Эмомали Рахмон и Бег Сабури на открытии в Кулябе Дворца водных видов спорта

Рӯзноманигорони тоҷик аз Эмомалӣ Раҳмон хостаанд ҷилави Хадамоти алоқаро бигирад

186
(Таҷдидшуда 15:53 30.01.2018)
Созмонҳои рӯзноманигорони Тоҷикистон дар баёнияе нигаронии худро аз дастури Хадамоти алоқаи Тоҷикистон ба ширкатҳои мухобиротӣ изҳор кардаанд, ки онҳоро водор ба хариди хадамоти интернетӣ аз “Шабакаи ҷумҳуриявии таҳвили маълумот” (ШҶТМ) кардааст

ДУШАНБЕ, 30 янв — Sputnik. Дар ин баёния, ки рӯнавиште аз он ба Sputnik Тоҷикистон ирсол шудааст, гуфта мешавад, ки “ҳарчанд масъулини Хадамоти алоқаи Тоҷикистон ин иқдомашонро ҷанбаи амниятӣ медиҳанд, вале коршиносон баъид намедонанд, ки дар ин иқдом бештар ҷанбаҳои молии масъала нуҳуфтааст ва аз мудирияти номуваффақонаи соҳа дарак медиҳад”.

Созмонҳои рӯзноманигорони Тоҷикистон нигаронияшонро аз ин иқдом ба мавзуъи озодии сухан ва баён иртибот додаанд. Дар ин баёния гуфта шуда, ки ин иқдом метавонад хадамотрасонии интернетиро “дар инҳисори як гурӯҳ” дароварад, ки хилофи қонунҳои ҷории кишвар ва муқаррароти байналмилалист.

“Афзун бар ин, яке аз шаш усули асосие, ки дар Мувофиқатномаи умумии тиҷорати хадамоти иртибототии Созмони тиҷорати ҷаҳонӣ зикр шудааст, таъмини пуштибонии рақобатпазирист. Пас, дар сурати расмӣ шудани ин дастури Хадамоти алоқаи Тоҷикистон, эҳтимол як баҳси дигари ҷиддӣ бо Созмони тиҷорати ҷаҳонӣ пеш биёяд, ки фикр мекунем ба суди касе нест”, — таъкид шудааст дар баёния.

Расонанигорон ҳамчунин ба обрӯи кишвар дар ҷаҳон ишора кардаанд ва Узбакистонро намуна овардаанд, ки чанде пеш раисҷумҳур Мирзиёев ба масъулини давлаташ дастур дода буд интернетро барои шаҳрвандон дастрастар ва чаҳор баробар арзонтар аз нархи ҷорияаш кунанд. “Агар ин иқдоми Хадамоти алоқаи Тоҷикистон амалӣ шавад, эҳтимол меравад, ки нархи хадамоти интернет дар Тоҷикистон боз ҳам гаронтар шавад, зеро ширкатҳои мобилӣ то ҳол интернетро бо нархи арзонтар аз берун ворид мекарданд. Иддаъои масъулини ШҶТМ бар ворид кардани хадамоти интернетӣ бо чаҳор хатт аз хориҷа, ба андешаи мо, роҳи ҳалли масъала нест ва наметавонад ҳам буда бошад. Ин ҳам дар ҳоле, ки номи ширкатҳои шомилшуда ба ин шабака махфӣ нигоҳ дошта мешавад ва масъаларо боз ҳам сӯи гумонҳои дигар хоҳад бурд”, — гуфтаанд рӯзноманигорон.

Созмонҳои рӯзноманигорон ҳамчунин ба ҷанбаҳои амниятии масъала ишора карда ва ёдоварӣ кардаанд, ки “дар сурати пеш омадани садамае ҷиддӣ ва вобастагии кишвар ба як манбаъи интернетӣ имкон дорад Тоҷикистон комилан аз интернет маҳрум шавад”. “Тасмимҳои Ҳукумати Тоҷикистон барои роҳандозии “давлати электронӣ” дар ин сурат чӣ хоҳанд шуд? Умуман Тоҷикистони асри 21–ро кӣ бе интернет тасаввур карда метавонад? Ин ҳам дар ҳолест, ки бино бар навтарин додаҳо, феълан 1,6 миллион шаҳрванди кишвари мо ба интернет дастрасӣ доранд ва ин камобеш 19 дарсад аз аҳолии кишварро ташкил медиҳад”.

“Бо таваҷҷуҳ ба омилҳои ёдшуда, мо аз раисҷумҳури Тоҷикистон муҳтарам Эмомалӣ Раҳмон хоҳиш менамоем, ки аз ин дастури Хадамоти алоқаи кишвар пешгирӣ намояд. Ҳамзамон, аз додситони кулли Тоҷикистон муҳтарам Юсуф Раҳмон дархост менамоем, ки ин дастури Хадамоти алоқаро чун иқдоми қаблии ин ниҳод, яъне қатъ намудани фаъолияти системаи NGN, аз нигоҳи ҳуқуқӣ баррасӣ намояд”, — гуфта мешавад дар баёнияе, ки онро Шаҳло Акобирова, раиси Шурои расонаҳои ҶТ, Нуриддин Қаршибоев, раиси Анҷумани миллии расонаҳои мустақили Тоҷикистон, Қироншоҳ Шарифзода, раиси ТҶ “Журналист”, Хуршед Ниёзов, раиси Маркази тадқиқоти журналистии Тоҷикистон, ва Субҳон Ҷалил, раиси Медиа-Алянси Тоҷикистон имзо кардаанд.

186
Барчаспҳо:
NGN, созмонҳои рӯзноманигорони Тоҷикистон, Хадамоти алоқа, Юсуф Раҳмон, Эмомалӣ Раҳмон, Тоҷикистон
Мавзуъ
Муовини Бег Сабур: NGN дар Тоҷикистон то бартараф кардани камбудиҳо қатъ мемонад
Муштариён дубора аз NGN баҳраманд шуданд
"Салом": Beeline барномаи NGN-ро фаъол кард
Додситони кулли Тоҷикистон далели қатъи "NGN"-ро тафтиш мекунад
Бо дастури Бег Сабуров ва баҳонаи амният дар Тоҷикистон NGN қатъ шуд
Маҷбур шудем: шикояти муҳоҷирони тоҷик ба Эмомалӣ Раҳмон аз баста шудани NGN
“NGN” баста шуд, мессенҷери ҷадид рӯйи кор омад
Новая эстакада в Душанбе

Эстакадаи сесатҳа ҳам кумак накард: қонуншикании ронандагону пиёдагардон - навори БДА

150
(Таҷдидшуда 12:55 13.08.2020)
Эстакадаи сесатҳа, ки дар шаҳри Душанбе тоза мавриди баҳрабардорӣ қарор гирифт, мушкилоти мавҷударо коҳиш дода натавонист

ДУШАНБЕ, 13 авг — Sputnik. Мушкилоти умдатарин дар роҳҳои мошингарди пойтахт, ин тамбашавии нақлиёт ва нақзи қавонини ҳаракат дар роҳ аз ҷониби ронандагон мебошад.

РВУД дар шаҳри Душанбе хабар медиҳад, ки бо вуҷуди ба истифода додани эстакадаи сесатҳа, ронандагони нақлиёти ҷамъиятӣ ҳамоно дар ҷойҳои муқаррарнашуда мусофиронро мефароранд ва ё савор мекунанд.

Манбаъ меафзояд, бо ҳамин кори худ ронандагон ҳолати садамавиро ташкил медиҳанд ва ҳамзамон ҷони мусофиронро дар хатар мемонанд.

Дар навор қонуншиканиҳои ронандагони мусофирон баръало нишон дода шудааст.

Мусофироне, ки дар ҷойҳои муқаррарнашуда аз нақлиёт берун мешаванд, гулгаштҳои сари роҳро зер намуда, меҳнати нафароне, ки дар ободии пойтахт саҳмгузорӣ мекунанд, поймол менамоянд.

Гузашти худравҳо аз эстакадаи нави Душанбе, ки имрӯз ифтитоҳ шуд - 15 акс

Дар ҳамин ҳол, ронандагон иллати манъ кардан дар чунин ҷойҳоро бори мусофирон мекунанду мусофирон бошанд ҳамаи айбро ба ронандаҳо ҳавола мекунанд.

Зимнан, кормандони БДА бо ронандагону мусофирон корҳои фаҳмондадиҳӣ гузаронда, барои дигарбора содир накардани ин амалашон ба онҳо ҳушдор доданд.

Гузашта аз ин, даҳҳо ронандагон барои таваққуф кардани дар ҷойҳои муқаррарношуда ҷаримабандӣ шуданд.

150
Барчаспҳо:
навор, пиёдагард, ронанда, қонуншиканӣ, Душанбе, БДА
День 13 августа

Ҷашнҳои рӯзи 13 август дар Тоҷикистон ва ҷаҳон

49
(Таҷдидшуда 19:19 12.08.2020)
Рӯзи сенздаҳуми август дар Тунис – Рӯзи занон ва дар  Замбия – Рӯзи ҷавонӣ таҷлил мешавад. Дар ҳамин рӯз Фидел Кастро (1926) раҳбари Куба, инқилобчӣ ба дунё омадааст

Рӯзи 13 август дар ҷаҳон чӣ рух дод

Соли 1868 дар натиҷаи заминҷунбӣ дар сарҳади ду давлат – Эквадор ва Перу зиёда аз 25 ҳазор нафар ба ҳалокат расида, дар ин кишварҳо 300 миллион доллари америкоӣ хисорот ба қайд гирифта шуд.

Соли 1907 дар Ню-Йорк аввалин такси ба кор оғоз намуд.

Такси, архивное фото
© Sputnik / Руслан Кривобок
Такси, архивное фото

Соли 1928 дар Маскав аввалин ҷашнвораи варзишии умумииттифоқӣ баргузор гардид.

Соли 1932 дар Рим аввалин санҷиши пахши кӯтоҳи мавҷи радио гузаронида шуд.

Соли 1941 дар Канада Корпуси ҳарбии занона таъсис ёфт.

 

Рӯзи 13 август дар Тоҷикистон чӣ рух дод

Соли 1937 таъсисёбии Хонаи ҷумҳуриявии эҷодкорон дар Тоҷикистон.

Соли 1937 Филармонияи давлатии Тоҷикистон таъсис ёфт.

Государственная филармония им. А. Джураева
© Sputnik / Амир Исаев
Государственная филармония им. А. Джураева

Соли 2006 дар Душабе 7 миллионумин нафар дар оилаи Мусоевҳо таваллуд шуд ва номашро Фаридун ниҳоданд.

Соли 2007 дар Тоҷикистон як созмони расонаҳои нав – Созмони журналистони ҷавон таъсис ёфт.

Соли 2010 дар шаҳри Душанбе дурнамои муносибатҳои дуҷонибаи Тоҷикистон ва Чин мавриди баррасӣ қарор дода шуд.

Соли 2010 масоили тавсеаи ҳамкории дуҷонибаи Тоҷикистон ва Ҳиндустон баррасӣ шуд.

Соли 2013 бо иштироки Эмомалӣ Раҳмон дастгоҳи нави 220-киловолтаи тақсимоти барқ, ки бо навтарин технологияи аврупоӣ бунёд ёфта буд, ба кор дароварда шуд.

Соли 2013 дар маркази шаҳри Норак Президент ба кӯдакону наврасон, ки аз падар ва модар ятим мондаанд, кумаки моддӣ ва туҳфаҳои хотиравӣ тақдим намуд.

Ҷашнҳои рӯзи 13 август

  • Дар Тунис – Рӯзи занон.
  • Дар  Замбия – Рӯзи ҷавонӣ.

Рӯзи 13 август кӣ ба дунё омадааст

Ион Волинский (1912 – 1980) – рассом, Ходими шоистаи ҳунари Тоҷикистон.

Тўхлибой Қузибоев (1931-1980)- доктори илми геологӣ.

Озарахш (Толиби Карим) (1963) – шоир.

Ҷўрабой Охунов (1932) – оҳангсоз, Ходими шоистаи ҳунари Тоҷикистон.

Абдуғаффор Партав (1943) – нависанда.

Иброҳим Раҳматзода (1941)- шоир.

Холбегими Давлат (1966)- шоира.

Раҳматулло Ҳошимов (1960)– сароянда.

Бобоқул Файзуллоев (1899 – 1964) – Ҳофизи халқии Тоҷикистон.

Абдуҳасан Фаррухӣ (980 – 1037) – шоири форс – тоҷик.

Неъматҷон Xўраев (1962)- рассоми кино.

Фидел Кастро (1926)- раҳбари Куба, инқилобчӣ.

Кубинский лидер Фидель Кастро, Председатель Совета Министров СССР Никита Хрущев и Председатель Президиума Верховного Совета СССР Леонид Брежнев на трибуне во время митинга, посвященного пребыванию Кастро в СССР
© Sputnik / Юрий Абрамочкин
Кубинский лидер Фидель Кастро, Председатель Совета Министров СССР Никита Хрущев и Председатель Президиума Верховного Совета СССР Леонид Брежнев на трибуне во время митинга, посвященного пребыванию Кастро в СССР
49
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 9 август дар Тоҷикистон ва ҷаҳон
Ҷашнҳои рӯзи 10 август дар Тоҷикистон ва ҷаҳон
Ҷашнҳои рӯзи 11 август дар Тоҷикистон ва ҷаҳон
Ҷашнҳои рӯзи 12 август дар Тоҷикистон ва ҷаҳон
Милиция Душанбе задержали трех блогеров

Писаракро чакан пӯшондаву дар сараш тухм шикастанд: ҳабси блогерон барои пранки таҳқиромез

267
(Таҷдидшуда 13:22 13.08.2020)
Чуноне дар навор дида мешавад як духтарак бо ду ҷавон ба тани ин писарбача либоси чакани духтарона пушонида, рӯяшро ҳамчун духтар бо маҳсулотҳои ороишӣ рангубор намуда, бар замми ин дар сараш тухм мешикананд

ДУШНБЕ, 13 авг — Sputnik. Милисаҳои Душанбе се шаҳрванд, ду ҷавон ва як занро барои пранки ғайриахлоқӣ баздошт намуда, ҳабс ва ҷарима кардаанд.

Тавре РВКД Душанбе гузориш додааст, 11-уми августи соли ҷорӣ дар як қатор сомонаҳои иҷтимоии интернетӣ наворе нашр гардид, ки дар он ҳолати аз ҷониби 2-3 нафар ашхоси ба ном "блогер" мавриди масхараву мазаммат қарор гирифтани як наврас инъикос ёфтааст.

"Ин амалу кирдори ноҷавонмардонаи ин блогерон мавриди вокуниши шадиди шаҳрвандону истифодабарандагони шабакаҳои иҷтимоии интернетӣ қарор гирифта, ҳамзамон як қатор корбарон аз Раёсати ВКД дар шаҳри Душанбе дархост намуданд, то пеши роҳи чунин бетартибӣ гирифта шуда, нисбати онҳо чораҳои дахлдори қонунӣ андешида шавад", - менависад манбаъ.

Воқеан чуноне дар навор дида мешавад як нафар ҷавонзан бо ҳамроҳии ду нафар ҷавонмард ба тани ин писарбача либоси чакани духтарона пушонида, рӯяшро ҳамчун духтар бо маҳсулотҳои ороишӣ рангубор намуда, бар замми ин дар сараш тухм мешикананд.

Дар давоми ин ҳама кирдорҳои зиддиқонунӣ "блогерҳо" наврасро ба масхара мегиранд, ки “ранги арӯси замонавӣ шуд”, “мо арӯс кофта гашта будем”, “гап нест дар ин арӯс” мегӯянд.

"Дар натиҷаи пешбурди корҳои фаврӣ-ҷустуҷӯӣ омодакунандагон ин навор муайяну дастгир ва ба мақомоти милитсия дастрас карда шуданд. Аз ҷумла инҳо Хоҷаев Аҳлиддин Зайниддинович, Муҳаммадиев Акбар Одилович ва Кулиева Матлуба Баҳодуровна мебошанд", -  тавзеҳ медиҳад РВКД ДУшанбе.

Зимни таҳқиқи ҳодисаи мазкур муайян карда шуд, ки банаворгирии "пранк"-и ғайриахлоқӣ ва дур аз фарҳангу маданияти тоҷикона бо маслиҳати пешакӣ ва розигии худи писарбачаи ноболиғ Д.Ф, соли таваллудаш 2006 сабт карда шуда, охирон яке аз хешовандони наздики боздоштшуда Хоҷаев Аҳлиддин ба ҳисоб мерафтааст.

Милиция Душанбе задержали трех блогеров
Милиция Душанбе задержали трех блогеров

Бо назардошти ҳолатҳои мазкур барои поймол намудани ҳуқуқҳои ноболиғ, ба таври оммавӣ паст задани шаъну шараф ва мавриди масхараву мазаммат қарор додани писарбачаи ноболиғ, ки муқаррароти Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" вайрон гардидааст.

Нисбати ҳамаи боздоштшудаҳо парвандаи маъмурӣ тартиб дода шуда, бо Қарори Суд Хоҷаев Аҳлиддин ва Муҳаммадиев Акбар ба муҳлатҳои 5 ва 7 шабонарӯзӣ ба ҳабс гирифта шудаанд.

Илова бар ин, бо назардошти дар тарбияи шаҳрванд Кулиева Матлуба мавҷуд будани кудаки ноболиғ, нисбаташ шартан ҷаримаи маъмурӣ ба андозаи 7 нишондиҳанда барои ҳисобҳо, баробар ба 406 сомонӣ таъин карда шудааст.

 

267