Масҷиди Душанбе. Акс аз бойгонӣ

Роҳнамоии имом-хатиб барои таътилгузаронӣ: аз хатари смартфонҳо то андарзи Саъдӣ

182
(Таҷдидшуда 11:47 27.05.2018)
Кумита оид ба корҳои дини Тоҷикистон дар арафаи таътили тобистонаи мактабхонҳо роҳҳои дурусти шаръӣ ва қонунии гузарондани ин мавсимро ба шаҳрвандон пешниҳод кардааст

ДУШАНБЕ, 27 май — Sputnik. Тибқи роҳнамои нашркардаи Кумита, волидон бояд телефонҳои ҳушманд ё худ смартфонҳоро аз назди фарзандон канор гузоранду  "Бӯстон" ва "Гулистон"-и Шайх Саъдиро сармашқи кор қарор диҳанд. 

Аъзам Ҷалилзода, имом-хатиби масҷиди ҷомеи Ҳоҷӣ Миралии шаҳри Душанбе, бо нашри ин матлаб дар сомонаи расмии Кумитаи дини Тоҷикистон изҳор доштааст, ки шариати Ислом ва қонунҳои кишвар дар масъалаи тарбияи дурусти фарзанд пуркунандаи якдигаранд.

Ӯ таъкид намудааст, тайи  ду-се  моҳ, ки хонандагон аз назди муаллимони худ дур мемонанд, масъулияти падару модар беш аз пеш меафзояд ва назорати рафтору кирдори тифлон бояд пурзӯр гардад.

Руҳонии тоҷик аз бетаваҷҷуҳии бархе волидон нисбат ба фарзанд изҳори ҳайрат кардааст:

"Баъзан одам тааҷҷуб мекунад, ки фарзанд барои баъзе аз волидон арзиши як чорворо надорад. Бегоҳ гӯсолаву бузғолааш аз адир наояд, дар ташвиш мешавад, вале бачааш наояд, парво надорад".  

Аъзам Ҷалилзода ҳушдор додааст, ки дар сурати адами меҳрубонӣ, камбуди таваҷҷуҳ нисбати фарзанд ва набудани таъминоти моддию маънавӣ, наврасон дастнигари дигарон мешаванд ва эҳтимоли пайвастанашон ба гуруҳҳои ҷиноӣ, аз ҷумла ифротгарою террористӣ зиёд мегардад.

Ба гуфтаи имом-хатиби тоҷик бисёри падару модарон, ки имрӯз аз баракати фарзандонашон  айши пирӣ меронанд, меваи тарбияи дурусташонро мечашанд: "Баръакси ҳол, падару модароне ҳастанд, ки дар пиронсолӣ ба ҷои истироҳат дар даву тоз барои аз зиндон халос кардани фарзандони бадкеш овораанд. Маҷбуранд, наберагони худро, ки падарашон дар зиндон ё дарбадар аст, бо пули нафақаи худ нигоҳубин кунанд".

Муаллиф дар идома аъмолеро зикр кардааст, ки ҳам шариати исломӣ ва ҳам қонунгузории Тоҷикистон манъ кардааст. Ӯ аз оқибатҳои нохуши истеъмоли нӯшокиҳои спиртӣ, воситаҳои нашъадор, тамошои наворҳои таблиғи нашъамандӣ, зуровариву фаҳш ҳушдор додааст.

Ҷалилзода имконоти зиёди телефонҳои ҳушмандро як омили дигари хатарзо хондааст, ки дастрасӣ ба хабару видеоҳои номашруъро фароҳам мекунанд: "Аз ин рӯ, истифодаи телефонҳоро аз тарафи кӯдакон бояд ҷиддӣ назорат кард. Тавассути ҳамин телефонҳо ҳам ба шабакаҳои ифротгароёну тундравон пайвастан мумкин аст".

Имом-хатиби тоҷик бо зикри ояти 6-уми сураи "Таҳрим", афзудааст, ки Худованд дар он мефармояд: "Фарзандонатонро аз зиндони дӯзах нигоҳ доред". Ӯ аз қавли Пайғомбари Ислом(с) овардааст, ки "ҳар яки шумо барои фарзандон монанди  чӯпон мебошед ва аз фарзандон пурсида мешавед".

Маслиҳати дигари руҳонии тоҷик ба волидон ин аст, ки ҳангоми таътил бачаҳоро чанд соати муайян ба кори ҷисмонӣ, ба мисли сабзавоткорӣ, боғу токпарварӣ, аз ҷумла чидани мева ҷалб намоянд: "Бачаҳои шаҳрро ба деҳот, ба хонаи хешу табор равон кардан мумкин аст".

Дар ниҳоят имом-хатиби масҷиди ҷомеи Ҳоҷӣ Миралии шаҳри Душанбе ба волидон тавсия додааст, ки ҳар бегоҳ бо фарзандон дар бораи адабиёти классикӣ 15-20 дақиқа суҳбатҳои фарҳангӣ гузаронанд, то бачаҳо одат кунанд ва беҳтарин андарзҳои бобоиро аз худ намоянд.

Ба гуфтаи ӯ дар ин ҳолатҳо "Бӯстон" ва "Гулистон"-и Шайх Саъдӣ китоби рӯимизӣ ва зери болишт буда метавонанд.

182
Барчаспҳо:
таътилгузаронӣ, Кумитаи дин, танзими анъана ва расму оини ҶТ, Тоҷикистон
Шабнами Сурайё - таджикская эстрадная певица, архивное фото

"Руҳат шод бод, бародари азиз": таассуфи Шабнами Сурайё аз даргузашти Баҳром Ғафурӣ -навор

4881
(Таҷдидшуда 13:13 08.08.2020)
Сарояндаи саршиноси Тоҷикистон Шабнами Сурайё аз даргузашти бармаҳали овозхони маҳбуб Баҳроми Ғафурӣ изҳори таассуф намуда дар ҳаққи рӯҳи равони марҳум дуо хондаст

ДУШАНБЕ, 8 авг – Sputnik. Шабнами Сурайё дар сафҳаи худ Инстаграм суруди муштарак бо Баҳроми Ғафурӣ овозхони маҳбуб, аммо ҳоло марҳуми тоҷик мунташир намуда, аз марги бармаҳали ӯ изҳори таассуф намуд.

"Инна-Лилляхи Ва-Инна-Иляйхи-Раджиун!🤲🏼😔ДУСТ ВА БАРОДАРИ АЗИЗ", - навиштааст Шабнами Сурайё.

Зимнан, илова намудааст, ки Худованд Баҳромро тариқи раҳмат ва шоистаи ҷаннат гардонад ва руҳаш шод бошад.

Ёдовар мешавем, овозхони машҳури Тоҷикистон Баҳроми Ғафуровӣ субҳи рӯзи 7 - уми август дар шаҳри Душанбе бар асари садамаи нақлиётӣ ҷон бохт.

Баҳром ҳамагӣ 44 сол дошт ва гарчанде пас аз садама фавран ба бемористон интиқол ёфт, вале пизишкон натавонистанд ҷони ӯро аз чанголи марг раҳонанд.

Ҷасади Баҳром Ғафурӣ дар қабристони Ҳазрати Мавлоно дар маҳаллаи "Нӯҳум километр"-и Душанбе ба хок супорида шуд.

Баҳром Ғафурӣ 29 феврали соли 1976 дар деҳаи Ҳазрати Мавлонои ноҳияи Рӯдакӣ (собиқ Ленин) таваллуд шуда, хатмкардаи факултаи иқтисоди Донишгоҳи миллии Тоҷикистон буд.

Шарҳи ВКД: ронанда зинда монд, аммо мусофири мошин Баҳром Ғафурӣ ба ҳалокат расид

Баҳром Ғафурӣ яке аз сарояндагони шинохта дар давоми 20 соли охир дар саҳнаи эстрадаи тоҷик ба ҳисоб мерафт. Ӯ дар байни мухлисон бо суруди “Муҳоҷирбача” ва “Орзу” машҳур гардида буд.

Дар тӯли фаъолияти эҷодиаш 10 албомро ба мухлисон эҳдо кардааст. Солҳои охир дар бандубаст ва офаридани филмҳои ҳунарӣ низ саҳм мегузошт. Яке аз қаҳрамонҳои марказии филми овозадори “Сукут” ба ҳисоб мерафт. Филми охироне, ки Баҳром дар он нақш офарида буд, филми “Риё” буд, ки соли 2019 рӯйи пардаи синамо баромад.

Суқути ситораи санъати тоҷик: даргузашти Баҳром Ғафурӣ - видео

Чандин маротиба аз сӯи созмонҳои мусиқӣ унвонҳои “Ситораи сол” ва “Овозхони беҳтарин” – ро ба даст овардааст. Моҳи ноябри соли 2009 дар озмуни Big Apple music Awards “Овозхони беҳтарини мард” эълон шуд.

4881
Барчаспҳо:
навор, тоҷик, овозхон, даргузашт, Шабнами Сурайё

Ҷашнҳои рӯзи 8 август дар Тоҷикистон ва ҷаҳон

89
(Таҷдидшуда 23:06 07.08.2020)
Рӯзи ҳаштуми август Рӯзи байналмилалии кӯҳнавардон буда дар Чин – Рӯзи падар ва дар Бутан –Рӯзи истиқлолият таҷлил мешавад

Рӯзи 8 август дар ҷаҳон чӣ рух дод

Соли 1925 дар Вашингтон аввалин конгресси миллии Ку-Клукс-Клана оғоз гардида буд.

© Sputnik / Стас Этвеш / Вишнякова Мария

Соли 1925 аввалин маротиба дар шаҳри Торонтои Канада чароғаки роҳ насб гардид.

Соли 1927 дар Фаронса эълони сохтани ваксина бар зидди вабои саг паҳн гардид.

Соли 1932 Иттиҳоди Шӯравӣ истифодаи меҳнати занонро дар конҳо иҷозат дод.

Соли 1937 тасарруфи Пекин аз ҷониби Ҷопон.

Соли 1949 дар шаҳри Страсбурги Фаронса аввалин ҷаласаи Шӯрои Аврупо баргузор гардид.

Соли 1959  дуюмин Бозиҳои тобистонаи халқҳои Иттиҳоди Шӯравӣ баргузор гардид.

Соли 1967 баргузории рӯзҳои фарҳангии Тоҷикистон дар Маскав.

Рӯзи 8 август дар Тоҷикистон чӣ рух дод

Соли 2006 дар ноҳияи Ховалинги вилояти Хатлон мақбараи Султон Увайси Қаранӣ баъд аз тармим кушода шуд.

© Sputnik / Стас Этвеш / Вишнякова Мария

Соли 2011 бо иштироки раисиҷумҳур Эмомалӣ Раҳмон дар маҳаллаи навбунёди «Зарринкӯҳ»-и шаҳри Кӯлоби вилояти Хатлон мактаби замонавӣ ба истифода дода шуд.

Соли 2011 дар шаҳри Кӯлоби вилояти Хатлон Президент  Эмомалӣ Раҳмон Маҷмааи истироҳативу фароғатӣ ва варзишии «Кӯли ҷавонон» — ро мавриди баҳрабардорӣ   қарор доданд.

Соли 2016  Эмомалӣ Раҳмон ва муовини Дабири кулли СММ, Намояндаи олӣ оид ба масъалаҳои кишварҳои камтараққӣ, кишварҳои тараққикунандаи маҳсур дар хушкӣ ва ҷазиракишварҳои хурди тараққикунанда Гян Ачария вазъи ҳамонвақта ва дурнамои муносибатҳои Тоҷикистон ва Созмони Милали Муттаҳид дар бахшҳои муҳими ҳаёти ҷаҳони муосирро мавриди баррасӣ қарор дод.

Ҷашнҳои рӯзи 8 август

  • Рӯзи байналмилалии кӯҳнавардон.
  • Дар Чин – Рӯзи падар.
  • Дар Бутан –Рӯзи истиқлолият.

Рӯзи 8 август дар Тоҷикистон кӣ ба дунё омадааст

Ғаюр Ашўров (1960) – доктори илми тиб, профессор.

Надежда Бутовская (1890- 1977)- Китобдори шоистаи Тоҷикистон.

Абдумаҷид Воҳидов (1942) – доктори илми тиб, профессор.

Григорий Масич (1925) – сарояндаи оркестр, Ҳунарпешаи шоистаи Тоҷикистон.

Муҳаммад Шодӣ (1959)- шоир, нависанда.

