Фурӯдгоҳи Душанбе. акс аз бойгонӣ

Ба тӯйи духтарам меравам: мусофири хатсайри Душанбе-Тошканд

243
(Таҷдидшуда 11:45 10.02.2017)
Ёқубхон Абдусаломова тавассути хатсайри озмоишии аввалини Душанбе-Тошканд ба тӯйи духтараш парвоз мекунад

ДУШАНБЕ, 10 фев — Sputnik. Имрӯз тариқи хатсайри озмоишиӣ дар баробари роҳбарияти ширкати ҳавопаймоӣ ба, ҳамчунин  20 мусофири дигар низ парвоз мекунад, хабар медищад РИА Новости.

Дар байни мусофирон шаҳрвандони ҳар ду кишвар ҳам ҳастанд.

Ёқубхон Абдусаломова тавассути хатсайри озмоишии аввалин Душанбе-Тошканд ба тӯйи духтараш парвоз мекунад.

Ба қавли ӯ қаблан тариқи роҳи мошингард дар муддати 10-12 соат мусофирон аз Тоҷикистон ба Узбакистон сафар мекарданд.

Ёдовар мешавем, ки ифтитоҳи парвози расмии Душанбе-Тошканд санаи 20-уми феврали соли равон оғоз мешавад.

Мусофирон метавонанд дар муддати 45 дақиқа ба Тошканд расанд.

Қаблан хабар дода шуд, ки роҳбари ширкати "Сомон Эйр" Томас Халам барқароршавии хатсайрҳои мустақимро байни Тоҷикистону Узбакистон хиради волои роҳбарони ду кишвар хонд.

Ширкати "Сомон Эйр" дар бораи оғози фурӯши чиптаҳо хабар дод. Ҳамин тавр нархи як чипта аз Душанбе то Тошканд 1164 сомонӣ миеистад.

243
Барчаспҳо:
парвоз, Ӯзбекистон, Тоҷикистон
Мавзуҳо:
Ҳодисаи таърихӣ: оғози парвози Душанбе-Тошканд баъди 25-сол (7)
Мавзуъ
Омодаи парвоз: ҳаракати ҳавоӣ миёни Тошканд ва Душанбе оғоз мешавад
“Тоҷик Эйр” аз барқароршавии парвозҳо ба Хоруғ ва Хуҷанд хабар медиҳад
"Тоҷик Эйр": тӯҳфаи беҳтарин саломатӣ аст
Ширин Амонзода, вазири меҳнат, муҳоҷират ва шуғли аҳолии Тоҷикистон

Қабули қонуни нав: вазири меҳнат гуфт, мутахассисони бозоргир омода мешаванд

64
(Таҷдидшуда 17:02 30.11.2020)
Ширин Амонзода, вазири нави меҳнат, муҳоҷират ва шуғли аҳолии Тоҷикистон, мегӯяд, дар кишвар қонуне қабул шуд, ки алоқамандии бозори меҳнат ва таҳсилоти касбиро пурзӯр месозад

ДУШАНБЕ, 30 ноя — Sputnik. Маҷлиси намояндагони Тоҷикистон дар ҷаласаи ахир қонун “Дар бораи тайёр намудани мутахассисон бо назардошти талаботи бозори меҳнат”-ро қабул кард.

Ширин Амонзода, вазири меҳнат, муҳоҷират ва шуғли аҳолии Тоҷикистон, мегӯяд, мутобиқи қонуни мазкур ҷалби соҳаҳои иқтисодиёт, аз ҷумла корфармоён ва вазорату идораҳои соҳавӣ ба раванди тайёр кардани мутахассисон пешбинӣ шудаст.

Вазир гуфт, корфармоёну вазоратҳои соҳавӣ бевосита дар таҳияи Таснифоти миллии тахассусҳо, стандартҳои ҳар як касб, баҳодиҳӣ ва шаҳодатномакунии малакаи касбии мутахассисони омодашаванда иштирок менамоянд, ки ин алоқамандии бозори меҳнат ва низоми таҳсилоти касбиро қавӣ мегардонад.

