Қадрдонии академики тоҷик бо медали "Пушкин"

© Sputnik / Евгения НовоженинаКремл. Акс аз бойгонӣ
Кремл. Акс аз бойгонӣ - Sputnik Тоҷикистон
Обуна шудан
Муовини раҳбари Академияи маорифи Тоҷикистон бо мукофоти давлатии Русия барои саҳм гузоштан дар таҳкими дӯстӣ ва ҳамкории миёни ду кишвар қадрдонӣ шудааст.

ДУШАНБЕ, 21 окт — Sputnik. Муовини раҳбари Академияи маорифи Тоҷикистон Ирина Каримова бо медали "Пушкин" сарфароз гардонида шуд.

Фармон дар бораи қадрдонии шаҳрвандони хориҷӣ бо мукофоти давлатии Русия аз сӯи раисҷумҳури ин кишвар Владимир Путин рӯзи сешанбе имзо шудааст.

Эмомалӣ Раҳмон ба Озода Раҳмон ордени Шараф тақдим кард - Sputnik Тоҷикистон
Қадрдонии духтари президент бо ордени “Шараф”

Дар ин фармон қайд шудааст, мукофоти мазкур барои шаҳрвандони хориҷие дода мешавад, ки "дар таҳкими дӯстӣ ва ҳамкорӣ бо Федератсияи Русия, аз ҷумла рушди робитаҳои иқтисодӣ ҳифз ва оммавӣ намудани забон ва фарҳанги русӣ дар хориҷ саҳми бузург" гузоштааст.

Инчунин бар асоси ин фармони Путин, 6 шаҳрванди хориҷии дигар ҳам бо ордени "Дӯстӣ" қадрдонӣ шудаанд, ки миёни онҳо исми раисҷумҳур Никарагуа Даниэл Ортег ва муовини нахуствазир ва вазири корҳои хориҷии Лаоса Тхонглун Сисулит ҳаст.

Дар умум бо медали "Пушкин" 7 шаҳрванди хориҷӣ, аз ҷумла муовини раҳбари Бунёди Ҳайдар Алиев, раҳбари намояндагии ин бунёд дар Русия Лайло Алиева, муовини раҳбари Академияи маорифи Тоҷикистон Ирина Каримова ва вазири фарҳанг ва ҳунари Конго Жан-Клод Гакоссо сарфароз гардонида шудаанд.

Лентаи хабарҳо
0