Google, акс аз бойгонӣ

Шӯрои ВАО дар бораи қиматшавии интернет, мудирияти нодурусти соҳа ва пайомадҳои он

215
(Таҷдидшуда 18:07 21.03.2019)
Шӯрои Воситаҳои ахбори оммаи Тоҷикистон изҳорот додааст, ки боло бурдани арзиши Интернет дар шароити ногувори иқтисодӣ, дастрасии шаҳрвандонро ба иттилоот маҳдуд мекунад ва ба ин васила вазъи бе ин ҳам ногувори озодии баёнро дар Тоҷикистон ногувортар менамояд

ДУШАНБЕ, 21 мар - Sputnik. Шӯрои ВАО-и Тоҷикистон бо нашри як изҳорот фармоиши Хадамоти зиддиинҳисории назди Ҳукумат “Дар бораи тарифҳои алоқаи барқӣ”-ро, ки 4 марти соли 2019 содир шудааст, тасмими ноҳисобшуда ва номувофиқ ба вазъи иқтисодии кишвар ва шаҳрвандон медонад.

Шӯро ин тасмимро, ки бар асоси он нархи интернет аз охири моҳи равон дар кишвар боло бурда мешавад, хилофи масъулиятҳои байналмилалии Тоҷикистон, аз ҷумла масъулиятҳое хондааст, ки кишвар дар доираи узвияти Созмони ҷаҳонии тиҷорат пазируфтааст.

Манбаъ зикр кардааст, ки тибқи Стратегияи миллии рушди Тоҷикистон то соли 2030 яке аз самтҳои афзалиятнок барои самаранокии фаъолияти ҳукумат ин татбиқи ҳарчи зудтари ҳукумати электронӣ ва дар рушди иқтисодиёт бошад бахши иктисодиёти рақамӣ аст ва ин тасмими Хадамот расидан ба ин гуна ҳадафҳои стратегии миллиро душвор мегардонад.

“Тоҷикистон тибқи Конститутсия ва қонунгузорӣ ҷумҳурии демократӣ аст ва дар ҷомеаи демократӣ Интернет яке аз василаҳои зудамали на танҳо дарёфт ва табодули иттилооти озод мебошад, балки он ба як самти афзалиятноки рушди иқтисоди миллӣ ба хотири беҳдошти зиндагии азрзандаи мардум низ табдил ёфта истодааст. Бинобар ин, бар асари боло бурдани арзиши Интернет дастрасии мардум ба он ва ҳамин гуна ба ахбору иттилои муҳими ҷаҳонӣ маҳдуд мешавад, ки ин хилофи меъёрҳои демократӣ ва пазируфташудаи ҷаҳонӣ мебошад”, - омадааст дар изҳорот.

Шӯрои ВАО ҳамчунин нигаронии худро аз додани афзалият ба яке аз ширкатҳои ҳозир дар бозор, изҳор медорад ва ин корро хилофи мантиқи фаъолияти худи Хадамоти зиддиинҳисорӣ ва талаботи қонунҳои Тоҷикистон, аз ҷумла “Дар бораи монополияҳои табиӣ”, “Дар бораи ҳифзи ҳуқуқи истеъмолгарон”, “Дар бораи рақобат ва маҳдудкунии фаъолияти инҳисорӣ дар бозорҳои мол”, “Дар бораи ҳуқуқи дастрасӣ ба иттилоот”, “Дар бораи алоқаи барқӣ”, “Дар бораи ҳимоя ва дастгирии давлатии соҳибкорӣ” медонад.

Ҳамчунин Шӯрои ВАО аз сол то сол паст шудани сифати хидматрасониҳои соҳаи алоқа, аз ҷумла сифату суръати Интернет ва дар ин замина гарон шудани арзиши гуфтугӯҳои телефонӣ ва дигар хидматрасониҳои интернетӣ изҳори нигаронӣ карда, онро пайомади мудирияти нодурусти соҳа медонад. Ин ҳам дар ҳоле, ки чанд сол пеш Тоҷикистон пешгоми таҳаввулот дар бозори алоқаи кишварҳои Осиёи Марказӣ ва ҳато кишварҳои пасошӯравӣ буд.

Шӯрои ВАО чунин меҳисобад, ки дар шароити ногувори иқтисодӣ ва вазъи ноҷӯри иҷтимоии шаҳрвандон, бидуни асос ва мантиқ боло бурдани арзиши Интернет ва хидматрасониҳо дигар пайомадҳои нохуби иқтисодиву иҷтимоӣ бар ҷой мегузорад.

Ин созмон афзуд, дар ҳоле, ки дар тамоми дунё, аз ҷумла ҳамсояҳои давру бари мо, тамоюли рӯ ба пойин рафтани арзиши Интернет мушоҳида мешавад, ин тасмим боиси норозигиҳо ва адами эътимод ба ниҳодҳои давлатӣ ва ҳукумат мегардад.

Шӯрои ВАО аз мақомоти зидахли давлатӣ бекор кардани Фармоиши Хадамоти зиддиинҳисории назди Ҳукумати Ҷумҳурии Тоҷикистон “Дар бораи тарифҳои алоқаи барқӣ”-ро дархост намуда, изҳори умед кардааст, ки минбаъд арзиши Интернет дар кишвар арзон мешавад ва дастрасии шаҳрвандон ба иттилоот ва дигар хизматрасониҳои фанновариҳои ҷадид роҳаттар мегардад.

215

Марди ҳиндӣ барои ҳифозат аз коронавирус ниқоби тиллоӣ бо арзиши 4 000 доллар мепӯшад

2079
Ин мард мегӯяд, ниқоби тиллоиро пас аз он фармоиш дод, ки нафареро бо ниқоби нуқрагӣ дида буд. Ниқоби ӯ 2,5 кило вазн дорад

ДУШАНБЕ, 5 июл — Sputnik. Шанкар Кударе шаҳрванди Ҳиндустон бо арзиши 4 ҳазор доллар ниқоби тиллоӣ харида барои муҳофизат кардани худ аз коронавирус мепӯшад. Дар ин бора худи ӯ ба РИА Новсоти хабар додааст.

Сокини иёлати Махараштра изҳор доштаст, ки пас аз дидани нафаре бо ниқоби нуқрагӣ, хост барои худ айнан чунин ниқоб, вале тиллоиро фармоиш диҳад.

"Он замон дар сарам фикре дар бораи фармоиш додани ниқоби тиллоӣ пайдо шуд. Азбаски ман тиллоро дӯст медорам ва занҷирҳои тиллоро мепӯшам, қарор додам чаро ниқоби тиллоиро напӯшам? Сипас аз заргари маҳаллӣ хоҳиш кардам, ки барои ман ниқоби тиллоиро омода созад", - афзудааст Кударе.

Дунёи ниқобпӯшон: роҳҳои пешгирӣ аз коронавирус дар кишварҳои гуногун - акс

Ниқоби ӯ 2,5 кило вазн дошта 3870 доллар арзиш дорад.

Ӯ мегӯяд, барои муҳофизат кардан аз маризии коронавирус танҳо пӯшидани ниқоб кумак намекунад. Аз ин рӯ, номбурда дар баробари бо ниқоби тиллоӣ ба кӯча баромадан, риоя кардани фосилаи иҷтимоиро низ фаромӯш намекунад.

Кударе мегӯяд, ниқобаш ӯро миёни мардум ва ҳамчунин ВАО шӯҳратёр кард.

"Вақте бо ниқоби тиллоӣ ба берун баромадам, диққати ҳамаро ба худ ҷалб кардам, зеро ин гуна ниқоб тамоман чизи нав аст ва ҳайрати одамонро ба бор овард", - мегӯяд вай.

Бар тибқи маълумоти ахир, дар Ҳиндустон 648 ҳазор нафар мубталои коронавиурс шуда, 18 ҳазор мариз ҷон аз даст доданд.

2079
Барчаспҳо:
тилло, Ҳиндустон
Мавзуҳо:
Пайомадҳои COVID-19 дар Тоҷикистон ва ҷаҳон
Хабиб Нурмагомедов

Ҳузури Рамазон Қодиров дар маросими дафни Абдулманап ва сипосгузории Ҳабиб аз ӯ - навор

1965
Маросими дафни Абдулманап Нурмуҳаммадов дар Доғистон бо ҳузури садҳо нафар ва иштироки раисҷумҳур Рамазон Қодиров доир гардида буд

ДУШАНБЕ, 5 июл — Sputnik. Ҳабиб Нурмуҳаммадов қаҳрамони UFC дар вазни сабук ба Рамазон Қодиров раисҷумҳури Чеченистон барои иштироки ӯ дар маросими дафни падараш изҳори миннатдорӣ кард.

Посмотреть эту публикацию в Instagram

Глава ЧР Рамзан Кадыров вчера ночью, в сопровождении своих ближайших соратников посетил Кироваул РД, что бы почтить память и выразить соболезнования родным и близким Абдулманапа Нурмагомедова. Кадыров отметил, всеобщее уважение, которое имел Абдулманап и его большие заслуги в развитии спорта. Он сказал, что с первых дней были на связи с родственниками и очень надеялись на его скорейшее выздоровление. Хабиб Нурмагомедов поблагодарил Кадырова, за визит и почтение к своему отцу. Также он выразил благодарность за помощь, которую Кадыров оказал в переводе его отца в Московскую клинику и дальнейшее лечении. «Предначертанное Всевышним не изменить, на все его воля! Хвала Аллаху» сказал Хабиб Нурмагомедов. Пусть Аллах простит все его грехи и обрадует раем! #абдулманапнурмагомедов #хабибнурмагомедов #кадыров #кироваул #похороны #соболезнование

Публикация от 🌐НОВОСТНОЙ ПОРТАЛ🌐 (@news095)

Навор аз маросими дафн ва сӯҳбати Ҳабиб бо Қодиров дар Instagram нашр гардидааст.

"Барои ҳамаи кумакҳоятон ба Шумо сипосгузорам. Ташаккури зиёд... Ҳар коре, ки аз дасти мо омад, анҷом додем.... Инро дар хотир нигоҳ доштан бисёр муҳим аст. Бигзор ин як амале бошад, ки халқи моро муттаҳид кунад", - афзудаст Нурмуҳаммадов.

Зимнан, Ҳабиб ба раисҷумҳури Чеченистон барои интиқол додани падараш аз Доғистон ба шаҳри Маскав низ изҳори сипосгузорӣ кард.

Ёдова мешавем, ки падари 58 - солаи Ҳабиб, Абдулманап Нурмуҳаммадов бо гузашти беш аз 2 моҳи маризӣ дар яке аз дармонгоҳҳои шаҳри Маскав фавтид.

Путин ба Ҳабиб Нурмуҳаммадов занг зад ва изҳори ҳамдардӣ кард

Абдулманап Нурмуҳаммадов ҳанӯз моҳи май ба маризии сироятии коронавирус мубтало гардид. Нахуст табобатро дар Доғистон гирифт, аммо пас аз бад шудани аҳволаш ӯро фавран ба яке аз дармонгоҳҳои шаҳри Маскав интиқол доданд.

1965
Барчаспҳо:
навор, Маросими дафн ва видоъ, Ҳабиб Нурмуҳаммадов, Рамазон Қодиров
Раиси вилояти Хатлон ба аёдати маъб рафт

Раиси вилояти Хатлон аз ҳисоби худ ба маъюби 26-сола панҷ ҳазор сомонӣ кумакпулӣ дод

0
(Таҷдидшуда 02:53 06.07.2020)
Раиси вилояти Хатлон Қурбон Ҳакимзода дар ноҳияи Ёвон Хуҷамурод Хуҷаевро, ки маъюби гурӯҳи якум аст, аёдат кард

ДУШАНБЕ, 6 июл — Sputnik. Ба нақл аз дафтари матбуоти мақомоти вилояти Хатлон, Хуҷамурод, ки сокини деҳаи Боғдараи Ҷамоати деҳоти ба номи Ҳасан Ҳусейнов аст ва ӯ 26 сол дорад.

Қурбон Ҳакимзода, раиси вилояти Хатлон зикр кард, ки айни ҳол сохтмони манзили истиқоматии нав барои оилаи Хуҷамурод бомаром идома дошта, аллакай марҳилаи бомпӯши хона ҷараён дорад.

“Давлат ҳеҷ гоҳ афроди имконияти ҷисмоиашон маҳдуд, ятимону бепарасторонро танҳо намегузорад. Пас аз пурра ба анҷом расидани сохтмони манзили зист, дар фикри барпо намудани тӯй шуда, Шуморо хонадор мекунем”, - қайд намуд зимни суҳбат бо Хуҷамурод Хуҷаев раиси вилояти Хатлон.

Қурбон Ҳакимзода пас аз мулоқот бо Хуҷамурод ба ӯ 5 ҳазор сомонӣ кумакпулӣ ва барои хонаводааш маҳсулоти ғизоӣ, аз қабили орд, равған, биринҷ, макарон, картошка, пиёз, қанд ва ғайра тақдим намуд.

Вай ҳамчунин ба масъулони ниҳодҳои дахлдор дастур дод, ки сохтмони манзили зисти Хуҷамурод Хуҷаевро бо сифати баланд ва дар муҳлатҳои кутоҳтарин ба анҷом расонида шавад.

0
Барчаспҳо:
кумакпулӣ, маъюб, Хатлон, Тоҷикистон