Дар ҷаласа бо раисҷумҳур

Фаъолони Душанбе суханҳои раисҷумҳурро ба мардум мефаҳмонанд

195
Тӯли як моҳ гурӯҳҳои корӣ иборат аз кормандони масъули мақомоти шаҳри Душанбе дар шаҳраку маҳаллаҳо ба мардум нуктаҳои асосии суханронии Эмомалӣ Раҳмонро, "Дар бораи танзими анъана ва ҷашну маросимҳо дар Ҷумҳурии Тоҷикистон" мефаҳмонанд

ДУШАНБЕ, 23 июл — Sputnik. Бино ба иттилоъи равобити умумии шаҳрдори Душанбе, тӯли як моҳ гурӯҳҳои корӣ иборат аз кормандони масъули ҳокимияти давлатии шаҳри Душанбе дар маҳаллаҳо нуқтаҳои асосии суханронии раисҷумҳурро, ки дар мулоқот бо фаъолон ва аҳли ҷамоатчигии мамлакат ба муносибати 10-солагии қабули қонуни Ҷумҳурии Тоҷикистон "Дар бораи танзими анъана ва ҷашну маросимҳо дар Ҷумҳурии Тоҷикистон" гуфта буд, мефаҳмонанд.

Чунин тасмим рӯзи 19 июл дар мулоқоти корӣ бо роҳбарон ва намояндагони сохтору муассисаҳои мақомоти шаҳри Душанбе гирифта шудааст.

Ба гузориши манбаъ, ин мулоқот таҳти раёсати муовини раиси шаҳри Душанбе, Муинӣ сурат гирифта, дар кори он кормандони масъули дастгоҳи иҷроияи раисҷумҳур, Кумита оид ба корҳои дин, танзими анъана ва ҷашну маросимҳои миллӣ ва дигар ниҳодҳо ширкат кардаанд.

Дар ин дидор аз қабули қонун ба ҳайси яке аз иқдомоти муҳимтарин ва таърихӣ дар роҳи эҳё, ҳифз ва рушди анъанаҳои мардумӣ боиси ҳалли бисёр мушкилоти ҳаётан муҳими аҳли ҷомеа гардида, ҷашну маъракаҳо ва расму ойинҳоро дар кишвар ба низом даровард, изҳори қаноатмандӣ шудааст.

Ва дар ин маҷлис қарор шудааст, ки тӯли як моҳ гурӯҳҳои корӣ иборат аз кормандони масъули ҳокимияти давлатии шаҳри Душанбе дар маҳаллаҳо нуқтаҳои асосии суханронии раисҷумҳурро, ки   дар мулоқот бо фаъолон ва аҳли ҷамоатчигии мамлакат ба муносибати 10-солагии қабули қонуни Ҷумҳурии Тоҷикистон "Дар бораи танзими анъана ва ҷашну маросимҳо дар Ҷумҳурии Тоҷикистон" гуфта буд, мефаҳмонанд.

Тибқи гузориши масъулин аз соли аввали қабули қонун, яъне аз моҳи июни соли 2007 то имрӯз дар ҳудуди шаҳри Душанбе аз тарафи комиссияҳои доимӣ  14191 маъракаи хатнасур, 48005 тӯйҳои домодию арӯсӣ  , 16008 маъракаи чил ва 13585 маъракаи сол ба қайд гирифта шудааст. Барои баргузории ин маъракаҳо 21988 чорвои калон ва 7281 чорвои хурд забҳ шуда, шумораи умумии маъракаҳо 91803 ададро ташкил медиҳад. Хароҷоти умумӣ  ба ҳисоби миёна аз шумораи маъракаҳои баргузоршуда, зиёда аз 277 миллиону 3 ҳазору 245 сомониро дар бар мегирад.

