Кабина лифта, архивное фото

Дар Душанбе корхонаи лифтбарорӣ фаъол мешавад

243
(Таҷдидшуда 13:59 20.07.2019)
Ба зудӣ дар Душанбе ширкати нави муштараки Тоҷикистону Туркия тавлиди лифтро оғоз мекунад

ДУШАНБЕ, 20 июл — Sputnik. Сафорати Туркия дар Тоҷикистон хабар медиҳад, ки дар наздиктарин фурсат ширкати муштараки Тоҷикистону Туркия ба тавлиди лифт дар Душанбе шурӯъ мекунад.

Ба иттилои манбаъ, арзиши ин тарҳ 500 ҳазор доллар буда, ширкати туркияии TT ERMA ASANSÖR ва шарики тоҷикистонии он ин тарҳоро амалӣ мекунанд.

Манбаъ мегӯяд, дар ҳоли ҳозир к орхона бо таҷҳизоти зарурӣ таъмин гардидааст.  Гуфта мешавад, тавлидоти корхона барои таъмини бозорҳои дохилӣ ва содирот пешбинӣ шудааст.

 Дар назар аст, ки ширкати мазкур  дар оғоз барои биноҳои маскунӣ ва сохтмонҳои гуногун лифт тавлид мекунад. Дар оянда бошад масъулини ин ширкат тамими гирифтаанд, тавлиди лифтҳои боркаш низ роҳандозӣ намоянд.

Туркия ба Тоҷикистон 200 миллион доллар додааст

Маврид ба зикр аст, ки дар Тоҷикистон алъон беш аз 90 корхонаву ташкилотҳои туркӣ фаъолият мекунанд, ки дар амалӣ намудани беш аз  50 лоиҳаи муштарак саҳмгузоранд.

Муаррифии инконоти сармоягузории Тоҷикистон дар Туркия

Қаблан сафири Туркия дар Тоҷикистон Алӣ Рифат Кёсал аз саҳми сармоягузории давлати Туркия ба иқтисоди Тоҷикистон ибрози назар намуда, афзуд, ки танҳо маблағи лоиҳаҳое, ки аллакай дар Тоҷикистон амалӣ шудаанд, 600 миллион долларро ташкил медиҳад.

243
Барчаспҳо:
лифт, корхона, Душанбе
Акция в память о погибших при взрывах в Брюсселе у посольства Бельгии в Москве

Даргузашти келини хонаводаи Назарбоев

381
(Таҷдидшуда 15:41 02.07.2020)
Ҳамсари Болат Назарбоев - бародари Нурсултон Назарбоев - Гульҷонро дар паҳлуи волидони Назарбоевҳо ба хок супурданд

ДУШАНБЕ, 2 июл — Sputnik. Ҳамсари Болат Назарбоев - бародари Нурсултон Назарбоев - Гулҷон аз дунё даргузашт. Ин хабарро директори хазинаи иҷтимоии "Оиша" Оиша Оразбой ба Sputnik Қазоқистон тасдиқ кард.

Гулҷон Назарбоева рӯзи 29 июн даргузашт. Ӯро 30 июн дар оромгоҳ дар паҳлуи волидони Назарбоевҳо ба хок супурданд.

"Дили ӯ аз дер боз дард мекард. Сабаби даргузашташ ҳам ҳамин аст, на дигар беморӣ", - гуфт Оиша дар суҳбат бо Sputnik Қазоқистон.

Бино ба иттилои манбаъ Гулҷон Назарбоеваро дар гӯристони Шубарот дуртар аз қишлоқи Шамалган хок карданд.

Даргузашти собиқ ноиби вазири мудофиа ва мушовири дастгоҳи Президент

"Он ҷо волидони президенти нахустин ба хок супорида шуданд. Ба сабаби карантин дар маросими дафн касеро роҳ надоданд", - афзуд манбаъ.

Болат Назарбоев – бародари Нурсултон Назарбоев мебошад. Бино ба гузориши манбаъҳои озод ӯ асосгузори хазинаи хайрияи "Салиқалы Ұрпақ" ва раҳбари холдинги BN Invest мебошад.

