Подсудимая, архивное фото

Дувоздаҳ ноҳияи беадвокати кишвар: ҳуқуқи сокинонро кӣ дифоъ кунад?

210
(Таҷдидшуда 17:09 18.07.2019)
То ҳол 12 ноҳияи се вилояти Тоҷикистон адвокат надоранд. Сокинон, барои ҳимояи ҳуқуқи худ дар мурофиаҳои додгоҳӣ аз дигар ноҳияҳо адвокат киро мекунанд

ДУШАНБЕ, 18 июл — Sputnik. Бино ба маълумоти Иттифоқи адвокатҳои Тоҷикистон, ин ноҳияҳо Тоҷикобод, Сангвор, Нурободи тобеъи ҷумҳурӣ,  Айнӣ, Кӯҳистони Масчоҳ, Шаҳристони вилояти Суғд, Шамсиддини Шоҳин, Балҷувону Ховалинг дар  Хатлон ва Рӯшон, Роштқалъа, Ишкошим и вилояти  Бадахшон, будаанд, ки ки ягон адвокат надоштаанд. Ба иттилоъи манбаъ, аз ин ноҳияҳо, шаҳрвандон барои дарёфти мақоми адвокатӣ ҳуҷҷат пешниҳод накардаанд.

Саидбек Нуритдинов, раиси Иттифоқи адвокатҳои Тоҷикистон дар сӯҳбат бо Sputnik Тоҷикистон гуфт, дар чунин ҳол барои ҳимояи ҳуқуқи сокинон, дар мурофияҳои додгоҳӣ, аз ҳисоби дигар ноҳияҳо адвокат таъмин карда мешавад. Дар соли гузашта, низ дар ноҳияи Шаҳринав ҳам ягон адвокат фаъолият надошт ва вақти зарурат аз ҳисоби шаҳри Ҳисор адвокат фиристода мешуд, гуфт Нуритдинов.

Иттифоқи адвокатҳои Тоҷикистон, давоми чаҳор сол, панҷ мақомоти минтақавии адвокатӣ таъсис додааст, ки барои ҳимояи ҳуқуқу манфиятҳои сокинон дар баҳсу баррасиҳои судӣ дар ноҳияҳо, машғуланд.   

Ҳукумати Ҷумҳурии Тоҷикистон,  моҳи марти соли 2015, Қонун “Дар бораи адвокатура ва фаъолияти адвокатӣ” ро қабул кард ва бар тибқи он комиссияи вижа дар назди Вазорати адлияи Ҷумҳурии Тоҷикистон таъсис ёфт, ки минбаъд фаъолияти  шаҳрвандонро, барои соҳиб шудан ба мақоми адвокатӣ имтиҳон мекунад.

Аммо Саидбек Нуритдинов мегуяд, қабули Қонун дар бораи адвокатҳо як қатор маҳдудиятҳоро ҷорӣ намуд, ки  ба камбуди теъдоди адвокатҳо боис шуд.

“Масъалан барои як садамаи нақлиётӣ, ки аз беэҳтиётӣ дар сӣ соли пеш рух дода, ҷарима татбиқ шудааст, шахс ҳуқуқи адвокат шудан надорад.  Ё , ин ки парвандаи ҷанҷоли оилавӣ, ки қатъ шудааст, асос барои маҳрум шудан аз ҳуқуқи адвокатӣ аст. Ин муқарраротҳо, ки асосан нодурустанд, сабаб шуданд, ки дар Тоҷикистон, имрӯз шумори адвокатҳо ба маротиб поён рафт”, гуфт Нуритдинов.

Аз соли 2015 ба ин тараф, гирифтани мақоми адвокатӣ ба зиммаи комиссияи тахассусии назди Вазорати адлия вогузор шудааст. Ин Комиссия ба ҷузъ додани мақоми адвокатӣ, инчунин масъалаи қатъ намудани фаъолияти адвокатӣ ва гузаронидани аттестатсия барои адвокатҳоро низ дар ихтиёр дорад.

Зимнан дар тӯли чаҳор сол 2015-2019, наздики 800 нафар, аз сӯи комиссияи тахассусӣ мақоми адвокатиро дарёфт кардаанд. Бар пояи  иттилоъи сомонаи расмии Вазорати адлия, 787 нафар, то санаи 18-уми июли соли ҷорӣ дар феҳристи ягонаи адвокатҳои Ҷумҳурии Тоҷикистон шомил шудаанд.

Аммо Иттифоқи адвокатҳои Тоҷикистон мегуяд, ин дар ҳолест, ки бар тибқи муқарраротҳои байналмилалӣ, барои як миллион аҳолӣ, бояд на кам аз 1000 адвокат фаъолият дошта бошад.

