Женщина с ребенком

Ту некӣ куну ба дарё андоз: Чигуна кӯдаки муҳоҷири тоҷикро зани рус фарзандхонӣ кард

375
(Таҷдидшуда 16:28 07.06.2018)
Дар шаҳри Перм роҳбари бунёди хайрияе Елена Котова як духтарчаи тоҷикеро, ки модараш аз вай рӯй тофта, падараш ҳабс шудааст, ба фарзандӣ қабул кард

ДУШАНБЕ, 6 июн — Sputnik, Рубен Гарсия. Қисмати  Нисои ҳафтсола, ки ҳарчанд на ятим, вале бе падару модар монд, ҳамзамон ҳам оддӣ асту ҳам фоҷеавӣ. Модари худаш аз вай рӯй тофт, падарро ҳабс карданд. Модарандар натавонист ӯро ба тарбияи худ гирад.

Падари духтарак бо ҳамсару фарзандонаш барои кор  ба Перм рафта буд.

Ӯ дар Русия бо зани русе ошно мешавад. Онҳо иртиботи маҳрамона пайдо мекунанд, ки дар натиҷа зани рус ҳомила мешавад. Зан тасмим мегирад, ки исқоти ҳамл кунад, вале марди тоҷик мегӯяд, тарбияи фарзандро худаш бар ӯҳда мегирад.

Марди тоҷик пас аз таваллуд шудани кӯдак, тифли навзодро ба манзилаш меорад. Ҳамсари қонуниаш — Зӯҳро, ҳарчанд аз шавҳар ранҷида буд, бо кӯдак меҳрубон мешавад ва ӯро ба тарбия қабул мекунад.

Аз хонавода ба ятимхона ва аз ятимхона ба хонавода

Дар айни замон, падар тасмим мегирад, ки вазъи молии худро беҳтар гардонад ва ба фурӯши маводи мухаддир даст мезанад. Дар натиҷа ӯро дастгир мекунанд ва ба 13 соли зиндон маҳкум мешавад.

Тарбияи Нисои хурдсол пурра ба дӯши Зӯҳро меафтад, ки ғайр аз духтарандар, чор фарзанди дигар дошт.

Зан барои кӯмак  ба масҷиди маҳаллӣ муроҷиат мекунад. Ба зан кумак мерасонанд, то бо бунёди "Гаҳвораи умед" тамос бигирад. Созмони "Гаҳвораи умед" —ро Елена Котова роҳбарӣ мекард, ки дар Перм на танҳо ба хайрия, балки ба тиҷорат низ машғул буд.  

Елена ба Зӯҳро кӯмак мекунад, ки  иҷозатномаи истиқомати муваққатӣ ба даст ораду нигоҳубини кӯдакро расман ба дӯши худ гирад. Ҳамин тавр, Нисо аз тақдири нохӯши ятимхона раҳоӣ меёбад.

Мутаассифона, бадбахтӣ  танҳо намеояд. Зан шароити кор дар Русияро тибқи иҷозатнома вайрон карда, ҷарима мешавад. Азбаски мӯҳлати сабтиноми ӯро тамдид намекунанд, зан маҷбур мешавад ба Тоҷикистон баргардад. Боз намояндагони хадамоти васиён барои духтарак меоянд.  

Елена, ки ин вақт дар бемористон табобат мегирифтааст, натавонистааст барои ихроҷ нашудани Зӯҳро ба Тоҷикистон коре кунад.

"Ҳатто агар он замон ман ба онҳо кӯмак мекардам ва онҳоро сабтином меркадам, ин кори ман мухолифи қонунгузории кишвар мешуд", — гуфт зан  ба Sputnik Тоҷикистон.

Ба сари Елена ногаҳон фикри дигаре омад. Чӣ мешавад, ки Нисоро фарзандхонӣ кунад. Ду писари зан пеши роҳи ин иқдоми модар намешаванд.

