Танкҳо, сарбозон, Берлин. Акс аз бойгонӣ

Аврупоиён ва амрикоиҳо дар бораи нақши ИҶШС дар ҶБВ намедонанд

45
(Таҷдидшуда 12:52 05.05.2016)
Аксари шаҳрвандони ИМА, Фаронса ва нисфи сокинони Олмон бар он назаранд, ки маҳз артиши ИМА дар мубориза бар зидди фашизм ғолиб омадааст.Маълумотҳо дар натиҷаи гузаронидани пурсиш аз ҷониби ширкатҳои фаронсавӣ ва бритониёӣ бо дархости оҷонсии хабаргузорӣ ва радиои Sputnik ба даст омадаанд.

ДУШАНБЕ, 5 май, Sputnik. Мувофиқи маълумоти Sputnik.Мнения, танҳо 15%-и пурсандаҳо ба саволи нақши асосӣ дар ғолибият бар зидди фашизм дар давраи Ҷанги Бузурги Ватанӣ ба кӣ тааллуқ дорад, аз панҷ ҷавоби пешниҳодшуда (Британияи Кабир, ИҶШС, ИМА, дигар кишвар ва намедонам) ИҶШС-ро интихоб карданд.

Аксари шаҳрвандони ИМА (79%), Фаронса (58%) ва нисфи сокинони Олмон (50%), дар чунин назаранд, ки ғолибиятро дар мубориза бар зидди фашизм артиши ИМА ба даст овардааст. Дар баробари ин аз нисф зиёди (59%) шарвандони Британия дар он назаранд, ки кишвари онҳо дар ҶБВ пешсаф буда, танҳо 11%-и бритониёиҳо ғолибияти ИМА-ро пазируфтаанд. Нақши ИҶШС бошад танҳо 15%. Маълумотҳо дар натиҷаи гузаронидани пурсишнома аз ҷониби ширкати фаронсавии пажӯҳишии Ifop ва ширкати таҳқиқотии бритониёвии Populus бо дархости оҷонсии хабаргузорӣ ва радиои Sputnik ҷамъоварӣ шудааст.

Дар қиёс бо дигар кишварҳо 24%-и шаҳрвандони  Олмон ба ғолибияти ИҶШС боварӣ доранд. Вале назарҳои сокинони минтақаи гарби Олмон аз шарқ фарқ мекунад: дар ғарби Олмон танҳо 16%-и шаҳрвандон ба ғолибияти ИҶШС  дар қиёс бо 55%-и Олмони Шарқӣ ва 35%-и сокинони Берлин мӯътақиданд. Дар ИМА танҳо 7% ва дар Фаронса бошад фақат 12% шаҳрвандон бовар доранд, ки ИҶШС дар ҶБВ ғолиб омадааст.

Танҳо 14-15% шаҳврадони кишварҳо дар ҷавоб гуфтан танқисӣ кашидаанд. Қариб 1-2%-и сокини ҳар кишвар мӯътақиданд, ки дар ғолибият бар фашизм дигар кишварҳо нақши бузург доранд.

Дарки нақши асосии ИҶШС аз ҷониби шаҳрвандони Аврупо дар 70 соли охир хеле тағйир ёфтааст. Маълумотҳои ширкати маъруфи пажӯҳишии фаронсавии Ifop маҳз чунин хулоса баровардаанд. Ҳамин тавр шумораи умумии фаронсавиҳо, ки нақши ИҶШС-ро дар аз байн бурдани фашизм асос медонанд, соли 1994 61%-ро ташкил дода, соли 2004 ба 20% расид.

Тибқи маълумотҳои гуногун Артиши Сурх наздики 50%-и минтақаҳои Аврупоро аз асорати фашизм озод кардааст. Шумораи умумии наҷотёфтагон ба 120 000 000 нафар мерасад. 6 кишвари дигарро Артиши Сурх бо кӯмаки кишварҳои иттиҳод аз муҳосира озод кардааст.

Назарсанҷӣ аз 15 то 21 апрели соли 2016 аз ҷониби ширкати пажӯҳишии Populus дар ИМА ва Британия ва ҳамчунин аз 14 то 17 апрели соли расвон аз ҷониби ширкати тадқиқотии Ifop дар Фаронса ва Олмон сурат гирифтааст. Аснои пурсиш 3036 нафар ки синну соли мухталиф ва касбу кори гуногун доранд, пурсида шудаанд.

 

Опрос Sputnik.Мнения
Опрос Sputnik.Мнения

Маълумот дар бораи лоиҳаи "Sputnik.Мнения"

Лоиҳаи байналмиллалӣ оиди тадқиқот ва омӯзиши афкори омма моҳи январи соли 2015 шурӯъ шуд. Шарикони ин лоиҳа ширкатҳои тадқиқотии бонуфузи Populus ва Ifop мебошанд. Дар доираи лоиҳаи Sputnik.Мнение. мунтазам пурсишномаҳо бо мақсади омӯзиши афкори омма оид ба масъалаҳои муҳими иҷтимоӣ ва сиёсӣ дар мамлакатҳои Аврупо ва ИМА гузаронида мешавад.