Зимнан ба аҳолии қариб 9 миллион нафарии Тоҷикистон наздики 800 адвокат фаъолият мебарад, ки барои як миллион аҳолӣ ҳатто шумори 100 адвокат ҳам рост намеояд. Омори қариб 800 нафари адвокатҳо, Тоҷикистонро, ҳоло дар феҳристи аз ҳама болои миёни собиқ давлатҳои Шӯравӣ қарор додааст, ки шумори аз ҳама ками адвокатҳоро дорад. 

Саидбек Нуритдинов мегуяд, ҳоло зарурати бознигарии Қонун дар бораи адвокатҳо ба вуҷуд омадааст, то мушкили норасоии адвокат дар ноҳияҳо бартараф шавад.

Ӯ афзуд, ки дар ин бора амри раисиҷумҳур низ содир шудааст, ки мутобиқ гардонидани қонунгузорӣ ба меъёрҳои байналмиллалиро тақозо мекунад.

210
Барчаспҳо:
сокин, ноҳия, ҳомии ҳуқуқ, ҳуқуқ, Тоҷикистон
Неделя культуры Бадахшана в Согде

Садҳо ҷӯроби помирӣ: тӯҳфа ба кӯчарӯбҳои пойтахт барои меҳнати пурмашаққат - навор

507
(Таҷдидшуда 19:44 26.01.2021)
Сокинони Вилояти Мухтори Кӯҳистони Бадахшон ба занони роҳрӯб, ки дар фасли сармо ва субҳи барвақт барои тамиз кардани роҳу хиёбонҳо ба кӯчаву роҳҳо мебароянд, ҷӯробҳои бадахшӣ ирсол намуданд

ДУШАНБЕ, 26 янв — Sputnik. Созмондиҳандагони гурӯҳи "НуриФирдавс", ки асосан иқдомҳои хайрхоҳонаро баргузор мекунанд, имрӯз дили чандин занони тамизкори ноҳияи Шоҳмансурро хурсанд карданд.

Зулӣ Раҳматова яке аз намояндагони ин гурӯҳ бо нашри навор дар шабакаи иҷтимоии Фейсбук, тӯҳфаи занони Бадахшонро ба роҳрӯбони пойтахт расонд.

Ӯ заҳмати тамизкорони пойтахтро махсусан қайд карда гуфт, ки бонувони Бадахшон барои дастгирӣ ва қадр намудани меҳнати ҳалол ва заҳматталаби онҳо маҳз ба хотири занони роҳрӯб ҷӯробҳои гармро бофта ирсол намудаанд.

Гулпарвари 19-сола ба "Харитаи зебоӣ" роҳ ёфт

Дар навор маълум аст, ки намояндаи гурӯҳи "НуриФирдавс" тамизкорони ноҳияи Фирдавсиро ҷамъ оварда, нахуст барои заҳмати онҳо дар тозаю обод нигоҳ доштани шаҳри Душанбе, изҳори миннатдорӣ намуданд.

Дар худраве, ки зоҳиран ба намояндагони гурӯҳи мазкур тааллуқ дорад, чандин баста ҷӯробҳои помирӣ гиреҳ карда шуданд. Пас аз изҳори ташаккур ба занони роҳрӯб, ба ҳар яки онҳо як ҷуфтӣ ҷорӯбҳои пурнақшу нигорӣ помирӣ тӯҳфа карда шуд.

Зимистони имсолаи Тоҷикистон ба фарқ аз солҳои пеш душвортару сармотар буд. Сармои зимистон асосан заҳмати роҳрубҳо, бахусус занони тамизкорро дучанд кард.

Ҳафтаи гузашта, ки дамои ҳаво дар Тоҷикистон бесобиқа сард буд, дар шабакаҳои иҷтимоӣ аксу наворҳо аз заҳмати занони роҳрӯб чарх мезад.

Тамизкорони ҷинси латиф новобаста аз сардии ҳаво, аз соати 3 - и шаб ба хиёбонҳо баромада, кӯчаву тангкӯчаҳои пойтахтро тоза мекарданд.

Ҷазои ронандаи “Мерседес” барои дашноми зани кӯчарӯб дар Душанбе

Зимнан, дар зери аксу наворҳои мазкур, корбарон аз тамоми шаҳрвандони кишвар даъват мекарданд, ки ба қадри занони кӯчарӯб бирасанд ва ба хотири меҳнати вазнини онҳо, роҳу кӯчаҳоро ифлос накунанд.

