Похороны Бозора Собира

Расоиддин Тешаев, сокини кушташудаи Ворух шаҳрванди Русия буд

3834
(Таҷдидшуда 16:17 15.03.2019)
Марҳум соле пеш барои хабаргирии падари 84-солааш ба Исфара баргашт. Ӯ рӯзи ҷанҷол ба муҳофизати ҳамсари бародарон ва фарзандони онҳо, ки худ дар Русия буданд, ба деҳаи Меҳнатобод меравад ва кушта мешавад

ДУШАНБЕ, 15 мар — Sputnik. Расоиддин Тешаев, сокини 37-солаи маҳаллаи Тидони ҷамоати Ворух, ки дар пайи задухӯрди марзӣ кушта шуд, шаҳрванди Русия низ будааст. Дар ин бора ба Sputnik Тоҷикистон бародари марҳум Вафоуддин Тешаев хабар дод.

Ёдрас мешавем, рӯзи гузашта, 14 март дар марзи Тоҷикистону Қирғизистон, мавзеи Меҳнатободи ҷамоати Ворух ва Оқсойи ноҳияи Ботканд танишҳои марзӣ идома ёфтанд ва дар пайи тирпарронии ҷониби Қирғизистон як шаҳрванди Тоҷикистон (ки шаҳрванди Русия низ будааст - идора), Расоиддин Тешаев кушта шуд.

Имрӯз наздикони Тешаев хабар доданд, ки мард дар Русия кору зиндагӣ мекард ва шаҳрвандии ин кишварро ба даст оварда буд.

Ба гуфтаи онҳо, Расоиддин ҳудудан як сол пеш барои хабаргирии падари 84-солааш ба Ворух бармегардад ва ният дошт, ки тобистон ҳамроҳи хонаводааш дубора ба Русия равад.

"Расоиддин устои чирадасте буд. Бештар аз 10 сол дар шаҳри Барнаул кор ва зиндагӣ мекард. Соли гузашта ба хотири бемории падари 84-солаамон ба Ворух омад ва нияти бозгашт ба Русияро дошт", - мегӯяд бародари марҳум.

Тешаев дар маркази Ворух, маҳаллаи Тидон зиндагӣ мекардааст. Аммо мазили ду бародараш, ки худ дар Русия муҳоҷир будаанд, дар деҳаи Меҳнатобод будааст. Марҳум, бо шунидани нооромӣ дар марз, ба хотири хабаргирии ҳамсару фарзандони бародаронаш ба ҷои ҳодиса меравад.

"Ӯ ба кӯдакони бародаронаш хавотир шуда, ба минтақаи даргирӣ меравад. Вақти задухӯрд аввал ба дасташ тир мехӯрад ва вақте тоб мехӯрад тири дувум ба тахтапушташ зада, то дилаш мегузарад ва дар пайи ҷароҳати вазнин вафот мекунад", - мегӯяд Вафоуддин Тешаев.

Аз ҷавон се фарзанд, ки калониашон 11 сол ва ду фарзанди дигараш хурдсол будаанд, ятим монданд.

Расоуддинро имрӯз, 15 март баъди намози ҷумъа ба хок супурданд.

Ёдрас мешавем, Расоуддин Тешаев дувумин қурбонии даргириҳои марзии Қирғизистону Тоҷикистон аст. Рӯзи 13 март дар пайи чунин як ҷанҷол дар ҷамоати Чоркӯҳ Ҳусейн Ҳакимови 43-сола, ки омӯзгори мактаби рақами 49-и деҳа буд, ба ҳалокат расид.

Даргирии марзӣ дар сарҳади Тоҷикистону Қирғизистон шоми 13 март сар шуд. Сабаби муноқиша сохтмони роҳ дар минтақаи баҳснок гуфта мешавад.

Чанде пеш аввалин натиҷаҳои гуфтушуниди ҳайъати Тоҷикистон ва Қирғизистон маълум шуданд.

