Кӯдак дар зоишгоҳ. Акс аз бойгонӣ

Дар Душанбе чоргоники дуввум ба дунё омад

43
(Таҷдидшуда 09:29 26.05.2015)
Як зани 23-солаи сокини шаҳри Панҷакент барои муоинаи тиббӣ ба зоишгоҳи рақами яки пойтахт роҳхат гирифт. Дар ин ҷо ӯ чаҳор кӯдак ба дунё овард.

ДУШАНБЕ, 26 май — Sputnik. Субҳия Норинова, як зани 23-солаи сокини деҳаи Варзиканди ҷамоати деҳоти Лоиқ Шералии шаҳри Панҷакент, шоми 22-май дар таваллудхонаи №1-и шаҳри Душанбе чоргоник, 3 духтар ва 1 писар ба дунё овардааст, иттилоъ медиҳад хабаргузории Озодагон.

Наргис Ниёзова, духтуре, ки чоргоникҳоро парасторӣ мекунад, гуфт, ҳоло саломатии навзодон каме вазнин аст ва барои беҳтар шудани вазъи саломатии онҳо тамоми кӯшишҳоро ба харҷ медиҳанд.

"Саломатии модарашон хуб аст, назди кӯдаконаш омада хабар мегирад. Ширмакониро аз пагоҳ кам-кам сар мекунем. Ҳозир ширро тавассути дастгоҳи махсус мегиранд",-илова кардааст духтур.

Парастори чоргоникҳо афзуд, ки кӯдакон пеш аз мӯҳлат таваллуд шудаанд: "3 духтару як писар. Дувумаш писар аст. Кӯдаки якум бо вазни 1 килою 110 грамм, дуюм 1 килою 340 грамм, сеюмаш 1 килою 100 грамм ва чорумаш бо вазни 1 килою 150 грамм таваллуд шудаанд. Ҳаракат мекунем, ки хуб табобат ёфта, нағз шаванд".

Субҳия Норинова, модари чоргоникҳо мегӯяд, бо таваллуд шудани чоргоникҳо хеле хурсанд шудааст ва худро хушбахттарин зан меҳисобад.   

"Шукронаи Худо ваъи саломатияшон хуб, духтурон гуфтанд ҳамаашон хубанд. То ҳол фарзанд надоштам. Ин таваллуди якум аст ва аз таваллуди чоргоникҳо бениҳоят хурсанд шудам. Бе мушкилӣ таваллуд шуданд, падарашон ҳоло дар муҳоҷирати меҳнатӣ ҳастанд",-афзудааст модари чоргоникҳо.

Маврид ба ёдоварист, чанде қабл  дар шаҳри Душанбе Гулшан Маҷнунова, як модари 26-сола низ чоргоник таваллуд намуд, аз ҷониби Эмомалӣ Раҳмон, раисиҷумҳури Тоҷикистон, фоли нек дар Соли Оила арзёбӣ шуд. Бо дастури президент ба оилаи  Гулшан Маҷнунова дар Душанбе хонаи сеҳуҷрагӣ ҷудо гардид.

 



43
Барчаспҳо:
се духтару як писар, чоргоники дуввум дар Душанбе ба дунё омад, таваллудхонаи №1, зоишгоҳи рақами 1, Эмомалӣ Раҳмон, Гулшан Маҷнунова, Наргис Ниёзова, Субҳия Норинова, Варзиканда, Тоҷикистон, Панҷакент
Морозы в Москве

Сардии то 30 дараҷа дар Саратов: дарси кӯдакони то синфи 6 лағв шуд

63
(Таҷдидшуда 18:06 17.01.2021)
Раёсати вазорати маорифи Саратов тасмим гирифтааст, ки дар робита ба сардиҳои шадиди ҳаво кӯдакони синфҳои аз 1 то 6 - ромуваққатан аз дарсҳо озод намояд

ДУШАНБЕ, 17 янв — Sputnik. Рӯзи душанбе бо сабаби сардиҳои шадид дарсҳои хонандагони синфҳои якум то шашуми мактабҳои Саратов лағв карда шуданд, хабар медиҳад кумитаи маорифи ҳукумати шаҳр.

"Бо сабаби сард шудани ҳаво дар рӯзи 18 январ, дарсҳо барои хонандагони синфҳои якум то шашуми бастҳои якум ва дуюми Саратов бекор карда шуданд. Ҳайати омӯзгорон тибқи ҷадвал кор мекунанд", - омадааст дар иттилоия.

