Ҳаҷ. Акс аз бойгонӣ

Ҷавоб ба суоли “чаро нархи ҳаҷҷи мо гаронтар аст?”

39
(Таҷдидшуда 15:09 22.05.2015)
Кумитаи дин, танзими анъана ва ҷашну маросимҳои миллӣ сабабҳои гаронии харҷи сафари зоирони тоҷик дар муқоиса ба зоирони қирғиз ба зиёрати Каъбаро шарҳ додааст.

ДУШАНБЕ, 22 май — Sputnik. Арзиши сафари ҳаҷ дар Тоҷикистон ба хотири он гаронтар аст, ки ба ҳоҷиёни тоҷик шароит беҳтар дастрас мешавад, навишаанд масъулони Кумитаи дин, танзими анъана ва ҷашну маросимҳои миллӣ дар сомонаи ин ниҳод.

Номаи Кумитаи дин:

"…Чанде пеш торнамои Радиои Озодӣ бо нашри гузорише зери унвони "Нархи имсолаи сафари ҳаҷ чӣ қадар аст?" масоили нархгузорӣ барои адои маносики ҳаҷ дар бархе аз кишварҳо, аз ҷумла Тоҷикистонро таҳлилу баррасӣ намуд.

Дар гузориши "Озодӣ" омадааст, ки қимати имсолаи сафари ҳаҷ барои зоирони Қирғизистон 2550 долларро ташкил медиҳад ва он нисбат ба дигар кишварҳои минтақа арзонтарин маҳсуб мешавад.

Ин дар ҳолест, ки нархи хизматрасониҳои сафари Хонаи Худо барои зоирони тоҷик дар соли гузашта 18 ҳазору 164 сомониву 92 дирам буд ва ин маблағ чиптаи ҳавопаймо, сукунат дар меҳмонхонаҳо дар шаҳрҳои Макка ва Мадина, се бор хӯрок дар як рӯз, хидмати роҳбаладон, суғурта, хизматрасонии шабонарӯзии тиббӣ, эмгузаронӣ бар зидди бемориҳои сирояткунанда, ҷузвдон, сару либос ва ғайраро дар бар мегирифт.

Аммо хабарнигорон бештар чунин суолро пеш мегузоранд, ки чаро нархи сафари ҳаҷ дар ҳамсоякишвари Қирғизистон нисбат ба мо ба таври чашмрас арзонтар аст?

Аслан, бори аввал нест, ки ҷониби Қирғизистон зоирони худро бо нархи нисбатан арзон дар минтақа ба Арабистони Саудӣ сафарбар менамояд. Дар солҳои қаблӣ, аз ҷумла, соли 2012 ва чанд соли пеш аз он низ нархи сафари ҳаҷ дар ин кишвар миёни давлатҳои ҳамҷавор арзонтарин маҳсуб мешуд. Зеро дар он сол масалан, агар ҳоҷиёни қирғиз ба таври ройгон дар маконҳои хайрия, ки шароити начандон муносиб барои будубош доштанд ва дар масофаи аз 10 то 15 километр дур аз Ҳарам воқеъ буданд, сукунат мекарданд, ҳоҷиёни тоҷик дар меҳмонхонаҳои барҳавои Макка (дар ҳар утоқ аз 3 то 5 нафар) дар масофаи то 4 килорметр аз Ҳарам иқомат менамуданд ва ин раванд идома дорад. Яъне, зоирини Қирғизистон аз пардохти ҳаққи меҳмонхона озод буданд.

Агар ҳоҷиёни қирғиз на аз ҳисоби маблағи умумии пардохтнамудаашон, балки иловатан аз ҳисоби худ қурбониро анҷом диҳанд, адои қурбонии ҳоҷиёни тоҷик ба воситаи Бонки Исломии Рушд аз ҳисоби маблағи умумӣ сурат мегирад.

