Абдураҳмон Қодирӣ. Акс аз богйонӣ

Талаби риояи бечунучарои қонуни танзим аз раисони шаҳру навоҳии Суғд

112
(Таҷдидшуда 21:18 30.09.2017)
Ба роҳбарони шаҳру навоҳии Суғд барои риояи бечунучарои талаботи Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” супоришҳо дода шуд

ДУШАНБЕ, 30 сен — Sputnik. Ба гузориши равобити умумии ҳукумати вилояти Суғд, рӯзи 27 сентябр раиси вилоят Абдураҳмон Қодирӣ бо иштироки масъулини соҳаҳои хоҷагии халқи вилоят машварати корӣ доир намуд.

"Дар машварат ба роҳбарони шаҳру навоҳӣ ва мутасаддиёни соҳа барои риояи бечунучарои талаботи қонуни танзим, пешгирии омадани донишҷуён бо нақлиёти шахсӣ ба дарс, ҷамъоварии саривақтии ҳосили пахта, сафарбарии пурраи саҳмдорон ба маъракаи ҳосилғундорӣ, афзун намудани ҳаҷми парвариши сабзавот, аз ҷумла картошкаи  барвақтӣ, ҷамъоварии хақи истифодаи об ва таъмири пойгоҳҳои обрасон, иҷрои нақшаи андозҳо,  сафарбарии ҷавонон ба хизмати ҳарбӣ, вусъати корҳои ободонӣ дар остонаи ҷашни бузурги 25 — солагии Иҷлосияи 16-уми Шӯрои Олии Ҷумҳурии Тоҷикистон дастуру супоришҳои мушаххас дода шуд", — омадааст дар хабарнома.

Манбаъ меафзояд, ки пас аз машварати корӣ раисони шаҳру навоҳӣ ва масъулини дахлдор дар майдони саҳни мақомоти иҷроияи ҳокимияти давлатии вилоят бо тарзу усулҳои парвариши гулҳо, аз ҷумла гули садбарг аз наздик ошно гардиданд.

Пештар Раиси Кумитаи иҷроияи Ҳаракати ҷамъиятии Ваҳдати миллӣ ва эҳёи Тоҷикистон Мирзошоҳрух Асрорӣ тағйиру иловаҳоро натиҷаи талабу дархости сершумори мардум ва таҷрибаи мусбати андӯхтаи кишварҳои ҳамҷавор гуфтааст.

"Тамоми тартиби гузаронидани маросимҳои дафну азодорӣ дар асоси ҳукми шариат ва дини мубини ислом таҳия гардида, орӣ аз хурофотпарастӣ мебошанд. Имрӯз бархе аз нафарон қонуни мазкурро дуруст дарк накарда, иддао доранд, ки ҷашну маросимҳо аз байн рафта истодаанд, вале ин гуфтаҳо тамоман нодурустанд, ягон ҷашн, оин ва маросимро қонунгузорӣ манъ накардааст, вале дар гузаронидани ҷашну маросимҳо танзим роҳандозӣ шудааст", — гуфтааст вай.   

112
Барчаспҳо:
риояи қонун, танзим, Абдураҳмон Қодирӣ, Суғд
Мавзуъ
Дипломатҳои тоҷик нақши занонро дар риояи қонуни танзим баррасӣ карданд
Бахшида ба қонуни танзим: Филми "Тангно"-ро дар Хуҷанд ба намоиш гузоштанд
Тоҳир Қаландаров: қонуни танзим мардумро аз қарз озод мекунад
Танзим: раисҷумҳур аз ин пас мансабдорони қонуншиканро аз симаташон барканор мекунад
Президент Республики Таджикистан Эмомали Рахмон

Раҳмон ба Файзов ва мардуми Бадахшон сипос гуфт - чаро?

249
(Таҷдидшуда 12:41 28.01.2021)
Раиси Вилояти Мухтори Кӯҳистони Бадахшон Файзов Ёдгор низ дар ҷаласаи васеи Ҳукумат аз мушкилу пешрафти як солаи ВМКБ ҳисобот дод

ДУШАНБЕ, 28 янв – Sputnik. Раиси Вилояти Мухтори Кӯҳистони Бадахшон Ёдгор Файзов аснои ҳисоботи худ, соли гузаштаро марҳилаи нави рушди вилоят маънидод кард.

