Садамаи нақлиётӣ. Акс аз бойгонӣ

Фарзанди маро куштанд, вале ман даъво надорам...

233
(Таҷдидшуда 18:41 19.09.2016)
Аз кай боз дар Тоҷикистон қарори даъво накардани волидони қурбониёни садамаҳои нақлиётӣ дар сатҳи қонунгузорӣ чун бахшиши мутлақ пазируфта шудааст?

Чанде қабл дар Душанбе садамаи навбатии нақлиётии маргбор, ки аз ҷониби писари боз як нафари баландпоя ба амал омад. Фаромӯз Саидов-писари муовини нахуствазири Тоҷикистон Давлаталӣ Саидов ба мошини хизматрасонии коммуналӣ бархӯрда дар пайи он корманди мақомот-Рустам Сатторови 30 сола ва мусофираш  зани 25 сола-Ҳилола Раҳимова ба ҳалокат расиданд.

Вале ин садама ҳаигомаҳои зиёдеро бархост, чун ҳамагон дарҳол қарор доданд, ки айбдор ҷазо нахоҳад гирифт.

Тоҷикистониён тадриҷан ба садамаҳое, ки аз ҷониби фарзандони мақомдорон, ки ба марги як, ду ва ҳатто се нафар боис шудааст, одат мекунанд. Баланд кардани суръат, нӯшокиҳои спиртӣ, маводи мухаддир ва ё рафтори дағалона-сабаби асосӣ нест. Хулосаҳои тафтишот, чун қоида бо шаҳодати шоҳидон ва нафарони дар пайи садама зиндамонда баробар намеояд. Тӯли ин солҳо дигараш маро дар ҳайрат мегузошт-дигаргуншавии афкори омма.

Дар аввал нисбати "ҷавонони тиллоӣ" ва волидайнашон, ки бо истифода аз мақомҳои баланди худ тафтишотро бидуни ҷазо додани фарзанди ин ё он мақомгузори давлатӣ анҷом медоданд, хашму нафрат буд. Ҳа, бале, айбдоршудагонро на гунаҳкоронро. Ба сифати ҷазо ҷавонони тиллоиро ба дигар кишварҳои хориҷа барои таҳсил кардани равон мекарданд, бигзор, фаҳманд….

Баъдан хашми ҷамъият, мантиқан-бо зиёд шудани шумораи садамаи нақлиётӣ ба милитсия гузашт. Эҷод кардани хулосаҳои афсонавии тафтишот барои ВКД каме мушкилтар шуд, чун шумораи чунин ҳодисаҳо зиёд шудан мегирифт. Барои ҳамин хашми халқ боло мегирифт ва боварӣ ба милитсия ва ВКД паст мешуд.

Вале халқ одат кард, ВАО низ, ки солҳои аввал роҳи ВКД-ро хӯрда карда буданд. Акнун осонтар шуд, ба ҳамаи чуни ҳодисаҳо аз бойгонӣ бэкраунд илова мешавад, ҳангома омода шуда, аз сари нав афсона навишта мешавад. Ҳамаи ин таърихот чун анъана хулоса надоранд, вале рӯзноманигорон низ дер боз кушиш намекунанд, ки хулосаи ҳодисотро  то охир пайгирӣ кунанд.

Худ қазоват кунед. Пурсарусадотарин садама се сол қабл бо иштироки Расул Амонулло писари хурдии собиқ роҳбари идораи Роҳи оҳани Тоҷикистон ба амал омад, ки дар пайи он се нафар ба ҳалокат расиданд. ВКД он замон ҳафт маротиба ҳодисаро санҷида, тавонист, исбот созад, ки дар сари чанбараки мошин на соҳиби нақлиёт балки, тамоман шихси дигар нишаст будааст. Вале оё ин шахси дигар ҷазо дода шуд ё не номаълум мемонад.

Дар замонҳои гуногун чунин садамаҳои нақлиётӣ ҷони чандин касонро  рабудааст, бо айби писари раиси Додгоҳи Олӣ-Фарҳод Абдуллоеви 24 сола (парвандаи ҷиноӣ боз дошта шудааст), мувофиқи сару садоҳо-писари сардори Сарраёсати иҷрои таҳримҳои ҷиноятии Вазорати адлия (парвандаи ҷиноӣ боз карда шуд, вале баъди чанде баста шуд), писари собиқ Дабири Шӯрои бехатарӣ-Бобур Азимов (аз озодӣ маҳрум карда шуд, вале баъдан авф шуд).