Жениш Разаков, ноиби нахуствазири Қирғизистон, акс аз бойгонӣ
© Фото : Пресс-служба правительства КР / Сабыр Аильчиев

Рамазон Раҳимзода, вазири умури дохилаи Тоҷикистон ва ҳамтои қирғизаш Қашқар Ҷунушалиев таниш дар марзи Тоҷикистону Қирғизистонро баррасӣ карда, барои амният дар навоҳии наздимарзӣ созиш кардаанд.

Ҷонибҳо барои ташкили гуруҳи муштараки оперативӣ - тафтишотӣ ба тавофуқ расидаанд, ки ба таҳқиқи қазия машғул мегардад.  

Созиши дуюми вазирҳо ташкили гуруҳҳои дидбонӣ бо шумули милисаҳои Тоҷикистон Қирғизистон мебошад, ки шабонарӯз навбатдорӣ хоҳанд кард. Ин гуруҳҳо ба таъмини амнияту тартибот ва кумак ба сокинони наздимарзӣ машғул хоҳанд шуд.

Созиши сеюми вазирони умури дохилӣ ин муҷозоти гунаҳкорон мебошад, ки дар пайи чорабиниҳои оперативӣ-тафтишотии муштарак муайян хоҳанд шуд ва нисбаташон қарори мунсифона қабул хоҳад шуд.

3834
Мавзуҳо:
То кай?: танишҳои марзӣ миёни Тоҷикистону Қирғизистон (91)
День 15 июля

Ҷашнҳои рӯзи 15 июл дар Тоҷикистон ва ҷаҳон

41
(Таҷдидшуда 20:05 14.07.2020)
Рӯзи понздаҳуми июл Рӯзи байналмилалии малакаи ҷавонон буда, дар Ботсвана – Рӯзи президент ва дар Бруней  – Рӯзи султон мебошад

Рӯзи 15 июл дар ҷаҳон чӣ рух дод

Соли 1888 аввалин маротиба дар таърихи 1000-солаи Ҷопон вулқони Бандай фаввора зад.

День 14 июля
© Sputnik / Стас Этвеш / Вишнякова Мария

Соли 1922 Ҳизби коммунистии Ҷопон таъсис дода шуд.

Соли 1923 Парлумони Италия Конститутсияи нав қабул кард.

Соли 1933 аввалин маротиба яккапарвозӣ бо ҳавопаймо дар гирди кураи Замин оғоз гардид.

Соли 1965 Конгресси ИМА қонунеро қабул намуд, ки талаб мекард дар қуттиҳои сигор ба саломатӣ зиён доштани он навишта шавад.

Соли 1992 миёни Ҷумҳурии Тоҷикистон ва Ҷумҳурии Исломии Афғонистон муносиботи дипломатӣ барқарор гардиданд.

Рӯзи 15 июл дар Тоҷикистон чӣ рух дод

Соли 2009 Сарвари давлат Эмомалӣ Раҳмон дар Миср дар маросими муаррифии китоби «Тоҷикон дар оинаи таърих» бо тарҷума ба забони арабӣ иштирок ва суханронӣ намуд.

День 13 июля
© Sputnik / Стас Этвеш / Вишнякова Мария

Соли 2009 дар Миср зимни вохӯрии Эмомалӣ Раҳмон ва Президенти вақти Филиппин хонум Глория Макапагал Арройо масоили ташкил ва густариши ҳамкории судманд миёни ду кишвар баррасӣ шуд.

Соли 2010 Эмомалӣ Раҳмон ва  муовини ёвари Президенти вақти Иёлоти Муттаҳидаи Америка Майкл Макфол масоили ҳамкории гуногунҷанбаи Тоҷикистону Америкаро баррасӣ намуданд.

Соли 2015 Сарвари давлат Эмомалӣ Раҳмон баҳри шиносоӣ бо ҷараёни корҳои барқарорсозӣ ва суҳбат бо бинокорони Неругоҳи барқи обии «Роғун» ба мавзеи бунёди ин иншоот ба шаҳри Роғун сафар карда, дар он ҷо аз тамоми қитъаҳои сохташавандаи рӯизаминӣ ва иншооти асосии зеризаминӣ боздид намуд.