Файзов барои дастгирии Эмомалӣ Раҳмон ва Ҳукумати Тоҷикистон дар пешрафти Бадахшони кӯҳӣ изҳори миннатдорӣ кард.

Бар тибқи ҳисоботи раиси ин вилоят, Бадахшон новобаста аз мушкил омадани соли 2020, нақшаи андозро пурра иҷро кардааст.

Ҳамчунин Файзов таъкид намуд, ки вилоят дар масъалаи бунёди роҳу иншооти маъмурию истиқоматӣ, азхудкунии заминҳои нав, истеҳсоли рӯзафзуни маҳсулоти кишоварзӣ низ ба дастовардҳои назаррас ноил гардид.

Зимнан, раисҷумҳури Тоҷикистон Эмомалӣ Раҳмон ба кулли сокинони Вилояти Мухтори Кӯҳистони Бадахшон барои дар як рӯз иҷро намудани даъвати ҷавоно ба сафи артиш изҳори сипосу миннатдорӣ намуд.

Қабули қонунҳо: хизмати ҳарбӣ барои кор дар гумрук, суд, додситонӣ ҳатмӣ шуд

Бояд қайд намуд, ки ВМКБ давоми се соли ахир аз лиҳози иҷро намудани даъвати наваскарон ба сафи Қувваҳои мусаллаҳ дар қиёс ба дигар минтақаҳои Тоҷикистон пешсаф аст.

Маъракаи даъвати ҷавонон ба артиш дар Вилояти Мухтори Кӯҳистони Бадахшон дар нахустин рӯзи даъват иҷро мегардад.

249
Барчаспҳо:
изҳори сипос, ВМКБ, Эмомалӣ Раҳмон
Неделя культуры Бадахшана в Согде

Садҳо ҷӯроби помирӣ: тӯҳфа ба кӯчарӯбҳои пойтахт барои меҳнати пурмашаққат - навор

1436
(Таҷдидшуда 19:44 26.01.2021)
Сокинони Вилояти Мухтори Кӯҳистони Бадахшон ба занони роҳрӯб, ки дар фасли сармо ва субҳи барвақт барои тамиз кардани роҳу хиёбонҳо ба кӯчаву роҳҳо мебароянд, ҷӯробҳои бадахшӣ ирсол намуданд

ДУШАНБЕ, 26 янв — Sputnik. Созмондиҳандагони гурӯҳи "НуриФирдавс", ки асосан иқдомҳои хайрхоҳонаро баргузор мекунанд, имрӯз дили чандин занони тамизкори ноҳияи Шоҳмансурро хурсанд карданд.

Зулӣ Раҳматова яке аз намояндагони ин гурӯҳ бо нашри навор дар шабакаи иҷтимоии Фейсбук, тӯҳфаи занони Бадахшонро ба роҳрӯбони пойтахт расонд.

Ӯ заҳмати тамизкорони пойтахтро махсусан қайд карда гуфт, ки бонувони Бадахшон барои дастгирӣ ва қадр намудани меҳнати ҳалол ва заҳматталаби онҳо маҳз ба хотири занони роҳрӯб ҷӯробҳои гармро бофта ирсол намудаанд.

Гулпарвари 19-сола ба "Харитаи зебоӣ" роҳ ёфт

Дар навор маълум аст, ки намояндаи гурӯҳи "НуриФирдавс" тамизкорони ноҳияи Фирдавсиро ҷамъ оварда, нахуст барои заҳмати онҳо дар тозаю обод нигоҳ доштани шаҳри Душанбе, изҳори миннатдорӣ намуданд.