Нархи чиптаи ҳавопаймои Қирғизистон низ аз сабаби арзонтар будани қимати сӯзишворӣ дар ин кишвар ҳамасола нисбат ба ҷониби мо то 250 доллар арзонтар мебошад. Дар ҳоле ки тибқи иттилои Идораи Мусулмонҳои Қирғизистон дар мавсими ҳаҷ аз ҳар як ҳоҷӣ 130 доллар ба фоидаи ин ниҳод ҳамчун хайрия ситонида мешавад, ниҳоди танзимкунандаи сафари ҳаҷ дар Тоҷикистон ба фоидаи худ аз зоирон маблағе намегирад.

Инчунин, баъзе аз хизматрасониҳо, аз қабили суғурта, хизматрасонии шабонарӯзии тиббӣ, эмгузаронӣ, таъмини либосу ҷузвдон ва амсоли он ки зоирини тоҷик ҳамасола аз он бархӯрдор мешаванд, дар номгӯи хизматрасониҳои пешниҳоднамудаи Идораи мусулмонҳои Қирғизистон наомадааст.

Илова бар ин, зоирини тоҷик се моҳ пеш аз сафари Хонаи Худо бо барномаи махсуси омӯзише фаро гирифта мешаванд, ки дар он аҳкоми шаръии ҳаҷ ва дигар масоили вобаста ба он омӯзонида мешавад.

Аз ин лиҳоз, нархи хизматрасониҳо вобаста ба сатҳ ва сифати он аз ҳам фарқ мекунад. Яъне, азбаски хизматрасониҳои ҳоҷиёни тоҷик дар сатҳи баланд ба роҳ монда мешаванд, табиист, ки он ба нархи умумии сафари Хонаи Худо таъсир мегузорад.

Пас, хулоса намудан мумкин аст, ки агар ҷониби Қирғизистон барои ҳамаи он хизматрасониҳои дар боло зикршуда маблағи муайян пардохт намояд, пас, шояд нархи сафари ҳаҷҷи қирғизҳо нисбат ба нархи ҷониби мо гаронтар шавад.

Мо аз ин таҷрибаи Қирғизистон (истифода аз хизматрасониҳои ройгони хайрия) алакай даҳ сол пеш истифода намуда будем ва ҳоло дигар чунин сатҳи хизматрасониҳо талаботи ҳоҷиёни Тоҷикистонро қонеъ карда наметавонад.

Бояд гуфт, ҳоло хизматрасониҳое, ки ҷониби Тоҷикистон баъд аз бастани шартномаи дахлдор бо ширкати хизматрасон ба зоирини худ пешниҳод менамояд, дар сатҳи кишварҳои пешрафтае чун Туркияву Эрон, Русияву Қазоқистон ва Озарбойҷон аст. Ҳамчунин, қайд кардан ба маврид аст, ки Қазоқистон дар солҳои гузашта нархи ҳаҷро танҳо барои 2 ҳафтаи сафар 3800 доллар муқаррар карда буд. Озарбойҷон ҳамасола нархи ҳаҷро аз 4450 то 5200 доллар муқаррар менамояд.

Нархи сафари ҳаҷ дар Русия низ бештар аз 4300 доллар муайян шудааст. Қимати сафари ҳаҷ дар Туркия бештар аз 4500 доллар мебошад.

Бояд гуфт, маъракаи ҳаҷ пайваста зери назари ҷиддии Ҳукумати Ҷумҳурии Тоҷикистон қарор дошта, дар ин самт Ситоди доимамалкунандаи ҷумҳуриявӣ "оид ба ташкил ва баргузории ҳаҷ ва умра" фаъолият мекунад ва намояндагони ин ситод то оғози мавсими ҳаҷ якчанд маротиба ба кишвари Саудӣ сафар намуда, мувофиқтарини меҳмонхонаҳоро бо нархи дастрас интихоб мекунанд. Маҳз натиҷаи кори пурсамари ситоди мазкур ва Кумитаи оид ба корҳои дин, танзими анъана ва ҷашну маросимҳои миллӣ буд, ки дар чанд соли охир ситоди ҳаҷҷи Тоҷикистон дар миёни тамоми кишварҳои мусулмонӣ дар масъалаи коргузорӣ ва тартиби ҳаҷ ҷои сазоворро ишғол менамояд.

