Президенти Тоҷикистон Эмомалӣ Раҳмон

Эмомалӣ Раҳмон пешниҳоди бунёди "Муҷассамаи модар"-ро кард

35
(Таҷдидшуда 11:04 10.03.2015)
Эмомалӣ Раҳмон, раиси ҷумҳури Тоҷикистон дар баробари пешниҳодаш дар бораи "Муҷассамаи модар", аз шеваи либоспӯшии занон, ҳиҷоб ва ҳузури ҷавонони тоҷик дар Ироқу Сурия интиқод кард.

ДУШАНБЕ, 6 март — Sputnik. Эмомалӣ Раҳмон, раиси ҷумҳури Тоҷикистон пешниҳод кард, дар шаҳри Душанбе "Муҷассамаи модар" бунёд шавад, менависад сомонаи расмии президент.

Вай ки 6 март дар "Кохи Борбад" бахшида ба Рӯзи модар сухан мегуфт, таъкид кард, ҳадаф аз бунёди муҷассама "ба ҷо овардани иззату эҳтироми модарон аст".

Ӯ дар оғози суханронии худ гуфт, дар ҳоли ҳозир дар ниҳодҳои давлатӣ беш аз 8 ҳазор зан фаъолият доранд, ки 500 нафарашон дар мақомҳои роҳбарӣ мебошанд. Вале Эмомалӣ Раҳмон дар идома аз бетаваҷҷӯҳии баъзе аз модарон нисбат ба тақдири фарзандонашон интиқод кард ва аз занон хост, ба тарзи либоспӯшии худ низ аҳамият диҳанд.

"Иддае аз наврасону ҷавонон ва занону духтарон ба амалҳои номатлуб даст зада, мақому манзалати оиларо паст мезананд. Қисми дигари фарзандон бо ҳамин сабабҳо ба гурӯҳҳои террористиву ифротӣ ҳамроҳ шуда, дар давлати ба ном исломии Ироқу Шом ба муқобили мусулмонони дигар меҷанганд ва аллакай даҳҳо нафари онҳо дар хоки бегона ба ҳалокат расидаанд", — изҳор доштааст президент.

Раисҷумҳур дар ин сӯҳбат аз сураҳои Қуръон ҳам ёдоварӣ карда ва ин суолро дар миён гузошт, ки "оё модарон ва худи ин афроди гумроҳ намедонанд, ки ҷойи чунин ҷавонон дӯзах аст? Намедонанд, ки давлатҳои Сурияву Ироқ кишвари мусулмонҳо мебошанд ва аксари одамоне, ки ҳар рӯз қурбон мешаванд, мусулмонанд?"

Ӯ аз майли занҳои тоҷик ба пӯшидани "либосҳои ғайр" низ интиқод кард. Президент Раҳмон гуфт, "мувофиқи сарчашмаҳои илмии этнографӣ халқи мо аз қадим либосҳои зебои занона дошт ва ҳеҷ гоҳ сиёҳпӯш набуд. Дар суннати анъанавӣ низ сиёҳпӯшӣ раво нест. Шумо худатон хуб медонед, ки ҳатто либоси мотамии мардуми мо сиёҳ нест. Аммо баъзе занону духтарони тоҷик сиёҳпӯшӣ карда, таърих ва моҳияти ин тарзи либоспӯширо намедонанд ва ҳатто донистан намехоҳанд."

Раиси ҷумҳур бовар дорад, агар бархе ба хотири тақлид ба ин тарзи либоспӯшӣ завқ пайдо кардаанд, "баъзеҳо бо мақсади таблиғи ақидаҳои таҳмилӣ ин либосро миёни занону духтарони мо паҳн карда, мехоҳанд дар кишвар боз як ҷараёни нави ифротиро ҷорӣ намоянд."

"Мувофиқи маълумот вақтҳои охир баъзе занону духтарони сиёҳпӯш ба ҷанозаи одамони тамоман бегона ҳозир шуда, дар байни заноне, ки дар ҷаноза иштирок доранд, ба ҳар гуна тарғиботи дур аз таъриху фарҳанги деринаи халқи мо даст мезананд. Вале аз ҷониби мақомоти дахлдор, масъулони соҳаи иҷтимоӣ ва занон, фаъолон ва падару модарон ҷиҳати пешгирии ин масъала чорае андешида намешавад",-таъкид кард ӯ.

