Инвалидная коляска, архивное фото

Таҷлили Рӯзи маъюбон дар Чорбоғ

77
(Таҷдидшуда 19:23 08.07.2019)
Дар Тоҷикистон Рӯзи маъюбонро бо баргузории барномаҳои фарҳангӣ таҷлил карданд

ДУШАНБЕ, 8 июл — Sputnik. Бахшида ба Рӯзи маъюбон  дар Муассисаи давлатии “Маркази миллии тавонбахшии кӯдакони маъюб “Чорбоғ” чорабинии фарҳангӣ-фароғатӣ доир гардид.

Бино ба гузориши Вазорати тандурустӣ, дар ин чорабинӣ муовини раиси ноҳияи Варзоб Мухтор Қосимзода, мудири Муассисаи давлатии кӯдакони маъюб  “Чорбоғ” Маҳмадулло Қосимов, сардори бахши хизматрасонии иҷтимоии Раёсати ҳифзи иҷтимоии  Вазорати тандурустӣ Фахриддин Юсуфзода ва волидони бошандагони муассисаи мазкур иштирок намуданд.

Фахриддин Юсуфзода, аз номи роҳбарияти  Вазорати тандурустӣ кӯдаконро шодбош намуда, аз дастгириҳои пайвастаи Ҳукумати кишвар, аз ҷумла Эмомалӣ Раҳмон аз ин қишри ҷомеа ёдовар шуд.

Пасон миёни бошандагони муассисаи мазкур бозиҳои шавқовар доир гардида, ғолибон бо туҳфаҳои хотиравӣ қадрдонӣ гардиданд.

Барномаи консертӣ хотимабахши ин чорабинии фарҳангӣ-фароғатӣ гардид, ки кӯдакон дар зери садои мусиқӣ шодиву хурсандӣ намуданд.

Қобили зикр аст, ки бо ташаббуси Вазорати тандурустӣ,, мақомоти иҷроияи маҳаллии ҳокимияти давлатӣ, хусусан дар шаҳри Душанбе ва шаҳру ноҳияҳои кишвар чорабиниҳои дахлдор бахшида ба Рӯзи маъюбон аз 4 июл инҷониб ба нақша гирифта шуданд.

Аз ҷумла, 4 июли соли равон дар Китобхонаи миллии Тоҷикистон маҷлиси васеъ бо иштироки намояндагони иттиҳодияҳои ҷамъиятии маъюбон, шахсони маъюб ва аъзои оилаи онҳо, ассотсиатсияи волидайни кӯдакони маъюб, намояндагони вазорату идораҳои давлатӣ ва дигар ташкилоту муассисаҳои алоқаманд доир гардид.

Ғайр аз ин, бо ташаббуси Мақомоти иҷроияи ҳокимияти давлатии шаҳри Душанбе ва дастгирии  Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар арафаи Рӯзи маъюбон ба зиёда аз 60 нафар шахсони дорои маъюбияти сокинони пойтахт аробачаҳои маъюбӣ тақсим карда шуд.

Ҳамин гуна чорабиниҳо дар тамоми ташкилоту муассисаҳои давлатии соҳаи ҳифзи иҷтимоии аҳолӣ ба нақша гирифта, баргузор карда шуданд.

77
Барчаспҳо:
Вазорати тандурустӣ, барномаи фарҳангӣ, бахшида ба рӯзи маъюбон, Тоҷикистон
Глава Союза журналистов Таджикистана Зинатулло Исмоилзода

Эмомали Раҳмон ба Исмоилзода Зинатуллоҳ вазифаи нав дод

2093
(Таҷдидшуда 18:31 05.03.2021)
Исмоилзода Зинаттулоҳ Бурҳон, ки дар вазифаи мудири муассисаи давлатии "Академияи васоити ахбори оммаи Тоҷикистон" ифои вазифа мекард, бо қарори Эмомалӣ Раҳмон аз вазифа барканор шуд

ДУШАНБЕ, 5 мар— Sputnik. Раисиҷумҳури Тоҷикистон дар идомаи ҷобаҷогузории кадрҳо дар сохтору идораҳои давлатӣ, ҳамчунин мудири "Академияи ВАО- и Тоҷикистон" - ро низ барканор кард.

Ба иттилои котиботи раисҷумҳури Тоҷикстон, бо қарори роҳбари давлат Исмоилзода Зинатуллоҳ Бурҳон аз вазифаи ишғолнамудаи худ канор монд.

"Исмоилзода Зинатуллоҳ Бурҳон бинобар сабаби ба кори дигар гузаштан аз вазифаи директори муассисаи давлатии "Академияи воситаҳои ахбори оммаи Тоҷикистон" озод карда шуд, - таъйид мешавад дар матни қарори Эмомалӣ Раҳмон.

Зимнан, бо қарори кишвардори Тоҷикистон, Исмоилзода Зинатуллоҳ мудири муассисаи давлатии телевизиони "Илм ва табиат" таъйин гардид.

Курсии Исмоилзодаро дар Академияи ВАО Тоҷикистон, Саъдӣ Маҳдӣ аз худ кард.

Чун бо қарори дигари Эмомалӣ Раҳмон, Исматзода Саъдӣ Маҳдӣ директори муассисаи давлатии "Академияи воситаҳои ахбори оммаи Тоҷикистон" таъин карда шуд.

Раҳмон дар Вазорати энергетика ва "Барқи тоҷик" тағйироти кадрӣ гузаронд: кӣ рафту кӣ монд

Ёдовар мешавем, ки қаблан роҳбари давлат бо имзои чанд қарор дар Вазорати энергетика ва Ширкати "Барқи тоҷик" низ тағйироти кадрӣ анҷом дод.