Ҳоҷиёни тоҷик дар беҳтарин меҳмонхонаҳои Маккаи мукаррама ва Мадинаи мунаввара иқомат мекунанд. Масофаи миёни меҳмонхонаи ҳоҷиёни мо аз Макка то Масҷиду-л-Ҳаром наздики 4 километр ва аз Мадина то Масҷиди набавӣ наздики 300 метрро ташкил медиҳад.

Ҳамасола Кумита чӣ тавр истифода шудани маблағҳоро дар шакли "ариза- созишнома" тартиб дода, дастраси ҳар як шаҳрванди ҳаҷраванда мегардонад. Дар охир зикри ин нуктаро низ лозим медонем, ки дар даврони соҳибистиқлолии кишвар беш аз 200 ҳазор шаҳрванди Тоҷикистон ба адои ин фариза мушарраф гардидаанд."

39
Барчаспҳо:
шароит, муқоиса, гаронии нарх, адои фариза, сафар, хизматрасонӣ, ҳоҷиён, посух, Ҳаҷҷ, Кумитаи дин, танзими анъана ва расму оини ҶТ, Тоҷикистон
Шабнами Сурайё - таджикская эстрадная певица, архивное фото

"Руҳат шод бод, бародари азиз": таассуфи Шабнами Сурайё аз даргузашти Баҳром Ғафурӣ -навор

2350
(Таҷдидшуда 13:13 08.08.2020)
Сарояндаи саршиноси Тоҷикистон Шабнами Сурайё аз даргузашти бармаҳали овозхони маҳбуб Баҳроми Ғафурӣ изҳори таассуф намуда дар ҳаққи рӯҳи равони марҳум дуо хондаст

ДУШАНБЕ, 8 авг – Sputnik. Шабнами Сурайё дар сафҳаи худ Инстаграм суруди муштарак бо Баҳроми Ғафурӣ овозхони маҳбуб, аммо ҳоло марҳуми тоҷик мунташир намуда, аз марги бармаҳали ӯ изҳори таассуф намуд.

"Инна-Лилляхи Ва-Инна-Иляйхи-Раджиун!🤲🏼😔ДУСТ ВА БАРОДАРИ АЗИЗ", - навиштааст Шабнами Сурайё.

Зимнан, илова намудааст, ки Худованд Баҳромро тариқи раҳмат ва шоистаи ҷаннат гардонад ва руҳаш шод бошад.

Ёдовар мешавем, овозхони машҳури Тоҷикистон Баҳроми Ғафуровӣ субҳи рӯзи 7 - уми август дар шаҳри Душанбе бар асари садамаи нақлиётӣ ҷон бохт.

Баҳром ҳамагӣ 44 сол дошт ва гарчанде пас аз садама фавран ба бемористон интиқол ёфт, вале пизишкон натавонистанд ҷони ӯро аз чанголи марг раҳонанд.

Ҷасади Баҳром Ғафурӣ дар қабристони Ҳазрати Мавлоно дар маҳаллаи "Нӯҳум километр"-и Душанбе ба хок супорида шуд.

Баҳром Ғафурӣ 29 феврали соли 1976 дар деҳаи Ҳазрати Мавлонои ноҳияи Рӯдакӣ (собиқ Ленин) таваллуд шуда, хатмкардаи факултаи иқтисоди Донишгоҳи миллии Тоҷикистон буд.

