Раисҷумҳури Тоҷикистон Эмомалӣ Раҳмон, акс аз бойгонӣ

Маҷбур шудем: шикояти муҳоҷирони тоҷик ба Эмомалӣ Раҳмон аз баста шудани NGN

1917
(Таҷдидшуда 18:49 26.12.2017)
Гурӯҳи фейсбукии "Ахбор барои афкор" бо мунташир кардани лоиҳаи мактуби кушодаи чанде аз фаъолони гурӯҳ ба раисҷумҳури Тоҷикистон, хостанд ба Эмомалӣ Раҳмон мушкилоти муҳоҷирони тоҷикро пас аз баста шудани NGN дар Тоҷикистон расонанд

ДУШАНБЕ, 26 дек — Sputnik. Корбарони гурӯҳи фейсбукии "Ахбор барои афкор" бо интишор кардани сиёҳнависи номаи саркушода ба раисҷумҳури Тоҷикистон навиштаанд, хоҳишмандон метавонанд зери ин нома имзо гузоранд ва ё пешниҳоди худро бинависанд.

Дар ин нома гуфта мешавад, ки онро гурӯҳе аз муҳоҷирон ва донишҷӯён ба раисҷумҳур ирсол хоҳад кард. Онҳо мегӯянд, ки пас аз як иқдоми Хадамоти алоқаи Тоҷикистон маҷбур шуданд ба раисҷумҳури кишвар муроҷиат кунанд.

"Кӯтоҳи гап, дар ибтидо фарзияҳое ба вуҷуд омаданд, ки Хадамоти алоқаи Тоҷикистон мехоҳад зангҳои NGN- ро, ки барои ҳар кадоми мо баҳри тамос бо пайвандонамон дар Ватан хеле арзону дастрас буд, барҳам диҳанд", — омадааст дар ин нома.

Ба гуфтаи онҳо,  NGN, ки зоҳиран дар Тоҷикистон бо далелҳои амниятӣ мамнуъ шудааст, тамоми муҳоҷиронро аз баҳрагирӣ аз фанновариҳои пешрафта маҳрум кардааст.

Ба гуфтаи онҳо дар асл, шояд мақсади Хадамоти алоқа дигар бошаду қатъ шудани алоқиаи NGN танҳо ба манфиати Хадамот бошад.

"Дар сурати кор гирифтан аз тамоси байналмилалӣ, хароҷоти ҳар муштарӣ 19 маротиба меафзояд. Яъне 1 миллиону 560 ҳазор доллар масраф мешавад!

Ин ҳисобҳо танҳо аз рӯи нархномаи тамос бо Русия — 13 сент барои як дақиқа гирифта шудаанд. Таври маълум, арзиши тамос бо кишварҳои хориҷаи дур бамаротиб гаронтар аст. Пас ин ҳама ба манфиати кист? Танҳо манфиати Хадамоти алоқа, ки ба эҳтимоли қавӣ аз сабаби мудирияти нодуруст гуфта мешавад ба буҳрони ҷиддӣ гирифтор шудааст?",- изҳори нигаронӣ мекунанд онҳо.

Мактубнависон ҳамчунин мавзуъи бар гардонидани мабалағҳои дар ҳисобашон бударо низ боло бардошта гуфтаанд, то ҳол касе ин корро ба дӯш нагирифтааст.

"Масалан аз ҳамин 200 ҳазор муштарии расмӣ, ки аз NGN истифода мекарданд, бовар дорем, дар суратҳисоби бисёре маблағҳои зиёд, аз 50 то 100 сомонӣ ва аз ин ҳам бештар ҳифз шуда буд. Ҳоло мо донистан мехоҳем, ки тақдири ин маболиғ, ки дар умум арқоми бузургро ташкил медиҳанд, чӣ хоҳанд шуд? Ба кисаи кӣ хоҳад рафт? Чаро муҳоҷири соҳибватан, ки бо сабабҳои айниву зеҳнӣ новобаста аз шароити душвор феълан дар хориҷи кишвар қарор доранд, бояд мавриди ғорат қарор бигиранд? Аз ин хотир, мо талаб менамоем, ки маблағҳои бо меҳнати ҳалол ҷамъовардаамон ба соҳибонашон баргардонида шаванд! Бигзор як комиссияи беғаразе таъсис ёбад ва ҳақ ба ҳақдор расад",- менависанд онҳо.

Муҳоҷиронро гуфтаанд, ин иқдоми мақомот онҳоро дилшикаста кард. Зеро аҳволи иҷтимоии онҳоро "касе ба назар нагирифтаасту танҳо дар пайи андозҷамъкунӣ шудаанд.

Онҳо афзудаанд, канда шудани муҳоҷирон аз технологияи навин, боиси зери хатар мондани эҳсоси ватанпарварии мардуми муҳоҷир мешавад.

"Фикр намекунед, ки бо ин "роҳҳои осони" андозҷамънамоиву беҳбуд бахшидани фаъолияти як гурӯҳ, мо аз ҳама паҳлӯи муҳим — эҳсоси ватанпарварии мардумро аз даст хоҳем дод? Зеро муҳоҷирони кории тоҷик, ба ҳар сурат, аз тариқи ин василаҳои дастраси иртиботӣ аз ахбори Тоҷикистон, ҳолу аҳволи пайвандони дурмондаашон бохабар мешаванд. Дар ҳолати дур шудан аз ин василаҳои технологӣ, оё мушкилоти равониву иҷтимоии мардуми кишвар афзоиш намеёбад? Мо бовар дорем, Шумо ҳамаи инро ба назар гирифта, бархе иқдомоти аз мантиқ дури мақомоти масъулро ҷонибдорӣ нахоҳед намуд", — омадааст дар анҷоми мактуб.

