Шухрат Улфатов с женой Рачабмох Исоевой

Ба Шӯҳрат аз марги зану фарзандаш хабар доданд, ӯ аз ҳуш рафт

1337
Наздикони ҷавон дарҳол ёрии таъҷилӣ даъват карда, ӯро бемористон интиқол доданд. Ба гуфтаи онҳо, ҳоло вазъаш хуб аст

ДУШАНБЕ, 29 янв — Sputnik. Ба Шӯҳрат Улфатов, муҳоҷири тоҷике, ки дар пайи ҳодимсаи Магнитогорск маҷрӯҳ гашта, ҳамсар ва фарзандонашҳалок шуданд, аз марги пайвандонаш хабар доданд. Дар ин бора ба Sputnik Тоҷикистон Бахтиёр Султонов, тағои ҷавон хабар дод.

Ба гуфтаи вай, тақрибан соатҳои 11-и Русия волидони Шӯҳрат Тӯтихон ва Маҳмадшо Улфатовҳо хабар доданд, ки ҳамсар ва фарзандони Шӯҳрат зери харобаҳо монда, ҳалок гаштанд.

"Волидон ва пайвандон ба Шӯҳрат хабар доданд, ки ҳамсар ва фарзандонаш зери харобаҳо ҳалок гаштанд. Ӯ бо шунидани ин хабар аз ҳуш рафтааст. Волидон дарҳол Шӯҳратро ба бемористон интиқол доданд", - тавзеҳ дод Султонов.

Вай афзуд, ки феълан вазъи Шӯҳрат хуб аст.

Хонаводаи Шӯҳрат Улфатов дар шаҳри Челябинск қарор доранд ва ба гуфтаи Бахтиёр Султонов, баъди гирифтани ҷубронпулии Ҳукумати Русия ба Тоҷикистон бармегарданд.

1337
Такси в Душанбе

Ҷаримабандии ронандаи ширкати "Olu4a Taxi": ҷавондухтари велоспедронро таҳқир кард

690
Раёсати умури дохилии Тоҷикистон аз ҷаримандӣ шудани ронандаи ширкати "Olu4a Taxi" хабар медиҳад, ки ҷавондухтари велосипедронро мавриди таҳқир қарор додааст

ДУШАНБЕ, 27 май — Sputnik. Кормандони Раёсати умури дохилӣ дар шаҳри Душанбе дар асоси шикояти як ҷавондухтар ронандаи ширкати "Olu4a Taxi" - ро боздошт намуданд.

Ба иттилои котиботи РВУД дар шаҳри Душанбе, духтар бо ирсол намудани  расми автомашинаи тамғаи Хундай рақамҳои қайди давлатиаш 1953 ТТ 05 мусофирбари ширкати "Olu4a Taxi" аз кормандони милитсия хоҳиш намуд то нисбати ронандаи автомашинаи мазкур чораҳои қонунӣ андешида шавад.

"Ба иттилои муроҷиаткунанда санаи 22-юми майи соли 2020 ҳангоми дар кӯчаи Н. Муҳаммад, назди собиқ бозори Шоҳмансури шаҳри Душанбе тариқи велосипед ҳаркат доштанаш, ронандаи автомашинаи мазкур монеи ҳаракати ӯ шуда, ҳамзамон нисбаташ ҳаракати таҳқиромез нишон дода, шаъну шарафашро паст задаст", - таъкид мешавад дар хабар.

Ирина барои кӯфтани муҳоҷирзани тоҷик ҷаримабандӣ шуд: ҷабрдида ба кумак ниёз дорад

Зимнан, муайян карда шуд, ки ронандаи автомашинаи мазкур шаҳрванд Самадзода Сомон Шарофатулло, соли таваллудаш 1989, истиқоматкунандаи шаҳри Душанбе мебошад.

Нисбати Самадов бо моддаи 460 Кодекси ҳуқуқвайронкунии маъмурии Ҷумҳурии Тоҷикистон парвандаи маъмурӣ тартиб дода шуда, барои баррасӣ ба суди ноҳияи Шоҳмансури шаҳри Душанбе ирсол гардид.

Суд дар нисбаташ ҷазои маъмурӣ дар намуди ҷарима ба андозаи 7 нишондиҳанда барои ҳисобҳо татбиқ намуд.

690
Барчаспҳо:
такси, ронанда, ҷарима
Эмомали Раҳмон, раисиҷумҳури Тоҷикистон, акс аз бойгонӣ

Қарори Ҳукумат барои пардохти кумакпулиҳо ба мардум: киҳо ва чанд сомонӣ мегиранд?

