шаҳри Хоруғи ВМКБ. Акс аз бойгонӣ

Мақомоти Рӯшон: заминларза ба ноҳия 24 млн зарар расонд

41
(Таҷдидшуда 11:54 09.12.2015)
Ба гуфтаи раиси ноҳияи Рушон, аз ҳама бештар дар натиҷаи ин заминларза водии Бартанг осеб дидааст.

Душанбе, 9 дек — Sputnik. Мақомоти ноҳияи Рушони вилояти Бадахшон хисороти заминларзаи 7 декабр дар ин минтақаи кишварро 24 миллион сомонӣ муайян кардаанд, дар ин бора раиси ин ноҳияи Худоёр Худоёров дар суҳбат бо Sputnik хабар дод.

Маркази заминларзаи рӯзи 7 декабр дар 357 км  ҷанубу шарқ аз шаҳри Душанбе ва километри 22-юм аз кӯли Сарез  ҷойгир буда,  шиддати он дар марказ 7-8 бал, дар Сарез  5-6 ва дар шаҳри Душанбе 3-4 балро ташкил дод.

Ба гуфтаи раиси ноҳияи Рушон, аз ҳама бештар дар натиҷаи ин заминларза водии Бартанг осеб дидааст.

— Дар натиҷаи заминҷунбӣ дар ин минтақа, роҳҳои мошингард, хона ва мактабҳо хароб шудаанд.

"Барои сокиноне, ки хонаҳои худро аз даст додаанд, мо дар маркази ноҳияи Рушон иқоматгоҳҳо омода кардаем ва тасмим дорем, имрӯз кучонидани онҳо ба  онҷоро шуруъ кунем. Ҳоло кӯмаки башардӯстона ҳам за Душанбе ба Рушон расидааст, ки иборат аз маводи ғизоӣ, аз ҷумла орд ва шакар мебошад", илова кард Худоёров.

Ҳамсуҳбати мо афзуд, ки вазъи боду ҳаво то ҳол намегузорад, чархболҳо ба водии Бартанг парвоз кунанд. Аммо ба қавли ӯ, давоми рӯз чархболҳо ҳатман кӯмакро ба зарардидагони Бартанг хоҳанд расонд. Агар вазъи ҳаво ба ин шакл идома ёбад, мошинҳо ба роҳ хоҳанд баромад.

41
Барчаспҳо:
чархбол, осеб, хароб, заминларза, башардӯстона, парвоз, кӯмак, зарар, муайян кардани хисорот, Худоёр Худоёров, Бартанг, Рӯшон, Бадахшон, Душанбе, Тоҷикистон
Мавзуҳо:
Заминларза дар Тоҷикистон (28)
Мавзуъ
Ванҷ: тахриби як манзили зист дар пайи заминларза
Паёмади заминларза дар Бадахшон: беш аз 10 хона хароб шудааст
Фаромӯз Иргашов, худпешбар ба мақоми президентӣ дар Тоҷикистон

Изҳороти Иргашев: дар соли 2027 президент шуданист

495
(Таҷдидшуда 14:00 26.02.2021)
Фаромуз Иргашев дар интихоботи ахири раёсатҷумҳурӣ номзадии худро пешниҳод кард, вале ба далелӣ кофӣ набудани теъдоди имзоҳои ҷамъоварда, аз сабқат канор монд

ДУШАНБЕ, 26 фев — Sputnik. Фаромуз Иргашев мегӯяд, зиндагии ӯ пас аз интихоботи ахири президентӣ дар Тоҷикистон тағйир наёфт. Ӯ мегӯяд, чун пештара дар талоши зиндагӣ аст ва ба хондану хизмат расондан ба мардуми Бадахшон машғул аст.

Иргашев дар мусоҳиба ба сомонаи "Ширчой" далели роҳ наёфтани худ ба сабқати асосии интихоботи президентӣ дар Тоҷикистон шарҳ дод. Адвокати ҷавон омили асосиро ба бетаҷрибагии худ рабт медиҳад. Ҳамчунин, ба гуфтаи ӯ омода набудани мардум низ як сабаби канор монданаш аз интихобот шуд.

Иргашев танҳо нафаре буд, ки талош кард аз тариқи худпешбарӣ номзадии худро дар интихоботи президентии Тоҷикистон бигузорад.

Ӯ мегӯяд, нахустин бор ин фикр дар сараш замоне пайдо шуд, ки раисиҷумҳур Эмомалӣ Раҳмон синни номзадҳо ба президентиро аз 35 ба 30 сол поин кард.

"Ман баъди ин тағйирот дар системаи интихоботи президентӣ ба дӯстонам мегуфтам, ки ин кор махсус барои ман анҷом шудааст ва ҳатман бояд номзадии худро пешбарӣ кунам", - шарҳ додааст Иргашев.

Гузашта аз ин, ҳуқуқшинос таъйид намуд, ки 7 сол аз ҳуқуқу манфиатҳои мардум ҳимоя мекард ва давоми ин солҳо, шоҳиди бедодгарии зиёди кормандони давлатӣ шуд.