Sputnik (sputniknews.com) хабаргузорӣ ва радио аст, ки бо бахшҳои чандрасонаӣ ва иттилоотӣ дар даҳҳо кишвар фаъол мебошад. Ба "Sputnik" сайтҳо, пахши рақамӣ ва анъанавии радио, нармафзорҳои мобилӣ ва сафҳаҳо дар шабакаҳои иҷтимоӣ таалуқ доранд. Барои обуначиён хабарҳои Sputnik ба таври шабонарӯзӣ бо забонҳои англисӣ, арабӣ ва испониву чинӣ ба нашр мерасанд.

 

45
Барчаспҳо:
нақши асосӣ дар ҶБВ, ғолибият, натоиҷи назарсанҷӣ, ташкилоти тадқиқотии Ifop, Populus, Аврупо, ИМА
Мавзуъ
Назарсанҷӣ: 72% дар Аврупо медонанд, ки “Ҷараёни ҷанубӣ” баста шудааст
Назарсанҷӣ: дар ИМА кӣ аз қонуну тартибот пуштибонӣ мекунад
День 7 марта

Ихтироъи дастгоҳи телефон: имрӯзи таърих

54
(Таҷдидшуда 19:02 06.03.2021)
Рӯзи ҳафтуми март дар Албания – Рӯзи омӯзгор, дар Лаос – Рӯзи собиқадорон, дар Туркманистон – Рӯзи кормандони комплекси нақлиёт ва алоқа мебошад

Рӯзи 7 март дар ҷаҳон чӣ рух дод

Соли 1876 дастгоҳи телефон ихтироъ карда шуд.

Соли 1926 миёни Лондон ва Ню Йорк  алоқаи радиотелефонӣ барқарор карда шуд.

Соли 1966 Президенти вақти Фаронса Шарл Де Голл дар бораи мақсади баромадани Фаронса аз ҳайати ташкилоти ҳарбии Созмони Паймони Атлантикаи Шимолӣ хабар дод.

Соли 2013  маҷмӯаи ашъори шоирони муосири тоҷик бо номи "Бо чашми Рӯдакӣ" дар Беларус ба нашр расид. Ин китобро нашриёти "Звезда"-и Минск интишор карда, ба он адабиётшиноси маъруф Алес Карлюкевич пешгуфтор навиштааст.

Рӯзи 7 март дар Тоҷикистон чӣ рух дод

Соли 2013 дар чемпионати минтақавии Осиё дар пойтахти Шри Ланка-шаҳри  Коломбо дастаи футболи  ҷавонзанони Тоҷикистон (U-14) дастаи Бутанро бо ҳисоби 2:1 мағлуб намуд.

Соли 2016 хабар дода шуд, ки бо дастгирии сафорати Тоҷикистон дар назди кафедраи "Омӯзиши Осиёи Марказӣ"-и факултети "Муносибатҳои байналмилалӣ" — и Донишгоҳи Кангнами шаҳри Ёнгини Ҷумҳурии Корея шуъбаи забони тоҷикӣ ифтитоҳ карда шуд.

Соли 2017 дар шаҳри Душанбе машварати сиёсии байниидоравии Тоҷикистону Финландия баргузор гардид.

Ҷашнҳои рӯзи 7 март

  • Дар Албания – Рӯзи омӯзгор.
  • Дар Лаос – Рӯзи собиқадорон.
  • Дар Туркманистон – Рӯзи кормандони комплекси нақлиёт ва алоқа.

Рӯзи 7 март кӣ ба дунё омадааст

Шамсиддин Ашӯров (1962)- актёри театр.

Зулфия Баҳриддинова (1922-2013) – Рассоми халқии Тоҷикистон, Ходими шоистаи ҳунари ҷумҳурӣ, дорандаи Ҷойизаи давлатии ба номи Рўдакӣ.

Алӣ Бобоев (1936) – геолог, дорандаи Ҷойизаи давлатии ба номи Сино.

Сарвар Бурҳонова (1913-1998)- Китобдори Шоистаи Тоҷикистон.

Василий Кузин (1904 – 1978) – кинорежиссёр ва киноаператор, Ходими шоистаи ҳунари Тоҷикистон.

Ҷўра Латифов (1938) доктори илми таърих, профессор.

Дониёр Набиев (1962) – доктори илми техникӣ.

Ҳусейнов Мирзо Довуд (1894 – 1938) – арбоби ҳизбӣ (солҳои 1929-1932 Котиби якуми КМ ПК Тоҷикистон).

Достӣ Шарифов (1936) – муаррих, профессор.

54
Барчаспҳо:
ҷашн, Ҷаҳон, Тоҷикистон
Кодири Косим на пресс-конференции Государственного Комитета по инвестициям и управлению государственным имуществом РТ

Ванҷ обод мешавад: Қодири Қосим бо соҳибкорони ин ноҳия мулоқот кард

150
(Таҷдидшуда 15:46 06.03.2021)
Муовини раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим бо соҳибкорони ноҳияи Ванҷ мизи гирд доир намуд

ДУШАНБЕ, 6 мар – Sputnik. Кумитаи рушди сайёҳӣ бо мақсади боз ҳам ободтар намудани ноҳияи Ванҷ бо иштироки соҳибкорони муваффақи ноҳияи Ванҷ мизи мудаввар доир гардид.