Ҳамчунин дар давоми даҳ соли сипаригардида, 381 адад тӯйҳои домодию арӯсии хайриявӣ  ва 5840 адад хатнасурҳои хайриявӣ  баргузор карда шудааст. Ҳангоми назорат аз рафти баргузории маъракаву маросимҳои шаҳрвандон аз ҷониби масъулини соҳа 595 ҳолати вайрон намудани қонун ошкор гардидааст. Мақомоти ваколатдори шаҳри Душанбе, ки татбиқи қонуни зикршударо дар қаламрави пойтахт таъмин менамоянд, фаъолияти сохторҳои марбутаро баррасӣ  ва таҳлил  карда, ба масъулин дар иҷрои он дастуру машваратҳои  самарабахш пешниҳод намуданд.

Ёдовар мешавем, ки Эмомалӣ Раҳмон ҳангоми суханронӣ дар дидор бо фаъолони ҷомеаи Тоҷикистон ва муҳокимаи масъалаи риояи қонуни танзим ва ҷашну маросимҳо, ба масъулин супориш додааст, ки дар муддати ду моҳ хулосаҳои худро дар масъалаи аз вазифаҳои ишғолкарда озод намудани раисони саҳлангор, ки талаботи қонунрро риоя намекунанд, пешниҳод намоянд.

195
Барчаспҳо:
ҷаласа, шаҳрдори Душанбе, Тоҷикистон
Мавзуъ
Прокурорҳо барои риоя накардани қонуни танзим аз кор ронда мешаванд
Эмомалӣ Раҳмон бо фаъолони кишвар танзими анъанаро муҳокима кард
Эмомалӣ Раҳмон бо роҳбарон ва фаъолони шаҳри Душанбе мулоқот кард
Медсестра выполняет ряд двигательных упражнений на пациенте с COVID-19 в больнице

Омори як ҳафтаи Хуҷанд: "илтиҳоби шуш" на ба занҳо раҳм дораду на ба мардон

49
(Таҷдидшуда 14:21 26.05.2020)
Маркази ёрии таъҷилии тиббӣ дар шаҳри Хуҷанд мегуяд, аз муроҷиати сокинон собит мешавад, ки шумори сироятёбӣ ба “илтиҳоби шуш” миёни мардону занон баробар будааст

ДУШАНБЕ, 26 май – Sputnik. Мирзонабӣ Мирзоҳошимов, сартабиби, Маркази ёрии таъҷилии тиббӣ дар Хуҷанд мегӯяд, аз омори муроҷиати сокинон дар як ҳафтаи охир бармеояд, ки ҳолатҳои сироятёбӣ ба бемории "илтиҳоби шуш" дар байни мардону занҳо баробар аст. Ин маризӣ на ба мардон раҳм мекунаду на ба занон тараҳҳум дорад.

"Давоми як ҳафта, яъне аз рӯзи 18 то 24 - уми май ба сатансияҳои Маркази ёрии таъҷилии тиббии шаҳри Хуҷанд 94 муроҷиати сокинон ба аломатҳои бемории "илтиҳоби шуш" ба қайд гирифта шудааст. Аз ин шумора 48 нафар занон ва 46 нафар мардон буданд, ки ҳамаи онҳо барои табобат ба беморхонаи клиникавии Суғд интиқол дода шудаанд", - гуфт Мирзоҳошимов.

Бино ба иттилое, ки ин Марказ дар ихтиёри Sputnik Тоҷикистон қарор дод, тӯли ҳафт рӯз (аз 18 то 24) ба ҳисоби беш аз 170 мавриди баландшавии табъ , 680 нафар аз ду тарафи соҳили руди Сир дар шаҳри Хуҷанд ба аломати бемориҳои мухталиф аз ҷумлаи фишорбаландӣ, бемориҳои қалбӣ, шамолхурдагӣ ва маризии қанд ба унвони маркази ёрии таъҷилии тиббӣ муроҷиат кардаанд.

Мирзонабӣ Мирзоҳошимов мегӯяд бар асоси муроҷиати сокинон, ҳоло суръати сироятёбӣ ба "илтиҳоби шуш" назар ба ду ҳафтаи пеш ба маротиб поён рафтааст.

"Рӯзҳои охири моҳи апрел ва аввали моҳи май то 70 – 80 нафар муроҷиати сокинон бо ҳолатҳои баландшавии тасф ва гирифторӣ ба бемории "илтиҳоби шуш" ба қайд гирифта мешуд. Хушбахтона ду ҳафтаи охир сапти ин қабил маризӣ то ба 14 –16 ҳолатӣ кам шудааст", - таъкид намуд сартабиб.

