Раиси Хатлон: 40 ҳазор аз сокинони вилоят узбактаборанд
(Таҷдидшуда 14:18 14.05.2017)
Рӯзҳои фарҳанги Узбакистон дар Тоҷикистон дар шаҳри Қӯрғонтеппа идома ёфт. Давлат Гулмаҳмадзода, раиси вилояти Хатлон, дар маросими ифтитоҳи ин барнома фарҳангиёни узбакро ба Тоҷикистон хушомадед гуфт ва хабар дод, ки дар ин вилоят чиҳил ҳазор узбактабор зиндагӣ дорандДУШАНБЕ, 14 май — Sputniк. Бино ба иттилоъи равобити умумии вазорати фарҳанги ҶТ, маросими оғози барномаҳои Рӯзҳои фарҳанги Узбакистон дар вилояти Хатлон 11 май дар Театри Ато Муҳаммадҷонов дар шаҳри Қӯрғонтеппа баргузор шуд.
Раиси вилояти Хатлон Давлат Гулмаҳмадзода дар ин маросим меҳмононро ба шаҳри Қӯрғонтеппа хайрамақдам гуфт ва афзуд, ки дар ин вилоят 40 ҳазор узбактабор зиндагӣ мекунад, ки 17 дарсад аз сокинони ин вилоятро ташкил медиҳанд.
Вай аз саҳми чашмгири онҳо дар пешрафтҳои иҷтимоъиву иқтисодӣ, фарҳангӣ ва мадании вилоят ёдовар шуд.
"Мардумони узбак ва тоҷик аз қадим бо ҳам дӯсту бародар буда, чун як хонаводаи тифоқ зиндагӣ мекарданд. Мо бо Узбакистон на танҳо сарҳади муштарак дорем, балки урфу одат ва арзишҳоямон низ монанд аст. Моро бо ҳам риштаҳои зиёди иҷтимоъӣ, торихӣ ва фарҳангӣ мепайванданд", — гуфт Давлат Гулмаҳмадзода.
Вазорати фарҳанг гузориш дода, ки аҳоливу меҳмонони шаҳри Қӯрғонтеппа барномаи консертии фарҳангиёни узбакро бисёр хуш пазирӯфтанд.
Таъмини деҳаи Баравун бо оби нӯшокӣ бо харҷи 1,5 миллион сомонӣ
(Таҷдидшуда 13:19 07.07.2020)
Мақомоти иҷроияи ҳокимияти давлатии ноҳияи Ванҷ аз таъмини деҳа Баравуни ноҳия бо оби нӯшокӣ хабар додаанд, ки арзиши лоиҳа 1,5 миллион сомониро ташкил додаастДУШАНБЕ, 7 июл — Sputnik. Дар деҳаи Баравуни ҷамоати деҳоти Ҷовидони ноҳияи Ванҷ дарозтарин хати оби нӯшокӣ ба истифода дода шуд, иттилоъ дод хабаргузории “Ховар”.
Ба иттилоли манбаъ, дарозии хати оби нӯшокӣ 14 км буда, 62 нуқтаро дар бар мегирад.
Дар маросими ифтитоҳи хати оби нӯшокӣ раиси Вилояти Мухтори Кӯҳистони Бадахшон Ёдгор Файзов, раиси ноҳияи Ванҷ Ҷаббори Қосим ва намояндагони шарикони рушд иштироку сухан карданд.
“Зикр гардид, ки арзиши лоиҳавии иншоот якуним миллион сомонӣ буда, саҳми мардум дар бунёди он назаррас мебошад. Хати оби нӯшокӣ бо усули муосир сохта шуда, барои сарфаи дурусти об ҳисобкунакҳо васл карда шудаанд”, - омадааст дар иттилоия..
Зикр шуд, иншооти мазкур дар доираи Барномаи рушди манотиқи кӯҳистон оид ба таъмини аҳолӣ бо оби ошомиданӣ дар ҳамкорӣ бо шарикони рушд мавриди истифода қарор гирифт.
Барчаспҳо:
Ҷашнҳои рӯзи 7 июл дар Тоҷикистон ва ҷаҳон
(Таҷдидшуда 20:53 06.07.2020)
Рӯзи ҳафтуми июл дар Танзания – Рӯзи кишоварзӣ буда, дар Осетияи Шимолӣ – Рӯзи ҷумҳурӣ дар Испания Рӯзи ҷумҳурӣ ва дар Қирғизистон Рӯзи кормандони молия мебошадРӯзи 6 июл дар ҷаҳон чӣ рух дод
Соли 1754 дар Ню-Йорк Коллеҷи Шоҳ таъсис дода шуд, ки ҳоло ҳамчун Донишгоҳи Колумбия машҳур аст.
Соли 1917 аввалин маротиба дар Парлумони Эстония интихобот сурат гирифтааст.
Соли 1914 Парлумони Австрия барои муқобили Сербия оғоз намудани ҷанг қарор қабул намуд.
