Десантҳо дар соҳили дарё. Акс аз бойгонӣ

Ҷанги Бузурги Ватанӣ: вақте аз таърих сабақ намегиранд

71
(Таҷдидшуда 14:13 26.03.2015)
Бисту шашуми марти соли 1944 дар доираи амалиёти Уманско-Ботошанский (5 март- 17 апрели соли 1944) неруҳои низомии шӯравӣ дар ҳайати Ҷабҳаи 2-юми Украина таҳти фармондеҳии маршал Иван Конев барои нахустин бор ба сарҳади ИҶШС (СССР) ба марзи дарёи Пруд, қисмати ғарбии шаҳри Белтса баромаданд.

"Ҷабҳаи 2-юми Украина ҳамлаи барқосои худро идома дода, чанд рӯз қабл дарёи Днестрро дар масири 175 километр убур карда, шаҳр ва нуқтаи муҳими роҳи оҳани Белтсаро таҳти тасарруфи худ дароварданд. Амалиётро идома дода, нерӯҳои шӯравӣ ба сарҳади давлатӣ дар соҳили рӯдхонаи Пруд дар масоҳати 85 километрии он расиданд",- эълом дошт ровии радиои умумиитифоқӣ Юрий Левитан.

Маскав ин пирӯзиро бо паррондани бисту чаҳор тир аз сесаду бист навъи аслиҳа истиқбол кард.

…Имрӯз, баъди 71 соли он воқеъаҳо шояд бобоҳои мо ба гӯшаи хаёл ҳам оварда наметавонистанд, ки рӯзе мерасаду таърихи умумии моро касе таҳриф карданӣ мешавад.

Он вақт барои ба даст омадани нахустин Пирӯзии бузург дар амалиёти Уманско-Ботошанский 66 ҳазор иштирокчиёни он аз Ҷабҳаи дуввуми Украина ҷони худро нисор карданд. Дар ин амалиёт тоҷик, рус ва украинӣ набуд, зимни он намояндагони ҳамаи қавму миллатҳои ИҶШС ширкат доштанд.

Дар озодкунии конслагер (зиндони махсус)-и Аушвитс-Биркенау дар Освенсиум низ артиши шӯравӣ саҳми бориз дошт. Аскарони гуногунмиллат: арманӣ, гурҷӣ, ӯзбак, рус, тотор ва дигарон дар раҳоии маҳбусини конслагери мазкур ширкат варзиданд. Аммо бархе аз тангназарон, аз қабили Гжегож Схетина, вазири умури хориҷаи Лаҳистон ҳамаи инро нодида гирифта, чанде қабл гуфт, асосан Освенсиум аз ҷониби украиниҳо озод шуд.

Ба қавли ӯ, артише, ки Освенсиюмро озод кард, аз украиниҳо (гуйё бештар аз 51%-и аскарон украинӣ буда бошанд) иборат буд ва он Ҷабҳаи аввали Украина маҳсуб меёфт. Ин изҳорот сарусадои манфиеро дар кишварҳои пасошӯравӣ ва Ғарб ба думбол дошт.

Ҳамзамон, бар пояи иттилоъи сиррии вазорати мудофиаи ФР дар ҳайати артиши 60-уми Ҷабҳаи 1-уми Украина намояндагони 39 халқу миллат меҷангиданд.

Аввали соли равон бошад, Арсений Ятсенюк, нахуствазири Украина аснои боздидаш аз Берлин гуфт, соли 1941 маҳз Иттиҳоди Шӯравӣ ба Олмон ва Украина ҳуҷум кард.

Мо ҳамлаи ИҶШС ба Украина ва Олмонро хуб дар ёд дорем. Мо набояд дигар ба ин роҳ бидиҳем. Ҳеч кас ҳуқуқи дигар кардани натиҷаҳои Ҷанги дуввуми ҷаҳонро надорад, тавре ки президенти Русия мекунад, гуфт он вақт нахуствазири Украина.

Моҳи августи соли гузашта ВАО-и Украина хабар дод, ки Киев тасмими бознигарии ҳаводиси марбут ба солҳои 1941-45-ро дорад ва дар китобҳои таълимӣ ба ҷойи ибораи "Ҷанги Бузурги Ватанӣ" мафҳуми "Ҷанги дуввум"-ро ворид карданист.