“Илова бар ин, ҷорӣ намудани Низоми миллии тахассусҳо барои фаъолияти босамари минбаъдаи мутахассисони дараҷаи гуногун дар дохил ва хориҷи кишвар мусоидат менамояд”, - хабар дод нашрияи парлумонии “Садои мардум” аз қавли Амонзода.

Ӯ илова намуд, ки бо васеъшавӣ ва амиқгардии дониш ва фаҳмиши функсионалии таснифоти тахассусӣ,  имконоти ҳамкории Тоҷикистон бо давлатҳои дигар зиёд мешавад.

64
Барчаспҳо:
ҷалби мутахассисони ҷавон, бозори меҳнат, Тоҷикистон
Развертывание российскими военными полевого госпиталя в Степанакерте

Артиши Русия дар Степанакерт бемористон таъсис дод

24
(Таҷдидшуда 14:52 30.11.2020)
Вазорати мудофиаи Федератсияи Русия ба хотири дастгирии шаҳрвандони осебдида дар Қарабоғи Кӯҳӣ бемористони саҳроӣ таъсис дод

ДУШАНБЕ, 30 ноя — Sputnik. Русия дар Қарабоғи Кӯҳӣ бемористони саҳроӣ таъсис дод, хабар медиҳад РИА Новости.

Сохтмони бемористон дар марҳилаи анҷомёбӣ қарор дорад ва нахуст иддаи ҷонибдорони сулҳ ба таъминоти тиббӣ фаро гирифта мешаванд.

"Гузашта аз ин, мо омода ҳастем, ки ба сокинони осоишта низ кумак расонем. Мо имкон дорем то 40 нафарро дар бемористони худ ҷой диҳем", - изҳор доштааст Ярослав Иванов роҳбари дастаи тиббӣ ба хабарнигори РИА Новости.

Ба гуфтаи ӯ, бемористони саҳроӣ аз шӯъбаи ҷарроҳӣ, ташхисӣ, лабораторияи ташхисӣ, ҳуҷраи дандонпизишкӣ, утоқи пизишки чашм иборат буда, ҳамчунин дастгоҳи нафасдиҳии сунъӣ ва дастгоҳи ренген низ насб шудааст.

Нерӯҳои посдори сулҳи Русия дар Қарабоғи Кӯҳӣ мутобиқи созишномае, ки 10 ноябр аз ҷониби роҳбарони Русия, Озарбойҷон ва Арманистон имзо шудааст, мустақаранд.

Ин созишнома қатъи пурраи амалиётҳои ҷангиро, ки аз 27 сентябр идома дорад, аз ҷумла табодули маҳбусон ва ҷасади мурдаҳоро пешбинӣ мекунад. Арманистон инчунин бояд минтақаҳои Келбаҷар, Лачин ва Ағдамро ба Озарбойҷон баргардонад.

Мақсади сафари Майк Помпео ба Гурҷистон чӣ буд? - навор

Дар Боку ин созишнома таслим шудани Ереван ном дошт. Президент Илҳом Алиев таъкид кард, ки ин санад аз ҳама бештар барои Озарбойҷон муфид аст: ҳоло, ба гуфтаи ӯ, марҳилаи низомӣ ба анҷом расидааст ва гузаштан ба масъалаҳои сиёсӣ имконпазир аст.

Сарвазири Арманистон Никол Пашинян эътироф кард, ки қарори сулҳ ба ӯ сахт дода шудааст, аммо ин ба ӯ имкон дод, ки он чизеро, ки Қарабоғ гум мекард, наҷот диҳад. Пас аз он, дар Ереван тазоҳурот бо талаби истеъфои сарвазир оғоз ёфт.

