Даъват ба суфуфи артиш. Акс аз бойгонӣ

Ҳуқуқдонҳо: ислоҳи қонуни даъват ба артиш "облава"-ро қонунӣ мекунад

35
(Таҷдидшуда 14:26 04.03.2015)
Дар баёнияи созмонҳои ҳуқуқи башари Тоҷикистон, ИДМ ва Аврупо бартариҳо ва камбудиҳои тарҳи қонуни ҷадиди хидмати низомӣ, аз ҷумла наҳваи супоридани даъватнома ба маркази низомӣ зикр шудаанд.

ДУШАНБЕ, 4 мар — Sputnik. Бист созмони мустақили ҳуқуқи башар дар робита ба ворид кардани ислоҳот ба қонун дар бораи хидмати низомӣ, ки метавонанд "облава"-и даъватшудагонро қонунӣ созад, эътироз кардаанд, хабар медиҳад Радиои Озодӣ.

Тарҳи қонун "Дар бораи ӯҳдадории низомӣ ва хидмати низомӣ" аллакай дар сойти вазорати адлия мунташир шудааст.

"Дар сурати сарпечӣ аз гирифтани даъватнома аз сӯйи даъватшуда, мадару модар, узви болиғи хонавода ва ё бидуни далели узрнок дар мӯҳлати дар даъватнома зикшуда ҳозир нашудан ба маросими марбут ба даъват ба хидмати низомӣ, таъмини ҳузури вай бо дархости расмии марокизи даъват ба ниҳодҳои интизомӣ вогузор мешавад", — омадааст дар қисми 5 моддаи 36 тарҳи қонун, ки ба он ҳомиёни ҳуқуқи башар ишора мекунанд.

Ин муқаррарот имкон медиҳад, ки боздоштҳо ба ҳангоми даъвати низомӣ қонунӣ карда шаванд, изҳор кардаанд масъулони 20 созмони ҳуқуқи башари Тоҷикистон, ИДМ ва Аврупо, ки матни баёнияи онро хабаргузории "Азия-Плюс" мунташир кардааст. Ва таъмини ҳузури даъватшудагон аз сӯйи ниҳодҳои интизомӣ навъи маҳдудсозии озодиҳои шаҳрвандон мебошад.

Мудофеъони ҳуқуқи башар боз ба ду нуктаи манфӣ дар ин тарҳи қонун ишора кардаанд. Тибқи ислоҳоти ҷадид, шаҳрвандоне, ки бояд ба хидмати низомӣ даъват шаванд, муваззафанд бо имзои шахсии худ даъватномаро бипазиранд ва дар сурати набуданашон пайвандони фарди даъватшаванда ба ин кор муваззаф шудаанд.

"Вале аъзои хонавода наметавонанд барои амали узви ба балоғатрасидаи хонавода ҷавобгарӣ дошта бошанд, — изҳор кардаанд мудофеъон. — Сарпечӣ аз гирифтани даъватнома аз сӯйи аъзои хонавода ҳаққи қонунии онҳо мебошад ва наметавонад далели муҷозоти маъмурӣ ё ҷиноии даъватшаванда бошад".

Ҳамзамон, тарҳи ин қонун мавридеро низ дорад, ки аз сӯйи ҳомиёни ҳуқуқ пазируфта шудааст. Аз ҷумла, қонуни ҷадид мӯҳлати хидмати низомӣ барои сарбозон ва сержантҳоро аз 24 то ба 18 моҳ коҳиш додааст ва афроди дорои маълумоти олӣ танҳо 12 моҳ хидмат хоҳанд кард.

35
Барчаспҳо:
нигаронии ҳуқуқдонҳо, вакилони мудофеъ, хидмати ҳарбӣ, муҳокимаи тарҳи ҷадиди қонуни хидмати низомӣ, созмонҳои ҳуқуқи башар, Тоҷикистон
Мавзуъ
Раҳмон: артиш бояд барои дифоъи манофеъи миллӣ омода бошад
Рӯзи артиш дар Душанбе чанд рӯз таҷлил мегардад
Пациенту ставят капельницу, архивное фото

Фавти 11 маризи коронавирус дар Қирғизистон давоми як шабонарӯз

87
(Таҷдидшуда 18:30 15.07.2020)
Шабонарӯзи гузашта дар Қирғизистон бар асари маризии сироятии коронавирус дасти кам 11 нафар ба ҳалокат расиданд. Миёни қурбониён ҳамчунин як пизишки 53 - сола низ қарор дошт

ДУШАНБЕ, 15 июл – Sputnik. Вазорати тандурустии Қирғизистон омори ҷадид фавт сироят ва шифоёбӣ аз коронавирусро нашр намуд.