Next: писари раиси корхонаи воҳиди давлатии "Хоҷагии манзилию коммуналӣ"-Бахтиёр Тағоймуродов, ёрдамчии прокурори ноҳияи Исмоили Сомонӣ, Фируз Холиқзода (авф карда шуд).

Акнун Фаромуз Саидови 23-сола. Анҷоми тафтишот маълум нест, вале ҳеҷ як нафаре ба ҳайрат намеояд, агар маълум шавад, ки сари чанбарак на ӯ будааст ё нақлиёт дар ҳолати бад будааст. Инаш муҳим нест. Ин дигар чиз муҳим аст…

Чуноне маълум шуд, хешу табори қурбониёни садама ба гунаҳкори қазия шикояте надоранд.

Агар то ин дам шумо аҳамият надода бошед, пас каме бодиққаттар назар андозед, ки то чи қадар ибораи-"мо ягон шикоят надорем" ба зиндагии 95 фисади аҳолии кишвар, ки мутаассифона на чун писарони вазирону коргарони баландмақом, тағодору холадор, на чун шаҳрвандони ҳуқуқдону ҳуқуқдор балки танҳо чун одамони оддӣ ба дунё омадаанд, амиқ ҷой гирифтааст.

Вале аз кай боз қарори шикоят накардан бахшиши мутлақ, дониста мешавад ҳатто дар сатҳи қонунгузорӣ? Барои чӣ набудани даъвоҳо сабаби қариб ки расмии қатъ намудани парвандаҳои чунин ҷиноёти вазнин мегардад?

Эҳтимолан, оилаҳо байни ҳам бар ивази (пул ё аз тарс)  куштори фарзандашонро қабул кунанд. Вале фаҳмонед, барои чӣ мақомотҳои ҳифзи ҳуқуқ ба чунин ҳодисаҳо роҳ медиҳанд? Чарои  парвандаҳо то охир омӯхта намешаванд, чаро касе ҷазо дода намешавад?  Дар асоси он, ки хешу таборони қурбониён даъво надоранд?

Пас қонунҳо бароямон чӣ лозим-мафҳуми волоияти қонун чӣ даркор?  Биёед ин роҳро то охир идома медиҳем-додгоҳ, прокуратура ва дигар ёдгориҳои демократияро низ бекор мекунем. Ҷавонони тиллоӣ аз ягон чиз танқисӣ нахоҳанд дошт, вале  зиндагии камбизоатон беҳбуд хоҳад шуд… Бадбинона ва даҳшатнок?  Ҳа!  Вале на зиёд аз ҳодисаҳое, ки имрӯз бо мо-халқи бахшоянда рух медиҳанд.

233
Барчаспҳо:
айбдорӣ, волоияти қонун, марги одамон, садамаи нақлиётӣ, ҷазо, ВКД-и Тоҷикистон, Тоҷикистон
День 25 января

Аз зодрӯзи Фаррух Ҳамралиеву Субҳон Ибодов то Рӯзи кормандони соҳаи меҳнат: имрӯзи таърих

134
(Таҷдидшуда 22:22 24.01.2021)
Рӯзи биступанҷуми январ дар Тоҷикистон аз Рӯзи кормандони соҳаи меҳнат ва ҳифзи иҷтимоии аҳолӣ ҷашн гирифта мешавад

Рӯзи 25 январ дар ҷаҳон чӣ рух дод

Соли 1908 дар Боку аввалин маротиба намоиши операи "Лайлӣ ва Маҷнун" барпо гардид.

Соли 1924 дар шаҳри Шамони Фаронса маросими кушодашавии аввалин Бозиҳои  олимпии зимистона баргузор гардид.

Соли 1949 аввалин маротиба маросими ҷоизасупории телевизиони амрикоии "Эмми" гузаронида шуд.

Соли 2016 дар Амстердам Маркази Урупо оид ба мубориза бо терроризм ифтитоҳ гардид.

 

Рӯзи 25 январ дар Тоҷикистон чӣ рух дод

Соли 2001 Раёсати назорати давлатии молиявии назди Президенти Тоҷикистон таъсис дода шуд.