Раҷаб Насим (1935) – нависанда.

Камолиддин Нодиров (1957)- рассом.

Ҳамид Обидӣ (1911 – 1948) – нависанда, драматург.

Акрам Ризоев (1946)- олими соҳаи техника, профессор.

Александр Соловёв (1892 – 1959) – астрофизик, Ходими шоистаи илми Тоҷикистон.

Одилҷон Умурзоқов (1954) – сароянда, Ҳунарпешаи шоистаи Тоҷикистон.

89
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон
Ҷашнҳои рӯзи 4 август дар Тоҷикистон ва ҷаҳон
Ҷашнҳои рӯзи 5 август дар Тоҷикистон ва ҷаҳон
Ҷашнҳои рӯзи 6 август дар Тоҷикистон ва ҷаҳон
Ҷашнҳои рӯзи 7 август дар Тоҷикистон ва ҷаҳон

Ҷашнҳои рӯзи 9 август дар Тоҷикистон ва ҷаҳон

0
(Таҷдидшуда 22:50 08.08.2020)
Рӯзи нӯҳуми август аз Рӯзи байналмилалии мардуми таҳҷоӣ ҷашн грифта мешавад. Ҳамчунин дар Амрико аз Рӯзи ҳифзи ҷангал қайд мекунанд

Рӯзи 9 август дар ҷаҳон чӣ рух дод

Соли 1893  Бонки миллии  Италия таъсис дода шуд.

© Sputnik / Стас Этвеш / Вишнякова Мария

Соли 1912 дар натиҷаи заминҷунбӣ дар Туркия  6 ҳазор  нафар ба ҳалокат расида, зиёда аз 40 ҳазор нафар бе сарпаноҳ монданд.

Соли 1945 ба шаҳри Нагасакии Япония бомбаи атомӣ партофта шуд.

Соли 1992 дар  Барселона маросими пӯшидашавии бозиҳои XXV олимпӣ баргузор гардид.

Рӯзи 9 август дар Тоҷикистон чӣ рух дод

Соли 2005 раисҷумҳури Тоҷикистон Эмомалӣ Раҳмон дар музофоти Клай Кангвол бо Шоҳи Таиланд Пумипон Адунядед, ки аз соли 1950 тахтнишин буд, дидор ва мулоқот намуданд.

Соли 2008 масоили гуногунҷанбаи  Тоҷикистон ва Ҳиндустон баррасӣ шуд.

Ҷашнҳои рӯзи 7 август дар Тоҷикистон ва ҷаҳон

Соли 2007  дар шаҳри Душанбе шабакаи нави радиошунавонии FM «Имрӯз» ба пахши барномаҳо шурӯъ намуд

Соли 2008 Президенти Тоҷикистон Эмомалӣ Раҳмон дар маросими кушодашавии Бозиҳои 29-уми тобистонаи олимпӣ, ки дар шаҳри Пекин баргузор гардид, иштирок намуданд.

Соли 2011 бо иштироки Сарвари давлат муҳтарам Эмомалӣ Раҳмон дар деҳаи Шайдони Ҷамоати деҳоти Сари Хосори ноҳияи Балҷувон  маркази Минтақавии тавонбахшии кӯдакон ва наврасони маъюб ифтитоҳ ёфт.

Соли 2016 дар пойтахти Тоҷикистон — шаҳри Душанбе Симпозиуми байналмилалии сатҳи баланд оид ба Ҳадафи шашуми рушди устувор таҳти унвони "Таъмини дастрасии умум ба об ва беҳдошт" баргузор гардид

Ҷашнҳои рӯзи 9 август

Рӯзи байналмилалии мардуми таҳҷоӣ.

Рӯзи ҷумҳурӣ дар Сингапур.

Рӯзи миллии сулҳовар дар Канада.

Рӯзи ҳифзи ҷангал дар ИМА.

Рӯзи 9 август дар Тоҷикистон кӣ ба дунё омадааст

Соли 1945 – кинорежиссер Валерий Аҳадов.

Соли 1949 –ҳунарманд ва режиссер Юнус Юсуфов.

Соли 1974 – журналист Анора Саркорова.

0
Барчаспҳо:
ҷашн, ҷаҳон, Тоҷикистон