Шиносномаҳои русӣ. Акс аз бойгонӣ

Медведев муҳлати гирифтани шиносномаи русиро 30 рӯз кам кард

33
(Таҷдидшуда 12:34 03.03.2016)
Муҳлати додани шиноснома ду баробар кам карда шуд.. Ба ғайр аз ин барқарор кардан ва ё дубора гирифтани шиносномаи гумшуда дар сурати муроҷиат ба ХФМ-и минтақа аз ин ба баъд тайи даҳ рӯз имкон дорад.

ДУШАНБЕ, 3 мар — Sputnik. Нахуствазири Русия Дмитрий Медведев қарор дар бораи кам кардани муҳлати гирифтани шиносномаи русиро ба имзо расонид, ки тибқи он давоми як моҳ соҳиби шиноснома шудан мумкин аст, омадааст дар хабари сомонаи расмии ҳукумати ФР.

То кунун барои гирифтани шиноснома ва ё дубора барқарор кардани санад ҳудуди ду моҳ вақт сарф мешуд.

Имзои қарори мазкур муҳлатро ду баробар кам карда, дар 30 рӯзи тақвимӣ гирифтани шиносномаро имконпазир мегардонад. Ба ғайр аз ин, дубора гирифтани шиносномаи гумшуда дар сурати муроҷиат ба ХФМ-и минтақа аз ин ба баъд тайи даҳ рӯз имкон дорад.

"Ҳамин тавр, сифати хидматрасонии давлатӣ аснои ироаи шиноснома боло хоҳад рафт",- қайд шудааст дар маълумотномаи қарор.  

33
Барчаспҳо:
қарори ҳукумат, камшавии муҳлат, шиносномаи русӣ, ФМС, ХФМ, нахуствазири Русия, Дмитрий Медведев, Маскав, ФР, Русия
Праздничный намаз на Иди Курбон в Душанбе

Президент гуфт, дар кадом ҳолат масҷидҳо дубора баста мешаванд

173
Эмомалӣ Раҳмон, раисҷумҳури Тоҷикистон ба сокинони кишвар ҳушдор дод, ки ҳангоми таҷаммӯъ эҳтиёткор бошанд, то коронавирус дубора паҳн нагардад

ДУШАНБЕ, 26 янв — Sputnik. Эмомалӣ Раҳмон ҳангоми ироаи паём аз нест шудани COVID-19 дар кишвар ёдрас шуд ва ҳушдор дод, ки сокинон ҳангоми дар як мавзеъ ҷамъ омадан, чораҳои беҳдоштиро қатъиян риоя кунанд.

Ӯ ёдрас шуд, ки ахиран дар кишвар масҷидҳо низ пас аз чанд моҳи масдуд будан, боз шуданд. 

Вай таъкид кард, ки намозгузорон қоидаҳои беҳдоштиро ҳатман риоя кунанд, дар акси ҳол, макони ибодатгузорӣ дубора баста мегардад.

Намоз бо ниқоб: қоидаҳои масҷидравӣ дар Тоҷикистон

"Бояд дар масҷидҳо эҳтиёт кард. Хусусан ҳангоми адои намози ҷумъа. Буданд ҳолатҳое, ки дар тӯйҳо ё ҷанозаҳо чандин нафарон аз коронавирус сироят меёфтанд", - таъкид кард раисҷумҳур.

Вай афзуд, "агар намозгузорон қоидаҳои беҳдоштро риоя накунанд, масҷид дубора баста мешавад".

173
День 26 января

Аз мавлуди Бақозода то рӯзи байналмилалии гумрук: имрӯзи таърих

122
(Таҷдидшуда 21:53 25.01.2021)
Рӯзи бисту шашуми январ дар Рӯзи байналмилалии гумрук буда, дар Уганда – Рӯзи озодӣ мебошад. Дар ин рӯз, соли 1905 дар Африқои Ҷанубӣ калонтарин алмос дар ҷаҳон пайдо карда шуд

Рӯзи 26 январ дар ҷаҳон чӣ рух дод

Соли 1788 шаҳри Сидней – аввалин шаҳри урупоӣ дар Австралия таъсис дода шуд.

