Рамзан Кадиров, акс аз бойгонӣ

Баҳси Рамзан Қодиров дар бораи ҳиҷоб: оё маориф дигар мушкилӣ надорад, ҷуз рӯймол?

664
(Таҷдидшуда 11:39 26.01.2017)
Президенти Чечния изҳороти вазири маорифи Русияро дар бораи қонунӣ будани манъи пӯшидани ҳиҷоб барои муаллимон ва хонандагони мактабҳо танқид намуд

ДУШАНБЕ, 26 янв — Sputnik.Президенти Ҷумҳурии Чечния Рамзан Қадиров изҳороти вазири маорифи Русияро дар бораи пӯшидани ҳиҷоб дар мактабҳои таҳсилоти миёнаи Русия баррасӣ кард, хабар медиҳад РИА Новости.

Сабаби ин баҳс талаботи ҳукумати Мордовия дар бораи манъи пӯшидани рӯймол барои муаллимон ва хонандагони мактабҳои қишлоқи тотории Белозоре гардид.

"Ман фикр намекунам, ки диндории ҳақиқӣ ба  воситаи либос бошад. Маорифи кишварӣ мо дунявист",- гуфт Василева.

Вазири маориф ёдовар намуд, ки соли 2016 Суди олии ФР манъи пӯшидани ҳиҷобро дар мактабҳои Мордова қонунӣ эълон намуд.

Онҳо дигар "проблема" надоранд?

Аммо президенти Чечния Рамзан Қодиров мегӯяд, ки бояд сиёсатмадорони кишвар дар сари дигар масъалаҳои муҳими давлатӣ андеша намоянд.

"Боварӣ дорам, ки мавзӯи рӯймол барои пинҳон намудани мушкилиҳои  дигари мактаб ба миён гузошта мешавад. Нашъамандӣ, шаробхорагӣ, ҷиноякорӣ, дастдарозии муаллимон ба номуси кӯдакон.. Ана ҳамин мушкилиҳои ҷиддӣ бояд барои онҳое, ки бо ҳиҷоб мубориза мебаранд, мавриди мубориза қарор гирад", — менависад Қодиров дар Instagram.

Ба гуфтаи вай, ӯ ба ҳайрат омадааст, ки вазири маориф рӯймолро дар ҳоле, ки қисими муҳими либоси занони мусалмон ба ҳисоб меравад, як хусусияти динӣ номид.

"Ман аз он ҳайронам, ки вазир фикри шахсии худро ба сари миллионҳо шаҳрвандон бор мекунад",- гуфт Қодиров ва илова намуд, ки духтарони вай ҳам бо ҳиҷоб ба мактаб мераванд ва аз он даст кашидан намехоҳанд.

Қодиров ҳамчунин ёдовар кард, ки Сарқонуни Русия ба ҳамаи шаҳрвандони кишвар озодии диниро кафолат додааст.

Муфтии Чеяния гуфтаҳои президентро дастгирӣ намуд.

Муфтӣ Салоҳ Меҷиев манъ кардани ҳиҷобро поймол кардани ҳууқуқи инсон номид.

"Либоспӯшӣ дар ислом як қисми ҷудонашавандаи дин ба ҳисоб меравад. Мувофиқи Сарқонуни Русия,  поймол намудани ҳуқуқи инсон нисбат ба эътиқоди вай, қонуншиканӣ ба ҳисобӣ меравад",- мегӯяд вай.

Меҷиев гуфт, ки ҳуқуқи интихоби либос аз ҷониби мусулмонон набояд аз ҷониби намояндагони дигар динҳо таҳти баррасӣ қарор гирад.

Масъалаи пӯшидани ҳиҷоб дар мактабҳо на танҳо дар Русия мушкилӣ ҳосил кардааст, балки дар бисёре кишварҳои Аврупову Осиё дида мешавад.