Соли 2010 бо супориши Президент Эмомалӣ Раҳмон вазири вақти корҳои хориҷии Ҷумҳурии Тоҷикистон Ҳамрохон Зарифӣ барои иштирок дар кори Саммити минтақавии кишварҳои ҳамсояи Афғонистон ба шаҳри Истанбули Туркия сафар кард.

Соли 2011 раисҷумҳури Тоҷикистон Эмомалӣ Раҳмон "Дар бораи таъсиси Раёсати хизмати давлатии назди Президенти Ҷумҳурии Тоҷикистон" Фармон ба имзо расониданд.

Соли 2011 Эмомалӣ Раҳмон аз ҳодисаи мудҳиши террористӣ, ки бегоҳии 24 январ дар фурудгоҳи Домодедоваи шаҳри Москва рух дод, андӯҳгин гардида, аз дақиқаҳои аввал ҷараёни расондани кумакҳо ба шаҳрвандони осебдидаи Тоҷикистонро зери назорати пайваста қарор доданд.

Соли 2017 қарори Ҳукумати Тоҷикистон дар бораи Қоидаҳои барасмиятдарорӣ, додани раводид ва раводиди электронии Ҷумҳурии Тоҷикистон ба шаҳрвандони хориҷӣ ва шахсони бешаҳрвандӣ ба имзо расид.

Соли 2017 Президенти Ӯзбекистон Шавкат Мирзиёев як гурӯҳ фаъолони марказҳои фарҳангӣ, аз ҷумла, 2 нафар тоҷиконро "барои саҳмгузорӣ дар таҳкими дӯстии байналмилалӣ ва ризоият дар ҷумҳурӣ" бо ордену медалҳо сарфароз гардонид.

Ҷашнҳои рӯзи 25 январ

  • Дар Тоҷикистон — Рӯзи кормандони соҳаи меҳнат ва ҳифзи иҷтимоии аҳолӣ.

Рӯзи 25 январ кӣ ба дунё омадааст

Соли 1944 – доктори илмҳои физика- математика Субҳон Ибодов.

Соли 1966 – иқтисодчӣ Фаррух Ҳамралиев.

134
Барчаспҳо:
Ҷаҳон, Тоҷикистон, ҷашн
Мавзуъ
Таъсиси "ЦРУ" ва тасдиқи лоиҳаи "CASA-1000" аз ҷониби Тоҷикистон: имрӯзи таърих
Ҳалокати 300 кас дар паи заминларзаи шадид дар Тоҷикистон: имрӯзи таърих
Аз рӯзи байналмилалии эскимо то фавти 50 ҳазор нафар дар Чилӣ: имрӯзи таърих
Аз Рӯзи оғӯш то ниҳолшинонии Эмомалӣ Раҳмон дар боғи "Наврӯзгоҳ": имрӯзи таърих
Граждане Таджикистана на рынке труда в городе Худжанде

Тасвиби грант барои таъмини тоҷикистониён бо кор

242
(Таҷдидшуда 21:21 24.01.2021)
Маҷлиси намояндагони Тоҷикистон созишномаи грантӣ бо Бонки Осиёии Рушдро тасвиб кардааст, ки ба татбиқи лоиҳаи “Беҳтарсозии малакаҳои касбӣ ва имкониятҳои бокортаъминшавӣ” равона мешавад

ДУШАНБЕ, 24 янв— Sputnik. Юсуф Маҷидӣ, муовини вазири молияи Тоҷикистон, зимни муаррифии лоиҳа гуфт, ки маблағи умумии лоиҳа 34,65 миллион доллари амрикоӣ мебошад.

“Аз он 30,0 млн. доллар аз ҳисоби гранти Бонки Осиёии Рушд, 1,5 млн. доллар аз ҳисоби гранти Хазинаи Ҷопон оид ба технологияҳои иттилоотӣ ва коммуникатсионӣ ва 3,15 млн. доллар ҳамчун саҳми Ҳукумати Ҷумҳурии Тоҷикистон ба таври озодкунӣ аз андозҳо пешбинӣ гардидааст”, - изҳор дошт Маҷидӣ.

Ноиби вазири молия афзуд, мақсади лоиҳа беҳтарсозии малакаҳои касбӣ ва имконияти бакортаъминшавии ҷавонон, занон ва муҳоҷирони меҳнатӣ дар бозори меҳнати дохилӣ ва беруна мебошад.

