Тифл ва модар. Акс аз бойгонӣ

Ҷавонтарин модарони ИА дар кишварҳои назди Балтик ба сар мебаранд

158
(Таҷдидшуда 11:13 17.03.2016)
Тибқи маълумоти омории дар Аврупо нашршуда, Латвия, Литва ва Эстония ба қатори панҷ кишвари ИА аз ҷиҳати синни миёнаи таваллуди нахустфарзандҳо шомил мебошанд.

ДУШАНБЕ, 17 мар — Sputnik. Бонувони кишварҳои назди Балтика модарони ҷавонтарини Аврупо эълом шуданд, менависанд манобеъи омории ИА.

Дар соли 2014 дар Иттиҳоди Аврупо 5,132 миллион кӯдакон ба дунё омадааст. Ин нишондод тақрибан то 70 ҳазор нафар нисбати соли 2011 зиёдтар аст. Коэффисенти зоиш  аз 1,46 то 1,58 кӯдак ба як модар боло рафт.

Афзоиши бузургтарини нишондоди мазкур дар Латвия, ки соли 2001 то 0,43 нишондод зиёд шуд, ба қайд гирифта шудааст. Феҳрастро баъдан, Чехия, Словения, Литва ва  Булғористон идома медиҳанд.

Бино ба натиҷаҳои омӯзиш, занони аврупоӣ фарзанди аввали худро дар синни 29- солагӣ таваллуд мекунанд. Модарони ҷавонтарини Иттиҳоди Аврупо шаҳрвандони Булғористон (25,8 сола) ва Руминия (26,1 сола) ҳастанд.

Бонувони назди Балтика аз кишварҳои дигари пасошӯравӣ каме ақиб мемонанд. Синни миёнаи таваллуди нахустфарзанд дар Латвия — 26,3, дар Эстония — 26,6 ва дар Литва — 27-солагӣ ба қайд гирифта шудааст.

Дар Италия ва Испания бошад, бонувон дар синнии бузургтар фарзанд ба дунё меоранд, яъне баръакси давлатҳои назди Балтик: онҳо фарзанди аввалинро  дар синни 30,7 ва 30,6  таваллуд мекунанд.

Миёни кишварҳои аврупоӣ мақоми аввалро аз рӯи тавваллуд дар соли 2015 Фаронса соҳиб гардидааст. Соли 2014 дар ин кишвар наздики 819 ҳазор кӯдак ба дунё омадааст. Дар ҷои дуюм Бритонияи Кабир бо нишондоди 775 ҳазор нафар ва Олмон бо таваллуди 715 ҳазор кӯдак дар мақоми саввум қарор доранд.

Рӯйхатро Италия (502 600), Испания (426 100) ва Лаҳистон (375 200) идома медиҳанд.

158
Барчаспҳо:
тифл, ҷавонтарин, модарони ҷавон, нахустфарзанд, аҳолӣ, зоиш, таваллуд, Иттиҳоди Аврупо, Кумитаи омори ИА, Булғористон, Эстония, Литва, Латвия, ИА
В центре Праги состоялся пир в честь прощания с коронавирусом

Прага аз поёни бӯҳрони коронавирус қайд кард: зиёфатхӯрии ҳазор нафар гирди мизи 500 метра

110
Прага расман аз пирӯзӣ бар маризии сироятии коронавирус эълон кард. Ба ин муносибат дар болои пули Карлов зиёфат барои ҳазор нафар ороста шуд

ДУШАНБЕ, 3 июл — Sputnik. Дар Прага садҳо нафар ба хотири таҷлил намудани пирӯзӣ бар маризии коронавирус назди пули Карлова ҷамъ омаданд. Дар болои ин пул мизи 500 метра гузошта шуда, барои ҳазор нафар зиёфати идона дода шуд.

Гуфта мешавад, шаҳрвандони Прага бо хӯроку нӯшобаҳо ба ин макон омада, бидуни риояи фосилаи иҷтимоӣ ва пӯшидани ниқоб, сӯҳбат мекарданд ва зиёфат мехӯрданд.

Зиёфат дар чойхонаи "Роҳат": Рӯзи куҳансолон дар Душанбе чигуна таҷлил шуд - видео

Ташкилкунандаи ин маърака, соҳиби яке аз қаҳвахонаҳои маҳаллӣ Ондрей Кобза мебошад.

"Мо мехоҳем, ки поёни бӯҳрони коронавирусро қайд кунем. Мардум имкон пайдо мекунанд, ки якдигарро бубинанд ва нишон диҳанд, ки онҳо аз мулоқот наметарсанд, аз гирифтани як порча сэндвич аз дасти ҳамсоя наметарсанд" , - изҳор намудаст Кобза.

