Эмомалӣ Раҳмон дар Панҷиканд

Раҳмон: ба шарофати бародарам миллион мардуми Тоҷикистону Узбакистон шод шуд

620
(Таҷдидшуда 13:29 29.03.2018)
Раисҷумҳури Тоҷикистон Эмомалӣ Раҳмон дар тантанаҳои наврӯзии шаҳри Панҷиканд ширкату суханронӣ кардааст

ДУШАНБЕ, 29 мар — Sputnik. Раисҷумҳур ба муносибати ҷашни Наврӯз кулли мардуми кишварро табрик гуфтааст, хабар медиҳад хадамоти матбуотии раисҷумҳури Тоҷикистон.

Эмомалӣ Раҳмон дар суханрониаш аз сафари раисҷумҳури Узбакистон Шавкат Мирзиёев ба Тоҷикистон ёдоварӣ карда, гуфтааст, ки "рӯзҳои 9-10 март, дар ҷараёни сафари давлатии раисҷумҳури Узбакистон муҳтарам Мирзиёев Шавкат Мирамонович ҳамаи монеаҳое, ки зиёда аз ду даҳсола дар рафтуомади одамон ва додугирифти молу маҳсулот бо кишвари дӯсту бародари Ӯзбекистон вуҷуд доштанд, аз байн бардошта шуданд".

Дар идомаи суханронӣ раисҷумҳури Тоҷикистон, гуфт, ки "ба шарофати санадҳои ҳангоми сафари дӯсту бародари ман Шавкат Мирамонович имзошуда ҳазорон оилаҳое, ки солҳои дароз аз дидори ҳамдигар маҳрум буданд, ба хабаргирии хешу таборон муяссар шуданд, яъне рафтуомади озодонаи одамон оғоз гардид ва қалби миллионҳо нафар сокинони ҳар ду кишвар шод шуд".

Эмомалӣ Раҳмон дар Панҷиканд
© Официальная страница пресс-службы президента РТ в Facebook.

Илова бар ин, робитаҳои амалан кандашудаи тиҷоратӣ ва илмиву фарҳангӣ барқарор гардида, барои тавсеаи ҳамкориҳои ҳамаҷонибаи ду халқи ҳамсояву бародар заминаи устувор фароҳам оварда шуд.

Раисҷумҳур аз соҳибкорони Панҷиканд даъват кард, ки ҳарчи бештар маҳсулот истеҳсол кунанд, корхонаҳои муштарак бунёд намоянд ва ба ин васила вазъи зиндагии худро беҳтар созанд.

дар охир раисҷумҳур тамоми мардуми Тоҷикистон, аз ҷумла мардуми Панҷиканд ва вилояти Суғдро ба ифтихори ҷашни Наврӯзи байналмилалӣ табрик иқболу хушбахтӣ ва файзу баракати наврӯзӣ орзу кардааст.

620
Барчаспҳо:
суханронӣ, Эмомалӣ Раҳмон, Панҷиканд, Тоҷикистон
Помощник президента по вопросам социального развития и связям с общественностью Абдуджаббор Рахмонзода

Раҳмонзода дар ВМКБ: боздид аз сохтмони мактабу бонк то гармхонаҳои Давлатмамадов

70
(Таҷдидшуда 17:20 16.07.2020)
Ёвари Президенти Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода бо ҷараёни корҳои созандагиву ободонӣ дар  Вилояти Мухтори Кӯҳистони Бадахшон ошно шуд

ДУШАНБЕ, 16 июл – Sputnik. Тавре қаблан иттилоъ додем, гурӯҳи корӣ таҳти роҳбарии ёвари Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода бо мақсади ошноӣ бо ҷараёни корҳои созандагиву ободонӣ бо сафари корӣ дар  Вилояти Мухтори Кӯҳистони Бадахшон қарор дорад.

Гурӯҳи мазкур 15 июл бо корҳои сохтмонӣ дар иншооти ҷашнии ноҳияи Рӯшон шинос шуда, аз якчанд хоҷагиҳои деҳқонии ноҳия дидан намуд. Дар ин бора ба АМИТ «Ховар» хабар додаанд.

Гуфта мешавад, ки гурӯҳи мазкур аз гармхонаҳои соҳибкори ноҳияи мазкур Ҳамдам Давлатмамадов дидан намудааст.