Шарҳи ВКД: ронанда зинда монд, аммо мусофири мошин Баҳром Ғафурӣ ба ҳалокат расид

Баҳром Ғафурӣ яке аз сарояндагони шинохта дар давоми 20 соли охир дар саҳнаи эстрадаи тоҷик ба ҳисоб мерафт. Ӯ дар байни мухлисон бо суруди “Муҳоҷирбача” ва “Орзу” машҳур гардида буд.

Дар тӯли фаъолияти эҷодиаш 10 албомро ба мухлисон эҳдо кардааст. Солҳои охир дар бандубаст ва офаридани филмҳои ҳунарӣ низ саҳм мегузошт. Яке аз қаҳрамонҳои марказии филми овозадори “Сукут” ба ҳисоб мерафт. Филми охироне, ки Баҳром дар он нақш офарида буд, филми “Риё” буд, ки соли 2019 рӯйи пардаи синамо баромад.

Суқути ситораи санъати тоҷик: даргузашти Баҳром Ғафурӣ - видео

Чандин маротиба аз сӯи созмонҳои мусиқӣ унвонҳои “Ситораи сол” ва “Овозхони беҳтарин” – ро ба даст овардааст. Моҳи ноябри соли 2009 дар озмуни Big Apple music Awards “Овозхони беҳтарини мард” эълон шуд.

2350
Барчаспҳо:
навор, тоҷик, овозхон, даргузашт, Шабнами Сурайё

Ҷашнҳои рӯзи 8 август дар Тоҷикистон ва ҷаҳон

79
(Таҷдидшуда 23:06 07.08.2020)
Рӯзи ҳаштуми август Рӯзи байналмилалии кӯҳнавардон буда дар Чин – Рӯзи падар ва дар Бутан –Рӯзи истиқлолият таҷлил мешавад

Рӯзи 8 август дар ҷаҳон чӣ рух дод

Соли 1925 дар Вашингтон аввалин конгресси миллии Ку-Клукс-Клана оғоз гардида буд.

© Sputnik / Стас Этвеш / Вишнякова Мария

Соли 1925 аввалин маротиба дар шаҳри Торонтои Канада чароғаки роҳ насб гардид.

Соли 1927 дар Фаронса эълони сохтани ваксина бар зидди вабои саг паҳн гардид.

Соли 1932 Иттиҳоди Шӯравӣ истифодаи меҳнати занонро дар конҳо иҷозат дод.

Соли 1937 тасарруфи Пекин аз ҷониби Ҷопон.

Соли 1949 дар шаҳри Страсбурги Фаронса аввалин ҷаласаи Шӯрои Аврупо баргузор гардид.

Соли 1959  дуюмин Бозиҳои тобистонаи халқҳои Иттиҳоди Шӯравӣ баргузор гардид.

Соли 1967 баргузории рӯзҳои фарҳангии Тоҷикистон дар Маскав.

Рӯзи 8 август дар Тоҷикистон чӣ рух дод

Соли 2006 дар ноҳияи Ховалинги вилояти Хатлон мақбараи Султон Увайси Қаранӣ баъд аз тармим кушода шуд.

© Sputnik / Стас Этвеш / Вишнякова Мария

Соли 2011 бо иштироки раисиҷумҳур Эмомалӣ Раҳмон дар маҳаллаи навбунёди «Зарринкӯҳ»-и шаҳри Кӯлоби вилояти Хатлон мактаби замонавӣ ба истифода дода шуд.

Соли 2011 дар шаҳри Кӯлоби вилояти Хатлон Президент  Эмомалӣ Раҳмон Маҷмааи истироҳативу фароғатӣ ва варзишии «Кӯли ҷавонон» — ро мавриди баҳрабардорӣ   қарор доданд.

Соли 2016  Эмомалӣ Раҳмон ва муовини Дабири кулли СММ, Намояндаи олӣ оид ба масъалаҳои кишварҳои камтараққӣ, кишварҳои тараққикунандаи маҳсур дар хушкӣ ва ҷазиракишварҳои хурди тараққикунанда Гян Ачария вазъи ҳамонвақта ва дурнамои муносибатҳои Тоҷикистон ва Созмони Милали Муттаҳид дар бахшҳои муҳими ҳаёти ҷаҳони муосирро мавриди баррасӣ қарор дод.