Соли 1993 дар Иёлати Висконсини Америка ғолибияти аз ҳама бештари маблағи лоторея ба қайд гирифта шуд, ки маблағи бурд 111 миллион доллари америкоиро ташкил дод.
Соли 1960 дар Арабистони Саудӣ гирифтани маълумоти олӣ барои занон иҷоза дода шуд.
Соли 1972 аввалин бор ду зан ба сифати ҷосуси Маркази федералии ҷустуҷӯӣ савганд ёд кардаанд.
Рӯзи 7 июл дар Тоҷикистон чӣ рух дод
Соли 1993 кушодашавии корхонаи муштараки тоҷикӣ-амрикоии “Sano” дар шаҳри Хуҷанд.
Соли 2009 Ҳукумати Тоҷикистон ва Бонки рушди Осиё барои дастгирии барномаҳои муҳими иҷтимоӣ ба маблағи 40 миллион доллари амрикоӣ созишномаи грантӣ ба имзо расониданд.
Соли 2010 Гурӯҳи корӣ бо роҳбарии Сарвазири вақти Ҷумҳурии Тоҷикистон Оқил Оқилов ба як зумра шаҳру ноҳияҳои вилояти Хатлон сафар кард.
Соли 2012 Президенти Ҷумҳурии Тоҷикистон муҳтарам Эмомалӣ Раҳмон машварати корӣ доир намуда, ба масъулин баҳри тезонидани корҳои сохтмонӣ, аз ҷумла, биноҳои маъмурӣ, муассисаҳои таълимиву фарҳангӣ ва иҷтимоиву тандурустӣ, вусъати минбаъдаи корҳои созандагию ободонӣ, бунёди пулу роҳҳо, 6 неругоҳи хурди барқию обӣ дар Вилояти Мухтори Кӯҳистони Бадахшон, таъмини аҳолӣ бо маводи ғизоӣ ва сӯзишворӣ дастуру супоришҳо доданд.
Соли 2013 дар маркази ноҳияи Ҷалолиддини Румӣ бо иштироки Эмомалӣ Раҳмон нахустин дармонгоҳ ва шифохонаи хусусӣ дари худро ба рӯи ниёзмандон боз намуд.
Соли 2013 маросими ифтитоҳи беморхонаи минтақавии сил дар ноҳияи Вахш.
Соли 2016 дар Бишкек ба муносибати 25-солагии Иттиҳоди Давлатҳои Мустақил ҷаласаи Шӯрои сайёҳии кишварҳои ИДМ баргузор гардид.
Ҷашнҳои рӯзи 7 июл
- Дар Ҷазираҳои Кайман – Рӯзи Конститутсия.
- Дар Танзания – Рӯзи кишоварзӣ.
- Дар Осетияи Шимолӣ – Рӯзи ҷумҳурӣ.
- Рӯзи ҷумҳурӣ дар Испания.
- Рӯзи кормандони молия дар Қирғизистон.
- Рӯзи парчам дар Перу.
- Рӯзи истиқлолият дар Норвегия.
- Рӯзи шаҳидон дар Малта.
Рӯзи 7 июл кӣ ба дунё омадааст
Соли 1746 — астрономи итолиёӣ Ҷузеппе Пиатси, ӯ нахустин сайёраи хурди — Тсерерро кашф карда буд.
Соли 1936 — математик ва физики советӣ, профессор, академик Юрий Осипов, ӯ солҳои (1991—2013) президенти Академияи илмҳои Русия буд.
Соли 1962 — сарояндаи русиягӣ, овозхони пешини гурӯҳи "Браво" Жанна Агузарова.
Рӯзи 7 июл дар Тоҷикистон кӣ ба дунё омадааст
Мирмуъмин Абдулов (1958) – сароянда, Ҳунарпешаи шоистаи Тоҷикистон.
Турдихон Бердиева (1942 – 2008) – доктори илми филологӣ, профессор.
Неъматҷон Бобоҷонов (1939 – 1992) – доктори илми ҳуқуқ, профессор.
Назаршо Назаршоев (1954) – доктори илми таърих, профессор.
Ҳофиза Наимова (1923) – журналист, Корманди шоистаи маданияти Тоҷикистон.
Азиз Ниёзмамадов (1941 – 1995) – дирижёр, Ходими шоистаи ҳунари Тоҷикистон.
Равсаниёр Мавлуда (1968)- шоира.
Шоҳвалӣ Саидҷаъфаров (1944) – адабиётшинос, профессор.
Гулузор Тўраева (1941) – меъмор – сохтмончӣ, дорандаи Ҷойизаи давлатии ба номи Рўдакӣ.
Ҷумъақул Ҳамроев (1947)- доктори илми филологӣ, профессор.
Шокирзода Замон (1941) – нависанда.
Рӯзи 7 июл кӣ вафот кард
Соли 1718 — подшоҳ Алексей, писар ва меросхӯри Петри I.
Соли 1930 — нависандаи англис, офаринандаи симои Шерлак Хомс Артур Конан Дойл.
Соли 1967 — ҳунарпешаи англис, дорандаи дукаратаи "Оскар".