Эмомалӣ Раҳмон раисҷумҳури Тоҷикистон 21.09.2017. Ню-Йорк

Боварии Эмомалӣ Раҳмон ба рафъи мушкилоти об дар ҷаҳон

63
Раисҷумҳури Тоҷикистон ҳангоми суханронӣ дар ҷаласаи чоруми Панели сатҳи баланд оид ба масъалаҳои об аз коҳиши мушкилоти об дар ҷаҳон изҳори боварӣ кард

ДУШАНБЕ, 23 сен — Sputnik. Ба гузориши хадамоти матбуотии раисҷумҳур, Тоҷикистон дар пешбурди ташаббуси эълон кардани Даҳсолаи байналмилалии амал "Об барои рушди устувор" барои солҳои 2018-2028 кишвари пешоҳанг дониста шуда, дар ин самт корҳои зиёдеро анҷом додааст.

Эмомалӣ Раҳмон ҳангоми суханронӣ, баланд бардоштани дарки масъалаҳои об дар Рӯзномаи ҷаҳонии рушд ва мусоидат ба татбиқи Ҳадафҳои рушди устувори марбут ба обро барои муттаҳид сохтани талошҳо дар ин самт ҳадафи аслӣ гуфт.

Эмомалӣ Раҳмон дар мулоқот бо доираи сармоягузорони Амрико
© Официальная страница пресс-службы президента РТ в Facebook.

"Вобаста ба ҳадаф ва вазифаҳои Даҳсола мо Консепсияи татбиқи онро бо маҷмуи чорабиниҳо дар доираи фаъолияти Панел пешниҳод карда, барои  амалӣ намудани  он ҷаҳд намуда истодаем", — гуфт раисҷумҳур.

Раисҷумҳур гуфт, ки дар сатҳи миллӣ нақшаи чорабиниҳоро оид ба татбиқи Даҳсола қабул карда, барои амалӣ намудани он Маркази махсус ва ҷиҳати назорати иҷрои он Кумитаи тадорукотро дар назди ҳукумати кишвар таъсис дода мешавад.

"Ман итминони комил дорам, ки ҷомеаи ҷаҳонӣ аз имкониятҳои Даҳсола васеъ истифода хоҳад кард ва дар ин давра шиддати мушкилоти марбут ба об ба таври назаррас коҳиш хоҳад ёфт", — гуфт раисҷумҳур.

Ҳамчунин Эмомалӣ Раҳмон хабар дод, ки Тоҷикистон тасмим гирифтааст  дар ҳамдастӣ бо СММ ва дигар шарикон ҳар ду сол чорабиниҳои сатҳи баландро оид ба раванди татбиқи Даҳсола баргузор намояд.    

Ташкили чунин конфронс моҳи июни соли 2018 дар назар аст. 

63
Барчаспҳо:
2018-2028, эълони даҳсолаи об, суханронӣ, Эмомали Раҳмон, Ню-Йорк
Мавзуъ
Ба Тоҷикистон биёед: Эмомалӣ Раҳмон бо соҳибкорони Амрико сӯҳбат кард
Раҳмон ва Штайнер ҳамкориҳои ҶТ ва СММ-ро баррасӣ карданд
Эмомалӣ Раҳмон Ҷастин Трюдоро ба Тоҷикистон даъват кард
Суханронии Эмомалӣ Раҳмон дар Иҷлосияи 72-юми Маҷмаи Умумии СММ
Нигаронии Эмомалӣ Раҳмон аз вазъи сиёсии Афғонистон
Мулоқоти Эмомалӣ Раҳмон бо Антониу Гуттериш дар Ню-Йорк
Эмомалӣ Раҳмон аз Ашқобод ба Ню-Йорк сафар кард
Руки в наручниках, архивное фото

Боздошти зани 43-солаи сокини Хуҷанд ба иттиҳоми ташкили фоҳишахона: 200 сомонӣ мегирифт

184
Вазорати умури дохилаи Тоҷикистон навиштааст, ин зан барои муносибатҳои маҳрамона зане мардеро шинос карда, барои ин "хидматаш" 200 сомонӣ "мукофотпулӣ" гирифтааст

ДУШАНБЕ, 14 июл — Sputnik. Вазорати умури дохилаи Тоҷикистон зани 43-солеро дар Хуҷанд ба иттиҳоми ташкили фоҳишахона дастгир кардааст. Дар ин бора вебгоҳи вазорати мазкур хабар медиҳад.

"Зимни баргузор намудани чорабиниҳои оперативӣ-ҷустуҷуӣ аз ҷониби кормандони милитсия зани 43-солаи сокини шаҳри Хуҷанд, ҳамчун гумонбар дар ташкил ва нигаҳдошти фоҳишахона дастгир карда шуд", - менависад манбаъ.

Гуфта мешавад,  ин зан санаи 13-уми июли соли 2020, тахминан соати 16:30-дақиқа дар кӯчаи Ленини шаҳри мазкур марди 38-солаи сокини шаҳраки Ғафуров ва зани 25-солаи сокини ҷамоати деҳоти Хистеварзро барои муносибатҳои маҳрамона шинос намуда, аз онҳо ҳақи хизмат 200-сомони муқофотпулӣ гирифтааст.

Боздошти марди 33 - сола барои ташкили фоҳишахона: аз муштариёни худ 150 сомонӣ мегирифт

Нисбати гумонбаршаванда парвандаи ҷиноятӣ бо моддаи 239 Кодекси ҷиноятии Ҷумҳурии Тоҷикистон оғоз карда шуд.

Тафтишоти қазия идома дорад.