Иттилоъ дода шуд, ки Ҳамдам Давлатмамадов дар хоҷагии деҳқониаш 5 адад гармхонаи муосир ташкил намуда, ҳамарӯза маҳсулоти кишоварзиро ба бозори шаҳри Хоруғ ба фурӯш мебарорад. Соҳибкор зикр намуд, ки дар ташкили чунин гармхонаҳо ба ҳамдеҳагонаш кумак мерасонад.

Инчунин гурӯҳи корӣ аз сохтмони муассисаи таълимӣ барои 640 нафар хонанда, бинои маорифи ноҳияи Рӯшон, ки бо маблағи 3 миллион сомонӣ бунёд мегардад, инчунин аз бинои бонки амонатгузорӣ «Амонатбонк» дар ноҳияи Рӯшон, ки  бо дастгирии Ҳукумати Ҷумҳурии Тоҷикистон бо сарфи  1 миллиону 999 ҳазор сомонӣ сохта мешаванд, шинос шудаанд.

Раҳмонзода зимни суҳбат бо  масъулин  зикр кардааст, ки корҳои сохтмониро сари вақт ва бо сифати аъло ба анҷом расонанд, зеро биноҳои бунёдшаванда бояд солҳои тӯлонӣ ба аҳолии ноҳия хизмат расонанд.

Роҳбари ҳайати гурӯҳи кориро дар ин сафар Котиби Шӯрои амнияти Ҷумҳурии Тоҷикистон Насрулло Маҳмудзода, муовини роҳбари Дастгоҳи иҷроияи Президенти Ҷумҳурии Тоҷикистон Саъдӣ Қодирзода ва дигар шахсони расмӣ ҳамроҳӣ намудаанд.

70
Барчаспҳо:
гармхона, боздид, ВМКБ, Абдуҷаббор Раҳмонов
Люди в защитных масках на улице Душанбе

Ҳушдори КҲФ ба мардуми Тоҷикистон: хатари COVID - 19 ҳамоно таҳдид мекунад

335
(Таҷдидшуда 17:24 16.07.2020)
Кумитаи ҳолатҳои фавқулодаи Тоҷикистон мегӯяд, дар  Тоҷикистон хатари паҳн шудани коронавируси COVID -19 боқӣ мондааст, аз ин рӯ ба шаҳрвандон бояд эҳтиёткор бошанд ва тадбирҳои бехатариро ҳифз кунанду тибқи қоидаҳои беҳдоштӣ амал намоянд

ДУШАНБЕ, 16 июл – Sputnik. Кормандони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо сокинони кишвар корҳои таблиғотӣ гузарониданд.

Тибқи “Нақшаи амали Ситоди ҷумҳуриявӣ оид ба пурзӯр намудани тадбирҳои зиддиэпидемиявӣ  ва  пешгирӣ  аз паҳншавии  сирояти коронавируси COVID-19 дар Ҷумҳурии Тоҷикистон”, ҳамчунин бо мақсади қувват бахшидан ба корҳои таъмини беҳдоштиву эпидемиологиии аҳолӣ корҳои таблиғотӣ дар қаламрави бозори “Меҳргон”-и пойтахти кишвар ва истгоҳҳои мошинҳо, ки дар ҳудуди шаҳри Душанбе воқеъ мебошанд, ба роҳ монда шуданд.

Эпидемиологи Чин ду шарти асосӣ барои пешгирӣ аз мавҷи дуюми коронавирусро гуфт

"Дар ҷараёни мулоқот бо ёрии мошини махсуси таблиғотӣ ба мардум наворҳои ҷолиби видеоӣ ба забонҳои тоҷикӣ ва русӣ намоиш дода шуданд, ки дар бораи риояи қоидаҳои беҳдошт нақл мекарданд ва ин тадбирҳоро амалан нишон медоданд. Як бахше аз ин наворҳо тиббӣ буданд, ки дар бораи нишонаҳо ва роҳҳои табобати коронавирус ҳикоят мекунанд", - омадааст дар хабарнома.

