҳо ҷаримаи маъмурӣ муқаррар кардааст.

 

9