Наворбардорон, акс аз бойгонӣ

Дастгоҳи раисиҷумҳур нақшаи мулоқоти вазиру раисҳоро бо рӯзноманигорон тасдиқ кард

407
Дастгоҳи иҷроияи раисиҷумуҳури Тоҷикистон нақшаи нишастҳои навбатии матбуотӣ бо ҳузури роҳбарони идораҳои давлатиро тасдиқ кардааст

ДУШАНБЕ, 16 дек — Sputnik. Тибқи нақшаи мазкур нишастҳои матбуотии навбатӣ 28 январ оғоз гардида, то 15 феврали соли 2019 идома хоҳанд дошт.

Хабаргузории “Ховар” иттилоъ додааст, ки ҳамарӯза дар сомонаи ожонси мазкур сана ва соати баргузории нишасти матбуотии идораҳо нашр мегардад.

Хабаргузорӣ аз масъулони вазорату кумитаҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, даъват намудааст, ки вақти баргузории нишастҳои матбуотиро дар толори Маркази матбуоти ҷумҳуриявӣ бо “Ховар” мувофиқа кунанд.

Нишастҳои матбуотӣ бо ҳузури роҳбарони идораҳои давлатӣ ҳар шашмоҳа бар асоси амри раисиҷумҳури Тоҷикистон аз 15 сентябри соли 2011 гузаронида мешаванд.

407