4802
(Таҷдидшуда 17:27 27.05.2020)
Эмомалӣ Раҳмон, раисиҷумҳури Тоҷикистон, бо имзои қарори Ҳукумат, тартиби нави пардохти кумакпулиҳои иҷтимоӣ ба оилаҳои камбизоатро тасдиқ карда, барои иҷрои он дастур додааст

ДУШАНБЕ, 27  май — Sputnik. Тибқи тартиботи нав, кумакпулиҳои иҷтимоӣ ба камбизоатон аз буҷаи давлат дар ҳаҷми 116 сомонӣ ҳар чормоҳа, дар маҷмуъ соле 464 сомонӣ пардохт мегарданд.

Бар асоси қарор, ки Эмомалӣ Раҳмон, 14 май имзо кардааст, кумакпулиҳо ба бархе шаҳру навоҳӣ аз 1 июл пардохта мешаванд.

Таъйину пардохти кумакпулиҳо аз 1 июл барои оилаҳо ва шаҳрвандони камбизоат дар навоҳии Вахш, Восеъ, Данғара, Дӯстӣ, Кӯшониён, Носири Хусрав, Мир Сайид Алӣ Ҳамадонӣ, Қубодиён, Хуросон, Ҷайҳун ва Абдураҳмони Ҷомии вилояти Хатлон амалӣ мешавад.

Кумакпулиҳо барои камбизоатон инчунин дар шаҳру навоҳии Гулистон, Исфара, Истиқлол, Ашт, Мастчоҳ, Ҷаббор Расулов, Бобоҷон Ғафуров, Деваштич ва Спитамени вилояти Суғд, шаҳру навоҳии тобеи марказ – Варзоб, Ваҳдат, Роғун ва Турсунзода таъйину пардохт мешаванд.

Дар қарор инчунин омадааст, ки аз 1 июл кумакпулиҳо барои камбизоатон дар навоҳии Сино, Фирдавсӣ, Шоҳмансур ва Исмоили Сомонии шаҳри Душанбе низ пардохт мегарданд.

Бар асоси тартиби муқарраршуда, барои дастрас кардани пардохту кумакпулиҳои иҷтимоӣ афроду оилаҳои камбизоат бояд дар мақомоти маҳаллии ҷои истиқоматашон ба қайд гирифта шаванд.

4802
Барчаспҳо:
камбизоат, кумакпулӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Доставка гуманитарного груза медикаментов из Индии в Таджикистан

Ба беморони КОВИД-19 тақсим мекунанд: ба беморхонаи "Истиқлол" доруворӣ дастрас шуд

0
(Таҷдидшуда 17:12 28.05.2020)
Ҳоло дар Маҷмааи тандурустии "Истиқлол" тамоми маводи тиббии зарурӣ захира шуда, ба беморон тақсим карда мешаванд.

ДУШАНБЕ, 28  май — Sputnik. Имрӯз Раёсати тандурустии шаҳри Душанбе бо мақсади таъмин намудани беморон бо маводи тиббӣ, пешгирӣ ва табобати беморони сирояти коронавируси  нави COVID-19 ба Маҷмааи тандурустии "Истиқлол" маводи тиббӣ дастрас намудаст.

Дар ин бора Вазорати тандурустии Тоҷикистон гузориш медиҳад.

"Мавод ва таҷҳизоти тиббие, ки аз ҷониби созмону ташкилот ва давлатҳои алоҳида ба Тоҷикистон ворид мегарданд, тибқи талабот ба муассисаҳои тандурустии мамлакат  дастрас карда мешаванд", - менависад манбаъ.

Гуфта мешавад, феълан дар Маҷмааи тандурустии "Истиқлол" тамоми  маводи тиббии зарурӣ захира шуда, ба беморон тақсим карда мешаванд.

То соати 17:30 дақиқаи 27 май дар кишвар 3424 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1575 нафар шифо ёфтаанд.

Ӯзбекистон ба Тоҷикистон 24 тонна маводи доруворӣ фиристод

Ба иттилои котиботи Вазорати тандурустӣ, шабонарӯзи гузашта ягон мавриди фавт аз ин беморӣ сабт нагардидааст. Теъдоди қурбониён дар Тоҷикистон ҳамоно 47 нафар арзёбӣ мешавад.

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мегӯяд, то 27 майи соли равон дар мамлакат 2501 нафар зери назорати табибон қарор дошта, дар як шабонарӯзи охир 385 нафар пас аз шифо ёфтан ба хонаҳояшон рухсат дода шудаанд.

0
Мавзуҳо:
Пайомадҳои COVID-19 дар Тоҷикистон ва ҷаҳон