Намози ҷамоат дар Маскав

Фақеҳи дин: Ҳизб ут-Таҳрир миёни тоҷикон шуҳрат надорад

26
(Таҷдидшуда 14:20 21.10.2015)
Сармутахассиси Раёсати фатвои Шӯрои уламои Тоҷикистон дар суҳбат бо Sputnik ҳадаф ва вазифаҳои Ҳизби мамнуи террористии ат-Таҳрирро шарҳ дод. Ба гуфтаи ӯ, ин ҳаракат дар Тоҷикистон шуҳрат надорад.

ДУШАНБЕ, 21 окт — Sputnik. Ҳизби мамнуи террористии ат-Таҳрир миёни сокинони Тоҷикистон ҳеч гуна шуҳрате надорад ва тоҷиконе, ки ба саффи ин гуруҳ пайвастаанд, бо ақидаи он хуб ошно намебошанд, — гуфт, Ҷамолиддин Хомӯшӣ дар суҳбат бо Sputnik.

Дар шаҳри Маскав 20 узви Ҳизби ат-Таҳрир боздошт шудааст, ки ба иттилои расонаҳои хабарӣ, 19 нафари онҳо шаҳрванди Тоҷикистонанд.

"Ҳар нафаре, ки ба ин созмони террористӣ мепайвандад, аз мазҳаби худ берун шудааст. Пайравони он мехоҳанд, бо таъсиси як хилофат халифаеро болои сари худ раҳбар гузошта, аз ӯ итоат кунанд, ки ин чиз ҳам аз нигоҳи ақлонӣ ва ҳам мантиқ имкон надорад", — афзуд, ӯ.

Ба гуфтаи ин руҳонии тоҷик, нафароне ба ин созмон мепайванданд, ки таҳти таъсири ҳарфҳои мубаллиғони он қарор гирифтаанд.

"Ин ҳизб миёни сокинони Тоҷикистон аз ҳеч шуҳрате бархурдор нест ва мардум ҳам медонанд, ки пешвои мазҳаби мо Абуҳанифа аст ва ҳама бояд аз гуфтаҳои ӯ пайравӣ кунанд", — таъкид кард, ҷаноби Хомӯшӣ.

Додгоҳе дар шаҳри Маскав 20 нафари боздоштшуда ба иттиҳоми узвият дар Ҳизби ат-Таҳрир, ҳаракати фаъолияташ мамнуъ дар Русияро то 20 декабри соли равон ба ҳабс маҳкум кард.

Аммо тамоми боздоштшудаҳо ин иттиҳом алайҳи худро рад карда, мегӯянд, далели боздошташон то ҳол барои онҳо равшан нест. Яке аз боздоштшудаҳо шаҳрванди Русия буда, боқӣ ба иддаои расонаҳои хабарӣ, табааи Тоҷикистонанд. Муҳлати анҷоми раванди тафтишот 12 декабри соли равон гуфта шудааст.

Хабари байъати Ҳизби мамнуи террористии ат-Таҳрир бо "Давлати исломӣ" қаблан расонаӣ шуда буд. Аммо ба таври расмӣ ин чиз собити худро наёфтааст.

26
Барчаспҳо:
Шӯрои уламо, Ҳизб ут-Таҳрир, Маскав, террористӣ, мардум, Тоҷикистон, боздошти аъзои Ҳизб ут-Таҳрир, Шӯрои уламои Маркази исломии Тоҷикистон, "Ҳизб-ут-таҳрир", Ҷамолиддин Хомӯшӣ, Тоҷикистон, Русия, Маскав
Пустые улицы города Душанбе

Бозорҳо ва кошонаҳои ҳусн дар Душанбе то 15 июн баста мемонанд

637
(Таҷдидшуда 14:03 30.05.2020)
Мақомоти шаҳри Душанбе мегӯяд фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо то 15 июни соли 2020 маҳдуд боқӣ мемонад

ДУШАНБЕ, 30 май — Sputnik. Мақомоти иҷроияи ҳокимияти давлатии шаҳри Душанбе бо мақсади ҳифзи тандурустии сокинони пойтахт аз пешгирии бемории сироятии коронавирус (COVID-19) қатъ намудани фаъолияти ҳамаи бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳоро, сарфи назар аз шакли моликият ва тобеияти идоравӣ то 15 июни соли 2020 тамдид намуд.

11 супориши муҳлатноки Раҳмон ба Ҳукумат ва вазоратҳо барои пешгирии COVID - 19

"Сохторҳои дахлдори шаҳрдорӣ вазифадор гардиданд, ки дар ҳамкорӣ бо роҳбарон ва масъулини бозорҳои фурӯши либоса, кошонаҳои ҳусн, сартарошхонаҳо, нуқтаҳои фурӯши телефон ва шустушӯи автомобилҳо дар ин муддат корҳои безараргардонӣ ва дезинфексиониро мунтазам амалӣ намоянд", - омадааст дар хабарномаи шаҳрдорӣ.

Қарори нави Рустами Эмомалӣ: омодагӣ ба зимистони 2020-2021 ва супоришҳо ба масъулин

Мақомоти шаҳри Душанбе ҳамчунин хабар медиҳад, ки бо мақсади дастгирии соҳибкорӣ раиси шаҳри Душанбе ҷиҳати мусоидат намудан дар масъалаҳои қарзию фоизии бонкии соҳибкорон ба унвони Бонки миллии Ҷумҳурии Тоҷикистон мактуби расмӣ ирсол намудааст.

Ёдрас мешавем, ки мақомоти Тоҷикистон барои пешгирӣ аз паҳншавии коронавирус фаъолияти бозорҳои бузурги шаҳри Душанбе аз ҷумла "Корвон", "Саховат" ва кошонаҳои ҳусну нуқтаҳои фурӯши телефонро боздошт.

То 29 майи соли равон дар Тоҷикистон, 3686 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1769 нафар шифо ёфтаанд.

637
Барчаспҳо:
маҳдудият, маҳдуд, сартарошхона, бозор, Душанбе
Мавзуҳо:
Пайомадҳои COVID-19 дар Тоҷикистон ва ҷаҳон
Свеча

Мусибат дар хонаводаи Хуршед Атовулло: падари 71 - солаашро аз даст дод

1191
(Таҷдидшуда 16:20 29.05.2020)
Ато Карим падари сардабири ҳафтаномаи "Фараж" Хуршед Атовуллоев шаби 28 - уми май дар синни 71 солагӣ аз дунё гузашт

ДУШАНБЕ, 29  май — Sputnik. Ато Карим, падари сардабири ҳафтаномаи "Фараж" ва директори Маркази тадқиқоти журналистии Тоҷикистон Хуршед Атовулло шаби 28 май дунёи фониро падруд гуфт.

Ба иттилои сомонаи "Фараж", падари Хуршед Атовулло дар бемористони шаҳри Панҷакент бистарӣ буд. Марҳум ҳамагӣ 71 сол умр дошт.

Бобои Файз - муаллифи таронаи машҳури "Очата бугӯ" даргузашт

Ниёзов Атовулло Каримович (Ато Карим) 15-уми июли соли 1950 дар деҳаи Дашти Қозии шаҳри Панҷакент дар оилаи деҳқон ба дунё омадааст.

Баъди хатми омӯзишгоҳи педогогии шаҳри Панҷакент, чун омӯзгори синфҳои ибтидоӣ дар мактабҳои миёна кор карда, соли 1978 факултети таърихи Донишгоҳи шаҳри Хуҷандро хатм кардааст.

Марҳум  худ шоир, нависанда ва омӯзгор буда, китобҳои зиёдеро чоп намудааст. Китобҳои ӯ бо номҳои "Садо аз зиндон" (1998), "Ашки ҳасрат" (1999), "Тӯшаи ғарибон" (2009), "Фарёди дил" (2011), "Пули ҳаром", (2014), "Ашки ғам" (2018) ба таъ расидаанд ва навиштаҳояш дар чанд маҷмӯаи дастҷамъӣ нашр шудаанд.

Маросими видоъ бо шоир ва нависанда Ато Карим имрӯз, 29 май дар зодгоҳаш деҳаи Дашти Қозии шаҳри Панҷакент сурат гирифт.

1191
Город Медина в Саудовской Аравии, архивное фото

Бомдоди имрӯз дар Арабистон дари 90 ҳазор масҷид ба рӯйи намозгузорон боз шуд

0
Субҳи имрӯз дари беш аз 90 ҳазор масоҷид пас аз танаффуси тӯлонӣ ба рӯйи намозгузорон дар Арабистони Саудӣ боз шуд

ДУШАНБЕ, 31 май — Sputnik. Зиёда аз 90 ҳазо масҷидҳо ва ибодатгоҳҳо дар саросари Арабистони Саудӣ пас аз тавақуфи тӯлонӣ дар пайи паҳншавии коронавирус бомдоди имрӯз боз шуданд.

Дар бораи имрӯз кушодашавии ин рақам масоҷид Вазорати корҳои исломии Саудӣ дар сафҳаи Твиттерияш хабар дода буд.

"Омодагиҳои ниҳоӣ пеш аз оғози боз шудани беш аз 90 ҳазор масҷид ва ибодатхонаҳо  дар тамоми Арабистони Саудӣ барои намози бомдоди якшанбе идома доранд", - омадааст дар иттилоияи вазорат.

Вазорат ҳузури одамони пиронсол ва кӯдаконро ҳангоми намозҳо номатлуб номидааст.

Ҳамзамон гуфта мешавад, аз намозгузорон даъват шудааст ба намоз танҳо бо ниқоб омада, инчунин масофаи ду метрро нигоҳ доранд, ки барои ин дар қолинҳои масҷид аломатҳои махсус гузошта шудаанд.

 Ба иттилои манбаъ,  масҷидҳоро танҳо 20 дақиқа пеш аз оғози намоз боз мекунанд ва пас аз 20 дақиқаи адои намоз баста мешаванд.

Бар пояи оморҳои ахир теъдоди гирифторони коронавирус дар Арабистони  Саудӣ ба 83 384 нафар мерасад. Ҳамзамон аз ин беморӣ 58 883 нафар шифо ёфтаву 4 80 тани дигар фавтидаанд.

0
Барчаспҳо:
намоз, масоҷид, Арабистони Саудӣ