Еленаро дар мақомоти дахлдори Перм хуб мешинохтанд. Барои ҳамин ҳам вай ба зуддӣ тавонист ҳуҷҷатҳои фарзанхониро бе мушкилӣ тартиб диҳад. Нисо ҳатто соҳиби шаҳрвандии Русия шуд. Аммо модари худаш то ҳол хостори дидори фарзандро надошт.

Ҳамачи кӯдаквор…

Алъон Нисо ба мусиқӣ ва варзиш машғул аст. Ӯ ҳоло 8 сол дорад. Вале танҳо имсол ба мактаб меравад. Як сол дер кардани вай сабаб дошт: Нисо забони русиро хуб намедонист.

Нисо ба хонаводаи Елена зуд унс гирифт.

 "Мо худамон оила калон дорем —  писархонду фарзандони худӣ ва шиносону наздикон. Ва худи Нисо ҳам бе назорати қатъии сарпарастон калон шудааст, метавон гуфт дар кӯча, байни одамони гирду атроф. Бар ин бино, духтарак ҳеҷ як мушкилоти иҷтимоӣ надорад. Ягона мушкилӣ — ахлоқ аст, вай на ҳамеша таҳсилу машқ кардан мехоҳад. Балки ин ҳамаро кӯдакони маъмӯлӣ доранду, ӯ низ мисли онҳост", — қайд мекунад сарпараст.

Елена Нисоро аз хешовандонаш пинҳон карданӣ нест. Нисо медонад, ки вай дар Тоҷикистон бобо ва бибӣ дорад, ҳатто дар оянда ба назди онҳо сафар кардан мехоҳад.

Аз рӯи гуфтаҳои Котова, ба тифл фаҳмонидани вазъияти воқеӣ роҷеъ ба хешовандонаш осон набуд, чунки кӯдак дар аввал умуман намефаҳмид, ки ким-кадом як модари аслӣ, яъне биологӣ дорад.

Барои озодии духтар

Вазъи падари духтарак аз ин ҳам бадтар аст. Гарчанде ӯ дар паси панҷара менишинад, аммо духтарашро фаромӯш намекунад. Вай имконияти дидани кӯдакро пештар аз 13 сол метавонад пайдо кунад, зеро мувофиқи ҳукми додгоҳ, падари тифл пас аз 6 соли маҳбас барои шартан ва барвақт озод шудан, ҳуқуқи ироаи дархостро дорад.

"Падар масоили гуногунро баррасӣ мекунад, зеро барои ӯ пайвастан ба оила — ягона имкониятест, ки шаҳрвандии Русияро гирад, чун ба ҳар ҳол духтарак шаҳрванди Русия аст, на Тоҷикистон. Ҳадди ақал, вай хуб мефаҳмад, ки барояш аз маҳбас занг задан маъние надорад, чун давраи одаткунии тифл гузашта истодааст", — таъкид мекунад Елена Котова.

Мувофиқи суханони хонум, тибқи қонунгузори Русия, падар, новобаста аз гузаштаи ҷиноии худ, ҳаққи пурраи волидӣ дошта, барои ин кор иҷозати расмии сарпараст талаб карда намешавад.

Ва агар дар ин ҳолати муайян мақомоти ҳифзи атфол модари биологиро аз ҳуқуқи волидайнӣ маҳрум карда тавонанд, азбаски ӯ бо кӯдак умуман машғул нашудааст, вале падарро, то замони будубош дар маҳбас, наметавонанд аз ҳуқуқаш маҳрум кунанд.

Аммо ноил шудан ба ин кор осон нест. Аввалан, пас аз анҷоми мӯҳлати ҳукм, ӯро бо эҳтимоли зиёд ба ватанаш Тоҷикистон баргардонанду шомили феҳрастҳои сиёҳи идораи муҳоҷирати ВКД ФР кунанд. Дуюм, агар мурофиаи судӣ лозим шавад, пас мақомоти ваколатдор метавонанд хоҳиши фарзанди аллакай калонро ба назар гиранд, ки шояд дигар намехоҳад ба назди волидайни нохуби худ баргардад.