Бар хабари вазорати беҳдошт, шабонарӯзи гузашта дар Қирғизистон дасти кам 11 мариз ҷон аз даст доданд. Гуфта мешавад миёни қурбониён як пизишки 53  - сола низ қарор дошт.

Теъдоди қурбониёни коронавирус дар Қирғизистон ба 99 нафар расид

Вазорати синну соли қурбониёни нави коронавирусро аз 49 то 72 - сола арзёбӣ намудааст.

Ба ҳамин минвол, акнун теъдоди умумии қурбониёни маризии коронавирус дар Қирғизистон ба 160 нафар баробар шудааст.

87
Барчаспҳо:
фавт, маризӣ, Қирғизистон
Мавзуҳо:
Пайомадҳои COVID-19 дар Тоҷикистон ва ҷаҳон
Российской военно-транспортной авиации 89 лет

Фавти боз як мақомдори тоҷик аз коронавирус: 52 - сола ва соҳиби 4 фарзанд

2349
Рустам Турсунзода Сардори Раёсати молияи шаҳри Турсунзода, ки мубталои маризии коронавирус буд, имрӯз фавтид. Марҳум ҳамагӣ се рӯз дар бемористон бистарӣ буд

ДУШАНБЕ, 15 июл – Sputnik. Сардори Раёсати молияи шаҳри Турсунзода Рустам Турсунзода дар синни 52 - солагӣ вафот кард, хабар медиҳад сомонаи "Фараж".

Ба иттилои манбаъ, марҳум ҳамагӣ се рӯз дар бемористон бистарӣ буд ва субҳи имрӯз ҷон ба Ҷонофарин таслим кард.

Рустам Турсунзода 16-уми майи соли 1968 дар деҳаи Қаротоғи ҷамоати деҳоти Қаротоғи шаҳри Турсунзода ба дунё омадааст.

Аз 6500 гузашт: омори ҷадиди фавт, сироят ва шифоёбӣ аз коронавирус дар Тоҷикистон

Марҳум соли 1992 Донишгоҳи техникии Тоҷикистон (рӯзона) ва соли 2012 Академияи хоҷагии халқ ва хизмати давлатии назди президенти Федератсияи Россияро (ғоибона) бо ихтисос муҳосиб-иқтисодчӣ ва идоракунии давлатӣ хатм кардааст.

Соли 2012 бо медали "Хизмати шоиста" сарфароз гардонида шудааст. Мушовири давлатии дараҷаи 3.

Аз соли 2002 узви ҲХДТ мебошад. Аъзои Кумитаи марказии ҲХДТ, соҳиби 4 фарзанд. Турсунзода Рустам Усмон аз 12-уми августи соли 2015 то ба имрӯз дар мансаби сардори Раёсати молия дар шаҳри Турсунзода фаъолият дошт.

2349
Барчаспҳо:
фавт, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Чрезвычайный и Полномочный псол Таджикистана Сатторов Имомуддин

Дар бораи қаллобон, парвозҳо ва издиҳом: Сатторов вазъи муҳоҷиронро дар Русия шарҳ дод

0
(Таҷдидшуда 01:23 16.07.2020)
Сафири фавқулода ва мухтори Тоҷикистон дар Русия Имомуддин Сатторов вазъи муҳоҷирини дар сарҳади Қазоқистон бандмонда ва онҳое, ки хоҳиши ба ватан бозгаштро доранд, шарҳ дод

ДУШАНБЕ, 15 июл — Sputnik. Вазъи муҳоҷирон дар марз ва парвозҳои содиротӣ дар гуфтугӯ бо Sputnik Тоҷикистон аз ҷониби сафири фавқулода ва мухтори Тоҷикистон дар Русия Имомуддин Сатторов шарҳ дода шуд.

Як қатор парвозҳои содиротӣ ва хабарҳо дар бораи барқарор шудани парвозҳои байнулмилалӣ аз ҷониби Русия дар байни шаҳрвандони Тоҷикистон боиси изтироб шуданд.

Сафир хоҳиши шаҳрвандон барои тарки Русия карданро шарҳ дода гуфт, маълумотҳо дар ВАО паҳн мешавад, ки мавҷи дуввуми коронавирус ба амал меояд: табиист, ки мардум метарсанд.

"Бале, ин вирус вуҷуд дорад ва он ояндаи наздик нест нахоҳад шуд. Мо бояд бо он зиндагӣ кунем" - илова кард Сатторов.

Сафир дар бораи гирифтории кормандони сафорат ба CVID-19

Дипломат инчунин  хабарҳо дар бораи гирифтор шудани кормандони сафоратхона ба коронавирусро шарҳ дод.