Дар ҳамаи ин мулоқотҳо чораҳои ҳимоя аз коронавирус, аз ҷумла ҳатман пӯшидани ниқоб ва фосилаи иҷтимоӣ риоя шуданд. Ва баъдан ба сокинон варақаву китобчаҳои таблиғотӣ тақсим гардидаанд. 

КҲФ мегӯяд, ҳадафи роҳандозии ин гуна тадорукот ба мардум ироа кардани донишҳо оид ба пешгирӣ аз густариши коронавирус, ҳамчунин ба роҳ мондани омӯзишҳои амалӣ ҳангоми истифода аз воситаҳои ҳимояи шахсӣ мебошад. 

Тавсияҳои КҲФ барои пешгирӣ аз COVID - 19

  • кулли қоидаҳои беҳдоштиро риоя кунед;
  • ниқоби ҳимоявӣ пӯшед;
  • ба воҳимаҳо дода нашавед;
  • дар ҳоли ҳарорати баланд, сулфаи хушк ва душворӣ дар нафаскашӣ ба духтур муроҷиат намоед;
  • ҳангоми сайругашт дар кӯча, истифода аз нақлиёти ҷамъиятӣ фосиларо риоя намоед;
  • пайваста дастонатонро бо собун бишӯед ва ё аз маҳлулҳои антисептикӣ истифода кунед;
  • одамони аз 65-сола боло бидуни зарурат аз хона берун нашаванд.
335
Барчаспҳо:
вируси нав, хатар, ҳушдор, мардум, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Здание Счетной палаты Таджикистана

27 ширкату корхона аз Палатаи ҳисоб “халос” шуданд шарҳи мақомот

0
 Ҳудуди 27 ширкат дар пайи мораторий аз феҳристи санҷишҳои Палатаи ҳисоби Тоҷикистон хориҷ карда шудаанд

 ДУШАНБЕ, 16 июл — Sputnik. Қарахон Чиллазода, раиси Палатаи ҳисоб, зимни як нишасти матбуотӣ ба хабарнигорон гуфт, дар пайи судури як фармони Президенти Тоҷикистон ин ширкату корхонаҳо аз нақшаи санҷишҳо хориҷ карда шуданд.

“Инҳо ширкатҳое ҳастанд, ки бо истеҳсолот машғул ҳастанд ва аз нақшаи корхонаву ширкатҳое, ки бояд соли 2020 аз сӯи Палатаи ҳисоб санҷида мешуданд, ҳазф гардиданд”, - гуфт Қарахон Чиллазода.

Бино ба иттилои Палатаи ҳисоби Тоҷикистон, ин корхонаву ширкатҳо, аз ҷумла “Ангишти Исфара”, “Шахтаи Фон Яғноб”, “Зиддӣ”, “Шӯробод”, “Камаробод”, “Назарайлоқ”, КВД “Сементи тоҷик”, КВД “Нури Ховар”, “Чароғ”, “Грант”, Корхонаи муштараки Тоҷикистону Канада “Апрелевка”, Корхонаи муштараки Тоҷикистону Чин “Зарафшон”, Ширкати куҳии саноатии Тоҷикистону Хитой ва ғайра мебошанд.

15 январи соли 2019 Эмомалӣ Раҳмон, Президенти Тоҷикистон фармонеро ба имзо расонд, ки бино ба он, ба ҳама намуди санҷишҳои фаъолияти субъектҳои соҳибкорӣ дар соҳаҳои истеҳсолии кишвар то 1 январи соли 2021 ба хотири дастгирии давлатии соҳибкорӣ, ташкили ҷойҳои кории нав, таҳкими иқтидори саноатию содиротии ҷумҳурӣ, кам намудани санҷишҳо ва фароҳам овардани фазои мусоид барои соҳибкориву сармоягузорӣ мораторий эълон карда шуд.

Палатаи ҳисоб гуфт, барои хунукназарӣ чанд мансабдори давлатиро ҷазо доданд

Дар пайи ин фармон мақомоти санҷишу назорат ва ҳифзи ҳуқуқ, аз ҷумла Прокуратураи генералӣ, Палатаи ҳисоб, Агентии назорати давлатии молиявӣ ва мубориза бо коррупсия, Бонки миллӣ ва мақомоти андозу гумрук дар ин муддат ҳаққи санҷишро нахоҳанд дошт.

0