Бунёди хайриявии "Гаҳвораи умед" бори аввал нест, ки ба атфол ва кӯдакони муҳоҷир аз он ҷумла, кумак кунад. Бунёд кори "равзанаҳои ҳаёт" ё "қуттӣ барои кӯдак"-ро ташкил медиҳад. Ин ҷойҳои махсусест, ки модарон кӯдакони навзоди номатлуби худро махфиёна ва бидуни зӯроварӣ ба онҳо оварда мегузоранд. Ҳамин тариқ, ба хӯби огаҳанд, ки онҳоро ғамхорӣ мекунанд.

Елена Котова с таджикской девочкой Нисо из социальной сети Facebook
© Фото : из архива Елены Котовой
Елена Котова с таджикской девочкой Нисо из социальной сети Facebook

"Воқеае рух дода буд, ки як рӯз духтаре аз тарс ба волидонаш чизе нагуфта, тифлеро таваллуд кардаву, оварда ба "қуттӣ барои кудак" гузоштааст. Аммо баъд мо бо волидайн ва худи духтар кор бурдем, кӯдакро ба оила баргардонидем ва хешовандон ҳам омада, модари ҷавонро дастгирӣ карданд",  -  нақл мекунад Котова.

Дар маҷмӯъ, ихтиёриён ва коркунони бунёд таи фаъолияти худ 19 қуттӣ барои кӯдаконро муқаррар карда, 78 тифлро аз марг наҷот додаанд.

375
Барчаспҳо:
тарбия, кӯдак, фарзанд, модар, зан, Тоҷикистон, Русия
Девочка набирает холодную воду из фонтана

Гармии тоқатфарсо: пешгӯии дақиқи ҳавошиносон барои имрӯз

157
(Таҷдидшуда 11:01 04.07.2020)
 Имрӯз дар Тоҷикистон ҳаво камабри бебориш мешавад. Ҳарорати ҳаво дар вилояти Хатлон то 41 дараҷа гарм мешавад

ДУШАНБЕ, 4 июл – Sputnik. Бино ба гузориши Ожонси ҳавошиносӣ, имрӯз дар Вилояти Мухтори Кӯҳистони Бадахшон ҳаво камабр  шуда, эҳтимоли боришоти сусти марҳилавӣ дар назар аст. Шамол аз самти шарқ бо суръати 2-7 метр дар як сония мевазад.

Ҳаво дар ғарби вилоят   шабона 11+16 ва рӯзона 23+28 дараҷа гарм  мешавад. Дар  шарқи вилоят  ҳаво шабона аз 0+5 дараҷа гарм ва рӯзона 13+18 дараҷа гарм мешавад.

Ҳаво дар вилояти Суғд камабр шуда, дар баъзе ноҳияҳо эҳтимолияти боришоти суст дар назар аст. Шамол аз самти шарқ бо суръати 3-8 метр дар як сония мевазад. Ҳаво  дар водиҳо шабона 18+23 ва рӯзона 32+37 дараҷа гарм  мешавад. Дар ноҳияҳои кӯҳӣ ҳаво шабона 6+11 ва рӯзона 20+25 дараҷа гарм мешавад.

Дар вилояти Хатлон ҳаво камабри бебориш мешавад. Шамол аз самти шарқ бо суръати  3-8 метр дар як сония мевазад. Ҳаво дар водиҳо шабона 18+23 ва рӯзона 36+41 дараҷа гарм мешавад. Дар  доманакӯҳҳо ҳаво шабона 15+20 ва рӯзона 28+33 дараҷа гарм мешавад.

Дар шаҳру ноҳияҳои тобеи марказ ҳаво камабр шуда, эҳтимоли бориши нисбатан сусти марҳилавӣ дар назар аст. Шамол аз самти шарқ бо суръати 3-8  метр дар як сония  мевазад.  Ҳаво  дар водиҳо  шабона 15+20 ва рӯзона 32+37 дараҷа гарм мешавад.  Дар ноҳияҳои кӯҳӣ ҳаво шабона 10+15 ва рӯзона 25+30 дараҷа  гарм мешавад.