Ёдовар мешавем, ки дар Ҷумҳурии Чех 349 фавт аз COVID-19 ва тақрибан 12 000 сироят ба қайд гирифта шудааст.

110
Мавзуҳо:
Пайомадҳои COVID-19 дар Тоҷикистон ва ҷаҳон
День 3 июля

Ҷашнҳои рӯзи 3 июл дар Тоҷикистон ва ҷаҳон

70
(Таҷдидшуда 19:00 02.07.2020)
Рӯзи сеюми июл Дар Русия ва ИДМ — Рӯзи кормандони Бозрасии давлатии автомобилӣ буда, дар Беларус ва Алҷазоир – Рӯзи Истиқлолият таҷлил мешавад

Рӯзи 3 июл дар ҷаҳон чӣ рух дод

Соли 1863 дар натиҷаи заминҷунбӣ дар Филиппин қариб 1000 нафар ба ҳалокат расиданд.

День 30 июня
© Sputnik / Стас Этвеш / Вишнякова Мария

Соли 1880 кишварҳои пешбари Аврупо ва ИМА Конвенсия дар бораи эълон намудани Истиқлолияти Марокашро имзо намуданд.

Соли 1886  муҳандиси немис Карл Фридрих Бенс аввалин маротиба дар ҷаҳон мошини ихтироънамудаи худро ба намоиш гузошт.

Соли 1915  дар Туркия аввалин маротиба пули коғазӣ ба муомилот бароварда шуд.

Соли 1928  аввалин телевизор ба фурӯш бароварда шуд, ки 75 доллари амрикоӣ арзиш дошт.

Соли  1936 Бозрасии давлатии автомобилии Иттиҳоди Шӯравӣ таъсис дода шуд.

Автомобили отдельного батальона дорожно-патрульной службы ГИБДД УМВД России по Приморскому краю
© Sputnik / Виталий Аньков
Автомобили отдельного батальона дорожно-патрульной службы ГИБДД УМВД России по Приморскому краю

Соли 2007 дар ҷаласаи Кумитаи байналмилалии олимпӣ шаҳри Сочии Федератсияи Русия ҳамчун макони баргузории Бозиҳои зимистонаи олимпӣ қабул гардид.

Сочи: вид с яхты на Морской вокзал
© Sputnik /
Сочи: вид с яхты на Морской вокзал

Рӯзи 3 июл дар Тоҷикистон чӣ рух дод

Соли 1940 - дар Душанбе корхонаи гӯштбарорӣ (Мясокомбинат) таъсис ёфт.

Соли 2003 Парлумони Тоҷикистон Лоиҳаи Қонуни ҶТ «Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон»-ро тасдиқ намуд, ки он бекор кардани ҳукми қатл барои занонро дар бар мегирифт.

Соли  2006 дар шаҳри Қӯрғонтеппаи вилояти Хатлон Маркази бемориҳои саратоншиносӣ муҷаҳҳаз бо тамоми таҷҳизоти замонавӣ мавриди истифода қарор дода шуд.

Соли 2012 Президенти Ҷумҳурии Тоҷикистон Эмомалӣ Раҳмон қонунҳои Ҷумҳурии Тоҷикистон «Дар бораи фаъолияти савдои хориҷӣ» ва «Дар бораи мораторияи санҷишҳои фаъолияти субъектҳои соҳибкорӣ дар соҳаҳои истеҳсолӣ»-ро имзо кард.

Соли 2013 Эмомалӣ Раҳмон бо Президенти Ҷумҳурии Қазоқистон Нурсултон Назарбоев суҳбати телефонӣ анҷом доданд. Дар фазои созанда ва дӯстона сарони ду кишвар оид ба вазъи кунунӣ, дурнамо ва рушди ҳамкорӣ дар самтҳои мушаххас бо таваҷҷуҳи хосса ба таҳкими равобити бисёрҷониба мубодилаи афкор намуданд.

Соли 2014 дар меҳмонхонаи «Hyatt Regency Dushanbe» Бизнес-форуми дурӯзаи доираи соҳибкорони Тоҷикистону Қазоқистон баргузор гардид.

Ҷашнҳои рӯзи 3 июл

  • Дар Русия ва ИДМ — Рӯзи кормандони Бозрасии давлатии автомобилӣ.
  • Дар Беларус – Рӯзи Истиқлолият.
  • Дар Озарбойҷон — Рӯзи ҷумҳурӣ.
  • Дар Алҷазоир – Рӯзи Истиқлолият.

Рӯзи 3 июл кӣ ба дунё омадааст

Соли 1518 — Ли Шичжэн (даргузашт 1593), пизишки машҳури Чин.

