Ссора, архивное фото

Додситонии кулли Тоҷикистон пешниҳоди ҷазо додани ҳамсарони хиёнаткорро баррасӣ мекунад

261
(Таҷдидшуда 14:46 25.01.2018)
Додситонии кулли Тоҷикистон пешниҳоди муқаррар кардани муҷозот барои хиёнат ба ҳамсарро баррасӣ хоҳад кард

ДУШАНБЕ, 25 янв — Sputnik. Додситонии кулли Ҷумҳурии Тоҷикистон пешниҳоди муқаррар кардани муҷозот барои хиёнат ба ҳамсарро баррасӣ хоҳад кард, гуфт додситони кулли ҶТ Юсуф Раҳмон.

Имрӯз дар нишасти расонаии Додситонии кулл яке аз рӯзноманигорон пешниҳод кард, ки барои пешгирӣ аз кушторҳо дар паи рашку хиёнат ҳамсарони хоин қонунан муҷозот карда шаванд.

Юсуф Раҳмон дар посух ба ин дархост гуфт, ки Додситонии кулл ин масъаларо баррасӣ хоҳад кард.

Бино ба гузориши расонаҳо, кушторҳо дар паи рашку хиёнат дар Тоҷикистон ахиран рӯ ба афзоиш гузоштаанд. Чунончи, чаҳор моҳ пеш аз ин кормандони умури дохила марди 56-солаеро ба иитиҳоми куштани ҳамсари собиқаш дастгир карданд.

Ҳамчунин кормандони милиса марди 51-солаеро дар шаҳри Турсунзода дастгир карда буданд, ки ҳамсари собиқашро аз рашк кушта буд.

261
Барчаспҳо:
хиёнат ба ҳамсар, ҳамсаркушӣ, Додситонии кулли ҶТ, Юсуф Раҳмон, Тоҷикистон
Мавзуъ
Ду рӯз пеш аз Соли нав: дар Шаҳринав зане пас аз ҷанҷол ба ҳамсараш корд зад
Фоҷиа: дар вилояти Суғд падар духтар ва ҳамсарашро кушт
Зан ҳангоми дар Русия будани ҳамсар шавҳар кард, мард пас аз бозгашт хост ӯро бикушад
Чӣ гуна марди қирғиз вафодории ҳамсарашро санҷид
Зане аз ноҳияи Рудакӣ: ҳамсарам маро лату кӯб кард ва тилловориҳоямро дуздид
Президент Таджикистана Эмомали Рахмон

Таассуфи Раҳмон аз даргузашти Гулназар Келдӣ ва изҳори ҳамдардии ӯ ба хонаводаи марҳум

220
(Таҷдидшуда 19:04 13.08.2020)
Кишвардори Тоҷикистон Эмомалӣ Раҳмон бинобар даргузашти шоири маъруфи кишвар Гулназар Келдӣ ба хонаводаи марҳум изҳори ҳамдардӣ намуд

ДУШАНБЕ, 13 авг — Sputnik. Эмомалӣ Раҳмон раисҷумҳури Тоҷикистон аз даргузашти шоири шаҳири тоҷик Гулназар Келдӣ изҳори таассуф намудааст.

Котиботи президенти Тоҷикистон хабар медиҳад. ки Эмомалӣ Раҳмон ба аҳли хонавода ва наздикони марҳум ҳамдардии амиқ баён мекунад.

"Сад дод аз ту, коронавирус": охирон шеъри, ки Гулназар Келдӣ эҷод кард

Ёдовар мешавем, шоири маҳбуби тоҷик, муаллифи Суруди миллии Тоҷикистон, Шоири халқии Тоҷикистон ва дорандаи Ҷоизаи давлатии ба номи Абӯабдуллоҳи Рӯдакӣ Гулназар Келдӣ дар синни 75-солагӣ аз олам даргузашт.

220
Народный поэт Таджикистана Гулназар Келди

Низом Қосим гуфт, ки Гулназар Келдӣ дар куҷо ба хок супурда хоҳад шуд

313
(Таҷдидшуда 18:41 13.08.2020)
 Ҷанозаи Гулназар Келдӣ, Шоири халқӣ ва муаллифи Суруди миллии Тоҷикистон ба хонааш оварда, сипас ба қабристон интиқол ёфт

ДУШАНБЕ, 13 авг — Sputnik. Ба қавли яке аз шоҳидони ин маросим, ҷанозаи Гулназар Келдӣ аз Шифохонаи "Истиқлол" аввал ба манзилаш, воқеъ дар кӯчаи Исмоили Сомонӣ, 10 интиқол ёфт.

"Низом Қосим, раиси Иттиҳоди нависандагон, як нутқи кутоҳе ироа намуда, эълон кард, ки гирдиҳамоии хайрбод бо Шоири халқии Тоҷикистон дар қабристони Лучоб баргузор хоҳад шуд”, - гуфт ӯ.

Бино ба ин иттилои манбаъ, дар маросими видоъ бо Гулназар Келдӣ аз ҷониби мақомоти расмӣ Асадулло Раҳмон, мушовири кадрӣ ва Абдуфаттоҳ Шарифзода, сухангӯи президенти Тоҷикистон, Низом Қосим, раиси Иттифоқи нависандагон, Шариф Самӣ, раиси ноҳияи Исмоили Сомонӣ ва теъдоде аз адибону шоирони номдори кишвар, назири Камол Насрулло, Меҳмон Бахтӣ, Ато Ҳамдам, Салими Зарафшонӣ, Урун Кӯҳзод ва дигарон ширкат хоҳанд кард.

313
Барчаспҳо:
Гулназар Келдӣ, Низом Қосим
Урна для голосования на одном из избирательных участков в Таджикистане. Архивное фото

Интихоботи президентӣ: Ҳизби аграрӣ ҳам номзад пешниҳод мекунад

0
(Таҷдидшуда 19:35 13.08.2020)
Ҳизби аграрии Тоҷикистон анҷумани ғайринавбатии худро даъват кардааст, то номзади худро дар интихоботи президентӣ пешниҳод кунад

Душанбе, 13 август - Sputnik. Рустам Латипов, раиси Ҳизби аграрӣ, дар таъйиди ин хабар ба Sputnik Тоҷикистон гуфт, ин анҷуман қарор аст соати 09:00 – и рӯзи шанбе, 15 август дар толори Академияи миллии илмҳои Тоҷикистон баргузор шавад.

"Мо ҳудуди 130 намояндаи худро аз шуъбаҳои Ҳизби аграрӣ дар саросари кишвар даъват кардаем. Ду масъала дар рӯзномаи маҷлис аст. Яке, ширкати ҳизб дар интихоботи президентӣ ва дигаре, пешниҳоди номзад", - гуфт Рустам Латипов.

Ҳизби аграрии Тоҷикистон 15 ноябри соли 2005 таъсис ёфта, дар интихоботҳои президентии солҳои 2006 ва 2013 низ ширкат кардааст.

Дар интихоботи президентии соли 2006 номзади ҳизб раиси он Амир Қароқулов буд, ки бино ба иттилои Комиссияи марказии интихобот ва раъйгирии Тоҷикистон, 5,2 дарсади раъйи мардумро ба даст оварда буд.

Таъйини интихобот ба рӯзи 13 сентябри соли 2020

Дар интихоботи президентии соли 2013 Ҳизби аграрӣ номзадии Толиббек Бухориев, муовини раиси ҳизбро пешниҳод кард, ки 4,61 дарсад раъй гирифт.

Интихоботи президентии Тоҷикистон 11 октябри соли равон баргузор мешавад. То ба ҳол ҳеҷ як аз номзадҳо маълум нестанд.

0
Барчаспҳо:
ҳизб, чор ҳизб, Тоҷикистон, интихобот