Президент Раҳмон дар идома ба масъалаи ташхиси пеш аз никоҳи ҷавонон низ таъкид кард. Вай гуфт, таҳлилҳо нишон додаанд, аз муоинаи тиббӣ нагузаштани ҷавонон яке аз иллатҳои азҳампошии хонаводаҳо мебошад.

Эмомалӣ Раҳмон дар ин маврид аз таҷрубаи чанд иёлати Амрико, Миср, Имороти Муттаҳидаи Араб, Қатар ва Русия мисол овард, ки дар солҳои гузашта ба қонунҳои худ тағйирот ворид карда, пеш аз издивоҷ аз муоинаи тиббӣ гузаштанро ҷорӣ намудаанд.

35
Барчаспҳо:
буёнд, Муҷассамаи модар, Рӯзи модар, табрик, занҳо, пешниҳод, Эмомалӣ Раҳмон, Душанбе
Пожилой человек на турнире бузкаши в Таджикистане, архивное фото

Зиёд шудани нафақа то 50 дар сад - аз киҳо?

1035
(Таҷдидшуда 14:38 26.01.2021)
Раисҷумҳури Тоҷикистон Эмомалӣ Раҳмон дар паёми солонааш хабар дод, ки дар Тоҷикистон ҳаҷми нафақа боло рафта, аз бархе гурӯҳҳо то 50 дарсад зиёд мешавад

ДУШАНБЕ, 26 янв — Sputnik. Тавре президент гуфт, нафақаи маъюбони гурӯҳи якум, ки дар асоси Қонуни Ҷумҳурии Тоҷикистон "Дар бораи нафақаҳои суғуртавӣ ва давлатӣ" таъйин гардидааст, ба андозаи 50 фоиз баланд бардошта шавад.

Ӯ пешниҳод кард, ки аз 1 сентябри соли 2021 нафақаи маъюбон аз синни кӯдакӣ, ки дар асоси қонунҳои Ҷумҳурии Тоҷикистон "Дар бораи таъмини нафақаи шаҳрвандони Ҷумҳурии Тоҷикистон" ва "Дар бораи нафақаҳои суғуртавӣ ва давлатӣ" таъйин шудааст, ба андозаи 20 фоиз зиёд карда шавад.

"Нафақаи кӯдакони маъюби то 18 - сола, ки дар асоси Қонуни Ҷумҳурии Тоҷикистон "Дар бораи нафақаҳои суғуртавӣ ва давлатӣ" таъйин шудааст, ба андозаи 20 фоиз, зиёд карда шавад", - гуфт Эмомалӣ Раҳмон. 

Эмомалӣ Раҳмон таъкид кард, ки ин иқдом имкон медиҳад, ки шароити иҷтимоии қариб 100 ҳазор нафар шаҳрвандон аз гурӯҳҳои осебпазири зикршуда беҳтар гардад. 

Супоришҳои Раҳмон ба раисони Ҳисор ва Рашт барои таъмини саривақтии маошу нафақа

Ба қавли кишвардор, дар соли 2020 ба зиёда аз 700 ҳазор нафар сокинон аз гурӯҳҳои осебпазири ҷомеа ба маблағи беш аз 250 миллион сомонӣ кумакҳои иловагии иҷтимоӣ пардохта шуданд. 

1035
Барчаспҳо:
Эмомалӣ Раҳмон, зиёд шуд, нафақа
Праздничный намаз на Иди Курбон в Душанбе

Президент гуфт, дар кадом ҳолат масҷидҳо дубора баста мешаванд

891
(Таҷдидшуда 14:30 26.01.2021)
Эмомалӣ Раҳмон, раисҷумҳури Тоҷикистон ба сокинони кишвар ҳушдор дод, ки ҳангоми таҷаммӯъ эҳтиёткор бошанд, то коронавирус дубора паҳн нагардад

ДУШАНБЕ, 26 янв — Sputnik. Эмомалӣ Раҳмон ҳангоми ироаи паём аз нест шудани COVID-19 дар кишвар ёдрас шуд ва ҳушдор дод, ки сокинон ҳангоми дар як мавзеъ ҷамъ омадан, чораҳои беҳдоштиро қатъиян риоя кунанд.

