Хабаргирӣ аз авҳоли пиронсолон

Низомиёни рус ба хонаи пиронсолони Ёвон рафтанд

141
(Таҷдидшуда 10:13 25.12.2017)
Сарбозони рус ба китобхонаи хонаи пиронсолон ҳазор китоб ава ба пиронсолон туҳфаҳои ширин ҳадя карданд

ДУШАНБЕ, 25 дек — Sputnik. Дар остонаи Соли нав низомиёни пойгоҳи 201-уми Русия дар Тоҷикистон аз авҳоли пиронсолон дар Ёвон хабар гирифтанд.

Низомиён дар ҳамроҳӣ бо ёвари сарҳанг-руҳонии рус Роман сокинони вилояти Хатлонро бо омади Соли нав табирк гуфтанд.

Собиқадорони ҷангу меҳнат ва кӯдакони маъюб аз дасти низомиён ҳадяҳои ширин гирифтанду бо меҳмонон суҳбат карданд.

  • Российские военнослужащие посетили дом-интернат для престарелых и инвалидов в городе Яван 22 декабря 2017г
    Российские военнослужащие посетили дом-интернат для престарелых и инвалидов в городе Яван 22 декабря 2017г
    © Фото : Пресс-служба 201 РВБ
  • Российские военнослужащие посетили дом-интернат для престарелых и инвалидов в городе Яван 22 декабря 2017г
    Российские военнослужащие посетили дом-интернат для престарелых и инвалидов в городе Яван 22 декабря 2017г
    © Фото : Пресс-служба 201-й РВБ
1 / 2
© Фото : Пресс-служба 201 РВБ
Российские военнослужащие посетили дом-интернат для престарелых и инвалидов в городе Яван 22 декабря 2017г

"Ба хазинаи китобхонаи хонаи пиронсолони Ёвон як ҳазор китоб супорида шуд", — омадаст дар хабарнома.

Баргузории чунин чорабиниҳо аллакай ба ҳукми анъана даромадааст. Ҳамасола низомиёни рус дар остонаи идҳои бузург аз авҳоли пиронсолон ва кӯдакони маъюб хабар гирифта, ба онҳо туҳфаҳо тақдим мекунанд.

141
Барчаспҳо:
Соли нави 2018, хабаргирӣ, пойгоҳи 201 Русия дар Тоҷикистон, Ёвон
Мавзуҳо:
Соли нави мелодӣ дар Тоҷикистон (18)
Президент Беларуси Александр Лукашенко

"Зиндаам ва аз ватан фирор накардам": Лукашенко хабари тарки Минс карданашро рад намуд

523
(Таҷдидшуда 17:11 14.08.2020)
Кишвардори Белорус Александр Лукашенко овозаҳо дар мавриди тарк кардани ватанро беасос хонда онҳоро рад намуд

ДУШАНБЕ, 14 авг — Sputnik. Александр Лукашенко раисҷумҳури Белорус хабари фирор кардани худро аз ватан дуруғ гуфт. хабар медиҳад РИА Новости.

Кишвардори Белорус дар ин бора дар ҷаласаи навбатӣ бобати вазъи соҳаи сохтмон иброз дошт.

"Дар аввал ман зинда ҳастам ва дар хориҷи кишвар ҳам нестем. Зеро ин ҷо бархе аз мӯҳтарамон овозаҳо бароварданд, ки президент берун аз ватан қарор дорад. Ман дар ватан ва имрӯз 14 - уми август бо шумо вазъи соҳаи сохтмонрро баррасӣ мекунем", - афзуд Лукашенко.

Зимнан, кишвардори Белорус ба корпартоӣ дар аксар корхонаҳои ин кишвар таъкид намуда гуфт, ки боздошта  шудани кор ба аз даст рафтани бозор хоҳад овард.

"Агар мо бас кунем, мо ҳеҷ гоҳ истеҳсолоти худро оғоз нахоҳем кард. Ҳеҷ гоҳ! Мо ба ин ботлоқ ворид мешавем. Мардум бояд инро дарк кунанд: кор кардан нахоҳед, накуне, агар шумо кор кардан хоҳед, пас кор кунед", - таъкид кард Лукашенко.

Раҳмон ба Лукашенко: пирӯзӣ, гувоҳи эътирофи саҳми бузургатон дар соҳибихтиёрии давлат аст

Ёдовар мешавем, шаҳрвандони Белорус пас аз анҷоми маъракаи интихоботи президентӣ даст ба корпартоӣ заданд. Зеро дар интихоботи раёсатҷумҳурӣ, бар тибқи маълумоти Комиссияи марказии интихобот Александр Лукашенко бо ба даст овардани 80 дарсади раъй пирӯзӣ ба даст овард.

