Изъятые у школьников предметы

Заъфи тарбия ё эҳсоси хатар: чаро донишомӯзон мусаллаҳ мешаванд

355
(Таҷдидшуда 11:24 23.10.2019)
Раёсати умури дохилии Тоҷикистон зимни баргузории амалиёти "Корд" аз мусодира кардани як адад дастгоҳи барқдиҳандаи "Электрошокер", як адад дастчӯби оҳанин ва ҳамчунин ду адад корд хабар медиҳад

ДУШАНБЕ, 22 окт — Sputnik. Ҷомеаи Тоҷикистонро вақтҳои охир хабари кордкашии ноболиғон ва мусаллаҳ шудани донишомӯзон сахт нигарон кардааст.

Толибилмон акнун дар баробари гузоштани китобу дафтар ва дигар лавозимоти мактабӣ, ҳамчунин корду силоҳи сард низ ҷой медиҳанд.

Аллакай давоми чанд ҳафтаи охир кормандони милитсия зимни баргузор намудани рейд, аз ҷувздони толибилмон корд ва силоҳҳои дигари сардро дарёфт ва мусодира кардаанд.

Суоле ба миён меояд, ки оё донишҷӯ ё хонанда эҳсоси хавфу хатар  мекунад, ки барои аз худ  дифоъ кардан бо силоҳ ба дарс ҳозир мешавад?.

Таҳдиди хатар

Музаффари Имомдод як фаъоли ҷомеаи шаҳрвандӣ мегӯяд, ки аслан ба ин қабил толибилмон ҳеҷ хавфу хатаре таҳдид намекунад, балки ин мушкили хонаводагии онҳо аст.

"Мудоме, ки оила носолим аст, волидон дар муҳоҷират қарор доранд, кӯдак бе назорат мемонад, авохири он ҳатман ба ягон бадбахтие анҷом меёбад", - мегӯяд ин фаъоли ҷомеаи шаҳрвандӣ.

Ӯ меафзояд, таъсири бозиҳои компютерӣ, ки ҷангу  куштор, хунрезиву занозаниро тарғиб мекунад, ба тарбияи ин насл ҳатман таъсиргузор аст.

“Онҳо пас аз тамошои ингуна бозиҳо худро қаҳрамон ҳисобида барои нишон додани қувваи худ бо ҳамсоланашон вориди набард мешаванд. Ба умеди нишон додани бартарияти худ, ногузир нафареро маҷрӯҳ ва ё ҳатто ба қатл ҳам мерасонанд”.

Таъсири муҳоҷират

Таъсиргузор будани раванди муҳоҷирати меҳнатӣ ба рух додани кордкашии ноболиғонро як омӯзгори макотиби таҳсилоти миёнаи шаҳри Душанбе низ тасдиқ намуда, афзуд, ки дастандаркорони ингуна ҳолатҳо ҳатман аз оиле ҳастанд, ки падар ва ё модарашон ба хотири таъмин намудани рӯзғори онҳо ба муҳоҷират рӯ овардаанд.

Трудовые мигранты возвращаются домой
Министерство занятости и трудовых отношений Узбекистана

“Мудоме, ки кӯдак аз меҳрубониву навозиш ва тарбияи волидон маҳрум мемонад, дар ӯ яъси ноумедию нобоварӣ пайдо мешавад”,- изҳор дошт ин омӯзгори мактаб.

Ба гуфти мусоҳиб, феълан дар тамоми мактабу донишгоҳҳо нуқтаҳои иловагии тафтиши толибилмон кушода шудаанд.

“Агар қаблан хонандагонро танҳо дар дари даромад тафтиш мекарданд, ҳоло ҳини вориди дарвозаи мактаб шудан бунгоҳи тафтишотӣ гузошта шудаст, ки аз сару либос  то ҷувздони муҳасиллин тафтиш мешавад”.