Сартабиби Маркази ёрии таъҷилии тиббӣ мегӯяд, ба роҳ мондани табобати бемории илтиҳоби шуш дар марказҳои саломатӣ дар маҳалҳо ва ҳам гузаронидани корҳои тарғиботии пешгирии бемориҳои сироятӣ дар гашту гузори хона ба хона, ки гуфта мешавад, ҳоло ҳама барои саломатӣ ба по хестаанд, ба коҳишёбии шиддати авҷи ин маризӣ таъсири амиқ расонидааст. Аммо бо ин вуҷуд масъулин таъкид меварзанд, ки ҳоло набояд барои кафкӯбию хурсандӣ аз пирӯзии мутлақ бар маризии "илтиҳоби шуш" шитоб кард, зеро эҳтимол дорад мавҷи дуюм ё давраи дигари ин маризӣ шурӯъ шавад.

Табибон мегӯянд, барои пурра нобуд шудани "вируси корона" нақши сокинон ҳам муҳим аст ва масъулияти баланд дар ин кор барои ҳар як нафар боз ҳам риояи гигиенаи тиббӣ аст.

Мирзонабӣ Мирзоҳошимов чанде қабл дар суҳбат бо Sputnik Тоҷикистон омори муроҷиати сокинон дар рӯзҳои 11 ва 17 уми майро шарҳ дода гуфта буд, ки давоми ин як ҳафта ба сататсияҳои Маркази ёрии таъҷилии тиббии шаҳри Хуҷанд 339 даъват ё муроҷиати сокинон ба баландшавии ҳарорати бадан сабт шуда, маълум гардид, ки 196 нафар аз ин шумора бино бо сабаби хуруҷи бемории "илтиҳоби шуш" барои табобат ба бемористони клиникавии вилояти Суғд интиқол дода шуданд.

Бино ба иттилоъи сартабиб, Маркази ёрии таъҷилии тиббии Хуҷанд ҳоло аз 15 бригада ва беш аз 80 табибу ҳамшираву ронанда иборат буда, онҳо ба аҳолии наздик ба 185 ҳазор нафараи маркази вилояти Суғд ёрии тиббӣ мерасонанд.

49
Барчаспҳо:
омор, беморӣ, Хуҷанд
Мавзуҳо:
Пайомадҳои COVID-19 дар Тоҷикистон ва ҷаҳон
Жители города Душанбе в медицинских масках на улице

Бидуни фавт: Вазорати тандурустӣ омори ҷадиди коронавирус дар Тоҷикистонро эълон кард

2656
(Таҷдидшуда 19:32 25.05.2020)
Вазорати тандурустии Тоҷикистон тозатарин маълумот дар мавриди теъдоди шифоёфтагон, гирифторон ва қурбониёни маризии коронавирусро нашр намуд

ДУШАНБЕ, 25 май – Sputnik. То 25 майи соли равон дар мамлакат 2773 нафар зери назорати табибон қарор доранд, хабар медиҳад Вазорати тандурустии Тоҷикистон.

Ба иттилои манбаъ, дар як шабонарӯзи охир 232 нафар пас аз шифо ёфтан ба хонаҳояшон рухсат дода шудаанд.

Ҳамзамон, манбаъ ба Sputnik Тоҷикистон таъйид намуд, ки  то соати 19:00 дақиқаи 25 май дар кишвар 3100 нафар бо ташхиси сирояти коронавируси нави КОВИД-19 ошкор гардида, аз ин беморӣ то кунун дар мамлакат 1395 нафар шифо ёфтаанд.

Фаврӣ: шумораи гирифторони коронавирус дар Тоҷикистон зиёд шуд - омори нав

Гузашта аз ин , то санаи зикргардида дар мамлакат аз ин беморӣ 46 нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Вазорат аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд.

2656
Барчаспҳо:
маризон, омор, Вазорати тандурустии ҶТ
Мавзуҳо:
Пайомадҳои COVID-19 дар Тоҷикистон ва ҷаҳон