Парад Победы 9 мая в Душанбе

Супориши Рустами Эмомалӣ барои пардохти кӯмакпулӣ ба куҳансарбозони ҶБВ

111
Шаҳрдории Душанбе қарор кард, ки бахшида ба 28 - умин солгарди Истиқлолияти давлатии Тоҷикистон ба иштирокчиён ва маъюбони Ҷанги Бузурги Ватании солҳои 1941-1945 кӯмакпулӣ расонида шавад

ДУШАНБЕ, 3 сен — Sputnik. Ба иттилои дафтари матбуоти шаҳрдории Душанбе, ахиран Рустами Эмомалӣ қароре ба имзо расонидаст, ки тибқи он ба иштирокчиёну маъюбони Ҷанги Бузурги Ватанӣ кӯмакпулии якдафъаина дода шавад.

Тибқи иттилои маркази матбуоти мақомоти иҷроияи ҳокимияти давлатии шаҳри Душанбе, раиси шаҳр Рустами Эмомалӣ қарори дахлдорро оид ба расонидани кӯмаки моддӣ ба ин табақаи мардум ба муносибати 28 - умин солгарди Истиқлолияти давлатии Тоҷикистон ба имзо расонидаст.

Рустами Эмомалӣ мошину хона ва пул медиҳад

Шаҳрдории Душанбе ба Раёсати молияи пойтахт дастур додааст, ки барои амалӣ намудани ин кори хайр аз маблағҳои барои эҳтиёҷоти шаҳр мавҷуд буда, 4 миллиону 945,8 ҳазор сомонь ихтисос дода шавад.

Гуфта мешавад, аз ин миқдор маблағ, 226,8 ҳазор сомонӣ барои иштирокчиён ва маъюбони Ҷанги Бузурги Ватании солҳои 1941-1945 ва шахсони ба онҳо баробаркардашуда ҷудо карда мешавад.

Рустам Эмомалӣ ба собиқадорони ҷанг кумакпулӣ ҷудо кард

Шаҳрдории Душанбе Рустами Эмомалӣ супориш додаст, кӯмаки пулӣ то рӯзи 7- уми сентябри соли равон тақсим карда шавад.

111
Барчаспҳо:
кӯмакпулӣ, Рустами Эмомалӣ, Душанбе
Мавзуҳо:
9 сентябр - рӯзи Истиқлол: 28 соли мустақилияти Тоҷикистон (49)