Беш аз 44 ҳазор шаҳрванди Тоҷикистон хостори кӯч бастан ба Русия шуданд

Ба гуфтаи ин омӯзгори мактаб, бо хонандагон пайваста  корҳои фаҳмондадиҳӣ баргузор мешавад ва инчунин давоми як ҳафта аз ҷониби кормандони мақомоти амниятӣ рейди тафтишотӣ доир мешавад.

Амалиёти "Корд"

Раёсати Вазорати умури дохилии Тоҷикистон давоми чанд ҳафтаи ахир дар қаламрави ҷумҳурӣ амалиёти “Корд”- ро пиёда намудаст.

Зимни баргузор кардани ин амалиёт кормандони милитсия аз ҷузвдоничандин  хонандагон мактаб корд ва дигар силоҳҳои сардро дарёфт ва мудира намуданд.

Ба иттилои РВУД аснои баргузории амалиёти мазкур дар ноҳияи Шоҳмансур аз ҷайби як хонандаи синфи 11 як адад воситаи махсуси барқдиҳанда – Электрошокер дарёфт ва мусодира карда шуд.

Ҳамзамон дар ноҳияи Шоҳмансур аз ҷузвдони ду хонандаи синфи 7 ва 11 як адади корд дарёфт шудаст.

Ҳушдори Раёсати ВУД ба сокинони пойтахт пас аз чандин ҳодисаи кордкашии ноболиғон

Манбаъ меафзояд, нисбати волидони толибилмон протоколҳои ҳуқуқвайронкунии маъмурӣ тартиб дода шудааст.

Зимнан, давоми 9 моҳи соли равон барои нақзи қонуни "Масъулияти падару модар дар тарбияи фарзанд" нисбати 4421 нафар огоҳӣ ва нисбати 7114 нафар ҷазои ҷарима ба маблағи умумии 1154672 сомонӣ таъйин гардидааст.

Ба мо маълум нест, ки оё волидони ин хонандагон дар муҳоҷирати меҳнатӣ  қарор доранд ё на.

Модари муҳоҷир

Аммо Зулфия ном муҳоҷирзан, ки соҳиби ду писар аст ва феълан дар муҳоҷирати меҳнатӣ қарор дорад, мегӯяд пайваста дар хавотир аст, ки бо фарзандони ӯ дар ватан чи ҳодисаҳо рух медиҳад.

Ин муҳоҷирзан аллакай 10 сол мешавад, ки  дар муҳоҷират қарор дорад ва танҳо ду маротиба ба аёдати кӯдакони худ ба ватан рафтааст.

Аз бозе, ки маълумоти олӣ надорад, мегӯяд барои  пайдо кардани ҷойи кори муносиб бо маоше, ки талаботи кӯдаконашро қонеъ кунад, мушкилӣ мекашад.  

"Ман вазифадор ҳастам, ки ду писари худро  тарбия намуда ба воя расонам. Орзу дорам, то фарзандони ман соҳибмаълумот шаванд ва мисли худам дар тарбияи кӯдаконашон оҷизу нотавон набошанд", - мегӯяд Зулфия.

Ӯ мегӯяд, мисли ҳар модар бисёр мехоҳад, пайваста дар бари кӯдакони худ бошад. Аз он ғамгин ва дар талваса аст, ки фарзандони худро аз меҳру муҳаббат ва навозишаш маҳрум намудаст, вале тақозои замон ҳамин аст ва ӯ маҷбур  барои таъмин кардани онҳо бо либосу хӯрока ва лавозимоти дарсӣ дур аз назари онҳо меҳнат кунад ва онҳоро саришта намояд.

Назари равоншинос

Равоншиноси тоҷики муқими Русия Мамлакат Сулаймонова мегӯяд, ки кордкашии толибилмон ва кордгардонии онҳоро метавон ба чанд омил рабт дод.

Ӯ мегӯяд, ба ин кор аслан кӯдаконе, ки дар овони хурдсолӣ осеби рӯҳӣ дидаанд, даст мезананд. Ҳамзамон ин қабил кӯдакон аз оилаҳое бармеоянд, ки зӯроварӣ ва озордодани ҳамдигар ба ҳукми анъана даромадаст.

Чун дар чунин муҳим ба воя мерасанд, барои ӯ озор додан, даст бардоштан ба сари касе ва ё зери мушту лагад қарор додани ҳар инсон маъмулӣ аст, - мегӯяд  ӯ.

Пул, рӯҳафтодагӣ ё мушкилоти оилавӣ: чӣ мардуми Осиёро ба Сурия мебарад

Равоншинос бар ин назар аст, ки ҳамроҳи чунин кӯдакон дар мактаб бояд бештар корҳои фаҳмондадиҳӣ гузаронда шавад.

“Онҳоро набояд озор дод, балки бо онҳо  муоширату муносибати наздиктарро пиёда кардан лозим аст. Набояд аз баҳри онҳо гузашт кард, балки баръакс онҳоро дар рӯҳияи инсонӣ бояд тарбия кард.

355
Барчаспҳо:
Тоҷикистон, мактаб, корд, силоҳ, хонандагон
Торговля на барахолке в Душашбе

Маълум нест, ки чӣ аст: кори "вирускуш" и ҷопонӣ ба прокуратураву КДАМ рафт - акс

1806
(Таҷдидшуда 17:19 29.10.2020)
Мақомоти тандурустии вилояти Суғд ҳудуди 600 адад блокатор ё масдудкунандаи вирусро мусодира ва як хонуми тавзеъкунандаи онро боздошт намудаанд

ДУШАНБЕ, 29 окт – Sputnik. Абдумавлон Абдуллозода, сардори Хадамоти назорати давлатии санитарию эпидемиологии вилояти Суғд, ба Sputnik Тоҷикистон гуфт, ин теъдод, ба истилоҳ, блокаторро тайи ду рӯзи ахир кормандони мақомоти масъули тандурустӣ аз дорухонаву кӯчаву бозор мусодира карданд.

"Ин мавод ягон ҳуҷҷату сертификат надорад. Аз сӯи идораҳои зидахли вазорати тандурустӣ барои воридоташ тавсия нашудааст. Онро ғайриқонунӣ вориди бозор кардаанд. Мо ба прокуратура ва раёсати Кумитаи давлатии амнияти миллии вилояти Суғд ҳам маълумотнома пешниҳод кардем", - гуфт Абдумавлон Абдуллозода.

Агар ба чашм расад...

Тибқи иттилои манобеъи ғайрирасмӣ, блокатор ё масдудкунандаи вирус таҳти унвони "Virus shut out" ё "вирускуш" ҳудуди як ҳафта ба ин сӯ ба яке аз молҳои серхаридори дорухона, ҳатто бозору дастфурӯшиҳои шаҳри Хуҷанд табдил ёфта, аз 10 то 15 сомонӣ арзиш дорад. Мардум онро ба унвони "бейҷик ё биркаи каронавирус" харидорӣ намуда, ба ин боваранд, ки ин "бейҷик" онҳоро то як моҳ аз "вируси корона" ҳимоя мекунад ва онро то 1,5 метр дар ҳаво маҳв месозад.

На рынках Худжанда появились противо-коронавирусные бейджики о происхождении и составе которых мало что известно
© Sputnik
На рынках Худжанда появились противо-коронавирусные бейджики о происхождении и составе которых мало что известно

Сардори Хадамоти назорати давлатии санитарию эпидемиологии вилояти Суғд мегӯяд, ин, ба истилоҳ, блокаторҳо мавриди таҳқиқ қарор дода шуданд ва маълум гардид, ки онҳо зоҳиран моли кишвари Ҷопон мебошанд.

"Дар навиштаҷоте, ки бо ҳуруфи ҷопонӣ омадааст, чунин навишта шудааст. Мо дирӯз бо ҷалби мутахассисон навиштаҷотро тарҷума карда, маълум кардем, ки гӯё аз хлориди натрий иборат аст. Ҳамзамон гуфта шудааст, ки онро бачаҳои то 9-сола набояд истифода кунанд, ё агар ба чашм расад, зарар мерасонад. Чӣ зарар? Маълум нест. Ҳоло ин ҳамаро таҳти таҳқиқ қарор додаем", - гуфт Абдумавлон Абдуллозода. 

Ин чӣ аст?

Дар ҳамин ҳол, “Virus shut out” дар минтақаву ИДМ як моли нав нест. Бино ба иттилое, ки дар расонаҳои Ӯзбекистон нашр шудааст, ин “вирускуш” дар он кишвар аз моҳи марти соли равон пайдо шуда, ҳатто раҳбаронаш аз он истифода мекардаанд. Ҳамзамон дар Русия низ онро мефурӯшанд. Аммо дар қиёс бо Хуҷанд ин блокатор дар Ӯзбекистон аз 6 то 24 доллари амрикоӣ, муодили 60 то 240 сомонӣ ё Русия аз 1 то 1 ҳазору 200 рубл, ҳудуди 140 то 200 сомонӣ арзиш дорад.

Бино ба муаррифиномаҳои ширкатҳои фурӯшанда, блокатори “Virus shut out” моли ширкати Tao Sangyo-и Ҷопон буда, аз диоксиди хлор (CLO2), ки хусусияти зиддиуфунӣ карданро дорад, иборат ва комилан эмин, корбурдиву роҳат мебошад ва пӯсти инсонро аз вирусҳо, бактерияҳо ва микробҳо муҳофизат мекунад.

Аммо мақомоти тандурустии вилояти Суғд мегӯянд, “вирускуш” – е, ки вориди Хуҷанд шудааст, як чизи тамоман дигар аст.

Маводи номаълум...

Илҳом Пӯлодзода, сардори Саррраёсати хадамоти назорати давлатии тандурустӣ ва ҳифзи иҷтимоии аҳолӣ дар вилояти Суғд, ки масъулияти назорати сиҳати доруворӣ ва таҷҳизоти тиббиро ба зимма дорад, ба Sputnik Тоҷикистон гуфт, ҳангоми таҳқиқи ин блокатор дар озмоишгоҳ маълум шуд, ки хлориди натрий, худи хлор ё калсий хлор дар таркиби он аслан нест.

“Маълум нест, ки он чӣ аст. Муайян карда нашуд. Мо фақат маълум кардем, ки он як маводи ғайристандартӣ буда, он гуна, ки муаррифӣ шудааст, намебошад. Ин ки дар таркиби он чӣ ҳаст, пас аз машвара ва озмоишҳои тамоми ниҳодҳои масъул дақиқ карда мешавад. Мо тамоми кормандонамонро ба мағозаву дорухона ва бозорҳо фиристодем, то ба фурӯшандаҳо ва мардум фаҳмонанд, ки эҳтиёт шаванд”, - гуфт Илҳом Пӯлодзода.

Дар ҳамин ҳол, мақомоти тандурустии Суғд мегӯянд, як занеро, ки бо фурӯши ин блокатор машғул будааст, боздошт намуда, мавриди пурсуҷӯ қарор додаанд, то ба он нафаре расанд, ки ин маводро вориди Тоҷикистон кардааст. Ба қавли онҳо, ба ин таҳқиқ мақомоти қудратӣ низ ҷалб хоҳанд шуд.

На рынках Худжанда появились противо-коронавирусные бейджики
© Sputnik
На рынках Худжанда появились противо-коронавирусные бейджики

Ҳоло он чӣ суолангез аст, ин аст, ки ин мавод аз куҷо вориди Тоҷикистон шудааст. Танҳо ҳадсу гумонҳо вуҷуд доранд, ки тоҷирон онро дар даруни моли тиҷоратиашон ба таври қочоқ аз хориҷ ворид кардаанд.