Муайян карда шудааст, ки агар дарсҳо дар мактабҳо бекор карда шаванд, истифодаи технологияҳои фосилавӣ, манбаҳои интернетии муассисаҳо, инчунин гузаронидани дарсҳои инфиродӣ ё гурӯҳӣ бо кӯдаконе, ки волидонашон бинобар шуғли онҳо наметавонистанд онҳоро дар хона гузоранд.

Пешбинии ҳавошиносон аз тағйирёбии якбораи ҳаво дар охири январ: аз -35 дараҷа то -18

Тибқи иттилои ситоди минтақавии Вазорати ҳолатҳои фавқулода, дар вилояти Саратов шаби душанбе дар баъзе ҷойҳо ҳарорат то 25-30 дараҷа хунук, рӯзона то 15-20 дараҷа паст мешавад.

Айни замон дар Саратов дамои ҳаво 13 дараҷа хунук аст.

63
Барчаспҳо:
лағв, дарс, сардӣ, ҳаво, вилояти Саратови Русия
Президент Дональд Трамп

Трампро аз филми "Дар хона танҳо" ҳам хориҷ карданд - навор

410
(Таҷдидшуда 12:26 17.01.2021)
Қаблан дастрасии Доналд Трамп кишвардори Амрикоро ба чандин шабакаҳои иҷтимоӣ масдуд намуданду Конгресс ӯро импечмент кард. Илова бар ин нақше, ки ӯ дар филми "Дар хона танҳо" бозида буд, низ қайчӣ карда шуд

ДУШАНБЕ, 17 янв — Sputnik. Дар шабакаҳои иҷтимоӣ шакли таҳриршудаи филми машҳури "Дар хона танҳо" роҳ ёфт, ки лаҳзаи нақшофарии Доналд Трамп аз он ҷо қайчӣ шудааст.

Дар шакли аслии ин филм, қаҳрамони асосӣ вориди меҳмонхонаи Plaza шуда, аз Доналд Трамп пурсон мешавад, ки ба миёнасарой чӣ гуна роҳ ёбад.

Ҳоло, дар шакли таҳриршудаи филм, Трампро аз кадр тоза ва овозаш низ пахш шудааст. Ба назар чунин менамояд, ки Кевин бо одами ноаён сӯҳбат мекунад.

Худи қаҳрамони филм Маколей Калкин низ шакли навро дастгирӣ намуда, зери навори интишоршуда, "Офарин" навиштааст.

Ёдовар мешавем, ки дар Амрико пас аз эътирозҳо ва забти Капитолия аз ҷониби тарафдорони Трамп, мардум алайҳи ӯ ба шӯр хест.

Гузашта аз ин, Конгресс Доналд Трампро импечмент эълон кард.

Кишвардори феълӣ ҳарчанд яке аз номзадҳои калидӣ дар интихоботи раёсатҷумҳурии ин кишвар буд, аммо дар сабқат натавонист пирӯзӣ ба даст орад.

Трамп Кохи Сафедро субҳи рӯзи чаҳоршанбе тарк хоҳад кард

Ӯро Ҷо Байден бо ба даст овардани аксари орои мардум шикаст дод ва рӯзи 20 январ маросими савгандёдкунии ӯ баргузор мешавад.

410
Барчаспҳо:
навор, филм, Доналд Трамп

Афзоиши фавтидагон аз COVID-19 дар Эрон

0
Вазорати беҳдошти Эрон мегӯяд, теъдоди ҷонбохтагон аз COVID-19 дар ҷумҳурӣ ба 56 ҳазору 803 нафар расид

ДУШАНБЕ, 17 янв — Sputnik. Тибқи иттилои Вазорати беҳдошт, шабонарӯзи гузашта 86 нафар аз COVID-19 фавтида, теъдоди умумӣ ба 56 ҳазору 803 нафар расид.

Радиои тоҷикии Садои Хуросон аз қавли Вазорати беҳдошт, дармон ва омӯзиши пизишкии Эрон хабар додааст, ки дар 24 соати гузашта 6 ҳазору 16 бемори нави гирифтор ба корона дар Эрон шиносоӣ ва 631 нафар аз онҳо бистарӣ шуданд.

Бар асоси маҷмӯи беморони вируси  COVID-19 дар Эрон ба як миллиону 330 ҳазору 411 нафар расидааст, ки то кунун 1 миллиону 119 ҳазору 137 нафар аз ин беморон беҳбуд ёфта ва ё аз бемористонҳо ҷавоб шудаанд.

Манбаъ афзуд, бемории COVID-19бар асоси омори расмии кишварҳо то кунун беш аз наваду панҷ миллион нафарро дар дунё мубтало карда ва беш аз ду миллион нафар низ бар асари ин беморӣ ҷони худро аз даст додаанд.

0
Барчаспҳо:
Эрон