24
Барчаспҳо:
сохта, бемористон, Қарабоғи Кӯҳӣ, Русия
Участие Рустама Эмомали в XIII пленарного заседания Парламентской Ассамблеи Организации Договора о коллективной безопасности (ПА ОДКБ)

Рустами Эмомалӣ бо дигар аъзоёни СААД амнияти минтақаро баррасӣ кард: пешниҳодаш қабул шуд

0
Рустами Эмомалӣ, Раиси Маҷлиси миллии Маҷлиси Олии Тоҷикистон нахустин маротиба дар ҷаласаи Шӯро ва Ҷаласаи 13-уми Ассамблеяи Парламентии Созмони Аҳдномаи Амнияти Дастаҷамъӣ ширкат ва суханронӣ кард

ДУШАНБЕ, 30 ноя — Sputnik. Бино ба иттилои Наврӯз Қурбонзода, ёвари Раиси Маҷлиси миллӣ оид ба робита бо ВАО, дар ҷараёни кори ҷаласаҳои зикршуда дар қатори масъалаҳои ташкилӣ натиҷаҳои корҳо оид ба амалигардонии афзалиятҳои раёсати Федератсияи Россия дар Созмони Аҳдномаи амнияти дастаҷамъӣ дар соли 2020, вазъият дар минтақаи зери масъулияти Созмони Аҳдномаи амнияти дастаҷамъӣ ва чораҳои муқовимат ба таҳдиду хатарҳо ба амнияти дастаҷамъӣ баррасӣ шуд.

Ба иттилои манбаъ, ҳамзамон дар идомаи ҷаласа лоиҳаи санадҳои қонунгузории намунавӣ ва тавсияҳо оид ба масъалаҳои мудофиа ва амният, ҷараёни имплементатсияи меъёрҳои санадҳои қонунгузории намунавӣ дар қонунгузории миллии давлатҳои аъзои созмон, лоиҳаи Барномаи фаъолияти Ассамблеяи Парламентии Созмони Аҳдномаи амнияти дастаҷамъӣ оид ба наздикшавӣ ва ҳамгироии қонунгузории миллии давлатҳои аъзои СААД барои солҳои 2021-2025 мавриди баррасӣ қарор гирифтанд.

Рустами Эмомалӣ зимни суханронӣ дар ҷаласа бо дарназардошти Раёсати Ҷумҳурии Тоҷикистон дар Созмони Аҳдномаи амнияти дастаҷамъӣ дар соли 2021 пешниҳод кардаст, ки ҷаласаи навбатии Ассамблеяи Парламентии Созмони Аҳдномаи амнияти дастаҷамъӣ нимсолаи якуми соли 2021 дар Тоҷикистон доир карда шавад.

“Иштирокчиёни ҷаласа пешниҳодро якдилона қабул карданд”,-афзудааст манбаъ.

Ҳамзамон зимни ҷаласа таҳияи феҳрасти ягонаи созмонҳои террорист аз ҷониби Вячеслав Володин, роҳбари Думаи давлатии Русия садо додааст.

Мақомдорони СААД вазъи муҳоҷират дар пандемияро баррасӣ кардаанд

Номбурда гуфтааст, таҳияи феҳрасти ягонаи созмонҳои террористӣ имконият медиҳад, ки ба ҷинояткории байналмилалӣ муборизаи самаранок бурда шавад.

“Аз ҳама муҳим, мо холигии ҳуқуқиро бартараф мекунем, вақте созмон, ки дар як кишвари СААД террористӣ эътироф шудааст, метавонист дар қаламрави кишвари дигар озодона фаъолият кунад”, - изҳор дошт Володин.

Ӯ илова намуд, ки ба ҳамин восита хадамоти махсуси кишварҳои узв метавонанд ҳамкориро ба сатҳи нисбатан баланд бардоранд.

0
Барчаспҳо:
қонунгузорӣ, мудофиа, амният, суханронӣ, ширкат, СААД, Рустами Эмомалӣ, Тоҷикистон