1917
Барчаспҳо:
шикоят, мактуб, Эмомалӣ Раҳмон, Тоҷикистон
Мавзуҳо:
Раисҷумҳури Тоҷикистон Эмомалӣ Раҳмон (222)
Пустое кресло

Тағйироти кадрӣ дар дастгоҳи раиси Бадахшон: Улфатшоев вазифаи нав гирифт

527
Раиси Вилояти Мухтори Кӯҳистони Бадахшон Файзов Ёдгор дар ҳайати дастгоҳаш тағйироти кадрӣ гузаронд

ДУШАНБЕ, 25 сен - Sputnik. Бо қарори Файзов Ёдгор раиси ВМКБ, Улфатшоев Ҷангибек Мирзоевич аз вазифаи ишғолкардаи худ канор рафт.

Номбурда дар асоси қарори раиси вилоят, аз вазифаи сармутахассиси бахши иттилоотию таҳлилии дастгоҳи раиси ВМКБ озод гардид.

Раҳмон гуфт, на ҳамеша аз рӯи ахбори пешниҳодшуда ба ӯ кор мекунад-видео

Бар хабари котиботи раиси ин вилоят, Улфатшоев Ҷангибек дар асоси қарори раис ба мансаби муовини сардори Раëсати маориф таъйин карда шуд.

"Дар мақоми нав, Улфатшоев аз санаи 25 - уми сентябр ба ифои вазифа шурӯъ мекунад", - таъкид мешавад дар хабар.

Манбаъ меафзояд, Улфатшоев Ҷангибек давоми 9 сол дар дастгоҳи раиси вилоят ба вазифаҳои гуногун фаъолият намуда, аз соли 2007 узви Иттифоқи журналистон ва аз соли 2017 узви Иттифоқи нависандагони Ҷумҳурии Тоҷикистон мебошад.

527
Барчаспҳо:
тағйироти кадрӣ, ВМКБ
Визит Эмомали Рахмона в Согдийскую область

Сафари Раҳмон ба ноҳияи Ховалинг аз ифтитоҳи пул оғоз ёфт

87
Кишвардори Тоҷикстон Эмомалӣ Раҳмон дар идомаи сафарӣ корӣ ба вилояти Хатлон имрӯз ба ноҳияи Ховалинг ташриф овард

 

ДУШАНБЕ, 25 сен - Sputnik. Сафари кории Эмомалӣ раҳмон раисҷумҳури Тоҷикистон аз ноҳияи Ховалинг аз ифтитоҳи пули нав миёни деҳаи Панҷариёни деҳоти Ғаффор Мирзои ноҳияи Ховалинг ва деҳаи Синҷии деҳоти Чилдухтарони ноҳияи Муъминобод оғоз ёфт.

Бар хабари котиботи раисҷумҳури Тоҷикистон, пули нав дар болои дарёи Ёхсу сохта шуда, 80 метр дарозӣ ва 6 метр паҳноӣ дорад.

Иқтидори борбардории пул 40 тоннаро ташкил медиҳад.

Раҳмон дар Мӯъминобод бо дастовез ба хонаи сокини маҳаллӣ рафт

Иншооти нав аз ҷониби соҳибкорони ватандӯст Фатҳулло Қаҳҳоров ва Ҷумахон Қосимов дар муддати кӯтоҳ бо харҷи 1 миллиону 400 ҳазор сомонӣ бунёд гардидааст.

Зимнан, Эмомалӣ Раҳмон ба соҳибкорони ватанӣ барои саҳм гузоштан дар ободонии маҳалли худ таҳсину офарин хонда, намунаи ибрат барои дигар арзёбӣ кард.

87
Барчаспҳо:
ифтитоҳ, пул, Ховалинг, Эмомалӣ Раҳмон

Беш аз 3 ҳазор эронӣ дар як рӯз ба коронавирус гирифтор шуданд: 175 кас ҷон бохт

0
(Таҷдидшуда 19:28 25.09.2020)
Вазорати беҳдошт, дармон ва омӯзишии пизишкии Эрон омори тозаи гирифторӣ, шифо ва фавт аз коронавирусро нашр намуд

ДУШАНБЕ, 25 сен – Sputnik. Шабонарӯзи ахир дар Ҷумҳурии исломии Эрон 3521 ҳолати ҷадиди гирифторшавӣ ба маризии коронавирус сабт гардид, хабар медиҳад сухангӯйи Вазорати дармон ва омӯзиши пизишкии ин кишвар.

Ба иттилои Симо Содот Лорӣ, дар як рӯзи охир дасти кам 175 мариз ҷон бохтанд.

Ба ҳамин минвол, дар Эрон шумораи умумии гирифторони коронавирус ба 436 319 нафар расидааст. Ҳамчунин аз замони авҷ гирифтани ин маризӣ, 25 015 нафар қурбон шуданд.

Олимони туркӣ мегӯянд, коронавирус метавонад саратони мағзи сар ба вуҷуд орад

Ба гуфтаи сухангӯи  Вазорати беҳдошти Эрон, то кунун 367 829 нафар аз беморон беҳбуд ёфта, аз бемористонҳо мурраххас шудаанд .
Қобили зикр аст, ки дар тъдоди афроди мубтало ба вируси корона дар ҷаҳон низ ба беш аз 32 миллион нафар расидааст, ки аз ин теъдод  дасти кам  982 ҳазор нафари  ҷони худро аз даст доданду беш аз 23 миллион нафара ҳам беҳбуд ёфтаанд.

0
Барчаспҳо:
омор, маризӣ, Эрон
Мавзуҳо:
Пайомадҳои COVID-19 дар Тоҷикистон ва ҷаҳон