664
Барчаспҳо:
манъи рӯймол, баҳси ҳиҷоб, Вазорати маориф, Рамзан Қодиров, Чечния, Русия
Мавзуъ
Ба зани ҳиҷобпӯш дар Олмон иҷозаи кор дар кӯдакистон дода шуд
Дар Канада аввалин журналисти ҳиҷобпӯш тариқи телевизион баромад кард
Ҳиҷоб: воситаи пӯшонидани нуқсонҳо на пӯшонидани ҷисми инсон
Дар Ӯзбекистон мубориза бо ҳиҷоб дар ҷойҳои ҷамъиятӣ оғоз ёфт
Дар Тоҷикистон тақаллубкорон барои ришмонӣ ва ҳиҷоб “иҷоза” медиҳанд
Додгоҳи олии Русия манъи ҳиҷоб дар макотиби Мордовияро баррасӣ мекунад
День 29 октября

Ҷашнҳои рӯзи 29 октябр дар Тоҷикистон ва ҷаҳон

3
(Таҷдидшуда 20:28 28.10.2020)
Рӯзи 29 октябри соли 2019 рӯзи ҷаҳонии мубориза бар зидди бемории сактаи майна, рӯзи байналмилалии псориаз (бемории пӯст) ва рӯзи кормандони низоми ҳифзи иҷтимоӣ дар Қазоқистон мебошад

Рӯзи 29 октябр дар ҷаҳон чӣ рух дод

Соли 1898 дар Русия нахустин киштии яхшикан дар ҷаҳон - "Ермак" ба истифода дода шуд.

День 28 октября
© Sputnik / Стас Этвеш / Вишнякова Мария

Соли 1945 дар Ню-Йорк аввалин маротиба ручкаи саққодор ба фурӯш бароварда шуд.

Соли 1947 аввалин маротиба ба хотири ба вуҷуд овардани борон аз яхи хушк истифода бурда шуд.

Соли 1969 аввалин доду гирифт миёни ду компютер дар доираи лоиҳаи ARPANET сурат гирифт, ки ин ҳодисаро дар таърих тавлиди Интернет меноманд.

Пользователь смотрит товары в интернет магазине, архивное фото
Пользователь смотрит товары в интернет магазине, архивное фото

Соли 2016 дзюдочии тоҷик Хушбахт Қурбонмамадов дар мусобиқаи The Big Apple Judo Classic-2016 дар Ню-Йорк медали тилло ба даст овард.

Хушбахт Курбонмахмадов, архивное фото
Хушбахт Курбонмахмадов, архивное фото

Рӯзи 29 октябр дар Тоҷикистон чӣ рух дод

Cоли 2006 пешвои исмоилиёни ҷаҳон Шоҳ Карим ал-Ҳусайнӣ Оқохони IV аз Тоҷикистон боздид кард.

Принц Карим Ага-хан IV, архивное фото
Принц Карим Ага-хан IV, архивное фото

Соли 2012 дар шаҳри Хуҷанд бо ширкати Президент Эмомалӣ Раҳмон ду коргоҳи нави истеҳсолӣ  мавриди баҳрабардорӣ қарор гирифтанд.

День 27 октября
© Sputnik / Стас Этвеш / Вишнякова Мария

Соли 2013 дар шаҳри Кӯлоб 6 корхонаи нави истеҳсолӣ ба кор дароварда шуданд.

Соли 2014 Эмомалӣ Раҳмон ба ифтихори 20 — солагии қабули Конститутсияи Ҷумҳурии Тоҷикистон Қонуни Ҷумҳурии Тоҷикистон "Дар бораи авф"-ро, ки бо пешниҳоди Роҳбари давлат аз тарафи Маҷлиси намояндагон қабул гардида буд, имзо кард.

Соли 2015 дар шаҳри Душанбе масоили ҳамкории дуҷонибаи Тоҷикистону Фаронса баррасӣ шуданд.

Соли 2016 дар шаҳри Роғун бо ширкати Эмомалӣ Раҳмон дар соҳили дарёи Вахш маросими оғози бунёди сарбанди Неругоҳи барқи обии "Роғун" барпо шуд.