Дар шаҳри Душанбе ҳаво камабри бебориш мешавад. Шамол аз самти шарқ бо суръати 3-8  метр дар як сония   мевазад. Ҳаво шабона 16+18 ва рӯзона 34+36 дараҷа гарм мешавад.

157
Барчаспҳо:
ҳавошинос, дақиқ, пешгӯӣ, Тоҷикистон
Президент РФ В. Путин

Путин ба Ҳабиб Нурмуҳаммадов занг зад ва изҳори ҳамдардӣ кард

1748
(Таҷдидшуда 21:16 03.07.2020)
Раисҷумҳури Русия Владимир Путин дар робита ба даргузашти Абдулманап Нурмуҳаммадов, ба писари ӯ, қаҳрамони UFC дар вазни сабук Ҳабиб Нурмуҳаммадов занг зад ва изҳори тасаллият кард

ДУШАНБЕ, 3 июл — Sputnik. Кишвардори Русия Владимир Путин барои даргузашти падари Ҳабиб Нурмуҳаммадов ба ӯ занг зад ва изҳори ҳамдардӣ кард, хабар медиҳад котиботи президенти Русия.

Ба изҳори Песков, Владимир Путин бевосита худаш бо Ҳабиб тамос гирифт.

"Путин ба Ҳабиб Нурмуҳаммадов занг зада, дар робита ба вафоти падараш тасаллияти амиқ изҳор кард", - афзуд сухангӯи президенти Русия.

Ёдовар мешаве, мураббии шинохтаи рус Абдулманап Нурмуҳаммадов дар синни 58-солагӣ пас аз бемории тӯлонӣ дар беморхона даргузашт.

Падари размикори доғистонӣ тӯли чанд моҳ бо коронавирус мубориза мебурд.

Абдулманап Нурмуҳаммадов ҳанӯз моҳи май ба маризии сироятии коронавирус мубтало гардид. Нахуст табобатро дар Доғистон гирифт, аммо пас аз бад шудани аҳволаш ӯро фавран ба яке аз дармонгоҳҳои шаҳри Маскав интиқол доданд.

Марҳум ҳам сактаи қалб ва ҳам мағзи сар шуд.

Падари Ҳабиб Нурмуҳаммадов пас аз бемории шадид даргузашт

Рамазон Рабаданов яке аз дӯстони хонаводаи Нурмуҳаммадовҳо пас аз фавти мураббии шинохта гуфт, ки "табибон сактаи қалбашро беҳбуд бахшиданд, аммо сактаи мағзи сарро шифо бахшидан натавонистанд. Абдулманап ба ҳуш наомада ҷон бохт".

Абдулманап Нурмуҳаммадов 10 декабри соли 1962 дар Ҷумҳурии автономии Советии Доғистон таваллуд шудааст. Вай аз кӯдакӣ бо гӯштини тарзи озод машғул буд ва дар артиш ба тамрини ҷуо ва самбо сар кардааст.

Марҳум дорандаи унвони Устоди варзиш аз намуди  гӯштини озод мебошад.

Моҳи сентябри соли 2019 Абдулманап Нурмуҳаммадов барои тарбияи шумораи зиёдтарини чемпионҳои самбои муҳорибавӣ ба Китоби рекордҳои Русия дохил карда шуд.

1748
Барчаспҳо:
ҳамдардӣ, Ҳабиб Нурмуҳаммадов, Владимир Путин
Мавзуҳо:
Пайомадҳои COVID-19 дар Тоҷикистон ва ҷаҳон