Ҷашнҳои рӯзи 8 август

  • Рӯзи байналмилалии кӯҳнавардон.
  • Дар Чин – Рӯзи падар.
  • Дар Бутан –Рӯзи истиқлолият.

Рӯзи 8 август дар Тоҷикистон кӣ ба дунё омадааст

Ғаюр Ашўров (1960) – доктори илми тиб, профессор.

Надежда Бутовская (1890- 1977)- Китобдори шоистаи Тоҷикистон.

Абдумаҷид Воҳидов (1942) – доктори илми тиб, профессор.

Григорий Масич (1925) – сарояндаи оркестр, Ҳунарпешаи шоистаи Тоҷикистон.

Муҳаммад Шодӣ (1959)- шоир, нависанда.

Раҷаб Насим (1935) – нависанда.

Камолиддин Нодиров (1957)- рассом.

Ҳамид Обидӣ (1911 – 1948) – нависанда, драматург.

Акрам Ризоев (1946)- олими соҳаи техника, профессор.

Александр Соловёв (1892 – 1959) – астрофизик, Ходими шоистаи илми Тоҷикистон.

Одилҷон Умурзоқов (1954) – сароянда, Ҳунарпешаи шоистаи Тоҷикистон.

79
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон
Ҷашнҳои рӯзи 4 август дар Тоҷикистон ва ҷаҳон
Ҷашнҳои рӯзи 5 август дар Тоҷикистон ва ҷаҳон
Ҷашнҳои рӯзи 6 август дар Тоҷикистон ва ҷаҳон
Ҷашнҳои рӯзи 7 август дар Тоҷикистон ва ҷаҳон

Сукути ҳавопаймои мусофирбар дар Ҳиндустон: аксҳо аз ҷойи ҳодиса

0
(Таҷдидшуда 17:01 08.08.2020)
  • Ҳавопаймои Boeing 737 мутааллиқ ба ширкати Air India Express  дар иёлати Кеҷикода ба сукут дучор шуд
  • Ба ҷойи ҳодиса мошинҳои Ёрии таъҷилӣ, наҷотбахшон ҳозир шуданд
  • Захмиёнро худ аз ҷойи ҳодиса кӯч доданд ва дар бемористонҳо бистарӣ намуданд
  • Зимнан, дар макони ҳодиса мардумони зиёд, аз ҷумла пайвандони мусофирон гирд омаданд
  • Ин ҳавопаймо аснои дар фурудгоҳ нишастан, ба ду қисм тақсим шуд
  • Пизишкон ба аксари зазмиён дар ҷойи ҳодиса кумаки аввалия расонданд
  • Вазъи захмиёне, ки бисёр ваҳим буд, зуд тавассути мошинҳои Ёрии таъҷилӣ ба бемористон интиқол дода шуданд
  • Наҷотбахшон бошад, дар ҷойи ҳодиса зери харобаҳо захмиёну ҷонбохтагонро мекобанд
  • Мардумони зиёд дар макони сукути ҳавопаймо ҷамъ омада ба наҷотбахшон кумак расонданд
  • Ҳавопаймои Boeing 737 пас аз сукут
  • Ҷойи ҳодиса ва омили сар задани ин ҳодиса мавриди тафтиш қарор дода шудааст
  • Ҳавопаймо ба қисмат тақсим шуд
  • Маконе, ки ҳавопаймои мазкур ба садама дучор шуд
Дар Ҳиндустон ҳавопаймои мусофирбар аснои фурӯд омадан аз хати парвоз берун шуда, ба ду қисм тақсим шуд

Ҳавопаймои мусофирбар дар Ҳиндустон бо 191 сарнишин аз хати парвоз берун шуда, ба садама дучор гардид.