"Ин метавонад бо ҳама гуна шахс, аз ҷумла кормандони сафорат рух диҳад. Ҳеҷ гуна хатар вуҷуд надорад, чораҳои эҳтиётӣ андешида шудаанд: сафорат дар ҳолати қаблии корӣ кор мекунад, одамонро қабул мекунад, таҳдиди боздоштан ё пӯшида нест. Мо пурра кор карда истодаем ва кор хоҳем кард." - илова намуд Сатторов.

Дипломат аз ҳамватанон даъват кард, ки ба таври оммавӣ Русияро тарк накунанд ва дар сарҳад ҷамъ наоянд.

Ҳамзамон, Сатторов бори дигар муҳоҷиринро аз қаллобон огоҳ кард, ки дар паси шунидани кушодани сарҳадҳо ба таври назаррас фаъол шудаанд.

"Мо борҳо ба мақомоти ҳифзи ҳуқуқ огоҳ кардаем, ки дар ин ҷо одамон ё ширкатҳое ҳастанд, ки бо интиқоли одамон ба сарҳад машғуланд. Мо огоҳ карда будем, ки вазъ дар Қазоқистон хеле мушкил аст, аз роҳи заминӣ Русияро тарка кардан ғайриимкон аст" гуфт сафири Тоҷикистон дар Русия ва қайд кард, ки вазъ бо ҷамъшавии муҳоҷирон дар вилояти Самара бисёр саволҳоро ба бор меорад.

Вай илова намуд, ки чунин интиқолдиҳандагон, қаллобон ва нафароне, ки ҳуҷҷат омода мекунанд, бояд аз ҷониби мақомоти ҳифзи ҳуқуқи Русия нисбаташон чораҷӯйӣ шавад.

Ҳаракати нақлиётӣ миёни Русия ва Тоҷикистон баста боқӣ мемонад

Сафир инчунин издиҳоми муҳоҷирон дар назди бинои сафоратхонаҳои ҷумҳуриҳои Осиёи Марказиро шарҳ дод.

"Набояд дар маркази Маскав, дар назди бинои сафорат мардум  ҷамъ шавад ва набояд ба корманди сафорат ҳамла шавад. Фаъолияти мӯътадили намояндагии дипломатӣ ба кишвари қабулкунанда вобаста аст. На танҳо муҳофизати сафорат, балки пешгирии чунин қонуншиканӣ низ зарур аст", - афзуд Сатторов.

Вай афзуд, ки сафоратхонаҳо барои ҳалли баъзе масъалаҳо салоҳияти зарурӣ надоранд.

Сафири Тоҷикистон зикр кард, ки вазъи эпидемиологӣ дар Русия мӯътадил аст ва вазифаи асосии ҳоло ин ором кардани мардум, фаҳмондани он аст, ки ҳама фаъолият тадриҷан ба роҳ монда мешавад.

Оғози гуфтушунидҳои Тоҷикистону Русия барои барқарорсозии парвозҳо

"Тоҷикистон ва Русия музокиротро дар бораи барқарор кардани хадамоти ҳавоӣ оғоз кардаанд. Аммо ба ҳар ҳол мо бояд механизмҳоеро таҳия намоем, ки инро дар шароити хатари паҳншавии коронавирус чӣ гуна анҷом додан мумкин аст ", илова намуд Сатторов.
Ҳамчун намуна, дипломат шарҳ дод, ки пеш аз парвозҳои махсус аз Русия озмоишҳои фаврии мусофирон барои коронавирус гузаронида мешаванд.

Сатторов: 3 000 тоҷикистонӣ хоҳиши парвоз аз Русия ба Тоҷикистонро доранд

"Сарҳадҳо то абад баста намешаванд. Аз ин иқтисодиёту дигар соҳаҳо зарар мебинад ва одамон азият мекашанд"-гуфт сафир.

Дипломат гуфт, ки шумораи муроҷиатҳо ба сафорат якбора кам шудааст: парвозҳои ҳамарӯза аз Русия ба Тоҷикистон иҷро карда мешаванд.

"Ҳоло дигар воҳима нест, мо аксари ниёзмандонро баровардем," -илова карда сафири Тоҷикистон дар Русия.

Ҳамзамон, дар бораи одамоне, ки мехоҳанд аз ватан ба Русия баргарданд, набояд фаромӯш кард: онҳо низ дар хориҷа оила ва хешовандони худро доранд, ҳатто агар онҳо зодаи Тоҷикистон бошанд, хулоса кард Имомуддин Сатторов.

0