Президент Республики Таджикистана Эмомали Рахмон
© Sputnik / Амир Исаев
Президент Республики Таджикистана Эмомали Рахмон

Соли 2019 беш аз 400 маҳбус аз муассисаи ислоҳии 3/5 воқеъ дар шаҳри Хуҷанд ба озодӣ баромаданд.

Пайвандони афвшудагон дар шаҳрии Хуҷанд
акс аз Sputnik Тоҷикистон
Пайвандони афвшудагон дар шаҳрии Хуҷанд

Соли 2019 Sputnik Тоҷикистон хабар дод, ки Ҳукумати Тоҷикистон аз ҷаҳонпаҳлавон Сомон Маҳмадбеков қадрдонӣ кард.

Встреча чемпиона мира Сомона Махмадбекова
© Sputnik / Амир Исаев
Встреча чемпиона мира Сомона Махмадбекова

Соли 2019 Sputnik Тоҷикистон хабар дод, ки бо пешниҳоди раисҷумҳури Тоҷикистон Эмомалӣ Раҳмон, муовини раиси вилояти Хатлон Махфират Хидирова узви Маркази интихот ва раъйпурсии Тоҷикистон интихоб гардид.

Махфират Хидирзода
© Sputnik Махпора Киромова
Махфират Хидирзода

Ҷашнҳои рӯзи 29 октябр

  • Рӯзи ҷаҳонии мубориза бар зидди бемории сактаи майна.
  • Рӯзи байналмилалии псориаз (бемории пӯст).
  • Рӯзи кормандони низоми ҳифзи иҷтимоӣ дар Қазоқистон.

Рӯзи 29 октябр дар Тоҷикистон кӣ ба дунё омадааст

Соли 1929-1993 нависанда Қулмуҳаммад Абдулҳусейнов.

Соли 1950 Алӣ Муҳаммадии Хуросонӣ.

Соли 1958 доктори илмҳои иқтисодӣ Ихтиёр Ашуров.

Соли 1963 сароянда Раъно Абдуллоева.

3
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Ҷашнҳои рӯзи 27 октябр дар Тоҷикистон ва ҷаҳон
Ҷашнҳои рӯзи 28 октябр дар Тоҷикистон ва ҷаҳон

Дар Русия пӯшидани ниқобу дастпӯш дар ҷойҳои ҷамъиятӣ ҳатмӣ мешавад

115
Дар Русия, ки ҳамарӯза теъдоди зиёди мавориди олудашавии шаҳрвандон ба маризии коронавирус сабт мешавад, пӯшидани ниқобу дастпӯш дар ҷойҳои ҷамъиятӣ ҳатмӣ шуд

ДУШАНБЕ, 27 окт - Sputnik. Роспотребнадзор дар робита ба афзун шудани шумораи дардмандони нави коронавирус ва ҳамзамон зиёд шудани қурбониёни ин дард, аз шаҳрвандон талаб намуд, ки минбаъд дар ҷойҳои ҷамъиятӣ, аз ҷумла, нақлиёт, истгоҳу лифтҳо, дастпӯшу ниқоб пӯшанд.

"Дар робита бо паҳншавии глобалии сирояти нави коронавирусӣ бо мақсади кам кардани хавфҳои COVID-19 дар Федератсияи Русия ҳангоми афзоиши мавсимии бемориҳои шадиди вирусии респираторӣ ва зуком ... фармон медиҳам: шахсоне, ки дар қаламрави Русия ба сар мебаранд, дар ҷойҳои будубоши оммавии одамон, нақлиёти ҷамъиятӣ, таксиҳо, истгоҳҳо, лифтҳо бояд ҳатман дастпӯш ва ниқоби тиббӣ дошта бошанд", - таъкид мешавад дар хабар.

Гузашта аз ин, Роспотребнадзор ҳамаи минтақаҳои Русияро мувазаф намуд, ки ба 100 ҳазор аҳолӣ бояд на камтар аз 150 ташхиси коронавирус гузаронда шавад.

Таъкид мегардад, ки фармони Роспотребнадзор дар бораи тақвияти чораҳо алайҳи коронавирус аз 28 октябр эътибор пайдо мекунад.

115
Барчаспҳо:
маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон