Рустам Эмомалӣ ба занони кӯчарӯб 3 миллион сомонӣ ҷудо кард

© Сайт мэрии города ДушанбеМэр города Душанбе Рустам Эмомали в детском парке
Мэр города Душанбе Рустам Эмомали в детском парке - Sputnik Тоҷикистон
Обуна шудан
Раиси шаҳри Душанбе ба муносибати Рӯзи Модар ва ҷашни Наврӯз ба занони кӯчарӯб 2 миллиону 920 ҳазор сомонӣ кӯмакпӯлӣ медиҳад

ДУШАНБЕ, 5 мар — Sputnik. Ба гузориши равобити умумии шаҳрдории Душанбе, дар ин росто қарори раиси пойтахт Рустам Эмомалӣ баромадааст.

Тибқи қарор, ба муносибати Рӯзи Модар ва ҷашни Наврӯз бо мақсади ҳавасманд намудани занону бонувони раёсатҳои истифодабарии роҳҳо, хоҷагиҳои манзилию коммуналлӣ, фаррошони дастгоҳи раиси шаҳр ва сохторҳои мақомоти шаҳри Душанбе, 2 920 000 (ду миллиону нуҳсаду бист ҳазор) сомонӣ ҷудо гардид.

Мувофиқи қарор масъулин вазифадор гардидаанд, ки то 6 марти соли 2018 маблағҳои ҷудогардидаро тибқи рӯйхат дар фазои тантанавӣ ба бонувон дастрас намоянд.

Ёдоварӣ мекунем, ки бахшида ба Рӯзи Модар дар ҳамаи ноҳияҳои пойтахт барномаҳои фарҳангию фароғатӣ бо иштироки санъаткорони варзида доир мегарданд.

Лентаи хабарҳо
0