Тамошои барномаи Шаҳри ман

Зане ба Эмомалӣ Раҳмон: падарҷон, як хонаам созед, то фарзандонам зери борон намонанд...

1903
(Таҷдидшуда 16:56 29.09.2017)
Пул надоштам, ки роҳкиро карда, ба қабулгоҳи раиси ноҳия равам. Аз ронандагон зора кардам, ки маро ройгон то дари Ҳукумат расонанд. Аммо вақте раис арзи маро шунид, гуфт, ту барин гадоҳо(!) дар як рӯз чанд тоашон назди дари ман меоянд

ДУШАНБЕ, 27 сен — Sputnik. Фарида Бобоҷонова. Чанде пеш телестудияи Мавҷи озоди ноҳияи Восеъ  дар барномаи "Шаҳри ман" аз рӯзгори Шаҳрбону Раҳимова ном як зани ин ноҳия нақл кард, ки аз рӯзгори худ шикоят мебурд. Зан мегуфт, 4 фарзанд ва ҳамсари маъюб дораду вақти оғози таҳсил наздик шуда истодааст, аммо барои харидани лавозимоти мактаб он тараф истад, барои хӯронидани фарзандонаш ночор мондааст.

Як сухани ин зан маро водор кард, ки дар суроғи телефонаш шавам ва аз ҳолаш пурсон шавам, ки ҳоло чӣ аҳвол дорад. Зеро вай мегуфт, "аз ночори қасди се маротиба куштани фарзандонаш шудаасту аз рошҳаш бар гаштааст."

"Се бор сиркоро назди даҳони фарзандонам бурдам ва овардам. Зурам омад, чӣ кор кунам охир?!",- гӯён гиря мекард вай.

Шаҳрбону мегуфт, ягона умедаш таҳсили фарзандонаш аст, то дар оянда сарнавишти вай ва шавҳарашро такрор накунанд ва соҳиби маълумот шаванд.

Барои дарёфти посух ба саволҳоям бо ин зан тамос  гирифта, гуфтугӯе доштам, ки фишурдае аз онро мунташир мекунем.

— Пештар барномаи "Шаҳри ман"-и телевизюни Мавҷи  озоди ноҳияи Восеъ дар бораи рӯзгори шумо гузорише дода буд, ки аз некӯкорон кӯмак мехостед. Мушкилиатон ҳал шуд?

— Бале, шукронаи Аллоҳ, ки ба ман кӯмак расониданд.

— Фарзандонатонро ба мактаб равон кардед?

— Фарзанди калонӣ-писарамро мехоҳам ба интернат диҳам ва духтарчаам ба мактаб рафт. Ду кӯдаки дигарам ҳоло хурдсол ҳастанд.

— Пас аз ин барнома ба Шумо киҳо кӯмак расониданд?

— Чанд муҳоҷири тоҷик ва як марди саховатпеша аз пойтахт ба ман кӯмак расониданд ва ман бо кӯмаки онҳо духтарчаамро ба мактаб равон кардам.

— Оё ба ғайр аз ин барнома, ба мақомот ҳам муроҷиат карда будед?

— Бале, чанд маротиба муроҷиат кардам. Гуфтанд, кай кӯмак шавад, баъд биё.

— Шумо ягон ҳунар доред, апаҷон?

— Бале, кам кам ҳунари дӯзандагӣ дорам.

— Пас, шояд ба Бахши Кумитаи занон дар ноҳия муроҷиат мекардед, то дар пайдо кардани ҷойи кор кӯмакатон расониданд?

— Бале, муроҷиат кардам. Онҳо аз ман пурсон шуданд, ки оё кор кардан мехоҳӣ? Дар посух гуфтам, бале, мехоҳам. Онҳо ба ман мактаберо таъин карданд, ки рав, ҷойи кор ҳаст. Аммо вақте, ки он  ҷо рафтам, гуфтанд, ин хел ҷойи кор надорем. Баъд боз назди онҳо рафтам. Гуфтанд, кай кор пайдо шавад, хабар мекунем.

— Шавҳаратон чӣ кор намекунанд?

— Вақте ки 10 сол пеш ман оиладор шудам, шавҳарам донишҷӯ буд. Як имтиҳонро дар донишгоҳ супорида натавонист ва ба аз вай пули калон талаб карданд. Аз донишгоҳ хориҷ шуд. Мардикорӣ мекард ва баъд ба Русия рафт. Аммо ҳамагӣ дар байни як моҳ маъюб шуда, баргашт ва ҳоло барои ёфтани кор аз хона баромада рафтааст. Маъюб аст ва ақалан нафақа медоданд, каме ба рӯзгорамон кӯмак мешуд.

 — Ҳоло Шумо чӣ мақсад доред? Дар оянда рӯзгоратонро чӣ гуна обод карданиед?

— Агар боз хайрхоҳон пайдо мешуданд, як мошини дарздӯзӣ мегирифтаму барои таъмини рӯзгор ба дӯзандагӣ машғул мешудам. Баъдан, аз падари меҳрубон як хоҳиш дорам, ки дар сохтани як хона дар ҳавлиам, бисёр не, як хона кӯмакам кунанд, ки фарзандонам зери оби барфу борон намонанд.