Соли 1905 дар Африқои Ҷанубӣ калонтарин алмос дар ҷаҳон пайдо карда шуд.

Алмаз  Куллинан до огранки
© Flickr / James St. John
Алмаз "Куллинан" до огранки

Соли 2009 дар пойтахти Белорус- шаҳри Минск ҷаласаи навбатии Шӯрои намояндагони доимии ваколатдори давлатҳои узви ИДМ дар назди мақомоти оинномавӣ ва дигар ниҳодҳои Иттиҳод  баргузор гардид.

Соли 2011 дар шаҳри Талдиқӯрғони  Қазоқистон  оташи Бозиҳои VII зимистонаи Осиё ба маърази ом гузошта шуд.

Рӯзи 26 январ дар Тоҷикистон чӣ рух дод

Соли 2009 Эмомалӣ Раҳмон вазири вақти ҳамкории байналмилалии Ҷумҳурии Мисри Араб хонум Фоиза Абуннаҷоро, ки ба ҳайси сарвари қисмати мисрии Комиссияи муштараки байниҳукуматӣ оид ба ҳамкории иқтисодӣ, техникӣ ва илмӣ ба шаҳри Душанбе ташриф оварда буд, ба ҳузур пазируфт. Дар вохӯрӣ масоили густариши ҳамкории Тоҷикистону Миср баррасӣ шуд.

День 22 января
© Sputnik/ Стас Этвеш/ Мария Вишнякова

Соли 2012 бори аввал дар Тоҷикистон кӯдакону наврасон дар истироҳатгоҳи "20-солагии Истиқлолият", воқеъ дар деҳаи хушманзараи Деҳмойи ноҳияи Ҷ.Расулов ба фароғату истироҳати зимистона фаро гирифта шуданд.

Соли 2017 дар шаҳри Ишқобод ҷаласаи VII муштараки Комиссияи байниҳукуматии Тоҷикистону Туркманистон оид ба масъалаи ҳамкории тиҷоратию иқтисодӣ ва илмию техникӣ баргузор гардид.

Соли 2017 дар шаҳри Душанбе  зимни суҳбати телефонӣ Эмомалӣ Раҳмон бо нахуствазири вақти Покистон Муҳаммад Навоз Шариф ҳолати вақт ва дурнамои муносибатҳои дуҷониба миёни ду давлати дӯстро мавриди баррасӣ қарор дода, атрофи масъалаҳои мубрами минтақавию байналмилалӣ мубодилаи афкор анҷом дод.

Ҷашнҳои рӯзи 8 январ дар Тоҷикистон ва ҷаҳон

Соли 2017 Эмомалӣ Раҳмон аз нав Президенти Кумитаи миллии олимпии Тоҷикистон интихоб гардиданд.

Ҷашнҳои рӯзи 26 январ

  • Рӯзи байналмилалии гумрук.
  • Дар Уганда – Рӯзи озодӣ.

Рӯзи 26 январ кӣ ба дунё омадааст

Гурез Абураҳмонов (1915 – 1974) – сароянда, Корманди шоистаи маданияти Тоҷикистон.

Наримон Бақозода (1935 – 2009) – шоир, Корманди шоистаи маданияти Тоҷикистон.

Одили Икром (1960)- шоири узбекзабони Тоҷикистон, мутарҷим (аз тоҷикӣ ба узбекӣ).

Ҳошим Назаров (1909 – 1983) – мутриб, Ҳунарпешаи шоистаи Тоҷикистон.

Бурҳон Неъматов (1960)- сароянда.

Саъдулло Неъматов (1950) – доктори илми педагогӣ, профессор.

Исохон Саидаминов (1962) – доктори илми техникӣ, профессор.

Дилшод Сайфиддинов (1984) – варзишгар, чемпиони ҷаҳон оид ба гурзпартоӣ.

Рамазон Сафаров (1936 – 2008) – Рассоми халқии Тоҷикистон.

Аҳмадҷон Шерназаров (1937 – 2008) –иқтисоддон, профессор.

Сурайё Шукурова (1957) – доктори илми тиб, профессор.

122
Барчаспҳо:
ҷашн, ҷаҳон, Тоҷикистон
Дворец нации в городе Душанбе

Камабру бебориш: пешгӯии дақиқи ҳавошиносон барои имрӯз

0
Имрӯз дар ҷумҳурӣ ҳаво камабр ва дар баъзе ҳолатҳо тағйирёбандаи бебориш мешавад. Ҳарортаи ҳаво дар шаҳри Душанбе шабона 8-10 ва  рӯзона 4+6 дараҷа гарм  мешавад

ДУШАНБЕ, 26 январ - Sputnik. Ба гузориши Ожонси ҳавошиносӣ, имрӯз дар Вилояти Мухтори Кӯҳистони Бадахшон ҳавои камабр ва дар баъзе ҳолатҳо тағйирёбандаи  бебориш пешгӯӣ мешавад. Шамол аз самти шарқ бо суръати 3-8 метр дар як сония мевазад.

Ҳаво дар ғарби вилоят шабона 12-17 ва рӯзона 2-7 дараҷа хунук мешавад. Дар шарқи вилоят ҳаво  шабона  27-32 ва рӯзона  15-20 дараҷа сард мешавад, хабар медиҳад АМИТ "Ховар" аз қавли Ожонс.

Ҳаво дар вилояти Суғд   камабр ва дар баъзе ҳолатҳо тағйирёбандаи бебориш мешавад. Дар баъзе ноҳияҳо туман мефарояд. Шамол аз самти шарқ бо суръати 3-8 метр дар як сония мевазад. Ҳаво  дар водиҳо шабона 0-5 дараҷа хунук ва рӯзона 2+7 дараҷа гарм мешавад. Дар ноҳияҳои кӯҳӣ ҳаво шабона 10-15 ва рӯзона 0-5 дараҷа хунук  мешавад.

Дар вилояти Хатлон  ҳаво камабр ва дар баъзе ҳолатҳо тағйирёбандаи бебориш дар назар буда, дар ноҳияҳои алоҳида туман мефарояд. Шамол аз самти шарқ суръати 3-8 метр дар як сония мевазад. Ҳаво дар водиҳо шабона 2-7 дараҷа хунук ва рӯзона 3+8 дараҷа гарм мешавад.  Дар ноҳияҳои доманакӯҳӣ ҳаво шабона 6-11 дараҷа хунук ва рӯзона аз 1 дараҷа хунук то 4 дараҷа гарм мешавад.

Дар шаҳру ноҳияҳои тобеи марказ ҳаво камабр  ва дар баъзе ҳолатҳо тағйирёбандаи бебориш мешавад. Дар ноҳияҳои алоҳида туман мефарояд.   Шамол аз самти шарқ бо суръати 3-8 метр дар як сония  мевазад.  Ҳаво  дар водиҳо  шабона 8-13 ва рӯзона 2+7 дараҷа гарм мешавад.  Дар ноҳияҳои кӯҳӣ ҳаво шабона 9-14 ва рӯзона 0-5 дараҷа хунук мешавад.

Дар  шаҳри Душанбе ҳаво камабри бебориш мешавад. Шамол аз самти  шарқ бо суръати 3-8 метр дар як сония мевазад. Ҳаво шабона 8-10 ва  рӯзона 4+6 дараҷа гарм  мешавад.

0
Барчаспҳо:
гармӣ, абрӣ, Тоҷикистон, обу ҳаво