Дар худраве, ки зоҳиран ба намояндагони гурӯҳи мазкур тааллуқ дорад, чандин баста ҷӯробҳои помирӣ гиреҳ карда шуданд. Пас аз изҳори ташаккур ба занони роҳрӯб, ба ҳар яки онҳо як ҷуфтӣ ҷорӯбҳои пурнақшу нигорӣ помирӣ тӯҳфа карда шуд.

Зимистони имсолаи Тоҷикистон ба фарқ аз солҳои пеш душвортару сармотар буд. Сармои зимистон асосан заҳмати роҳрубҳо, бахусус занони тамизкорро дучанд кард.

Ҳафтаи гузашта, ки дамои ҳаво дар Тоҷикистон бесобиқа сард буд, дар шабакаҳои иҷтимоӣ аксу наворҳо аз заҳмати занони роҳрӯб чарх мезад.

Тамизкорони ҷинси латиф новобаста аз сардии ҳаво, аз соати 3 - и шаб ба хиёбонҳо баромада, кӯчаву тангкӯчаҳои пойтахтро тоза мекарданд.

Ҷазои ронандаи “Мерседес” барои дашноми зани кӯчарӯб дар Душанбе

Зимнан, дар зери аксу наворҳои мазкур, корбарон аз тамоми шаҳрвандони кишвар даъват мекарданд, ки ба қадри занони кӯчарӯб бирасанд ва ба хотири меҳнати вазнини онҳо, роҳу кӯчаҳоро ифлос накунанд.

1436
Барчаспҳо:
навор, тӯҳфа, кӯчарӯбон, ВМКБ
Девушка рисует картину в художественной студии

Пирӯзии тоҷикдухтари 14 - сола дар Тошканд аз миёни 27 давлати ҷаҳон

0
(Таҷдидшуда 12:48 28.01.2021)
Дар фестивале, ки хонандаи синфи 7 аз ноҳияи Ҷаббор Расулов пирӯз шуд, намояндагони 27 кишвар иштирок доштанд

ДУШАНБЕ, 28 янв – Sputnik. Лайло Ёқубова хонандаи синфи 7 мактаби №11-и ноҳияи Ҷаббор Расулов дар 8 - умин Фестивали байналмилалии "Шодии Тошканд" ғолиб омад, хабар медиҳад Маркази маорифи иловагӣ дар вилояти Суғд.

Ба иттилои манбаъ, хонандаи тоҷик узви маҳфили "Рассоми эҷодкор"- и Маркази таҳсилоти иловагӣ мебошад.

Гуфта мешавад, Лайло Ёқубова таҳти роҳбарии Нозима Раҳимбоева ба кумитаи тадорукоти озмуни мазкур, ки тариқи фосилавӣ баргузор гардид, расмҳои кашидаашро дар мавзӯъҳои "Олами рангини кӯдакон", "Ҷаҳоне, ки ман сукунат дорам", "Ватани ман", "Орзуи ман" пешниҳод намуд.

Фестивали байналмилалии кӯдакон "Шодии Тошканд" аз соли 2004 инҷониб аз ҷониби Академияи рассомии Ӯзбекистон дар ҳамкорӣ бо Вазорати фарҳанг ва корҳои хориҷии ин кишвар дар ду сол як маротиба байни кӯдакони аз 5 то 15-сола баргузор мегардад.

Чӣ гуна рассоми бе даст аз Ӯзбекистон асар меофарад - видео

Имсол ба кумитаи тадорукоти 8- умин Фестивали байналмилалии "Шодии Тошканд" зиёда аз 2 ҳазор асарҳои кӯдакон аз 27 кишвари олам, аз ҷумла Фаронса, Ҳиндустон, Чин, Амрико, Озарбойҷон, Малайзия, Миср, Қазоқистон, Ӯзбекистон, Исроил, Тоҷикистон, Русия, Латвия ва ғайра пешниҳод гардиданд.

Манбаъ меафзояд, асарҳои тасвирнамудаи Лайло Ёкубова дар намоишгоҳи доимии 8- умин Фестивали байналмиллалии "Шодии Тошканд" ба намоиш гузошта мешаванд.

0
Барчаспҳо:
рассомӣ, Тошканд, тоҷик, хонанда, пирӯзӣ