Соли 2016 дар шаҳри Душанбе иҷлосияи ҳафтуми палатаи болоии Парлумони Тоҷикистон, даъвати панҷум баргузор гардид, ки дар он қариб 40 масъала баррасӣ карда шуд.

Ҷашнҳои рӯзи 15 июл

  • Рӯзи байналмилалии малакаи ҷавонон.
  • Дар Ботсвана – Рӯзи президент.
  • Дар Бруней  – Рӯзи султон.

Рӯзи 15 июл кӣ ба дунё омадааст

1606 — Рембрандт Харменс ван Рейн (соли даргузашт 1669), яке аз рассомони машҳури ҳолландӣ.

1870 — Леонид Красин (соли даргузашт1926), револютсионери русиягӣ, корманди ҳизбӣ.

1905 — Александр Хвиля (фавт 1976), ҳунарманди русиягӣ ва украинӣ, ҳунарманди халқии ИҶШС.

1939 - Алӣ Ҳоманаӣ, сиёсатшиноси эронӣ, президенти Эрон (1981—1989), раҳбари давлат  (аз соли 1989).

Рӯзи 15 июл дар Тоҷикистон кӣ ба дунё омадааст

1922 – ҳунарманди шоистаи Тоҷикистон Ҳалима Насибулина.

1941 – журналист Нур Табаров.

1948 – журналист Саидқул Шопалангзода.

1953 – журналист ва нависанда Раҳмон Остон.

1954 – нависанда  Баҳманёр.

Рӯзи 15 июл кӣ даргузашт

1904 — Антон Чехов (соли таваллуд 1860), драматург ва нависандаи рус.

Рӯзи 15 июл дар Тоҷикистон кӣ даргузашт

1954 — Садриддин Айни (соли таваллуд 1878), шоир ва нависандаи тоҷик, асосгузори адабиёти муосири тоҷик.

41
Барчаспҳо:
Тоҷикистон, ҷашн, Ҷаҳон
Мавзуъ
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 11 июл дар Тоҷикистон ва ҷаҳон
Ҷашнҳои рӯзи 13 июл дар Тоҷикистон ва ҷаҳон
Ҷашнҳои рӯзи 14 июл дар Тоҷикистон ва ҷаҳон
Ҷашнҳои рӯзи 12 июл дар Тоҷикистон ва ҷаҳон
Сабзавоти вилояти Суғд. Акс аз бойгонӣ

Олимон сабзавотеро ном бурданд, ки коронавирусро нест мекунад

2015
(Таҷдидшуда 17:29 14.07.2020)
Олимони фаронсавӣ сабзавотеро ном бурданд, ки қодир аст коронавируси навъи COVID - 19 - ро нест кунад

ДУШАНБЕ, 14 июл – Sputnik. Пажӯҳишгарони Донишгоҳи Монпеле дар Фаронса карамро аз маҳсулоте гуфтанд, ки метавонад коронавируси навъи COVID - 19 - ро нест кунад, хабар медиҳад нашриёти бритонии The Sun.

Бино ба гуфти коршиносон дар кишварҳое, ки карам дар ғизои рӯзмарра бештар истифода мешавад, сатҳи фавт аз коронавирус дар қиёс бо дигар мамолик камтар аст.

Аз ҷумла дар Олмон ва Куреи Ҷанубӣ сатҳи фавт аз коронавирус камтар ба қайд гирифта шудааст.

Намакоб аз сирояти коронавирус нигоҳ медорад?

Пажӯҳишгарон таъкид мекунанд, ки карам дар худ моддае дорад, ки монеъи хуруҷи коронавирус мешавад. Ҳамин тавр, дар дохили карам антиоксидантҳое мавҷуданд, ки баданро аз вирус муҳофизат мекунанд.

Пештар олимони юнонӣ доруи қадимиеро ном бурданд, ки метавонад инсонро аз коронавирус наҷот диҳад. Ин дору колхитсин мебошад, ки ҳанӯз чанд аср пеш чун доруи зидди илтиҳоб истифода мешуд.

2015
Барчаспҳо:
вируси нав, нест мешавад, олимон, Ҷаҳон
Мавзуҳо:
Пайомадҳои COVID-19 дар Тоҷикистон ва ҷаҳон
Штартгина Лариса Вячесламовна учитель фортепиано

Аз забони қирғизӣ то суруду мусиқӣ: камбуди садҳо омӯзгор дар мактабҳои Тоҷикистон - омор

0
(Таҷдидшуда 09:15 15.07.2020)
Вазорати маориф ва илми Тоҷикистон аз камбуди ҳудуди 3 ҳазор омӯзгор дар мактабҳои таҳсилоти умумӣ хабар дод

ДУШАНБЕ, 15 июл — Sputnik. Бино ба оморе, ки маркази матбуоти вазорат дар ихтиёри Sputnik Тоҷикистон гузошт, мактабҳои Тоҷикистон ба 2 ҳазору 959 омӯзгор ниёз доранд.

Бино ба ин додаҳо, аз ҳама зиёд камбуди омӯзгорон дар мактабҳои вилоятҳои Хатлон (942), Суғд (882) ва навоҳии тобеи ҷумҳурӣ (857) мушоҳида мешавад.

Дар Вилояти мухтори Кӯҳистони Бадахшон ҳамагӣ 83 ва шаҳри Душанбе – 195 омӯзгор намерасад.

Аз рӯи таносуби фанҳои таълимӣ мактабҳои Тоҷикистон ба омӯзгорони фанҳои математика ва геометрия (357), забони русӣ (304) забони англисӣ (307), технологияи информатсионӣ (242), химия (243), физика ва астраномия (264), таърих ва ҳуқуқ (157), технология (таълими меҳнат, 144), синфҳои ибтидоӣ (120), тарбияи ҷисмонӣ (109), забон ва адабиёти тоҷик (105), биология (105), география (87), суруд ва мусиқӣ (83), омодагии дифои ҳарбӣ (81), методикаи томактабӣ (52), санъати тасвирӣ (51), равоншинос (38), забони арабӣ (37), забони давлатӣ (26) ва алифбои ниёгон (22) ниёз доранд.

Дар вилояти Суғд ба 3 омӯзгори забон ва адабиёти ӯзбек ва дар Кӯҳистони Бадахшон ба 2 омӯзгори забони қирғизӣ эҳтиёҷ доранд.

Тибқи иттилои вазорати маориф ва илм, ҳоло дар Тоҷикистон 3884 муассисаи таҳсилоти умумӣ вуҷуд дорад, ки дар онҳо 124 ҳазору 593 омӯзгор, ба шумули 74 ҳазору 046 зан дарс мегӯянд.

Аз ин шумора 92 ҳазору 224 нафар (50 ҳазору 708 зан) ё 74,1% маълумоти олӣ, 30 ҳазору 578 нафар (21 ҳазору 965 зан) ё 24,5% маълумоти миёнаи касбӣ ва 1 ҳазору 791 нафар (1 ҳазору 368 зан) ё 1,4% маълумоти миёнаи умумӣ доранд.

Бино ба ин манбаъ, дар муассисаҳои таҳсилоти умумии Тоҷикистон теъдоди хонандагон ба 2 миллиону 33 ҳазору 900, ба шумули 980 ҳазору 766 духтар расидааст.

Пешниҳоди омори норасоии омӯзгорон аз суи Вазорати маориф дар ҳолест, ки вазири собиқ Нуриддин Саид дар нишастҳои матбуотияш мегуфт, дар Тоҷикистон мушкили камбуди омӯзгорон қариб ҳал шудааст.

0