Соли 1883 — Франтс Кафка (даргузашт 1924), философи лаҳистонӣ, нависандаи олмонизабон.

Франц Кафка - чешский философ, немецкоязычный писатель
Франц Кафка - чешский философ, немецкоязычный писатель

Соли 1906 — Ҷорҷ Сандерс (даргузашт 1972), ҳунарманди бритонӣ, дорандаи ҷоизаи "Оскар".

Соли 1955 — Ирина Моисеева, варзишкори шӯравӣ (рақс дар рӯи ях), қаҳрамони дукаратаи ҷаҳон ва Урупо.

Соли 1962 — Том Круз, ҳунарманди амрикоӣ, коргардон, продюсер, дорандаи ҷоизаи "Золотой глобус".

Рӯзи 3 июл дар Тоҷикистон кӣ ба дунё омадааст

Соли 1905 – корманди давлатӣ ва ҳарбӣ Раҷабалӣ Ҷалилов.

Соли 1940 – журналист Раҷаб Мардонов.

Соли 1941 – ҳунарманди балет, ҳунарпешаи халҷии Тоҷикистон, номзади мукофоти давлатии ба номи А. Рӯдакӣ Музаффар Бурҳонов. 

Соли 1952 – ҳунарманди театр, корманди шоистаи Тоҷикистон Насриддин Нуриддинов.

Соли 1953 – композитор Константин Тушинок.

Соли 1954 – доктор илмҳои философӣ, адабиётшинос, Умриниссо Казакова.

Соли 1970 – Давлаталӣ Саидов, муовини аввали нахуствазири Тоҷикистон.

Рӯзи 3 июл кӣ вафот кардааст

Соли 1642 — Мария Медичи (соли таваллудаш 1573), маликаи Фаронса (1600—1610).

Соли 1969 — Брайан Ҷонс (соли таваллудаш 1942), гиторнавози The Rolling Stones.

70
Барчаспҳо:
Тоҷикистон, Ҷаҳон, ҷашн
Мавзуъ
Ҷашнҳои рӯзи 25 июн дар Тоҷикистон ва ҷаҳон
Ҷашнҳои рӯзи 26 июн дар Тоҷикистон ва ҷаҳон
Ҷашнҳои рӯзи 27 июн дар Тоҷикистон ва ҷаҳон
Ҷашнҳои рӯзи 28 июн дар Тоҷикистон ва ҷаҳон
Ҷашнҳои рӯзи 29 июн дар Тоҷикистон ва ҷаҳон
Ҷашнҳои рӯзи 30 июн дар Тоҷикистон ва ҷаҳон
Тонущий человек, архивное фото

Ҷавони 26 - сола, ки гирифтори бемории рӯҳӣ буд, дар канали Чузӣ ғарқ шуд

0
(Таҷдидшуда 15:02 03.07.2020)
Кумитаи ҳолатҳои фавқулодаи Тоҷикистон аз ғарқшавии сокини 26 - солаи ноҳияи Шаҳринав хабар медиҳад. Марҳум гирифтори бемории рӯҳӣ будаст

ДУШАНБЕ, 3 июл — Sputnik. Дар канали Чузӣ як сокини 26 - солаи деҳаи Селбури ноҳияи Шаҳринав ғарқ шудаст, хабар медиҳад Кумитаи ҳолатҳои фавқулодаи Тоҷикистон.

Ба иттилои манбаъ, марҳум ба хотири нӯшидани об ба канал фаромадаст, аммо мувозинати худро нигоҳ дошта натавонист ва ба об сарозер шудаст.

Наздикони ин ҷавон изҳор доштаанд, ки номбурда гирифтори бемории рӯҳӣ будааст.

Фоҷиа: ҷавони тоҷик дар Уфа кӯдакеро аз марг наҷот доду худ ғарқ шуд

Тибқи маълумоти сардори бахши Кумитаи ҳолатҳои фавқулода дар ноҳияи Шаҳринав афсарони бахш ҳамроҳ бо аҳолии маҳаллӣ дар ҷустуҷӯи ғарқшуда афтода, соати 22:22 дақиқа ҷасадро дар мавзеъи тахминан 500 метр дуртар аз маҳалле, ки ғарқ шуда буд, пайдо карданд ва ба наздиконаш супурданд.

Дар ҳамин ҳол, КҲФ сар аз авоили сол то 19 - уми июн теъдоди ғарқшудаҳо дар кӯлу дарёҳоро 28 нафар арзёбӣ намуд.

Аз миёни 28 нафари ғарқшуда, 9 нафарашон аз 16 - сола поён мебошанд.

0
Барчаспҳо:
ғарқ, ҷавон