507
Барчаспҳо:
навор, тӯҳфа, кӯчарӯбон, ВМКБ
Пожилой человек на турнире бузкаши в Таджикистане, архивное фото

Зиёд шудани нафақа то 50 дар сад - аз киҳо?

1487
(Таҷдидшуда 14:38 26.01.2021)
Раисҷумҳури Тоҷикистон Эмомалӣ Раҳмон дар паёми солонааш хабар дод, ки дар Тоҷикистон ҳаҷми нафақа боло рафта, аз бархе гурӯҳҳо то 50 дарсад зиёд мешавад

ДУШАНБЕ, 26 янв — Sputnik. Тавре президент гуфт, нафақаи маъюбони гурӯҳи якум, ки дар асоси Қонуни Ҷумҳурии Тоҷикистон "Дар бораи нафақаҳои суғуртавӣ ва давлатӣ" таъйин гардидааст, ба андозаи 50 фоиз баланд бардошта шавад.

Ӯ пешниҳод кард, ки аз 1 сентябри соли 2021 нафақаи маъюбон аз синни кӯдакӣ, ки дар асоси қонунҳои Ҷумҳурии Тоҷикистон "Дар бораи таъмини нафақаи шаҳрвандони Ҷумҳурии Тоҷикистон" ва "Дар бораи нафақаҳои суғуртавӣ ва давлатӣ" таъйин шудааст, ба андозаи 20 фоиз зиёд карда шавад.

"Нафақаи кӯдакони маъюби то 18 - сола, ки дар асоси Қонуни Ҷумҳурии Тоҷикистон "Дар бораи нафақаҳои суғуртавӣ ва давлатӣ" таъйин шудааст, ба андозаи 20 фоиз, зиёд карда шавад", - гуфт Эмомалӣ Раҳмон. 

Эмомалӣ Раҳмон таъкид кард, ки ин иқдом имкон медиҳад, ки шароити иҷтимоии қариб 100 ҳазор нафар шаҳрвандон аз гурӯҳҳои осебпазири зикршуда беҳтар гардад. 

Супоришҳои Раҳмон ба раисони Ҳисор ва Рашт барои таъмини саривақтии маошу нафақа

Ба қавли кишвардор, дар соли 2020 ба зиёда аз 700 ҳазор нафар сокинон аз гурӯҳҳои осебпазири ҷомеа ба маблағи беш аз 250 миллион сомонӣ кумакҳои иловагии иҷтимоӣ пардохта шуданд. 

1487
Барчаспҳо:
Эмомалӣ Раҳмон, зиёд шуд, нафақа

Интиқоди тунди Жириновский аз Туркия: наравед ба он ҷо

0
(Таҷдидшуда 20:07 26.01.2021)
Владимир Жириновский, раиси Ҳизби либерал-демократи Русия аз сафар ба "кишвари маккор" - Туркия, ҳушдор дод

ДУШАНБЕ, 26 янв — Sputnik. Раиси Ҳизби либерал-демократи Русия, Владимир Жириновский макони истироҳат - Туркияро кишвари "маккортарин" номид.

"Ба Туркия наравед, маккортарин кишвар аст", - изҳор дошт Жириновский.

Бо чунин суханон Жириновский ҳамлаи мусаллаҳона ба чор шаҳрванди Русияро шарҳ дод. Ин ҳамла дар кӯчаи Бешикташи шаҳри Истамбул ба вуқӯъ пайвастааст.

Як марди кӯчарӯб ба ду зан ва як марди русиягӣ ҳамла кардааст. Гуфта мешавад, ки ӯ аз ҷиҳати равонӣ бемор будааст.

Шаҳрвандони Русия ҷароҳатҳои гуногун бардоштанд. Сокинони маҳаллӣ ба захмиён кумаки аввалия расонида ва баъдтар онҳо бистарӣ карда шуданд.

Яке аз замхиёнро ба зудӣ аз бемористон ҷавоб хоҳанд дод, чун вазъи саломатии ӯ хуб арзёбӣ мешавад.

Жириновский: Тоҷикистон ва Арманистон бояд ба ҳайати Русияи Бузург ҳамроҳ шаванд

Ёдрас мешавем, ки чанде пеш нархномаи истироҳат барои шаҳрвандони Русия дар Туркия дар қиёс бо соли 2020, то 15 дарсад боло рафт.

Коршиносон пешгӯӣ мекунанд, ки ин нархнома боз ҳам гаронтар хоҳад шуд. Ногуфта намонад, ки 90 дар сади истироҳаткунандагон Анталияро интихоб мекунанд.

0
Барчаспҳо:
Русия, Туркия, Владимир Жириновский