523
Барчаспҳо:
Белорус, Александр Лукашенко
Заместитель председателя правительства РФ Алексей Оверчук

Оверчук дар бораи тамдиди патенти муҳоҷирин ва таҷдиди парвозҳо

1197
(Таҷдидшуда 19:25 13.08.2020)
Ҳукумати Русия мавзӯъи сабукиҳои эҳтимолии навбатӣ барои муҳоҷирони меҳнатӣ, аз ҷумла тамдиди патентро баррасӣ хоҳад кард

Душанбе, 13 август - Sputnik. Дар ҷаласаи раисони Комиссияи байниҳукуматии Русияву Тоҷикистон Алексей Оверчук, муовини нахуствазири Русия ва Қоҳир Расулзода, нахуствазири Тоҷикистон дар мавриди патенти муҳоҷирини корӣ ва таҷдиди парвозҳо гуфтугӯ карданд.

Санаи эҳтимолии барқарор шудани парвозҳо аз Русия ба Тоҷикистон эълон шуд

Дар брифинги матбуотие, ки пас аз ин ҷаласа баргузор шуд, муовини нахуствазири Русия дар посух ба суоли Sputnik Тоҷикистон дар мавриди тамдиди патенти муҳоҷирин ва таҷдиди парвозҳо миёни Русияву Тоҷикистон гуфт, дар тӯли пандемияи “вируси корона” дар Русия барои муҳоҷирин пардохти ҳаққи патент лағв шуд.

"Муҳлати аввали лағв то 15 июн таъйин шуда буд, аммо пандемия поён наёфт, аз ин хотир, тасмим гирифта шуд то 15 сентябр тамдид шавад. Ҳоло ин мавзуъ баррасӣ мешавад, ки ин муҳлат пас аз 15 сентябр низ дигарбора тамдид шавад. Ин масъала таҳти таваҷҷуҳи ҳукумати Русия аст", - гуфт Алексей Оверчук.

Дар мавриди таҷдиди парвозҳо миёни Тоҷикистону Русия мавсуф гуфт, талоши кишвараш бар ин аст, ки парвозҳои муназзам бо тамоми кишварҳои ҷаҳонро, тавре ки то замони пандемия буд, ба роҳ монад.

"Мо қабл аз ҳама вазъи сироятии кишварҳоро меомӯзем. Ҳоло мо бо се кишвар – Бритония, Туркия ва Танзания парвозҳоро барқарор кардем. Аз 15 август қарор аст парвозҳо ба Шветсария аз сар гирифта шаванд. Мебинем, ки дар Тоҷикистон низ раванди мусбате ҷараён дорад. Ҳоло талош мекунем, ки бо ин кишвар низ бо пеш омадани имкон парвозҳоро ба роҳ монем", - гуфт Алексей Оверчук.

Парвозҳо миёни Русияву Тоҷикистон аз моҳи март ба ин сӯ қатъ шудаанд. Дар ин миён Русия 23 парвозро ба манзури хориҷ кардани шаҳрвандонаш аз Тоҷикистон анҷом додааст. Тоҷикистон низ ҳамарӯза ду парвози чартериро ба шаҳрҳои Русия анҷом медиҳад.

1197
Новая эстакада в Душанбе

Бе ҳуҷҷати ронандагӣ ва бо суръати баланд: садама дар эстакадаи Душанбе - видео

0
Ронандаи 30 - сола, ки воситаи нақлиёташро бо суръати баланд меронд, нахуст ба монеасанги канори роҳ ва сипас ба поясутуни симчӯб бархӯрда автомашинаашро чаппа кард

ДУШАНБЕ, 14 авг — Sputnik. Раёсати Вазорати умури дохили дар шаҳри Душанбе, навор аз як садамаи нақлиётӣ дар эстакадаи пойтахтро шарҳ дод. Навори мазкур чанде пеш ба шабакаҳои иҷтимоӣ роҳ ёфт ва мавриди баҳси корбарон қарор гирифт.

Зимнан, кормандони пулис ронандаи автомашинаеро, ки пас аз бархӯрдан ба монеасанги канори роҳ ва поясутуни симчӯб чаппа шуда буд, дастгир намуданд.

Дастгиршуда Оев Қосими 30 - сола, сокини шаҳри Душанбе буда, санаи 13-уми август, тақрибан соатҳои 15:00 дақиқа ҳангоми ҳаракат аз кӯчаи Н.Махсум ба тарафи кӯчаи Б.Ғафуров дар рӯ ба рӯи истгоҳи воситаҳои нақлиёти мусофирбар, аз уҳдаи идораи воситаи нақлиёт набаромада, ба монеасанги (бардюр) канори роҳ ва сипас ба бетони поясутуни симчӯб бархӯрда, автомашинаи худро чаппагардон кард.

Садама дар шоҳроҳи Душанбе-Хуҷанд: ВУД аз қурбонии ҳодиса гуфт

Манбаъ меафзояд, дар садамаи мазкур касе осеби ҷиддӣ надид.

Зимни пурсиш маълум гардид, ки  ронанда бидуни ҳуҷҷати ронандагӣ худравашро бо суръати ниҳоят баланд идора мекард, ки дар натиҷа ба садама дучор шуд.

РВУД дар шаҳри Душанбе мегӯяд, вобаста ба ҳолати мазкур маводҳои лозима тартиб дода шуда, таҳқиқ дар ин самт ҷараён дорад.

0