Ӯ ёдрас шуд, ки ахиран дар кишвар масҷидҳо низ пас аз чанд моҳи масдуд будан, боз шуданд. 

Намоз бо ниқоб: қоидаҳои масҷидравӣ дар Тоҷикистон

Вай таъкид кард, ки намозгузорон қоидаҳои беҳдоштиро ҳатман риоя кунанд, дар акси ҳол, макони ибодатгузорӣ дубора баста мегардад.

"Бояд дар масҷидҳо эҳтиёт кард. Хусусан ҳангоми адои намози ҷумъа. Буданд ҳолатҳое, ки дар тӯйҳо ё ҷанозаҳо чандин нафарон аз коронавирус сироят меёфтанд", - таъкид кард раисҷумҳур.

Вай афзуд, "агар намозгузорон қоидаҳои беҳдоштро риоя накунанд, масҷид дубора баста мешавад".

Ёдовар мешавем, Ситоди ҷумҳуриявӣ оид ба пурзӯр намудани чораҳои зиддиэпидемиявӣ барои пешгирӣ аз бемории сироятии коронавирус дар бораи бозкушоии масҷидҳо қарор қабул кард

Расман: рӯзи бозкушоии масҷидҳо дар Тоҷикистон эълон шуд

Ҳамин тариқ, бо қарори ситоди мазкур сар аз 1 феврал дар Тоҷикистон баргузории ибодати дастаҷамъона дар иттиҳодияҳои динӣ, аз ҷумла намозҳои ҷумъа дар масҷидҳо бо риояи қатъии қоидаҳои беҳдоштии шахсию чамъиятӣ иҷозат дода мешавад.

Ситод ҳушдор дод, ки "дар масҷидҳое, ки талаботи гигиенаи шахсию ҷамъиятӣ вобаста ба пешгирии бемориҳои сироятӣ риоя намегардад, фаъолияташон манъ карда мешавад".

891
Барчаспҳо:
Эмомалӣ Раҳмон, боз, масҷид, президент
Мавзуҳо:
Пайомадҳои COVID-19 дар Тоҷикистон ва ҷаҳон

COVID, президентии Трамп ва Apple Watch: пешгӯиҳои "Симпсонҳо" - видео

0
Яке аз дарозтарин филмҳои тасвирӣ дар таърихи Иёлоти Муттаҳидаи Амрико натанҳо бо саҳнаҳои ҳаҷвӣ, балкӣ бо пешгӯиҳои худ машҳур аст

Масалан Доналд Трампро ҳанӯз 10 сол пеш дар ин филм ба ҳайси президенти ИМА интихоб карда буданд.

Трампро аз филми "Дар хона танҳо" ҳам хориҷ карданд - навор

Дар ҳамон филм аввалин маротиба соатҳои Apple Watch, чанд чол пеш аз инқилоби "себӣ" пайдо шуда буданд.

Ҳаводорони филми тасвирии "Сипмсонҳо" боз чанд лаҳзаи дигари пешбинишударо дарёфт карданд:

  • ҷароҳати футболбози бразилиягӣ Неймар дар қаҳрамонии ҷаҳон;
  • пайдоиши шахсияти Грета Турберг;
  • вирусе, ки тамоми ҷаҳонро фаро гирифтааст. Дар ин бора дар сериале, ки ҳанӯз соли 1993 наворбардорӣ шудааст, гуфта мешавад. Он замон ин маризӣ "осака -вирус" ном гирифта буд;
  • Камала Харрис дар маросими савгандёдкунии раҳбари нави "Қасри Сафед" - Ҷо Байден.

Дигар пешбиниҳои хонаводаи "Симпсонҳо" - ро дар навори боло тамошо кунед.

0
Барчаспҳо:
вируси корона, Доналд Трамп, ИМА