Ӯ аз ҷумла, аз қадр надоштани ҷони инсон, ба ҷавобгарӣ кашида нашудани қотилон, фиреб додани одамони солманд, барои гуноҳи ночиз ба мудатҳои тӯлонӣ равона шудани ҷавонон ба зиндон, аз фасоду хешутаборбозии рӯи рост изҳори нигаронӣ намудаст.

"Танҳо ба хотири пешгирӣ кардан аз ин гуна бедодгариҳо номзадии худро пешбарӣ кардам, аммо мутаассифона талоши ман бенатиҷа монд", - афзудааст адвокати ҷавон.

Фаромӯз мегӯяд, ҳоло дар пайи пайдо кардани донишгоҳ аст, чун зиёд мехоҳад таҳсилашро идома диҳад. Ӯ гуфт то пайдо кардани донишгоҳ дар хизмати халқу ватан аст. 

"Агар имкони таҳсил карданро дарёфт накардам, корамро дар шаҳри Хоруғ идома медиҳам ва соли 2027 - ро интизор мешавам", - бо табассум изҳор намудааст Фаромуз.

Ёдовар мешавем, ки тасмими Фаромуз Иргашев дар мавриди аз тариқи худпешбарӣ иштирок кардан дар интихоботи президентии Тоҷикистон, сару садоҳои зиёдеро ба миён овард.

Бархе мегуфтанд, ӯ як бозигари "худӣ" - и ҳукумат аст, аммо бархеи дигар бар ин бовар буданд, ки ӯро кадом дастае аз хориҷу дохил ба ин майдон партоб кард.

Он замон, Фаромуз дар посух ба ҳамаи ин итиҳомот мегуфт, ки фақат такя ба мардуми одӣ ва давлати Тоҷикистон мекунад.

495
Глава Чеченской Республики Рамзан Кадыров, архивное фото

"Зарбаи қатъиро бо иштироки Путин расондем": Қодиров дар бораи маҳви гурӯҳи Бютукаев

530
(Таҷдидшуда 12:39 26.02.2021)
Бистуми январ дар деҳаи Қатар - Юрти Чеченистон, амалиёти вижа алайҳи гурӯҳи силоҳбадастон пиёда шуд, ки дар натиҷа 6 нафар бо шумули худи Бютукаев маҳв шуданд

ДУШАНБЕ, 26 фев — Sputnik. Кишвардори Чеченистон Рамазан Қодиров гуфт, ки президенти Русия Владимир Путин ҷараёни амалиёти вижа алайҳи бандаи Бютукаевро зери назорати худ қарор дод. Қодиров дар ин бора дар сафҳаи худ дар шабакаи иҷтимоии "ВКонтакте" навиштааст.

Зимнан, роҳбари Чеченистон ба Владимир Путин, изҳори миннатдорӣ намуда, афзуд ки "таҳти роҳбарии ӯ терроризми байналмилалӣ бори аввал дар таърихи ҷаҳонӣ нест карда шуд". Сардори Чеченистон қайд кард, ки президент натиҷаи ин амалиётро ниҳоят муҳим арзёбӣ кард.

"Таваҷҷӯҳи Владимир Владимирович омили ҳалкунандаи шикасти гурӯҳҳои мусаллаҳи ғайриқонунӣ ва таъмини амният ва тартиботи ҷамъиятӣ дар қаламрави Ҷумҳурии Чеченистон гардид", - шарҳ додааст Қодиров.

Ёдовар мешавем, ки рӯзи 20 январ дар канори деҳаи Қатар-Юрти Чеченистон як амалиёти вижа баргузор шуд, ки дар ҷараёни он шаш ҷангӣ, ки дар ҷустуҷӯи федералӣ қарор доштанд, аз ҷумла Бютукаев маҳв шуданд.

Пас аз ин амалиёт, Рамазон Қодиров расман эълон кард, ки Чеченистон ҳамакнун орӣ аз террористон шуд.

Моликони “Домодедово” барои амали террористӣ муҷозот мешаванд

Аслан Бютукаев ҳамроҳ бо Доку Умаров масъулияти ҳамлаи террористӣ дар фурудгоҳи Домодедовои шаҳри Маскавро, ки 24 январи соли 2011 рух дода буд, бар дӯш гирифтанд.

Бар асари ин ҳамлаи террористӣ, дасти кам 37 нафар кушта шуд, ки се нафари онҳо атбои Тоҷикистон буданд.

530
Барчаспҳо:
Чеченистон, Рамазон Қодиров
Владимир Гулямхайдаров. Архивное фото

"Пелеи тоҷик" - Ғуломҳайдаров: 5 далел дар бораи футболбоз ва мураббии машҳур

0
(Таҷдидшуда 14:27 26.02.2021)
Владимир Ғуломҳайдаров, аввалин футболбози тоҷик, ки барои бозӣ дар тими олимпии СССР даъват шуда буд

ДУШАНБЕ, 26 феврал - Sputnik. Владимир Ғуломҳайдаров, яке аз бозигарони барҷастаи таърихи футболи тоҷик, солгарди худро ҷашн мегирад.

"Пелеи тоҷик" рӯзи 26 феврал 75-сола шуд.

Sputnik Тоҷикистон панҷ дастовард ва хусусиятҳои беҳтарини Ғуломҳайдаровро дар давраи фаъолияти футболиаш гирд овардааст.

Аввалин хет-трики "Помир"

Владимир Ғуломҳайдаров муаллифи аввалин хет-трик дар таърихи тими овозадори "Помир"-и Душанбе мебошад. Инчунин, аввалин футболбози тоҷик, ки ба ҳайати дастаи олимпии СССР ҷалб шуда буд ва аввалин дастпарвари футболи тоҷик, ки бо задани гол ба тими мунтахаби Иттиҳод фарқ мекард.

Владимир Гулямхайдаров игрок таджикского футбола
Владимир Гулямхайдаров игрок таджикского футбола

Пеналтизани "Помир"

Мухлисони ботаҷриба медонанд, ки сазовори унвони зарбазан аз ҷаримагоҳ шуданро бояд сазовор шуд.

Владимир Алексеевич Ғуломҳайдаров дар тӯли солҳои 1972-1977 зарбазани асосӣ аз ҷаримагоҳ дар "Помир"-и Душанбе буд. Ин барои футболбозе, ки дар тӯли фаъолияти пуршарафи худ дар "Торпедо" -и Маскав ва дар ҳайати дастаи олимпии СССР бозӣ кардааст, давраи азим аст.

Барои футбол, ӯ ба ҳама чиз омода буд

Соли 1965 дар ҷараёни мусобиқаи "Истеъдодҳо" ӯро мураббии вақти "Динамо"-и Минск Александр Севидов мушоҳида кард.
Аммо, гузариш ба ин клуб сурат нагирифт, гарчанде ки ба хотири ин Ғуломҳайдаров ҳатто розӣ шуд, ки рӯи мизи ҷарроҳӣ равад.

Вай баъдтар дар ин бора нақл кард: “Як ҳафта пеш аз ба охир расидани ҷамъомади таълимӣ Севидов маро ба ҷои худ даъват карда, рӯзномаи “Советский спорт”-ро нишон дод, дар он рӯйхати тақрибан 40 футболбозро, ки клубҳо онҳоро манъ кардаанд, дар бар дошт, номи ман низ он ҷо буд.
Аммо Сан Санович бо як иқдоми маккорона баромад кард.

Кадомаш? Онҳо аз ман дар бораи аппендитсит пурсиданд. Дар аввал ман ҳатто маънои саволро нафаҳмидам. Маълум шуд, ки Севидов барои он, ки ман сабаби таъхир дар дастаашро дошта бошам, як амали ҷарроҳиро пеш овард.

Маро фавран ба беморхонаи Гагра оварданд ва аппендитситамро гирифтанд. Пас аз як моҳи амалиёт, Севидов умедвор буд, ки масъалаи ба "Динамо"-и Минск гузаштани маро ҳал мекунад. Ин натиҷа надод, аммо мураббӣ дар ман мардеро дид, ки барои футбол ба ҳама чиз омода аст - бе пул бозӣ кардан ва зери корд рафтан!"

Тими олимпии СССР

Ҳанӯз соли 1968 Владимир Алексеевич Ғуломҳайдаров ба дастаи олимпии СССР даъват шуда буд.

То Ҷоми ҷаҳонии соли 1970 дар Мексика  ду сол  (730 рӯз бо мӯза)монда буд ва мебоист ин ҳама вақт чун сарбоз тамрин кард.

Владимир Ғуломҳайдаров дар пироҳани сурх бо ҳарфҳои "СССР" ду мавсим таҳти роҳбарии мураббиёни футболи Шӯравӣ Качалин ва сипас Гуляев бозӣ кард.

Аз ҷониби ҳайати мураббиёни дастаи олимпии СССР ба Владимир Ғуломҳайдаров ҳеҷ гоҳ дар бораи нерӯи варзишӣ ва тафаккури тактикӣ ҳеҷ даъвое нашудааст.

Бо Стрелтсов ва Нетто бозӣ кардааст

Вай яке аз онҳое буд, ки бо афсонаҳои футболи шӯравӣ ба мисли Эдуард Стрелтсов ва Игор Нетто баробар паҳлӯ ба паҳлӯ бозӣ мекард.

"Пахтакор" -и Тошканд барои дидани ӯ дар сафи худ, омода буд барои он замонҳо маоши афсонавӣ - 1000 рубл пардохт кунад.

Аммо муҳимтар аз ҳама он аст, ки маҳз бо роҳбарии ӯ соли 1980 дастаи ҷавонони Тоҷикистон соҳиби Ҷоми мусобиқаи умумииттифоқии "Кроссинг" шуд ва бори аввал қаҳрамони Иттиҳоди Шӯравӣ гардид.

Ҳоло, инро бисёриҳо дар ёд надоранд ва медонанд, аммо ҳанӯз соли 1971 Владимир Алишоевич яке аз ташаббускорони даъвати футболбози барҷастаи шӯравӣ Эдуард Стрелтсов ба "Помир"-и Душанбе буд.

0
Барчаспҳо:
тими "Помир", футболбоз, Футбол, Тоҷикистон