Бар тибқи маълумоти пешакӣ, омили сар задани сукути ҳавопаймо ба боду ҳавои номусоид ва боронгариҳо рабт дода мешавад.

Суқути ҳавопаймо дар Амрико: ба манзили истиқоматӣ сарозер шуд

Ҳодисаи нохуш дар Коҷикада рух додааст. Ҳавопаймо аз Дубай самти Ҳиндустон парвоз дошт.

Ҳоло аз фавти 20 сарнишини ҳавопаймо гузориш дода шуда, ҳамчунин дасти кам 140 нафари дигар ҷароҳатҳои гуногуни ҷисмонӣ бардоштанд.

0
  • Ҳавопаймои Boeing 737 мутааллиқ ба ширкати Air India Express  дар иёлати Кеҷикода ба сукут дучор шуд
    © REUTERS / Stringer

    На месте крушения пассажирского самолета Boeing 737 Air India Express в индийском городе Кежикоде

  • Ба ҷойи ҳодиса мошинҳои Ёрии таъҷилӣ, наҷотбахшон ҳозир шуданд
    © REUTERS / Stringer

    Эвакуация раненных при крушении пассажирского самолета

  • Захмиёнро худ аз ҷойи ҳодиса кӯч доданд ва дар бемористонҳо бистарӣ намуданд
    © AFP 2020 /

    Женщину, пострадавшую при крушении самолета в Индии, грузят на носилках в скорую

  • Зимнан, дар макони ҳодиса мардумони зиёд, аз ҷумла пайвандони мусофирон гирд омаданд
    © AFP 2020 / Favas Jalla

    На месте крушения пассажирского самолета Boeing 737 Air India Express

  • Ин ҳавопаймо аснои дар фурудгоҳ нишастан, ба ду қисм тақсим шуд
    © AFP 2020 / Arunchandra Bose

    На месте крушения обломки фюзеляжа перемешались с личными вещами пассажиров

  • Пизишкон ба аксари зазмиён дар ҷойи ҳодиса кумаки аввалия расонданд
    © AFP 2020 /

    Медики эвакуируют раненую женщину с места крушения самолета

  • Вазъи захмиёне, ки бисёр ваҳим буд, зуд тавассути мошинҳои Ёрии таъҷилӣ ба бемористон интиқол дода шуданд
    © AFP 2020 / Arunchandra Bose

    Эвакуация раненных при крушении пассажирского самолета Boeing 737 Air India Express

  • Наҷотбахшон бошад, дар ҷойи ҳодиса зери харобаҳо захмиёну ҷонбохтагонро мекобанд
    © REUTERS / Stringer

    На месте крушения самолета в индийском городе Кежикоде спасатели ищут выживших

  • Мардумони зиёд дар макони сукути ҳавопаймо ҷамъ омада ба наҷотбахшон кумак расонданд
    © AFP 2020 / Arunchandra Bose

    Люди у места крушения пассажирского самолета

  • Ҳавопаймои Boeing 737 пас аз сукут
    © AFP 2020 / Arunchandra Bose

    Обломки пассажирского самолета Boeing 737 Air India Express

  • Ҷойи ҳодиса ва омили сар задани ин ҳодиса мавриди тафтиш қарор дода шудааст
    © REUTERS / Stringer

    Эксперты осматривают место крушения пассажирского лайнера в Индии

  • Ҳавопаймо ба қисмат тақсим шуд
    © AFP 2020 / Arunchandra Bose

    Обломки пассажирского самолета Boeing 737 Air India Express

  • Маконе, ки ҳавопаймои мазкур ба садама дучор шуд
    © AFP 2020 / Arunchandra Bose

    На месте крушения пассажирского самолета Boeing 737 Air India Express в индийском городе Кежикоде

Барчаспҳо:
акс, сукути ҳавопаймо, Ҳиндустон