381
Барчаспҳо:
келин, даргузашт, Қазоқистон
Президент Республики Таджикистан Эмомали Рахмон

Супориши Раҳмон ба Ҷамъияти "Суғдиён" барои дӯхтани либоси босифат

87
(Таҷдидшуда 12:26 02.07.2020)
Президенти Тоҷикистон  Эмомалӣ Раҳмон дар шаҳри Хуҷанд  зимни ошноӣ бо фаъолияти корхонаи дӯзандагии Ҷамъияти дорои масъулияти маҳдуди «Суғдиён» ба раҳбарияти ин корхона ҷиҳати таъмин намудани бозори дохилӣ бо пӯшоки босифат дастуру супоришҳо дод

ДУШАНБЕ, 2 июл — Sputnik. Президенти Ҷумҳурии Тоҷикистон  Эмомалӣ Раҳмон дар шаҳри Хуҷанд  бо фаъолияти корхонаи дӯзандагии Ҷамъияти дорои масъулияти маҳдуди «Суғдиён» оншо шудааст.

Бино ба гузориши котиботи раисиҷумҳур, зимни ошноӣ бо раванди истеҳсолот ба Эмомалӣ Раҳмон иттилоъ додаанд, ки ин корхонаи дӯзандагӣ бо ҷалби сармояи дохилӣ аз ҷониби Ҷамъияти саҳомии пӯшидаи «Корпоратсияи Сомон Суғд» пурра таҷдиду навсозӣ ва бо муосиртарин дастгоҳу таҷҳизоти дӯзандагӣ, рангу бори матоъ ва дигар лавозимоти зарурӣ таъмин гардидааст.

Манбаъ мегӯяд, дар корхонаи мазкур бо фароҳам овардани шароити мусоид дар як баст беш аз 200 нафар занону духтарони маҳаллӣ бо ҷойи кори доимӣ ва маоши хуб таъмин шуда, дар асоси талаботи бозори дохилӣ ва фармоиши ташкилоту муассисаҳо дӯхти либосро ба таври васеъ ба роҳ мондаанд.

Гуфта мешавад, ки корхонаи мазкур соли 1992 мавриди баҳрабардорӣ қарор гирифта буд ва ҳудуди он 4,26 гектарро ташкил медиҳад. Бо сабаби вазъияти ногувори солҳои баъдӣ корхона тамоман аз фаъолият бозмонда, аксари кормандони муҳандисию техникии он бекор монданд. Дар ин корхона дар як вақт ҳамагӣ 15 нафар кору фаъолият намуда, инчунин дастгоҳу таҷҳизоти дӯзандагияш пурра корношоям гардида буд.

Тибқи иттилои котиботи раисиҷумҳур, роҳбарияти ҶСП «Корпоратсияи Сомон Суғд» дар доираи дастуру супоришҳои Эмомалӣ Раҳмон бо мақсади саҳмгузорӣ дар самти расидан ба ҳадафи чоруми миллӣ — саноатикунонии босуръати мамлакат корхонаи дӯзандагии «Суғдиён»-ро ба пуррагӣ барқарор намуда, дӯхти либосҳои гуногунро мутобиқ ба стандартҳои байналмилалӣ ба роҳ монданд.

Манбуъ мегӯяд, дар баробари васлу насби 180 дастгоҳи наву замонавии дӯзандагӣ, инчунин коргоҳҳои шустушӯю пардоздиҳӣ ва рагуборкунии ин корхона ба таври муосир сохта шудаанд ва оянда кор дар ин ҷо шабонарӯзӣ ба роҳ монда мешавад, ки боз 200 нафари дигар бо ҷойи кору маоши хуб таъмин мегарданд.