— Оё боре ба Ҳукумати ноҳияатон муроҷиат кардед?

— Бале, чанд бор муроҷиат кардаам. Рӯзҳое буданд, ки раҳкиро надоштам, то ба Ҳукумат равам. Ронандаҳоро зора мекардам, ки маро ройгон то дари Ҳукумат баранд.  Ҳамон раисашон, аз ҳама калонашон ба ман гуфт, ту барин гадоҳо чанд нафарашон ба назди ман омадаанд. Ман гуфтам, ки маро гадо нагӯ ва ман аз маҷбурӣ назди дари ту омадам. Вай ба ман 90 сомонӣ пул дароз кард ва ман рад кардам. Ташаккур  ба муҳоҷирон, ки ба ман кӯмак карданд. Аммо раис ақалан маро гадо намегуфт…

— Ташаккур, барои сӯҳбат. Хонаобод бошед!

— Ба шумо, ташаккур, ки занг задед. Мехоҳам ба ҳамаи он нафароне, ки ба ман кӯмак расонидаанд, изҳори миннатдорӣ баён кунам.

    Барномаи "Шаҳри ман" дар сомонаи "Мавҷи озод"  санаи 25-уми августи соли равон мунташир шуда буд ва ман бо ин зан 5-уми сентябр тамос гирифтам. Зан таъкид мекард, ки чанд муҳоҷир кӯмак расонидааст ва аз онҳо миннатдор аст. Аҷиб ин аст, ки ин барномаро муҳоҷирон дар Русия дидаанду ӯро кумак расонидаанд, аммо масъулини ноҳия ва вилоят, ки дар Тоҷикистон ҳастанд, мушкилоти ӯро намебинанд.

Аз масъулини ноҳия, Кумитаи кор бо занон ва раиси  ҷамоати Худоёр Раҷабови ноҳияи Восеъ пурсида мешавад, ки оё магар онҳо масъул нестанд, ки ин занро кӯмак кунанд, то ӯ ба раисҷумҳур шикоят набарад? Оё раисҷумҳур барои ҳалли мушкили ҳар як шаҳванди Тоҷикистон бояд шахсан дахолат кунад? Пас, дигар масъулин чикора ҳастанд?

1903
Барчаспҳо:
хона, кӯмак, муроҷиат, Шаҳрбону Раҳимова, Эмомалӣ Раҳмон, Тоҷикистон

Ду дақиқа то куштани вирус аз дафтар ва қаламу қоғаз: ихтирои нави донишгоҳи Хуҷанд

614
(Таҷдидшуда 18:21 19.09.2020)
Дар Озмоишгоҳи иноватсионии Донишгоҳи давлатии ҳуқуқ, бизнес ва сиёсати Тоҷикистон дар Хуҷанд дастгоҳи нави безараркунандаи лавозимоти конселяриро ихтироъ намудаанд, ки қодир аст, дар ду дақиқа ҳама гуна лавозимоти муҳими хониш ва коргузориро безарар гардонад

ДУШАНБЕ, 19 сен – Sputnik. Сино Ғафурӣ, масъули матбуотии Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд афзуд, ин таҷҳизот барои таъмини амнияти саломатии донишҷӯёну омӯзгорон ва масъулини донишгоҳ кашф шудааст.

  • Дастгоҳи нави безараркунандаи лавозимоти конселярӣ дар шаҳри Хуҷанд
    акс аз сафҳаи ДДҲБСТ
  • Дастгоҳи нави безараркунандаи лавозимти конселярӣ дар шаҳри Хуҷанд
    акс аз сафҳаи ДДҲБСТ
  • Дастгоҳи нави безаркунандаи лавозимоти конселярӣ дар шаҳри Хуҷанд
    акс аз сафҳаи ДДҲБСТ
  • Дастгоҳи нави безараркунандаи лавозимоти конселярӣ дар Хуҷанд
    аксҳо аз сафҳаи ДДҲБСТ дар шаҳри Хуҷанд
1 / 4
акс аз сафҳаи ДДҲБСТ
Дастгоҳи нави безараркунандаи лавозимоти конселярӣ дар шаҳри Хуҷанд
"Дар шароити хуруҷи пандемияи COVID-19, мавзӯъи маҳв намудани вирусу микробҳои гузаранда ҳамеша матраҳ дошта мешавад. Вирусҳое, ки ҳар лаҳза ва тавассути ҳамагуна ашё хавфи сироят карданро доранд. Бо дарки ин масъала кормандони Озмоишгоҳи иноватсионии донишгоҳ дастгоҳи нави безараркунандаи лавозимоти конселяриро ихтироъ намудан. Ин таҷҳизот дорои 254 нанометр пахши мавҷи ултрабунафш буда, бо ин тавон вирусу бактерияҳоеи ба қаламу дафтар ва мактбуҳо расидаро несту нобуд мекунад", - гуфт Ғафурӣ дар суҳбат ба Sputnik Тоҷикистон.

