Эълони шаҳрдорӣ: қатъи обрасонӣ ба 2 ноҳияи Душанбе барои тармими қубури калон

© Sputnik / Максим Богодвид / Гузариш ба медиабонкВодопроводный кран, архивное фото
Водопроводный кран, архивное фото - Sputnik Тоҷикистон
Обуна шудан
Рустами Эмомалӣ, шаҳрдори Душанбе қарор барои қатъи интиқоли оби нӯшокӣ тариқи қубури қутраш 600 мм дар чорроҳаи хиёбони Рӯдакӣ бо кӯчаи Карамовро имзо кардааст

ДУШАНБЕ, 1 мар — Sputnik. Тибқи иттилои шаҳрдорӣ, ба далели тармими қубури ин чорроҳа интиқоли об тариқи он аз соати 23:00-и 1 март то 23:00-и 2 март қатъ карда мешавад.

Рустами Эмомалӣ, шаҳрдори Душанбе дар ҷаласаи Ҳукумати Тоҷикистон - Sputnik Тоҷикистон
Андоз намепардозанд: азми Рустами Эмомалӣ барои арзонӣ дар бозорҳои Душанбе

Манбаъ афзуд, обрасонӣ ба як қатор маҳаллаҳо дар ноҳияҳои Исмоили Сомонӣ ва Шоҳмансури Душанбе қатъ мегардад.

 Аз ҷумла дар ноҳияи Исмоили Сомонӣ - ба маҳаллаҳои А.Соатов, Амиршоев, Заҳматобод, Саҳбо, Қ.Раҳимов, Анзоб, Гулистон, Зайнаб-бибӣ, У. Хайём ва Сари - Осиё, кӯчаҳои Н.Хисрав, М.Турсунзода, Ш.Шоҳтемур, П.Толис, Гагарин, Сурхоб, Меҳнат, Карамов, Пушкин, Шевченко, хиёбони Рӯдакӣ - аз кӯчаи У.Хайём то буриши кӯчаи С.Ғанӣ, инчунин Муассисаи давлатии “Боғи фарҳангию фароғатии “Айнӣ” обрасонӣ масдуд мешавад.

Дорожная техника расчищает автомобильную дорогу от лавины, архивное фото - Sputnik Тоҷикистон
IRS: роҳи Душанбе – Хуҷанд аз 2 тараф баста аст

Дар феҳрасти маҳаллаҳои ноҳияи Шоҳмансур, ки тайи як шабонарӯз об нахоҳанд гирифт, шаҳрдорӣ  маҳаллаҳои Н.Муҳаммад, Қурғон, Хоруғ, Баҳорӣ, Бадахшон-1 ва Бадахшон-2, кӯчаҳои Дӯстии халқҳо, А.Дониш, Истаравшан, Ҳусейнзода, Нарзиқулов, академикҳо Раҷабовҳо, Бофанда ва С.Айнӣ - аз хонаи №1 то №77-ро ном бурд.

Раиси Душанбе мақомоти ин ду ноҳияро муваззаф кардааст, ки дар ин муддат бо истифода аз мошинҳои обкаш сокинони маҳаллаҳои номбурдаро бо оби нӯшокӣ таъмин намоянд.

Лентаи хабарҳо
0