1806
Барчаспҳо:
акс, Суғд
Мавзуҳо:
Пайомадҳои COVID-19 дар Тоҷикистон ва ҷаҳон
День 29 октября

Ҷашнҳои рӯзи 29 октябр дар Тоҷикистон ва ҷаҳон

65
(Таҷдидшуда 20:28 28.10.2020)
Рӯзи 29 октябри соли 2019 рӯзи ҷаҳонии мубориза бар зидди бемории сактаи майна, рӯзи байналмилалии псориаз (бемории пӯст) ва рӯзи кормандони низоми ҳифзи иҷтимоӣ дар Қазоқистон мебошад

Рӯзи 29 октябр дар ҷаҳон чӣ рух дод

Соли 1898 дар Русия нахустин киштии яхшикан дар ҷаҳон - "Ермак" ба истифода дода шуд.

День 28 октября
© Sputnik / Стас Этвеш / Вишнякова Мария

Соли 1945 дар Ню-Йорк аввалин маротиба ручкаи саққодор ба фурӯш бароварда шуд.

Соли 1947 аввалин маротиба ба хотири ба вуҷуд овардани борон аз яхи хушк истифода бурда шуд.

Соли 1969 аввалин доду гирифт миёни ду компютер дар доираи лоиҳаи ARPANET сурат гирифт, ки ин ҳодисаро дар таърих тавлиди Интернет меноманд.

Пользователь смотрит товары в интернет магазине, архивное фото
Пользователь смотрит товары в интернет магазине, архивное фото

Соли 2016 дзюдочии тоҷик Хушбахт Қурбонмамадов дар мусобиқаи The Big Apple Judo Classic-2016 дар Ню-Йорк медали тилло ба даст овард.

Хушбахт Курбонмахмадов, архивное фото
Хушбахт Курбонмахмадов, архивное фото

Рӯзи 29 октябр дар Тоҷикистон чӣ рух дод

Cоли 2006 пешвои исмоилиёни ҷаҳон Шоҳ Карим ал-Ҳусайнӣ Оқохони IV аз Тоҷикистон боздид кард.

Принц Карим Ага-хан IV, архивное фото
Принц Карим Ага-хан IV, архивное фото

Соли 2012 дар шаҳри Хуҷанд бо ширкати Президент Эмомалӣ Раҳмон ду коргоҳи нави истеҳсолӣ  мавриди баҳрабардорӣ қарор гирифтанд.

День 27 октября
© Sputnik / Стас Этвеш / Вишнякова Мария

Соли 2013 дар шаҳри Кӯлоб 6 корхонаи нави истеҳсолӣ ба кор дароварда шуданд.

Соли 2014 Эмомалӣ Раҳмон ба ифтихори 20 — солагии қабули Конститутсияи Ҷумҳурии Тоҷикистон Қонуни Ҷумҳурии Тоҷикистон "Дар бораи авф"-ро, ки бо пешниҳоди Роҳбари давлат аз тарафи Маҷлиси намояндагон қабул гардида буд, имзо кард.

Соли 2015 дар шаҳри Душанбе масоили ҳамкории дуҷонибаи Тоҷикистону Фаронса баррасӣ шуданд.

Соли 2016 дар шаҳри Роғун бо ширкати Эмомалӣ Раҳмон дар соҳили дарёи Вахш маросими оғози бунёди сарбанди Неругоҳи барқи обии "Роғун" барпо шуд.

Президент Республики Таджикистана Эмомали Рахмон
© Sputnik / Амир Исаев
Президент Республики Таджикистана Эмомали Рахмон

Соли 2019 беш аз 400 маҳбус аз муассисаи ислоҳии 3/5 воқеъ дар шаҳри Хуҷанд ба озодӣ баромаданд.