Иттилоъ дода шуд, ки ҶДММ «Суғдиён» бо чандин ширкатҳои маъруфи ҷаҳонӣ, ба монанди «Текстил трейд»-и Федератсияи Русия ва «Бил Бом Бо»-и Ҷумҳурии Беларус шартномаҳои ҳамкорӣ ба имзо расонидааст ва дар оянда маҳсулоти дӯзандагии ин корхонаи калони шаҳри Хуҷанд ба хориҷ содирот карда мешавад.

Айни замон дар корхонаи мазкур дар баробари дӯхти либосҳо барои кӯдакон ва калонсолон, инчунин истеҳсоли ниқобу хилъатҳои муҳофизатии тиббӣ ба роҳ монда шудааст.

Эмомалӣ Раҳмон зимни шиносоӣ бо фаъолияти корхона ба сифати либосҳои дӯхташаванда таваҷҷуҳ зоҳир намуданд.

Ба таъкиди Президент, дар шароити имрӯза бо назардошти талаботи рӯзафзуни ҷомеа, ба бозор маҳсулоте роҳ меёбад, ки сифати баланд дошта бошад ва корхона ба рақобат тоб оварда тавонад.

"Раҳмон ҷиҳати дӯхти либоси босифат, пурра таъмин кардани бозор аз ҳисоби истеҳсолоти ватанӣ ва коҳиш додани воридоти он аз хориҷи кишвар ба масъулон дастуру супоришҳои мушаххас додааст", - омадааст дар хабарнома.
87
Барчаспҳо:
боздид, Эмомалӣ Раҳмон, Тоҷикистон, Хуҷанд
Мужчина в защитной маске в городе Душанбе

Тоҷикистон ва Швейтсария ҳамроҳ бар зидди COVID - 19 мубориза мебаранд

0
Ин масъала рӯзи 2 июл дар суҳбати телефонии вазири корҳои хориҷии Тоҷикистон Сироҷиддин Муҳриддин бо сардори Департаменти федералӣ оид ба корҳои хориҷии Конфедератсияи Швейтсария Игнасио Кассис баррасӣ шуд

ДУШАНБЕ, 2 июл — Sputnik. Имрӯз, 2 июл, вазири корҳои хориҷии Тоҷикистон Сироҷиддин Муҳриддин бо сардори Департаменти федералӣ оид ба корҳои хориҷии Конфедератсияи Швейтсария Игнасио Кассис телефонӣ суҳбат кард.

Бино ба гузориши Вазорати умури хориҷии Тоҷикистон дар рафти суҳбат вазирон дар робита ба ҳамагирии COVID-19 ва ҳолати кунунии муносибатҳои дуҷонибаи Тоҷикистону Швейтсария мубодилаи афкор намуданд.

"Аз ҷумла Вазири корҳои хориҷии Ҷумҳурии Тоҷикистон аҳаммияти иқдомҳои Ҳукумати кишвар барои маҳдуд намудани паҳншавии COVID-19 ва мусоидати шарикони рушд, аз ҷумла Ҳукумати Швейтсарияро, дар ҷараёни бартараф кардани паёмадҳои он таъкид намуд", - омадааст дар хабарнома.

Тибци иттилои манбаъ, мусоҳибон бори дигар пойбандии худро ба муборизаи муштарак бо ҳамагирии COVID-19 изҳор намуда, зарурати тавсеаи ҳамкориҳои мутақобилан судмандро дар соҳаҳои сиёсӣ, иқтисодӣ ва башардӯстона таъкид карданд. Шарокат ва дастгирии тарафайн дар чаҳорчӯби созмонҳои байналмилалӣ ва ниҳодҳои молиявӣ муҳим дониста шуд.

Манбаъ афзуда, ки ҳамзамон раванди амалисозии тавофуқҳое, ки ҳангоми боздиди расмии Президенти Ҷумҳурии Тоҷикистон Эмомалӣ Раҳмон аз Конфедератсияи Швейтсария (5-6 ноябри соли 2019) ҳосил шуда буданд, мавзӯи меҳварии ин сӯҳбатро ташкил дод.

0
Барчаспҳо:
мубориза, вируси нав, Швейтсария, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон