Куҳҳои Бадахшон. Акс аз бойгонӣ

Водии Бартанг: минтақаи дар инзивоъ монда

76
(Таҷдидшуда 15:16 10.12.2015)
Вазорати дифои Тоҷикистон чанде қабл эълон кард, ки ду чархболи дигар ҳам барои расондани кӯмакҳо ба сокинони осебдидаи Бартанг сарфарбар мешаванд.

ДУШАНБЕ, 10 дек — Sputnik. Водии Бартанг, ки дар натиҷаи заминларзаи 7 декабр осеби зиёд дидааст, дар ҳоли ҳозир аз ҷаҳони берунӣ дар инзивоъ қарор дорад. Дар пайи заминларзаи шадиду рехтани сангпораҳо ягона роҳе, ки ин водиро бо маркази ноҳияи Рӯшон мепайвандад, хароб гардидааст, менависанд расонаҳои маҳаллӣ.

Бар иловаи ин, роҳи ҳавоӣ ҳам ба водии мазкур маҳдуд мебошад. Ду чархболи Вазорати дифои Тоҷикистон, ки бо дастури раисҷумҳури кишвар Эмомалӣ Раҳмон барои расондани кӯмак ба осебдидагони Бартанг сафарбар шудаанд, ба далели номусоидии ҳаво наметавонанд, ба ин водӣ парвоз кунанд.

Масъулини Вазорати дифои кишвар мегӯянд, онҳо барои сафарбар кардани се чархболи дигар ба ноҳияи Рӯшон ба хотири расонидани кӯмак ба осебдидагони Бартанг омодаанд.

Раҳбари шӯъбаи равобит бо ҷомеаи ҳукумати вилояти Бадахшон Нилуфар Асламшоев гуфтааст, сокиноне, ки дар пайи заминҷунбӣ хонаҳои худро аз даст додаанд, ҳоло дар боғчаву макотиби миёна ҷойгир шудаанд.

Асламшоева таъкид кардааст, ки тамоми сокинони зарардидаи водии мазкур бо маҳсулоти ғизоие таъмин карда шудаанд, ки Агентии давлатии захираҳои моддии Тоҷикистон ҳанӯз тобистони соли равон ба ин минтақа оварда буд.

Дар ҳамин ҳол, яке аз сокинони зарардидаи Бартанг бо исми Азамат мегӯяд, онҳо дар натиҷаи ин офати табии хонаи худро аз даст додаанду ҳоло маҷбур аст, ҳамроҳ бо се фарзанди худ дар берун, зери ҳавои сард шабро рӯз кунад. "Ҳаво ниҳоят сард аст ва мо дар кӯча мондаем. На хайма асту на кӯмаки башардӯстонае то ҳол дидаем", — таъкид мекунад ӯ.

Духтури ҷамоати Савноб Ватаншо Мирзошоев мегӯяд, ӯ ҳоло ба сокинони 8 деҳаи осебдидаи Бартанг ёрии тиббӣ мерасонад. Вай маҷбур аст, ҳар субҳ ба ин 8 деҳа пиёда биравад. Зеро дар натиҷаи заминларза роҳҳои мошингард хароб гаштаанду дар умум дар ин минтақа 7 нафар захм бардоштааст.

Сокинони осебдидаи Бартанг дар суҳбат бо расонаҳо гуфтаанд, аз замони вуқӯъи заминларза се рӯз сипарӣ шудааст. Аммо онҳо ҳанӯз кӯмакеро дарёфт накардаанд. Чархболи ҳомили кӯмакҳо дар маркази ноҳия фуруд омадааст ва чархболҳои дигар бошанд, ба хотири номусоидии ҳаво наметавонанд ба ин минтақа парвоз кунанд.

Заминларза ҳанӯз идома дорад

Вазорати дифоъи Тоҷикистон чанде қабл эълон кард, ки ду чархболи дигар ҳам барои расондани кӯмакҳо ба сокинони осебдидаи Бартанг сарфарбар мешаванд. Аммо тавре мақомоти маҳалли Бадахшон мегӯяд, ин чархболҳо ҳанӯз ба ин вилоят нарасидаанд.

Расонаҳои дохилии кишвар хабар додаанд, ки раиси вилояти Бадахшон Шодихони Ҷамшед барои ошноӣ бо вазъи осебдидагон пиёда ба роҳ баромада, дар давоми ду рӯз то Бартанг расидааст.

Ҳоло дар шаҳри Хоруғ муовини сарвазири кишвар Азим Иброҳим ҳам қарор дошта, комиссияи ҳукуматӣ барои бартараф кардани офатҳои табииро раҳбарӣ карда, бо масоили вобаста ба кушодани роҳи мошингарди Рӯшон-Бартанг машғул аст.

Ин ҳама дар ҳолест, ки заминларза дар ноҳияи Рӯшон ҳанӯз идома дорад. Рӯзи 9 декабри соли равон заминҷунбии шадид дар ин минтақаи куҳии кишвар ба қайд гирифта шуд, ки дар натиҷаи он сангрезӣ ба миён омада, боиси хароб гаштани девори атрофи мактаб- интернат ва зери санг мондани мошини навбатдори ҳукумати маҳаллӣ гардид.

Тибқи иттилои мақомоти маҳаллӣ, дар натиҷаи заминларзаи 7 декабр дар ҳудуди вилояти Бадахшон 237 хона пурра хароб шуда, 588 тои дигар қисман вайрон гардидаанд. Аксари ин хонаҳои харобгашта марбут ба сокинони Рӯшонанд.

Аз ин нишонӣ матолиби марбут ба заминларзаи Бартангро дарёфт карда метавонед>>

76
Барчаспҳо:
осебдида, чархбол, заминларза, башардӯстона, зарардидагон, кӯмак, сокинон, зилзилаи Бартанг, қатъи рафтуо ба Бартанг, заминҷунбӣ дар Бадахшон, заминларза, Агентии давлатии захираҳои моддии Тоҷикистон, Вазорати дифои Тоҷикистон, Азим Иброҳим, Шодихон Ҷамшед, вилояти Мухтори Кӯҳистони Бадахшони Тоҷикистон, Бартанг, Рӯшон, Тоҷикистон
Мавзуҳо:
Зилзилаи Бадахшон ва бартарафсозии оқибатҳои он (16)
Мавзуъ
Боз як фоҷиа: ҳалокати милиса дар Бартанг бар асари резиши санг
Мақомоти Рӯшон: заминларза ба ноҳия 24 млн зарар расонд
Дискотека в ночном клубе, архивное фото

Вақти рақс халал расондӣ: навори занозании 6 зани ҷавон дар клуби шабона дар Душанбе

1705
(Таҷдидшуда 16:19 23.01.2021)
РВКД Душанбе навори занозании шаш зани ҷавони аз 19 то 25-соларо дар клуби шабонаи "Аура" нашр кардааст. Онҳо ба ҳамдигар танҳо барои онки нафареашон вақти рақс бо китф ба дигаре расидааст, дарафтодаанд. РВКД мегӯяд, ин қабил номи занро доғдор мекунанд

ДУШАНБЕ, 23 янв— Sputnik. Раёсати Вазорати корҳои дохилӣ дар шаҳри Душанбе аз боздошти шаш зани ҷавон ба иттиҳоми авбошӣ гузориш медиҳад.

Тавре манбаъ тавзеҳ медиҳад, ин занони ҷавон, ки ҳамагӣ аз 19 то 25-сола будаанд, дар пайи занозанӣ дар клуби шабонаи "Аура" дастгир шудаанд.

Гуфта мешавад, бо сабаби ночиз ба ҳамдигар дарафтодаву тартиботи ҷамъиятиро вайрон кардаанд.

Ҳамин тавр, тавре РВКД менависад, "ду гурӯҳ ҷавонзанон аз ду ҷониб, бо ҳамдигар муноқиша намуда, тартиботи ҷамъиятиро дағалона вайрон кардаанд".

"Сабаби муноқишаи мазкур “расидани китфи яке ба китфи дигаре дар вақти рақс ва ба ин тартиб халал расонидан ба истироҳати ҳамдигарӣ” унвон гардидааст. Дар ин замина номбурдагон ба ҳамдигар дарафтода, бо мушту пой ва зарфҳои шишагин якдигарро латукӯб намудаанд", - омадааст дар гузориш.

Афзун бар ин, онҳо ба эроди атрофиён аҳамият надода, тартиботро дар мавзеи ҷамъиятӣ ба таври дағалона ва ба муддати тулонӣ вайрон кардаанд.

Нисбати ҳамаи боздоштшудагон тибқи талаботи моддаи 237 қисмҳои 2 ва 3 Кодекси ҷиноятии Ҷумҳурии Тоҷикистон (авбошӣ дар ҳайати гуруҳӣ) парвандаи ҷиноятӣ оғоз карда шуда, мавриди тафтиши пешакӣ қарор дорад.

Навор ва аксҳои ин гурӯҳи боздоштшударо РВКД нашр кардааст.

Ёдрас мешавем, қисмҳои 2 ва 3-и моддаи 237 (авбошӣ) Кодекси ҷиноии Тоҷикистон аз 5 то 7 соли зиндонро пешбинӣ мекунад.

1705
Президент Кыргызстана Сооронбай Жээнбеков прибыл с официальным визитом в Таджикистан

Савгандёдкунии хоксорона: Ҷабборов барои масрафоти зиёд аз кортежу банкет даст кашид

1926
Содир Ҷабборов мегӯяд, маросими савгандёдкунии ӯ бидуни кортежу банкет доир мешавад, зеро намехоҳад беҳуда пули зиёд сарф шавад

ДУШАНБЕ, 22 янв — Sputnik. Кишвардори тозаинтихоби Қирғизистон Содир Ҷабборов тасмим гирифт аз кортежи махсус даст кашад ва мехоҳад маросими савгандёдкунӣ хоксорона доир шавад, хабар медиҳад, котиботи президент.

Чанде пеш дар шаҳри Бишкек, хиёбони Чингиз Айтматовро бинобар тамрини баргузории маросими савгандёдкунӣ бастанд.

Ҳамчунин маълум гардид, ки маблағи умумии масрафи маросими адои савганди президенти феълӣ 15 миллион сомро ташкил медиҳад, ки аз ин миён 10 миллион сом сарф мешавад.

Пас аз ифшои ҳаҷми маблағ, дар шабакаҳои иҷтимоӣ мардум аз сарфи зиёди маблағ ва роҳбандиҳо изҳори нигаронӣ намуданд.

Раҳмон ба Ҷабборов барқия фиристоду ба мардуми қирғиз сулҳу субот таманно кард

Содир Ҷабборов шояд нигаронии мардумро пай бурда, аз кортежу банкет ва дигар чорабиниҳо даст кашид.

"Ман фикр мекунам, ки мардум моро мефаҳманд ва дастгирӣ мекунанд. Ман қарор додам, ки аз кортежи махсус, зиёфат ва дигар чорабиниҳои ташкилӣ, ки хароҷоти калони молиявиро талаб мекунанд, даст кашам.

Ёдовар мешавем, Содир Ҷабборов зимни ноамниҳои ахир дар Қирғизистон аз маҳбас озод шуд ва нахуствазири он кишвар таъйин гардид.

Зимнан, дар маракаи интихоботи президентӣ низ ширкат намуда, дастболо шуд. Ҳоло маросими савгандёдкунии ӯ 28 январ дар толори Филармонияи давлатии Қирғизистон баргузор мегардад.

1926
Барчаспҳо:
президент, маросими савгандёдкунӣ, Қирғизистон
Госпиталь для больных COVID-19

Дар Қирғизистон 93 ҳолати сироятшавию дар Тоҷикистон 0: омори нави коронавирус

0
Қирғизистон қабл аз Тоҷикистон домангири коронавирус шуда буд ва то ҳол ҳам вируси COVID - 19 қаламрави ин кишварро тарк намекунад

ДУШАНБЕ, 23 янв — Sputnik. Ситоди фаврӣ оид ба коронавирус дар Қирғизистон хабар медиҳад, ки шабонарӯзи гузашта боз 93 нафар мариз шуда, ҳамчунин 2 нафар ҷон аз даст доданд.

Қирғизистон ҳарчанд қабл аз Тоҷикистон ба ин вабо рӯбарӯ шуд, аммо ҳамоно алайҳи ин вирус дар набар аст ва ҳамарӯза теъдоди  зиёди одамон сироят мешаванду мефавтанд.

Дар Тоҷикистон бошад коронавирус 30 апрел роҳ ёфт ва ҳамакнун муддати беш аз 10 рӯз мешавад, ки ягон ҳолати сироятшавии шаҳрвандон ба қайд гирифта намешавад.

Вазорати тандурустӣ бо нашри омори нави коронавирус хабар медиҳад, ки дар Тоҷикистон шабонарӯзи гузашта ҳам ягон мавриди беморшавии шаҳрвандон сабт нагардид.

Афзоиши мубталоёни коронавирус дар Қирғизистон: аз 69 ҳазор гузашт

Манбаъ меафзояд, аз 13 ҳазору 308 гирифтори коронаиврус аллакай 13 ҳазору 218 нафар шифо ёфтанд.

Шумораи умумии қурбониёни коронавирус 90 нафар аст, дар Қирғизистон бошад 1398 нафар ҷон аз даст доданд.

0
Барчаспҳо:
маризӣ, омор, Тоҷикистон, Қирғизистон