…Рӯзи 26 марти соли 1944 дар таърихи Ҷанги Бузурги Ватанӣ (1941-1945) барои миллионҳо нафар эътимодро ба вуҷуд овард, мисли як рӯзи боварӣ.Ва имрӯз ҳам ин сана барои мо муҳим аст, мисли 70 сол қабл.

71
Барчаспҳо:
39 халқу миллат, сабақи таърих, 70 соли Ғалаба, таҳрифи таърих, пирӯзӣ, ҷанг, лагери Освенсиум, Ҷанги Бузурги Ватанӣ, ҶБВ, нахуствазири Лаҳистон, нахуствазири Украина, Гжегож Схетина, Иван Конев, Арсений Ятсенюк, Белтса, Днестр, Киев, Украина, Русия
Сабзавоти вилояти Суғд. Акс аз бойгонӣ

Олимон сабзавотеро ном бурданд, ки коронавирусро нест мекунад

46
(Таҷдидшуда 17:29 14.07.2020)
Олимони фаронсавӣ сабзавотеро ном бурданд, ки қодир аст коронавируси навъи COVID - 19 - ро нест кунад

ДУШАНБЕ, 14 июл – Sputnik. Пажӯҳишгарони Донишгоҳи Монпеле дар Фаронса карамро аз маҳсулоте гуфтанд, ки метавонад коронавируси навъи COVID - 19 - ро нест кунад, хабар медиҳад нашриёти бритонии The Sun.

Бино ба гуфти коршиносон дар кишварҳое, ки карам дар ғизои рӯзмарра бештар истифода мешавад, сатҳи фавт аз коронавирус дар қиёс бо дигар мамолик камтар аст.

Аз ҷумла дар Олмон ва Куреи Ҷанубӣ сатҳи фавт аз коронавирус камтар ба қайд гирифта шудааст.

Намакоб аз сирояти коронавирус нигоҳ медорад?

Пажӯҳишгарон таъкид мекунанд, ки карам дар худ моддае дорад, ки монеъи хуруҷи коронавирус мешавад. Ҳамин тавр, дар дохили карам антиоксидантҳое мавҷуданд, ки баданро аз вирус муҳофизат мекунанд.

Пештар олимони юнонӣ доруи қадимиеро ном бурданд, ки метавонад инсонро аз коронавирус наҷот диҳад. Ин дору колхитсин мебошад, ки ҳанӯз чанд аср пеш чун доруи зидди илтиҳоб истифода мешуд.

46
Барчаспҳо:
вируси нав, нест мешавад, олимон, Ҷаҳон
Мавзуҳо:
Пайомадҳои COVID-19 дар Тоҷикистон ва ҷаҳон
Объявление купаться запрещено, архивное фото

Хатарнок: КҲФ ҷойҳои мамнӯъ барои оббозӣ ва истироҳатро нишонгузорӣ мекунад

17
(Таҷдидшуда 17:04 14.07.2020)
Кумитаи ҳоалтҳои фавқулоода ба нишонагузории ҷойҳои мамнӯъ барои оббозӣ ва истироҳат дар соҳилҳо идома медиҳад

ДУШАНБЕ, 14 июл – Sputnik. Кумитаи ҳолатҳои фавқуллода мегӯяд, риоя нашудани одитарин талаботҳо сабабгори ғарқ шудани мардум мегардад.

Дар асоси «Нақша чорабиниҳо оид ба масъалаҳои мудофиаи гражданӣ, эътино, пешгирӣ ва рафъӣ ҳолатҳои фавқулодда» барои соли 2020, вобаста ба мавсими обозии соли 2020, Раёсати кумитаи ҳолатҳои фавқулодда ва мудофиаи гражданӣ шаҳри Душанбе ва шуъбаи ноҳияи И. Сомонӣ дар соҳилҳои дарёи Душанбе, канали Дереватсионӣ ва кӯли Душанбе пайваста корҳои таблиғотӣ дар мавриди таъмини ҳолатҳои бехатарии шаҳрвандон ҳангоми шиноварӣ ва пешгирии ҳолатҳои ғарқшавӣ дар мавсими оббозӣ, гузаронида мешавад.

Наҷоти як кӯдак аз ғарқшавӣ ба марги 11 нафар анҷомид

"Дар айни замон зимни мулоқот бо истироҳаткунандагон маҳалли истироҳату тафреҳгоҳҳо пурра аз назар гузаронида мешаванд ва дар ҷойҳое, ки оббозӣ манъ аст, лавҳа гузошта мешавад", - омадааст дар хабарнома.

