Супориши раисҷумҳур: хариди сарфаҷӯёна ва омодасозии манзил барои муҳоҷирон

Обуна шудан
Раисҷумҳури Тоҷикистон Эмомалӣ Раҳмон зимни боздид аз Роғун ба масъулин супориш дод, ки масъалаи харидории таҷҳизот зери назорати қатъӣ қарор гирад ва барои муҳоҷирон ҷойҳои нави зист омода шавад

ДУШАНБЕ, 10 май — Sputnik. Раисҷумҳури Тоҷикистон имрӯз бо сафари корӣ ба нерӯгоҳи Роғун рафта, бо масъулин ва сохтмончиён дидор ва гуфтугӯ кард.

Раисҷумҳур зимни суханронӣ гуфт, ки нерӯгоҳи Роғун дар оянда натанҳо барои рӯшан кардани манзилҳо, балки барои обёрӣ ва аз худ намудани заминҳои нав кумак хоҳад кард.

Сохмони НБО Роғун. Акс аз бойгонӣ - Sputnik Тоҷикистон
Коршинос: агрегати 1-уми Роғун на қабл аз соли 2022 сохта мешавад

"Агрегати аввал бояд дар мӯҳлати муқарраршуда ба итмом расонида шавад",-гуфт раисҷумҳур зимни суханронӣ.

Эмомалӣ Раҳмон супориш дод, ки масъалаи харидории таҷҳизот, қисмҳои эҳтиётӣ ва масолеҳи сохтмонӣ зери назорати қатъӣ бошад.

"Корҳо оид ба кӯчонидани аҳолӣ ва муҳайё намудани шароити зарурии зист барои муҳоҷирон дар ҷойҳои нави зист бояд вусъат бахшида шаванд".

То имрӯз барои сохтмон ва барқарорсозии нерӯгоҳи барқи обии "Роғун" зиёда аз 12 миллиард сомонӣ маблағ хароҷот шуда, соли ҷорӣ барои таъмир 1,9 миллиард сомонӣ пешбинӣ шудааст.

Лентаи хабарҳо
0