Бибии Валя аз гузаргоҳи зеризаминӣ

Чеҳраҳои шаҳри мо: бибии Валя аз гузаргоҳи зеризаминӣ

28
(Таҷдидшуда 17:47 11.02.2016)
Тақрибан дар ҳама шаҳрҳои бузургтарини дунё метавон бо мусиқинавоз ё сарояндаҳои кучагие вохурд, ки бо истеъдоду маҳорати хеш ба таври хеле одию содда ризқу рӯзияшонро пайдо мекунанд. Яке аз сурудҳои Бах месарояду дигарӣ бо овози Шарл Азнавур зам-зама мекунад. Душанбеи мо ҳам бо вуҷуди кучак буданаш аз чунин одамон холӣ нест.

Аммо мусиқинавозони кучагии Душанбе аз ҳамтоёни дигари худ фарқ доранд. Онҳо ҳамзамон тавони овардани гузаштаро ба ёди роҳгузарон доранд. Бибии Валя, ки бештар дар гузаргоҳи назди Фурӯшгоҳии марказии пойтахт ё ба истилоҳ "Сум" мешинад, аз зумраи онҳост.

Ӯ бештар сурудҳоеро зам-зама мекунад, ки дар филмҳои даврони шӯравӣ ё аз сӯи ҳунармандони мардумии ин давра суруда шудааст.

Қаҳрамони мо шояд ягона зане дар кишвар бошад, ки касби мусиқинавозиро пеша карда, бо ин роҳ хароҷоти зиндагии худро пайдо мекунад. Дар гузаргоҳи зеризаминӣ аслан мардонеро метавон вохурд, ки ё дутор менавозанд ё сурудҳои нотакрори Одина Ҳошим ва Зафар Нозимро зам-зама мекунанд.

— Тайи 13 соли ахир ӯ барои роҳгузарон доира мезанаду дутор менавозад.

— Вақте ман ин корро шуруъ кардам, аз онҳо дараке набуд, — гуфт бибии Валя бо оҳанги ҳарифомезу ишора кард ба ҷониби пирамарди пойинтар нишаста.

Бо ин ҳол наметавон гуфт, ки пирамарди нишондодаи ӯ рақибаш асту  "муштариён"-и ӯро ба худ ҷалб мекунад. Зеро ин "ҳариф"-и ӯ на бо асбоби мусиқӣ навохта метавонаду на ҳадди аққал дасташро ҷониби роҳгузарон "Кӯмак кунед!" гуфта дароз мекунад. Вай танҳо кунҷе нишастаасту тоқиеро барои партофтани пулу танга наздаш гузоштааст.

Албатта, ҳар яке аз инҳоро зиндагӣ маҷбур кардааст, то ин касбро пеша кунанд ва бибии Валя ҳам ҳар субҳ бидуни таъхир ба ҷои кораш ҳозир мешавад. Зеро ягона манбаъи даромадаш ин ҷосту аз каси дигаре ҳам чизе таваққӯъ надорад.

— Чанд писар дорам, аммо ҳама дунболи зиндагии худанд. Ман бошам ҳоло аз паси худам бармеоям. Боз нафақапулӣ ҳам мегирам. Ҳарчанд ночиз аст, вале барои зинда мондан мерасад. Дигар ин ки ин ҷо на танҳо барои дарёфти як бурда нон меояму менавозаму месароям, балки барои таскини дили худ ҳам ин корро мекунам, мегӯяд ин пиразани 73-сола.

Ӯ барои таскини дили худ солҳо инҷониб, аз даврони ҳузураш дар яке аз боғчаҳои кӯдаконаи Регар (шаҳри Турсунзодаи ҳозира) месарояд. Онҷо дар долон радиое буда, ки ба Валентинаи хурдакак сурудҳои ҳунармандони маъруфу машҳури вақтро мехондааст.

— Он вақт ман аввалин бор бо кори оҳангсозони машҳуру барҷаста он ҷо ошно шудам. Ту боре "Полонез Огинский"-ро шунидаӣ?— пурсид бибии Валя, ки мехост маро имтиҳон кунад.

Ман медонистам, ки онро соли 1974 Михаил Огинский навиштааст. Аммо ба бибии Валя, ки нороҳат ҳам шуд, гуфтам, не, имкон нашуд.

Ӯ дар ҷояш истода талош кард, порчаеро бо овози гирифтаву хастааш зам-зама кунад ва маъқул ҳам шуд.

— Хуб, тамом! Акнун бирав, тавре мегӯянд, вақт ғанимат асту бояд пул кор кард, — гуфт бибии Валияву бо дасташ ишора кард.

© Sputnik
Пиразани рус сурудҳои фолклорӣ мехонад, то қути лоямут ёбад
28
Барчаспҳо:
дитор, оҳангсоз, пирамард, пиразан, зиндагӣ, кучагӣ, мусиқинавоз, суруд, вақт, пул, Михаил Огинский, Бибии Валя, Зафар Нозим, Одина Ҳошим, Душанбе, Тоҷикистон
Российской военно-транспортной авиации 89 лет

Субҳ аҳволаш беҳтар буд: даргузашти нобаҳангоми Маҳмуди Ашӯрмуҳаммад аз "илтиҳоби шуш"

1238
(Таҷдидшуда 16:12 24.10.2020)
Маҳмуди Ашӯрмуҳаммад, рӯзноманигори собиқадор ва муовини сармуҳаррири рӯзномаи ҳукуматии “Садои Конибодом” дар синни 66-солагӣ дунёи фониро падруд гуфт

ДУШАНБЕ, 24 окт – Sputnik. Абдусаттор Содиқов, сармуҳаррири рӯзномаи “Садои Конибодом” дар тайиди ин хабар ба Sputnik Тоҷикистон гуфт, ки ҳамкораш Ашӯрмуҳаммад дар Бемористони шаҳр аз бемории монанд ба “илтиҳоби шуш” табобат мегирифт, вале зуҳри имрӯз ҷон ба Ҳақ таслим намуд.

“Ду рӯз пеш аз интиқол ёфтанашон ба Бемористон хабар ёфта будем. Суҳбат мекардем. Саҳарӣ аз ҳамсарашон пурсида будам гуфтанд, ки хеле хуб шудаанд ва иштиҳояшон ҳам беҳтар шудааст. Ҳоло наздик ба вақти зуҳр мефаҳмем, ки бандагӣ кардаанд. Хабари даргузашти Маҳмуди Ашӯрмуҳаммад бе ихтиёр барои мо риққатбор аст. Ба аҳли хонавода ва дӯстонашон ҳамдардии худро мерасонам”, - зикр намуд Содиқов.

Ҷаноза шоми имрӯз соати 17:00 дар манзили рӯзноманигор баргузор шуда, ӯро дар қабристони ҷамоати Ортиқов ба хок месупоранд.

Маҳмуд (Қулдошев) Ашӯрмуҳаммад, 20- уми сентябри соли 1954 дар деҳаи Диловари ҷамоати деҳоти ба номи Ғафурҷон Ортиқов дар шаҳри Конибодом таваллуд шудааст. Факултаи филологияи Донишгоҳи давлатии педагоги (ҳозира Донишгоҳи давлатии Хуҷанд ба номи академик Бобоҷон Ғафуров) -ро хатм карда, аз соли 1972 фаъолияти меҳнатиашро дар коргоҳи ресандагӣ бофандагии шаҳри Конибодом шурӯъ намудааст.

Даргузашти Диловари Зуҳуриён, оҳангсози шинохта баъди тӯйаш-аксу видео

Солҳои 1982-1992 ӯ дар вазифаҳои ходими илмӣ, мудири шуъба ва муовини сармуҳарри рӯзномаи ҳизбии “Машъали комунизм” кор кардааст. Маҳмуди Ашӯрмуҳаммад як муддат раиси бахши конибодомии Бунёди забони байналмиллалии забони форсии тоҷикиро бар уҳда доштааст.

Дар солҳои 1993 - 2000 мушовири созмони вилоятии Иттифоқи журналистони Тоҷикистон дар Суғд фаъолият намуда, солҳои 2000-2011 хабарнигори ҳафтавори мустақили “Суғд” дар шаҳри Конибодом буд. Соли 2011 ба рӯзномаи ҳукуматии “Садои Конибодом” пайваст.

Дар оғоз котиби масъул буд, ва нафаси охири муовини сармуҳарри ин рӯзномаро бар уҳда дошт. Маҳмуди Ашӯрмуҳаммад аз рӯзноманигорони сермаҳсуле шинохта мешавад, ки дар инъикоси масъалаҳои муҳими ҳаёти ҷомеа нақши басо назаррасе доштааст.

Ӯ ҳамчунин дар нашри чанд китоб аз ҷумла силсилаочеркҳои “Ҳаёти одамони наҷиб” ва “Дар кӯи некномӣ” саҳм гузоштааст. Узви Иттифоқи журналистони Тоҷикистон, дорандаи унвони Аълочии матбуоти Тоҷикистон ва барандаи ҷоизаи журналистии ба номи Ҳоҷи Содиқ мебошад.

Қарор аст, имрӯз соати 17 и бегоҳ ҷанозаи Маҳмуди Ашӯрмуҳаммад дар зодгоҳаш дар деҳаи Диловарони шаҳри Конибодом баргузор гардад. Ин дуюмин мавриди даргузашти рӯзноманигорон аз бемории “илтиҳоби шуш” гуфта мешавад, ки талафоти он ҷуброннопазир аст.

Рӯзи 13 октябр Мавлуда Рофиева, хабарнигори Ожонси иттилоотии Asia - Plus ва роҳбари дафтари Анҷумани миллии расонаҳои мустақили Тоҷикистон дар вилояти Суғд дар синни 57 - солагӣ аз олам даргузашт.

1238

Ҷамъбасти мусобиқаи пахтачинӣ: Аҳмадзода ба кадом раисони навоҳӣ мукофотпулӣ дод? - акс

307
(Таҷдидшуда 18:48 24.10.2020)
Дар шаҳри Хуҷанд, даври дуюми мусобиқаи меҳнатии пахтасупорӣ бо номи "60 рӯзи зарбдор дар пахтазор" миёни шаҳру ноҳияҳои пунбапарвари Суғд ҷамбаст гардид

ДУШАНБЕ, 24 окт – Sputnik. Сарраёсати кишоварзии Суғд ва кумитаи иттифоқи касабаи коркунони комплекси агросаноатии вилоят, субҳи имрӯз ғолибони озмунро аз рӯи нишондиҳандаҳои назарраси пахтасупорӣ эълон намуданд.

 

© Sputnik / акс аз Sputnik Тоҷикистон
Ҷамъбасти озмуни пахтачинӣ дар Суғд

Бо қарори ин ниҳод ғолиби ҷойи якум ноҳияи Спитамен барои ҷамъоварии 6 ҳазору 500 тонна пахта ва иҷро намудани 49, 6 дарсади дурнамои нақшаи ҷамоварӣ дар бист рӯзаи дуюми маъракаи пахтачинӣ муаррифӣ карда шуд.

Баҳри ҳавасмандгардии моддӣ ва маънавии пахтакорон Темур Нуъмонзода, раиси ноҳияи Спитамен бо вимпели сайёр ва мукофотпулӣ ба маблағи 20 ҳазор сомонӣ сарфароз гардонида шуд.

Ҷойи дуюм ба ноҳияи Масчоҳ дода шуд, ки давоми бист рӯзи охир 12 ҳазору 228 тонна ҷамъоварӣ намуда, ҳисоби нақшаи солонаро 44, 6 фисад ба иҷро расонидааст. Ба Тоҳир Азиззода, раиси ноҳияи Мастчоҳ, баҳри ҳавасмандии модӣ ва маънавии пахтакорон ноҳия мукофотпулӣ ба маблағи 10 ҳазор сомонӣ тақдим карда гардид.

Нархи пахта 70 дирам шуд: омӯзгорону табибон ҳам ба “ҳашар” мебароянд

Дар ҷамбасти мусобиқаи меҳнатӣ байни ҷамоатҳои пахтакори вилоят, ҷамъоати Ғулакандони ноҳияи Ҷаббор Расулов бо ҷамъоварии 4 438 тонна пахта, ва иҷро намудани 106, 7 дарсади нақша ғолиби ҷои аввал эълон шуд. Баҳри ҳавасмандгардонии кишоварзон ба Акмал Мансуров, раиси ҷамоати Ғулакандоз вимпели сайёр ва маблағи 5 ҳазор сомонӣ супорида шуд.

Инчунин барои гузоштани саҳми арзанда ва иштироки фаъолона дар мавсими ҷамъоварии ҳосили пахта, чинакчиёни беҳтарин ба маблағи як ҳазор сомонӣ сарфароз гардонида шуданд.

акс аз Sputnik Тоҷикистон
Ҷамъбаста озмуни патачинӣ дар Суғд

Мукофотпулиҳоро ба раисон ва чинакчиён Раҷаббой Аҳмадзода, раиси вилояти Суғд тақдим кард. Бино ба иттилоъи расмӣ дар хоҷагиҳои пахтакори Суғд беш аз 53 ҳазор чинакчиён сафарбар шуда, аз ин ҳисоб ҳамарӯза то 2000 ҳазор тон "тиллои сафед" ҷамъоварӣ мешавад.

Имсол ҳам ба мисли солҳои қаблӣ барои ҷамъоварии ҳосили пахта кормандони соҳаи буҷҷавӣ, умдатан муаллимони макотиб ва донишкадаву омӯзишгоҳҳо фиристода шудаанд.

Аз Сарраёсати кишоварзии Суғд ба Sputnik Тоҷикистон гуфтанд, ки барои як кило пахтаи чидашуда 70 дирам ҳақмузд пардохт карда мешавад. Аммо баъзе аз ҳамсуҳбатони гуфтанд, ки аз ҳисоби чидани пахта ҳам муҳосибони хоҷагиҳо андоз медоранд ва барои онҳо 50 дирамӣ пардохт мекунанд.

Бино ба хабари Сарраёсати кишоварзӣ ба санаи 23 уми октябр, беш аз 98 ҳазор тон пахта ба хирман рехта шудааст, ки ин рақам ба 76 % и нақшаи дурнамо баробар мебошад.

Ба иттилоъи манобеъ ҳосили пахтаро хоҷагидорон ба коргоҳҳои коркарди пунба месупоранд. Коркард ва фурӯши пахта аз сӯи масъулини корхонаҳо сурат мегирад. Алҳол дар шаҳру ноҳияҳои Суғд ҳудуди 40 корхонаи коркарди пахта мавҷуд мебошад.

Ба иттилоъи масъулин, соли ҷорӣ дар майдони 58, 9 ҳазор гектор дар Суғд пунбадона кишт шудааст ва ин рақам дар муқоиса ба соли гузашта наздики 445 гектор бештар аст. Тибқи нақша аз ҷамъи майдони кишт рӯёнидани 135 ҳазор тон ҳосил дар назар дошта шудааст. Дар вилояти Суғд, маъракаи пахтачинӣ то охирҳои моҳи ноябр давом мекунад.

307
Барчаспҳо:
пахтачинӣ, Суғд
Члены террористического движения Талибан в Афганистане

Толибон раиси як минтақаи ҳаммарз бо Тоҷикистонро рабуданд

0
(Таҷдидшуда 18:53 24.10.2020)
Давраи навбатии тақобули толибҳо ва ҳукумати Афғонистон дар минтақаҳои ҳаммарз бо Тоҷикистон: мансабдори минтақавӣ дуздида шуд

ДУШАНБЕ, 24 окт — Sputnik. Толибон иҷрокунандаи вазифаи раиси Ишкошимро дар музофоти шимолии Таҳор рабуданд, хабар медиҳад нашрияи Ariana News.

Саифурраҳмон аз ҷониби ҷангиён рӯзи панҷшанбе соатҳои 16:00 дуздида шудааст.

Бино бар иттилои шоҳидон, толибҳо мансабдорро вақте ки аз ҷои кор ба манзилаш бармегашт, бурдаанд.

Котиби матбуоти полиси Таҳор Халил Асир далели дуздида шудани раиси Ишкошимро таъйид кард, аммо аз ироаи маълумоти бештар худдорӣ намуд.

“Толибон қудрат мехоҳанд, на сулҳ! Амрико моро фиреб дод” – мусоҳиба бо Фаҳими Куҳдоманӣ

Ин ҳодисаро бо муташанниҷ шудани тақобули толибҳо ва қувваҳои ҳукуматӣ дар минтақаҳои ҳаммарз бо Тоҷикистон, аз ҷумла музофоти Таҳор иртибот медиҳанд, аммо тасдиқи расмии ин маълумот нест.

 

0