Дар ҷаласа Раиси Кумитаи рушди сайёҳӣ Тоҷиддин Ҷӯразода, муовини Раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим, Раиси ноҳияи Ванҷ Ҷаббори Қосим, соҳибкорони муваффақ ва фаъоли ноҳияи Ванҷ, ки дар пойтахт ва дигар минтақаҳо мамлакат фаъолият доранд, иштирок намуданд.

Интиқоли китоби Тоҷикон ба ноҳияи Ванҷ
сомонаи Вазорати маориф ва илми Тоҷикистон

Раиси Кумитаи рушди сайёҳӣ ҳадафи гирд овардани соҳибкоронро, омодагӣ ба таҷлили 30-солагии Истиқлоли давлатии Ҷумҳурии Тоҷикистон рабт дод.

Зикр гардид, ки имрӯз бо дастгирии давлату ҳукумати кишвар соҳибкорони маҳаллӣ дар рушди инфрасохтори ноҳия саҳми муносиб доранд. Ҳамзамон дар минтақаҳои дурдасти ноҳия аҳолии маҳаллӣ ба рушди инфрасохтори иҷтимоӣ, аз ҷумла меҳмонхонаву ошхонаҳо, марказҳои хизматрасонӣ, иншооти варзишӣ, боғчаҳо, марказҳои фароғатӣ, сартарошхонаву кошонаи ҳусн, ҳаммом ва бунгоҳҳои тиббӣ бо ҳуҷраҳои хатнаи писарбачагон ниёзи бештар доранд.

Дар ҷаласа ҳамзамон муовини Раиси Маҷлиси намояндагон Қодири Қосим ва Раиси ноҳияи Ванҷ Ҷаббори Қосим сухан карда, аз соҳибкорон даъват ба амал оварданд, ки бо дарназардошти имконият ва ҷалби бештари соҳибкорони муваффақ ва сокинони саховатпешаи ин минтақа дар татбиқи ҳадафи олии кишвар – баланд бардоштани сатҳи зиндагии аҳолӣ  ва пешрафти иқтисодию иҷтимоӣ тамоми нерӯи мавҷударо сафарбар карда, саҳми муносиб гузоранд.

Раҳмонзода гуфт, ба наздикӣ тӯҳфаи Президент ба Мурғобу Ванҷ ирсол мешавад: чист он?

Барои иҷрои Амри Президенти Ҷумҳурии Тоҷикистон дар бораи таҷлили 30–солагии Истиқлоли давлатии Ҷумҳурии Тоҷикистон нақша-чорабиниҳои мақомоти иҷроияи ҳокимияти давлатии ноҳияи Ванҷ оид ба анҷом додани корҳои ободонию созандагӣ бахшида ба 30 — солагии Истиқлоли давлатии Ҷумҳурии Тоҷикистон сохтмон ва бунёди 86 иншооти гуногуни таъйиноти иҷтимоию иқтисодиро дар бар мегирад.

Дар ин давра 31 иншоот дар соли 2018, 26 иншоот дар соли 2019,  22 иншоот дар соли 2020 мавриди истифода қарордода шуданд. Дар соли равон 6 иншоот ба нақша гирифта шуда, 4-тои он аллакай ба истифода дода шуд. Дар иншооти дигари ҷашнӣ корҳо бо маром идома дошта, то муҳлати муайяншуда мавриди баҳрабардорӣ  қарор дода мешаванд.

 

150

Ин хелашро надида будед: сӯхтор дар рӯди Об - навор

0
Падидаи бесобиқа - оташсӯзӣ дар миёнаи дарё - аз ҷониби шоҳидон, ки дар соҳили рӯди Об сайди моҳидорӣ доштанд, ба навор гирифта шуд

Дар Русия дарёе оташ гирифт: наворе аз шоҳидони ҳодиса дар саросари интернет паҳн шуд.

Тавре ки маълум шуд, дар ин сӯхтар омехтаи пропан-бутан дар ҳудуди тақрибан аз 120 то 200 метр оташ гирифтааст.  Он маҳлул аз лӯлаи об, ки аз қаъри дарё мегузарад, хориҷ шудааст.

Бино бар маълумоти пешакӣ, сабаби оташ гирифтани маҳлул шарораи мошини барфи яке аз моҳидорон будааст.

Хаӣбар дода мегавад, ки дар натиҷаи ҳодиса як мард ҷароҳат бардоштааст.

Сӯхтор дар Бозори "Султони Кабир" - видео

Сӯхор бартараф карда шуда, худи ҳамон шаб маҷрои лӯлуро муваққатан бозистонданд.

0
Барчаспҳо:
Русия, рӯд, сӯхтор