“Аз ҷумла сохтмон ва муҷаҳҳазгардонии Маркази омӯзиши соҳаи туризм ва хизматрасонӣ дар шаҳри Душанбе, Маркази омӯзиши соҳаи энергетика дар шаҳри Роғун ва Маркази омӯзиши соҳаи агросаноатӣ дар ноҳияи Данғара, инчунин, се маркази хизматрасонии муҳоҷирон дар ноҳияи Восеъ, шаҳрҳои Бохтар ва Хуҷанд дар назар дошта шудаанд”, - иттилоъ дод Маҷидӣ.

Нашрияи парлумонии “Садои мардум” аз қавли ноиби вазири молия афзуд, дар доираи лоиҳа инчунин идрорпулӣ барои занҳои танҳо, аз оилаҳои камбизоат, хариди ҳашт адад микроавтобус дар марказҳои омӯзишӣ ва  чор воситаи нақлиёти хизматрасонии маъмурӣ дар назар аст.

Ташкили низоми нави иттилоотии бозори меҳнат тавассути таҷҳизоти иттилоотӣ ва коммуникатсионӣ, омӯзиши ҳайати коргарон ва баҳрагирандагони лоиҳа оид ба рушди технологияи иттилоотӣ ва коммуникатсион, ташкили курсҳои касбомӯзӣ ва тақвияти рушди касбии муҳоҷирони меҳнатӣ аз бандҳои дигари лоиҳаи мазкур арзёбӣ шудааст.

242
Барчаспҳо:
грант, Тоҷикистон
Девушка в наручниках, фото из архива

Зан мардро “шантаж” мекард: пули калон диҳӣ маълумотҳои бадномкунандаро паҳн намекунам

0
(Таҷдидшуда 12:18 25.01.2021)
Вазорати умури дохилаи Тоҷикистон аз боздошти зани 32 сола хабар дод, ки бо усули “шантаж” аз як мард пули калон ситонад

ДУШАНБЕ, 25 янв— Sputnik. Бино ба иттилои дафтари матбуотии ин ниҳод, зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия зани 32-солаи сокини ҷамоати деҳоти Чоркӯҳи шаҳри Исфара ҳамчун гумонбар дар содир намудани ҷинояти тамаъҷӯӣ дастгир карда шуд.

Гуфта шудааст, ки зани мазкур соли 2016 бо марди 32-солаи сокини ҷамоати деҳоти Чоркӯҳ шиносоӣ пайдо намуда, барои паҳн накардани маълумотҳои бадномкунанда, аз ҷабрдида ба маблағи 22 ҳазору 824-сомонӣ талаб намудааст.

Манбаъ таъкид доштааст, ки номбурда санаи 21-уми январи соли 2021, дар ҳудуди ҷамоати деҳоти мазкур ҳангоми гирифтани 2 ҳазору 750-сомонӣ дастгир карда шуд.

Дар ҳоли ҳозир ба иттилои манбаъ, нисбати гумонбаршаванда парвандаи ҷиноятӣ бо моддаи 250 қисми 1 Кодекси ҷиноятии Тоҷикистон оғоз карда шуда, тафтишот идома дорад.

Ёдрас мешавем, ки чанде пеш ВУД-и Тоҷикистон аз боздошти як марде хабар дода буд, ки мехост бо усули “шантаж” аз як зан пул ситонад.

Ба иттилои манбаъ, номбурда, бо зани 39-солаи сокини шаҳри мазкур рафту омади дӯстона дошта, бо роҳи иъроб (шантаж) таҳдид кардааст, ки дар ҳолати ба ӯ 500-доллари амрикоӣ оварда надиҳад, оид ба алоқаҳои байни онҳо ба хешовандони наздикаш расонида, ҳамзамон ба шабакаҳои иҷтимоии интернетӣ паҳн мекунад.

Гуфта мешавад, номбурда, дар маҳаллаи Зарафшон ҳангоми гирифтани 300 доллари амрикоӣ дастгир гардид.

Бояд қайд кард, ки ин нахустин ҳолати тамаъҷӯйӣ бо усули “шантаж” набуда, қаблан низ вазорат аз чунин ҳолату боздоштҳо хабар дода буд.

0
Барчаспҳо:
бадномкунӣ, пул, мард, шантаж, тамаъҷӯӣ, зан, боздошт, Тоҷикистон