Сармеъмори Хоруғ роҳи таъмини аҳолӣ бо манзилро бунёди бисёрошёнаҳо гуфт

© Sputnik / Евгений Биятов / Гузариш ба медиабонкСвязка ключей от квартир многоэтажного жилого дома, архивное фото
Связка ключей от квартир многоэтажного жилого дома, архивное фото - Sputnik Тоҷикистон
Обуна шудан
Алишер Ғоибназаров, сармеъмори шаҳри Хоруғ бунёди биноҳои баландошёнаро дар шароити камзаминии Вилояти Мухтори Куҳистони Бадахшон ягона роҳи таъмини аҳолӣ бо хонаҳои истиқоматӣ хондааст

ДУШАНБЕ, 1 сен— Sputnik. Ғоибназаров гуфт, дар замони истиқлолият дар шаҳри Хоруғ биноҳои хуштарҳу зебо бунёд гардида, симои шаҳрро ба куллӣ тағйир додаанд.

Президент Республики Таджикистан Эмомали Рахмон - Sputnik Тоҷикистон
Раҳмон бадахшониҳоро ба зиндагӣ дар Данғара даъват кард: марҳамат 100 ҳазор гектар замин

“Се даҳсола пеш сохтмони биноҳои баландошёнаро дар ҳудуди вилоят ғайриимкон мешумориданд ва меъморону муҳандисон аз бунёди чунин иморатҳо худдорӣ мекарданд. Дар ҳоле ки дар шароити камзамини манотиқи кӯҳистон ягона воситаи таъмини аҳолӣ бо хонаи истиқоматӣ- ин бунёди биноҳои баландошёна мебошад”, - хабар додааст “Ховар” аз қавли сармеъмори Хоруғ.

Манбаъ афзуд, ҳоло дар шаҳри Хоруғ се бинои нуҳошёнаи истиқоматӣ қомат афрохта, дар канорашон сохтмони бинои 12-ошёнаи истиқоматӣ идома дорад.

Президент Таджикистана Эмомали Рахмон. Архивное фото - Sputnik Тоҷикистон
Президент қарор барои кӯчондани аҳолӣ аз кӯҳистони камзамин ба водиҳоро имзо кард

“Соли оянда ин бинои истиқоматӣ мавриди истифода қарор мегирад ва дар паи он  боз сохтмони  як бинои дигари истиқоматии 11-ошёна оғоз меёбад. Дар маҷмӯъ, то 30-солагии Истиқлолияти давлатии Ҷумҳурии Тоҷикистон бунёди 30 иншооти хурду бузург бо маблағгузории Ҳукумати ҷумҳурӣ ва соҳибкорони ватанӣ дар назар аст”, - омадааст дар иттилоия.

Хабаргузории “Ховар” зимни гузориш аз машварати кории Кумитаи меъморӣ ва сохтмони назди Ҳукумати Тоҷикистон дар шаҳри Хоруғ таъкид, ки рӯзҳои наздик барои фаъолияти пурсамари муассисаи давлатии “Маркази амалигардонии равзанаи ягона, кадастр ва мониторинги шаҳрсозӣ” дар шаҳру навоҳии ВМКБ утоқҳои алоҳидаи муҷаҳҳаз фаъол мешаванд.

Лентаи хабарҳо
0