Ғарқшавии ду тан дар дарёи Шоҳдараи ВМКБ : ҷасадҳо то ҳол пайдо нашудааст

Тибқи иттилои манбаъ, пештар ҳам шуъбаи Раёсати кумитаи ҳолатҳои фавқулодда ва мудофиаи граждании шаҳри Душанбе дар ноҳияи И.Сомонӣ ҳамроҳ бо  шўъбаи ВКД-и ноҳия, Раёсати кор бо маҳаллаҳо ва хизматрасонии фонди манзилию комуналии ноҳия дар ҳудуди маҳаллаҳое, ки каналу дарё наздик аст бо сокинон ва истироҳаткунандагон суҳбатҳо роҳандозӣ кардаанд.

17
Барчаспҳо:
нишона, тақвияти соҳилҳо, Тоҷикистон, КҲФ Тоҷикистон
Истихроҷи ангишт. Акс аз бойгонӣ

“Истиқлолияти ангиштӣ”: ангишти Тоҷикистонро кӣ истеҳсол мекунад?

0
Тайи ним соли равон Тоҷикистон ба Ӯзбекистону Покистон ҳудуди якуним ҳазор тон ангишт содир намудааст

ДУШАНБЕ, 14 июл — Sputnik. Санъат Раҳим, раиси Хадамоти назорати давлатии бехатарии корҳо дар саноат ва соҳаи кӯҳкории назди ҳукумати Тоҷикистон зимни нишасти матбуотии ниҳодаш гуфт, истихроҷи ангишт дар қиёс бо дигар соҳот рушдкардатарин соҳаи саноати кишвар шудааст.

 “Мо дар замони истиқлолият комилан аз воридоти ангишт даст кашидем. Истиқлолияти Тоҷикистон аз ин лиҳоз комилан таъмин аст ва мо ҳоло имконияти содир кардани ангиштро ба даст овардаем. Аз рӯи иттилое, ки Корхонаи воҳиди давлатии “Ангишт” дар ихтиёри мо гузошт, дар нимсолаи аввал якним ҳазор тон ангишт ба Покистону Ӯзбекистон содир шудааст”, - гуфт Санъат Раҳим.

Тибқи иттилои расмӣ, Тоҷикистон соли гузашта беш аз 2 миллион тон ангишт истеҳсол кардааст, ки беш аз 99 дарсади ангишт дар дохили кишвар истифода шуда, ҳудуди 18 ҳазор тон (0,95%) – и он ба Ӯзбекистону Покистону содир шудааст.

97 дарсади ангишти Тоҷикистонро ширкатҳои “Шахтаи Фон Яғноб” (ноҳияи Айнӣ, кони Фон Яғноб), “Зиддӣ” (Варзоб, Зиддӣ), “Назар айлоқ” (Рашт, Назар Айлоқ, Шикорхона), “Талко Ресурс” (Айнӣ, Фон Яғноб) ва “Ангишт” (Исфара, Шӯроб) истеҳсол кардаанд.

Тибқи иттилои Хадамоти назорати давлатии бехатарии корҳо дар саноат ва соҳаи кӯҳкорӣ, дар Тоҷикистон 16 ширкат муҷаввизи истихроҷи ангиштро ба даст овардаанд, ки ба шумули ширкатҳои ёдшуда боз 4 ширкат - “Дион ангишти Тоҷикистон” (Панҷакент, Ғузн), Комбинати металлургии тоҷик (Айнӣ, Фон Яғноб), “Ангишти Камароб” (Рашт, Назар Айлоқ, Кафтархона) ва “Ганҷи К” (Ҳисор, Чашмасанг) фаъол буда, бақия 6 адад - “Шӯробод” (Шамсиддини Шоҳин, Шӯробод), “Истиқлол” (Турсунзода, Тошқӯтан), “Сайёд” (Ваҳдат, Сайёд), “Сиёвуш Ф” (Панҷакент, Шишқат), “Қудрат 2010” (Мастчоҳ, Ғезан), “Помир” (Дарвоз) ва “Анавак” (Турсунзода, Ҳакимӣ) фаъол нестанд.

0
Барчаспҳо:
истеҳсол, содир, Покистон, Ӯзбекистон, ангишт, Тоҷикистон