Бино ба иттилоъи Ғафурӣ, навъоварони Озмоишгоҳи назди ДДҲБСТ дар зарфи 15 рӯз ва бо харҷи 2000 сомонӣ, ё муодили беш аз 200 доллари амрикоӣ ба сохтмони ин ҷузъдони безараркунанда аз вирус муваффақ шудаанд.Ҳоло таҷҳизоти сохташуда дар донишгоҳи мазкур дар Хуҷанд мавриди истифода қарор дода шудааст.

Вазорати тандурустӣ ба мулоқот бо намояндагони СУТ омодагӣ мебинад

Дастгоҳи безараркунандаи лавозимоти таълимӣ ва коргузорӣ аз ҷевон, лампаи безараркунанда (ултрофеолетӣ) шамолдеҳ (вентилятор) ва дастгоҳи ҳавокаш (гафрӣ) иборат буда, дар он қағазҳои андозаи А4 ва мактубу дигар ҳуҷҷатҳои расмӣ безарар гардонида мешавад.

"Табиист, ки ҳамарӯза шаҳрвандон аз ҷумла донишҷӯёну масъулони донишгоҳҳо аз ҳуҷҷатҳои гуногуни расмӣ, аз мактубҳои содиротиву воридотӣ истифода мебаранд. Аз ин хотир, ихтирои чунин дастгоҳ барои безараргардонӣ ҳама намуд маводи конселярӣ муҳим ва саривақтӣ саривақтӣ ба ҳисоб меравад. Бино ба маълумоти мутахассисон ҳангоми гузоштани мактуб ё дигар ҳуҷҷатҳои лозима нурҳои ултрабунафш вирусу бактерияҳоро нобуд сохта, ба сифати лавозимоти гузошташуда таъсир намерасонад", -таъкид кард Ғафурӣ.

Ихтироъкорон иброз намудаанд, ки 254 нанометр мавҷи дохили ин таҷҳизот ба организми одамон зарар расонида наметавонад.

Изобретение Худжандского государственного университета имени Бободжона Гафурова для дефинфекции рук
пресс-служба ХГУ имени Бободжона Гафурова

Зимнан ин дуюмин ихтирои таҷҳизоти безараркунандаи вирус дар Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанд ба ҳисоб меравад.

Дастгоҳи пешина Санитайзер ном дошта ба таври худкор безарагардонии дастонро дар зарфи 5 - 6 сония ба иҷро мерасонад.

Дар шароити авҷи паҳншавии бемории каронавирус, ки ба ин ҳол риояи қоидаҳои беҳдоштӣ ҳамеша таъкид мешавад, коршиносон мутобиқ ба тавони иқтисодӣ ихтироъ ва истифодаи чунин дастгоҳу таҷҳизотҳои безараркунанда аз вирусро муҳим меҳисобанд.

614
Барчаспҳо:
безарар кардан, дастгоҳ, Хуҷанд, Тоҷикистон
Генеральный секретарь Организации Объединённых Наций (ООН) Антониу Гутерреш, архивное фото

Гуттерреш мегӯяд, коронавирус аз назорат берун омад ва ваксин ин буҳронро рафъ намекунад

242
(Таҷдидшуда 16:23 17.09.2020)
Котиби генералии СММ Антониу Гутерреш мегӯяд, то ҳол ягон ваксина барои рафъи пурраи маризии коронавирус мавҷуд нест.

ДУШАНБЕ, 17 сен — Sputnik. Ба изҳори Антониу Гутерреш, хуруҷи коронавирус аз зери назорат берун мешавад. Хадамоти ахбори СММ аз қавли Котиби генералии ин созмон хабар медиҳад, ки айни замон барои амнияти ҷаҳонӣ пандемия "таҳдиди рақами аввал" аст.

Гутерреш мегӯяд, шумораи умумии қурбониёни ин маризӣ ба зудӣ марзи 1 миллион нафарро убур мекунад.

Котиби генералӣ таъкид кард, ки ҳарчанд бисёриҳо ба ваксина умед бастанд, аммо то ҳол барои пандемия нӯшдору вуҷуд надорад. Вай афзуд, ки ваксина худ ба худ буҳронро рафъ намекунад.

Маълум шуд, ки чанд нафар гирифторони коронаврус аз Данғара шифо ёфтаанд

Гутерриш инчунин зикр кард, ки воситаҳои табобати ин беморӣ бояд нархи  дастрас дошта бошанд. 

Қаблан роҳбари Созмони умумиҷаҳонии тандурустӣ Тедрос Адан Гебрейесус гуфта буд, ки доруе, ки битавонад COVID-19 -ро маҳв намояд, вуҷуд надорад. Ба гуфти ӯ раҳоии абадӣ аз  коронавирус, сарфи назар аз умедвориҳои калон ба ваксинаи муассир ғайриимкон аст.

242
Барчаспҳо:
назорат, маризӣ, Антониу Гутерреш
Мавзуҳо:
Пайомадҳои COVID-19 дар Тоҷикистон ва ҷаҳон

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0