Пайвандони афвшудагон дар шаҳрии Хуҷанд
акс аз Sputnik Тоҷикистон
Пайвандони афвшудагон дар шаҳрии Хуҷанд

Соли 2019 Sputnik Тоҷикистон хабар дод, ки Ҳукумати Тоҷикистон аз ҷаҳонпаҳлавон Сомон Маҳмадбеков қадрдонӣ кард.

Встреча чемпиона мира Сомона Махмадбекова
© Sputnik / Амир Исаев
Встреча чемпиона мира Сомона Махмадбекова

Соли 2019 Sputnik Тоҷикистон хабар дод, ки бо пешниҳоди раисҷумҳури Тоҷикистон Эмомалӣ Раҳмон, муовини раиси вилояти Хатлон Махфират Хидирова узви Маркази интихот ва раъйпурсии Тоҷикистон интихоб гардид.

Махфират Хидирзода
© Sputnik Махпора Киромова
Махфират Хидирзода

Ҷашнҳои рӯзи 29 октябр

  • Рӯзи ҷаҳонии мубориза бар зидди бемории сактаи майна.
  • Рӯзи байналмилалии псориаз (бемории пӯст).
  • Рӯзи кормандони низоми ҳифзи иҷтимоӣ дар Қазоқистон.

Рӯзи 29 октябр дар Тоҷикистон кӣ ба дунё омадааст

Соли 1929-1993 нависанда Қулмуҳаммад Абдулҳусейнов.

Соли 1950 Алӣ Муҳаммадии Хуросонӣ.

Соли 1958 доктори илмҳои иқтисодӣ Ихтиёр Ашуров.

Соли 1963 сароянда Раъно Абдуллоева.

65
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 октябр дар Тоҷикистон ва ҷаҳон
Ҷашнҳои рӯзи 25 октябр дар Тоҷикистон ва ҷаҳон
Ҷашнҳои рӯзи 26 октябр дар Тоҷикистон ва ҷаҳон
Ҷашнҳои рӯзи 27 октябр дар Тоҷикистон ва ҷаҳон
Ҷашнҳои рӯзи 28 октябр дар Тоҷикистон ва ҷаҳон
(0:00 / .00Mb / просмотров видео: 34)

Маросими савгандёдкунии президенти Тоҷикистон - пахши мустақим

77
(Таҷдидшуда 09:04 30.10.2020)
Имрӯз дар Тоҷикистон маросими ба иҷрои вазифаи Президенти Ҷумҳурии Тоҷикистон шурӯъ намудани Эмомалӣ Раҳмон баргузор мешавад

Маросими савгандёдкунии президент - расман ба иҷрои вазифаи президенти Тоҷикистон шурӯъ намудани Эмомалӣ Раҳмон аст.

Инаугурация Эмомали Рахмона в 2013 году
© Официальная страница пресс-службы президента РТ в Facebook

Он чун анъана дар Қасри миллат ва мисли савгандёдкуниҳои пештар пуршукӯҳ баргузор мешавад.

Ин маросим одатан бо супурдани шаҳодатномаи Президенти Ҷумҳурии Тоҷикистон аз ҷониби Раиси Комиссияи марказии интихобот ва раъйпурсии Тоҷикистон ва Нишони Президенти Ҷумҳурии Тоҷикистон аз ҷониби Раиси Суди Конститутсионии кишвар ба Эмомалӣ Раҳмон оғоз меёбад.

Раисҷумҳур дасти рост ба болои Сарқануни Тоҷикистон гузошта, савганд ёд мекунад.

Ёдрас мешавем, интихоботи раисиҷумҳур дар Тоҷикистон рӯзи якшанбеи 11 октябр тариқи раъйдиҳии пинҳонӣ сурат гирифт. Дар интихоботи президентӣ 5 номзад аз аҳзоби мухталифи кишвар вориди рақобат шуда буданд.

Роҳбандиҳо ҳангоми савганди Раҳмон дар Душанбе: эълони ВКД

Дар интихоботи президентӣ аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд ва боз барои 7 соли дигар президент интихоб гардид.

77