 

184
Новорожденный ребенок.

Дар Ҳиндустон навзод дар маросими дафнаш ба гиря даромад

358
(Таҷдидшуда 13:05 14.07.2020)
Хонаводаи навзод пизишкони зоишгоҳро муттаҳам мекунанд, ки ба кори худ саҳлангорӣ намуданд, ки оқибат ба фавти кудаки навзоди онҳо анҷомид

ДУШАНБЕ, 13 июл — Sputnik. Навзодеро, ки пизишкони яке аз зоишгоҳҳои Ҳиндустон мурда пиндоштанд, дар маросими дафнаш ба гиря омад, хабар медиҳад Times of India.

Ҳодисаи мазкур дар шаҳри Гогунда рух додааст. Зани ҳомила рӯзи 9 - уми июл духтарчаеро таваллуд кард, аммо ҳамшираи шавқат иштибоҳан ба далели мурда будани кӯдак ӯро барои дафн намудан ба хешовандонаш супурд.

Аснои омодагӣ ба маросими дафни навзод ӯ ба гиря омадааст.

Манбаъ меафзояд, падари навзод фавран мошини Ёрии таъҷилиро даъват кард, аммо пизишкон бо гузашти як соат ба макони ҳодиса расиданд, ки духтарча аллакай ҷон дода буд.

Даҳшат: дар Қазоқистон бинобар дарёфти ҷасади навзод аз яхдон, дари зоишгоҳро бастанд

Акнун пайвандони навзод духтуронро дар марги фарзанди худ муттаҳам мекунанд. Ба изҳори онҳо, кӯдак дар асл зинда таваллуд шуд, аммо ба далели хунукназарии табибон ӯ ҷон бохт.

Дар ҳамин ҳол, духтурон гуноҳи худро рад карда, изҳор доштанд, ки хешовандон ҷасади навзодро бидуни расман эълон кардани марги ӯ гирифтаанд.

358
Барчаспҳо:
навзод, Ҳиндустон
Дворуц культуры и информационный центр в Бохтаре

Хатлон: номи чанд шаҳраку ҷамоат ва деҳаҳо иваз мешаванд

0
(Таҷдидшуда 17:25 14.07.2020)
Дар ин бора худи сокинони навоҳӣ ва шаҳрҳои мазкур дархост ирсол кардаанд. Ҳукумати Тоҷикистон 13 лоиҳаи номивазкунии чандеро таъйид кардааст, ки ба наздикӣ тасдиқ хоҳад шуд

ДУШАНБЕ, 14 июл – Sputnik. Раиси Кумитаи рушди маҳали назди Президенти Ҷумҳурии Тоҷикистон Бек Қурбонзода имрӯз зимни нишасти матбуотӣ дар ин бора хабар додааст.

Ба гуфтиа раиси кумита, то имрӯз ба кумита 36 дархост аз тамоми гӯшаву канори Тоҷикистон ворид гардидааст. 

"Дар шаш моҳи аввали сол равон 36 дархост аз шаҳру ноҳияҳои мамлакат барои номивазкунии маҳалҳои аҳолинишин ворид гардидааст, ки  аз 24 тои он аз вилояти Хатлон мебошад", - тавзеҳ додааст раиси кумита.

Ба қавли ӯ, дар ин робита, 13 лоиҳаи қарори Ҳукумати Ҷумҳурии Тоҷикистон дар асоси хулосаҳои пешниҳоднамудаи вазорату идораҳо барои мувофиқа намудан омода гардидааст.

"Ин  лоиҳаҳо  номивазкунии баъзе ҷамоатҳои шаҳраку деҳот ва номгузории баъзе мавзеъҳои ҷуғрофии шаҳри Ваҳдат, ноҳияҳои Шаҳринав, Варзоб, Сангвор, Файзобод, Нуробод, Тоҷикобод ва ҳудуди вилояти Хатлонро дар бар мегиранд", - афзудааст вай.

Давоми 18 соли дар Тоҷикистон, 1113 воҳидҳои маъмурию ҳудудӣ ва маҳалҳои аҳолинишин, яъне 1 вилоят, 7 шаҳр, 23 ноҳия, 17 шаҳрак, 98 деҳот ва 966 деҳа ном гузошта ё номи онҳо тағйир дода шудаанд.

Номивазкунии  воҳидҳои маъмурию ҳудудӣ мунтазам ба вуҷуд омада, аз 51 ноҳия, номи 23 ноҳия иваз карда шудааст. Аз ҷумла, 12 адад ба вилояти Хатлон, 2 адад ба вилояти Суғд, 5 адад ба ноҳияҳои тобеи ҷумҳурӣ ва 4 адад ба шаҳри Душанбе тааллуқ доранд.

Шуд: Қӯрғонтеппа расман ба Бохтар номгардон шуд

Аз соли 2000 ба 1113 воҳидҳои маъмурию ҳудудӣ ва маҳалҳои аҳолинишин, яъне 1 вилоят, 7 шаҳр, 23 ноҳия, 17 шаҳрак, 98 деҳот ва 966 деҳа ном гузошта ё номи онҳо тағйир дода шудаанд.

Новобаста аз он, ки солҳо аз номивазкунии маҳалҳои гуногун дар Тоҷикистон паси сар шудаанд, сокинони маҳаллӣ то ҳол аз номҳои пештараи онҳо  истифода мекунанд. Масалан, Ленинский район ба ноҳия Рудакӣ тағйири ном кардааст, аммо то имрӯз кам нестанд афроде, ки ин ноҳияро “Ленинский район” ном мебаранд.

0