2093
Барчаспҳо:
таъйиноти кадрӣ, Эмомалӣ Раҳмон
Мавзуҳо:
Тағйироти кадрӣ дар Тоҷикистон

Раҳмон дар Вазорати энергетика ва "Барқи тоҷик" тағйироти кадрӣ гузаронд: кӣ рафту кӣ монд

3037
(Таҷдидшуда 19:12 05.03.2021)
Кишвардори Тоҷикистон Эмомалӣ Раҳмон бо имзои чанд қарор дар Вазорати энергетика ва Ширкати холдингии "Барқи тоҷик" тағйироти кадрӣ гузаронд

ДУШАНБЕ, 5 мар— Sputnik. Дар Вазорати энергетика ва захираҳои обӣ тағйироти кадрӣ сурат гирифт.

Ба иттилои котиботи Президенти Тоҷикистон, рӯзи 5 март Эмомалӣ Раҳмон бо имзои чанд қарор дар ниҳоди мазкур ҷобаҷогузории кадрҳоро анҷом дод.

Бо қарори раисҷумҳури Тоҷикистон, Қурбонзода Абдулло аз вазифаи сардори Хадамоти давлатӣ оид ба назорат дар соҳаи энергетикаи вазорати мазкур сабукдӯш шуд.

Дар қарори Раҳмон сабаби аз вазифа рафтани Қурбонзода, гузаштан ба кори дигар арзёбӣ мешавад.

Зимнан, бо қарори дигари Эмомалӣ Раҳмон, Убайдуллозода Ғолиб Хонҷон ба вазифаи сардори Хадамоти давлатӣ оида ба назорат дар соҳаи энергетика таъин шуд.

Зиёзода пас аз се моҳи барканорӣ вазифаи нав гирифт

Ғолиб Хонҷон қаблан муовини раиси Ширкати "Барқи тоҷик" буд, ки бо қарори роҳбари давлат аз ин вазифа барканор шуд.

Қарори барканори Убайдуллозода имрӯз тасвиб шуд ва фавран қарори дигар оид ба такя задан ба вазифаи сардори Хадамоти давлатӣ оид ба назорат дар соҳаи энергетика ба имзо расид.

3037
Граждане Таджикистана на рынке труда в городе Худжанде

Қарори раиси шаҳр: кӯчаеро дар Хуҷанд ба номи "генпланист"-и аввалаш мегузоранд

0
(Таҷдидшуда 12:53 06.03.2021)
Ҳукумати шаҳри Хуҷанд қарор баровардааст, ки яке аз кӯчаҳои шаҳрро ба номи муаллифи аввалин Нақшаи генералӣ (Генпллан) - и ин шаҳр гузоранд

ДУШАНБЕ, 6 мар – Sputnik. Яке аз кӯчаҳои шаҳри Хуҷанд ба номи Всеволод Веселовский, муаллифи аввалин Нақшаи генералии шаҳри Хуҷанд гузошта хоҳад шуд.

Дар ин бора Баҳром Юсупов, раиси Иттиҳоди меъморони Тоҷикистон, ба Sputnik Тоҷикистон гуфт хабар дод.

"Қарори раиси шаҳри Хуҷанд ба қарибӣ имзо шудааст. Аммо ҳанӯз дақиқ нашудааст, ки маҳз кадом кӯчаро ба номи ин кас номгузорӣ мекунанд", - гуфт Баҳром Юсупов.

Всеволод Веселовский соли 1914 дар шаҳри Кронштадти Русияи подшоҳӣ таваллуд шуда, соли 1937 Институти муҳандисии сохтмонҳои коммуналии шащри Ленинград (имрӯза Санкт – Петербург) – ро бо баҳои аъло хатм намудааст.

Ӯ ҳамон сол ба Тоҷикистони шӯравӣ фиристода шуд ва ба ҳайси меъмор дар идораи Лоиҳаҳои давлатии Тоҷикистон (“Тоҷикгоспроект”) ба кор даромад.

Мавсуф дар таҳияи аввалин нақшаҳои кулли шаҳраку деҳот дар собиқ вилояти Кӯлоб ва нақшасозии шаҳрҳои Кӯлобу Қурғонтеппа (ҳоло Бохтар), Норак ва Турсунзода ширкат кардааст.

Аввалин нақшаи кулли шаҳри бостонии Хуҷанд, ки тайи солҳои 1937 – 1939 таҳия шуд, яке аз корҳои мондагори зиндагии Всеволод Веселовский ба шумор меояд. Дар пайи ин нақшаи кулл шаҳри Хуҷанд тайи 60 сол бо ширкати мустақими ӯ навсозиву бозсозӣ шудааст.

Соли 1963 нақшаи кулли шаҳри Хуҷанд барои то соли 2005 низ бо роҳбарии ӯ таҳия гардидааст.

Яке аз нақши дастони Всеволод Веселовский дар шаҳри Душанбе тарҳи маҷмааи биноҳои Донишгоҳи миллии Тоҷикистон дар Буни Ҳисорак, маъруф ба "Ҷазира" аст, ки солҳои 1970 таҳия шудааст.

Маҳз бо ибтикори ӯ дар Донишгоҳи политехникии Тоҷикистон факултаи меъморӣ таъсис ёфт, ки аввалин меъморон онро соли 1967 хатм карданд.

Ин меъмори моҳир раиси Иттиҳоди меъморони Тоҷикистон (1962-1979), муовини Кумитаи давлатии сохтмони Тоҷикистон, сармеъмори шаҳри Норак ва замоне ҳам котиби Раёсати Иттиҳоди меъморони Иттиҳоди Шӯравӣ буд.

0
Барчаспҳо:
кӯча, номгузорӣ, Хуҷанд