Бозорҳои Тоҷикистон дар давраи ҳамагирии COVID - 19: гузориши аксӣ

0
(Таҷдидшуда 20:08 04.07.2020)
  • Посбон дар бозори Меҳргон ҳарорати бадани муштариёнро месанҷад
  • Аробакашон дар бозори Меҳргон
  • Бозори Меҳргон
  • Фурӯшанда дар бозори Меҳргон
  • Кормандони мақомот ҳарорати бадани муштариёнро месанҷанд.
  • Меваҳо дар бозори Меҳргон
  • Меваҳои қоқ дар бозори Меҳргон
  • Фурӯшанда дар бозори Меҳргон
  • Муштариён дар бозори Меҳргон
  • Фурӯшандаи бозори Меҳргон
  • Фурӯшандаи бозори Меҳргон
Зиндагии мардуми Тоҷикистон бо тадриҷ ба шакли маъмулӣ бозмегардад. Фаъолияти бозорҳои кишварро дар замони ҳамагирии COVID - 19 дар гузориши Sputnik Тоҷикистон тамошо кунед

Бозорҳои Тоҷикистон имрӯзҳо бо риояи ҳамаи қоидаҳои беҳдоштӣ ба фаъолият оғоз карданд. 

Дар дари даромади бозор ҳарорати бадани ҳар як муштарӣ санҷида мешавад.

Маъмулан дар назди даромади бозорҳо "кунҷи беҳдоштӣ" ташкил шудааст.

Бидуни ниқоб ба бозор ворид шудан мумкин нест, танҳо барои кӯдакон ин қоида истисно мешавад.

“Корвон” боз баста мешавад? – шарҳи мақомот

Ҳамаи фурӯшандагон низ бо ниқоб ҳастанд. Ҳамаи рафҳои савдо ҳамарӯза безарар гардонида мешаванд.

Зиёда аз ин ҳамаи бозорҳои бузурги кишварро кормандони мақомот ҳамарӯза тафтиш мекунанд.

0
  • Посбон дар бозори Меҳргон ҳарорати бадани муштариёнро месанҷад
    © Sputnik / Амир Исаев

    Посбон дар бозори Меҳргон ҳарорати бадани муштариёнро месанҷад.

  • Аробакашон дар бозори Меҳргон
    © Sputnik / Амир Исаев

    Аробакашон дар бозори Меҳргон.

  • Бозори Меҳргон
    © Sputnik / Амир Исаев

    Бозори Меҳргон имрӯзҳо боз пур аз муштарӣ аст.

  • Фурӯшанда дар бозори Меҳргон
    © Sputnik / Амир Исаев

    Фурӯшанда дар бозори Меҳргон. Ҳамаи фурӯшандагон низ бо ниқоб ҳастанд.

  • Кормандони мақомот ҳарорати бадани муштариёнро месанҷанд.
    © Sputnik / Амир Исаев

    Кормандони мақомот ҳарорати бадани муштариёнро месанҷанд. Ҳамаи рафҳои савдо ҳамарӯза безарар гардонида мешаванд.

  • Меваҳо дар бозори Меҳргон
    © Sputnik / Амир Исаев

    Меваҳо дар бозори Меҳргон. Рафъҳо аз меваҳои мавсимӣ пур шудааст.

  • Меваҳои қоқ дар бозори Меҳргон
    © Sputnik / Амир Исаев

    Меваҳои қоқ дар бозори Меҳргон.

  • Фурӯшанда дар бозори Меҳргон
    © Sputnik / Амир Исаев

    Фурӯшанда дар бозори Меҳргон. Бозорҳои Тоҷикистон имрӯзҳо бо риояи ҳамаи қоидаҳои беҳдоштӣ ба фаъолият оғоз карданд. 

  • Муштариён дар бозори Меҳргон
    © Sputnik / Амир Исаев

    Муштариён дар бозори Меҳргон. Бидуни ниқоб ба бозор ворид шудан мумкин нест, танҳо барои кӯдакон ин қоида истисно мешавад.

  • Фурӯшандаи бозори Меҳргон
    © Sputnik / Амир Исаев

    Фурӯшандаи бозори Меҳргон. Фурӯшандагон низ ҳатман ниқоб мепӯшанд.

  • Фурӯшандаи бозори Меҳргон
    © Sputnik / Амир Исаев

    Фурӯшандаи бозори Меҳргон. Барои фурӯшандагон низ пӯшидани ниқоб ҳатмӣ мебошад.

Барчаспҳо:
вируси нав, фаъолият, бозор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон