Близ Душанбе сель смывает улицы и топит дома

Аз ВМКБ то Суғд: харобиҳои борону сел дар Тоҷикистон

1378
(Таҷдидшуда 14:22 06.04.2019)
Сели дар ноҳияҳои Дарвоз ва Ванҷи ВМКБ, ноҳияҳои вилояти Хатлон, вилояти Суғд, ва ноҳияҳои Рӯдакӣ, Турсунзода ва Ҳисор ба як қатор заминҳои кишт, роҳҳои мошингард, қитъаҳои наздиҳавлигии сокинон зарар расонд.

ДУШАНБЕ, 6 апр – Sputnik. Ба дунболи харобкориҳои сел дар Эрону Афғонистон навбат ба Тоҷикистон расид, менависад Кумитаи ҳолатҳои фавқуллода.

Бар асари  боронҳои шадид дар як қатор манотиқи кишвар омадани сел ба қайд гирифта шуд. 

Чунончӣ, сели ҷоришуда дар қаламрави ноҳияҳои Дарвоз ва Ванҷи ВМКБ, ноҳияҳои Шамсиддин Шоҳин, Темурмалик, Ховалинг, Восеъ ва шаҳри Кӯлоби вилояти Хатлон, ноҳияҳои Масчо, Спитамен, шаҳрҳои Хуҷанд ва Панҷекати вилояти Суғд, ноҳияҳои Рӯдакӣ, Турсунзода ва Ҳисор ба як қатор заминҳои кишт, роҳҳои мошингард, қитъаҳои наздиҳавлигии сокинон зарар расонд. 

На юге Кыргызстана сель накрыл автомобиль с людьми
© кадр из видео отправленного по WhatsApp-каналу

Дар роҳи мошингарди Ванҷ – Душанбе резиши санг дар қитъаҳои гуногун ҳаракати мошинҳоро боздошт. Дар айни замон роҳҳо куллан бозанд.

Дар ноҳияҳои Масчо ва Спитамен, шаҳри Панҷекати вилояти Суғд сел қисман қитъаҳои наздиҳавлигиро пахш кард, лойоба ба бахше аз хонаҳои истиқоматии сокинон низ зарар расонд. 

"Дар шаҳри Турсунзода боришоти шадид сабабгори болоравии сатҳи об дар рӯдхонаи Ширкент шуд, ки дар натиҷа сел ба 1 хонаи истиқоматӣ, 11 сохтмони ёрирасон ва 4 пул дар рустои Деҳвак зарар расонд",-омадааст дар хабарнома.

Кумитаи ҳолатҳои фавқуллода афзуда, ки дар маҳалҳои офатзада комиссияҳои ҳолатҳои фавқулодаи ноҳияҳо кор мекунанд ва барои бартараф кардани оқибатҳои офати табиӣ техникаи махсус ҷудо карда шудааст.

Ин ниҳод мегӯяд, ки боронҳои шадид ва ҷорӣ шудани селҳо дар манотиқи мухталифи кишвар хушбахтона талафоти ҷонӣ надоштанд.

1378
Кран в ванной комнате, архивное фото

Таъмини деҳаи Баравун бо оби нӯшокӣ бо харҷи 1,5 миллион сомонӣ

58
(Таҷдидшуда 13:19 07.07.2020)
Мақомоти иҷроияи ҳокимияти давлатии ноҳияи Ванҷ аз таъмини деҳа Баравуни ноҳия бо оби нӯшокӣ хабар додаанд, ки арзиши лоиҳа 1,5 миллион сомониро ташкил додааст

ДУШАНБЕ, 7 июл — Sputnik.  Дар деҳаи Баравуни ҷамоати деҳоти Ҷовидони ноҳияи Ванҷ дарозтарин хати оби нӯшокӣ ба истифода дода шуд, иттилоъ дод хабаргузории “Ховар”.

Ба иттилоли манбаъ, дарозии хати оби нӯшокӣ 14 км буда, 62 нуқтаро дар бар мегирад.

Дар маросими ифтитоҳи хати оби нӯшокӣ раиси Вилояти Мухтори Кӯҳистони Бадахшон Ёдгор Файзов, раиси ноҳияи Ванҷ Ҷаббори Қосим ва намояндагони шарикони рушд иштироку сухан карданд.

“Зикр гардид, ки арзиши лоиҳавии иншоот якуним миллион сомонӣ буда, саҳми мардум дар бунёди он назаррас мебошад.  Хати оби нӯшокӣ бо усули муосир сохта шуда, барои сарфаи дурусти об ҳисобкунакҳо васл карда шудаанд”, - омадааст дар иттилоия..

Зикр шуд, иншооти мазкур дар доираи Барномаи рушди манотиқи кӯҳистон оид ба таъмини аҳолӣ бо оби ошомиданӣ дар ҳамкорӣ бо шарикони рушд мавриди истифода қарор гирифт.

58
Барчаспҳо:
об, Тоҷикистон
День 7 июля

Ҷашнҳои рӯзи 7 июл дар Тоҷикистон ва ҷаҳон

58
(Таҷдидшуда 20:53 06.07.2020)
Рӯзи ҳафтуми июл дар Танзания – Рӯзи кишоварзӣ буда, дар Осетияи Шимолӣ – Рӯзи ҷумҳурӣ дар Испания Рӯзи ҷумҳурӣ ва дар Қирғизистон Рӯзи кормандони молия мебошад

Рӯзи 6 июл дар ҷаҳон чӣ рух дод

Соли 1754 дар Ню-Йорк Коллеҷи Шоҳ таъсис дода шуд, ки ҳоло ҳамчун Донишгоҳи Колумбия машҳур аст.

День 6 июль
© Sputnik / Стас Этвеш / Вишнякова Мария

Соли 1917 аввалин маротиба дар Парлумони  Эстония интихобот сурат гирифтааст.

Соли 1914 Парлумони Австрия барои муқобили Сербия оғоз намудани  ҷанг қарор қабул намуд.

Соли 1993 дар Иёлати Висконсини Америка  ғолибияти аз ҳама бештари маблағи лоторея ба қайд гирифта шуд, ки маблағи бурд 111 миллион доллари америкоиро ташкил дод.

Соли 1960 дар Арабистони Саудӣ гирифтани маълумоти олӣ барои занон иҷоза дода шуд.

Соли 1972 аввалин бор ду зан ба сифати ҷосуси Маркази федералии ҷустуҷӯӣ савганд ёд кардаанд.

Рӯзи 7 июл дар Тоҷикистон чӣ рух дод

Соли 1993 кушодашавии корхонаи муштараки тоҷикӣ-амрикоии “Sano” дар шаҳри Хуҷанд.

Соли 2009 Ҳукумати Тоҷикистон  ва Бонки рушди Осиё барои дастгирии барномаҳои муҳими иҷтимоӣ ба маблағи 40 миллион доллари амрикоӣ созишномаи грантӣ ба имзо расониданд.

День 5 июль
© Sputnik / Стас Этвеш / Вишнякова Мария

Соли 2010 Гурӯҳи корӣ бо роҳбарии Сарвазири вақти Ҷумҳурии Тоҷикистон Оқил Оқилов ба як зумра шаҳру ноҳияҳои вилояти Хатлон сафар кард.

Соли 2012 Президенти  Ҷумҳурии Тоҷикистон муҳтарам Эмомалӣ Раҳмон машварати корӣ доир намуда, ба масъулин баҳри тезонидани корҳои сохтмонӣ, аз ҷумла, биноҳои маъмурӣ, муассисаҳои таълимиву фарҳангӣ ва иҷтимоиву тандурустӣ, вусъати минбаъдаи корҳои созандагию ободонӣ, бунёди пулу роҳҳо, 6 неругоҳи хурди барқию обӣ дар Вилояти Мухтори Кӯҳистони Бадахшон, таъмини аҳолӣ бо маводи ғизоӣ ва сӯзишворӣ дастуру супоришҳо доданд.

Соли 2013 дар маркази ноҳияи Ҷалолиддини Румӣ бо иштироки Эмомалӣ Раҳмон нахустин дармонгоҳ ва шифохонаи хусусӣ дари худро ба рӯи ниёзмандон боз намуд.

Соли 2013 маросими ифтитоҳи беморхонаи минтақавии сил дар ноҳияи Вахш.

Соли 2016 дар Бишкек ба муносибати 25-солагии Иттиҳоди Давлатҳои Мустақил ҷаласаи Шӯрои сайёҳии кишварҳои ИДМ баргузор гардид.

Ҷашнҳои рӯзи 7 июл

  • Дар Ҷазираҳои Кайман – Рӯзи Конститутсия.
  • Дар Танзания – Рӯзи кишоварзӣ.
  • Дар Осетияи Шимолӣ – Рӯзи ҷумҳурӣ.
  • Рӯзи ҷумҳурӣ дар Испания.
  • Рӯзи кормандони молия дар Қирғизистон.
  • Рӯзи парчам дар Перу.
  • Рӯзи истиқлолият дар Норвегия.
  • Рӯзи шаҳидон дар Малта.

Рӯзи 7 июл кӣ ба дунё омадааст

Соли 1746 — астрономи итолиёӣ Ҷузеппе Пиатси, ӯ нахустин сайёраи хурди  — Тсерерро кашф карда буд.

Соли 1936 — математик ва физики советӣ, профессор, академик Юрий Осипов, ӯ солҳои (1991—2013) президенти Академияи илмҳои Русия буд.

Соли 1962 — сарояндаи русиягӣ, овозхони пешини гурӯҳи "Браво" Жанна Агузарова.

Рӯзи 7 июл дар Тоҷикистон кӣ ба дунё омадааст

Мирмуъмин Абдулов (1958) – сароянда, Ҳунарпешаи шоистаи Тоҷикистон.

Турдихон Бердиева (1942 – 2008) – доктори илми филологӣ, профессор.

Неъматҷон Бобоҷонов (1939 – 1992) – доктори илми ҳуқуқ, профессор.

Назаршо Назаршоев (1954) – доктори илми таърих, профессор.

Ҳофиза Наимова (1923) – журналист, Корманди шоистаи маданияти Тоҷикистон.

Азиз Ниёзмамадов (1941 – 1995) – дирижёр, Ходими шоистаи ҳунари Тоҷикистон.

Равсаниёр Мавлуда (1968)- шоира.

Шоҳвалӣ Саидҷаъфаров (1944) – адабиётшинос, профессор.

Гулузор Тўраева (1941) – меъмор – сохтмончӣ, дорандаи Ҷойизаи давлатии ба номи Рўдакӣ.

Ҷумъақул Ҳамроев (1947)- доктори илми филологӣ, профессор.

Шокирзода Замон (1941) – нависанда.

 

Рӯзи 7 июл кӣ вафот кард

Соли 1718 — подшоҳ Алексей, писар ва меросхӯри Петри I.

Соли 1930 — нависандаи англис, офаринандаи симои Шерлак Хомс Артур Конан Дойл.

Соли 1967 — ҳунарпешаи англис, дорандаи дукаратаи "Оскар".

58
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 6 июл дар Тоҷикистон ва ҷаҳон
Ҷашнҳои рӯзи 5 июл дар Тоҷикистон ва ҷаҳон
Ҷашнҳои рӯзи 3 июл дар Тоҷикистон ва ҷаҳон
Ҷашнҳои рӯзи 30 июн дар Тоҷикистон ва ҷаҳон
Ҷашнҳои рӯзи 4 июл дар Тоҷикистон ва ҷаҳон
Ёдгор Файзов, раиси ВМКБ

Бе коррупсия ва ситондани бизнес бо зӯрӣ: Файзов 6 шарти рушди соҳибкориро гуфт

0
Ёдгор Файзов, раиси Вилояти Мухтори Куҳистони Бадахшон, дар машварати васеъ бо ҳузури мақомдорони давлатию созмонҳои ҷамъиятӣ масъалаи рушди соҳибкорию дастгирии давлатиро баррасӣ кард

ДУШАНБЕ, 7 июл — Sputnik. Тибқи иттилои котиботи ҳукумати ВМКБ, Ёдгор Файзов зимни машварати васеъ изҳор дошт, ки  дар тамоми дунё барои рушди соҳибкорӣ шаш омили асосӣ вуҷуд дорад.

"Якум барои рушди соҳибкорӣ, аз нуқтаи назари андоз, коррупсия, бақайдгирӣ ва ғайра дар доираи талаботи қонун ва санадҳои меъёрии ҳуқуқӣ шароити мусоид бояд фароҳам оварда шавад. Дуюм ба роҳ мондани дастрасӣ ба захираҳои маблағӣ аз тариқи грант, кредитҳои фоиздор ва бефоиз, лизинг, дастрасӣ ба технологияи муосир ва дониш мебошад", - изҳор дошт раиси ВМКБ.

Ӯ тавзеҳ дод, касоне, ки ба тиҷорат сарукор мегиранд, бояд дониши муайян дошта бошанд. Масъалаи сеюм ташкил намудани бозори дохилӣ, донорҳои сабз ва дастрасӣ ба бозори хориҷӣ арзёбӣ шуд.

Ёдгор Файзов таъкид намуд, ки таъмини ҳуқуқи молу мулкӣ аз омилҳои дигари рушд мебошад, чун соҳибкор бояд мутмаин бошад, ки бизнеси ӯро касе зӯран гирифта наметавонад.

“Масъалаи охирин ин дастгирӣ намудани соҳибкорони ватанӣ оиди тавлид намудани молҳои воридотивазкунанда ва содиротӣ мебошад”, - гуфт раис.

Тавсиф аз Суғду дастур ба мақомдорони ВМКБ

Раиси ВМКБ аз дастовардҳои бахши хусусии вилояти Суғд тавсиф кардааст, ки зимни сафари ахири Эмомалӣ Раҳмон, раисиҷумҳури Тоҷикистон ба ин вилоят мушоҳида кардаст. Дидем, ки чӣ тавр дар доираи ин меъёрҳо ва талабот соҳибкорӣ рушд кардааст, изҳор дошт ӯ.

Файзов барои сардорони Раёсати сармоягузорӣ, андоз, бонкҳо ва дигар ниҳодҳои дахлдор лозим донистааст, ки таклифу пешниҳодҳои худро барои беҳтар амалӣ гардидани Барнома ҷиҳати таъсиси корхонаҳои истеҳсолӣ, истеҳсоли маҳсулоти рақобатпазири ба содирот нигаронидашуда ва воридотивазкунанда, такмили асосҳои институтсионалӣ, диверсификатсияи содирот, содагардонии расмиёти савдо ва дарёфти бозорҳои нави фурӯш пешниҳод намоянд.

0
Барчаспҳо:
ВМКБ, соҳибкорӣ, савдо, иқтисод, Тоҷикистон